COVID-19-გან გამოწვეული იძულებითი პაუზის შემდეგ, 2022 წელს ტურიზმის სექტორი მთელ მსოფლიოში თანდათანობით აღდგა. ანალიტიკოსებმა დაასახელეს მიმართულებები, რომლებსაც მოგზაურები 2022 წელს ყველაზე ხშირად ირჩევდნენ.

ანალიტიკურმა კომპანია Euromonitor-მა გამოაქვეყნა მსოფლიოს 100 ქალაქის რეიტინგი, რომლებიც ყველაზე პოპულარული იყო ტურისტებში 2022 წელს.

TOP100-ს ზედიზედ მეორე წელია სათავეში საფრანგეთის დედაქალაქი პარიზი უდგას. 2022 წლის რეიტინგში საქართველოს დედაქალაქი 96-ე პოზიციაზეა. 

წელს პირველი პოზიციები ევროპას ერგო - რეიტინგში 40 ევროპული ქალაქი მოხვდა, ხოლო დასავლეთ ევროპაში ლიდერები იტალია (6 ქალაქი), ესპანეთი (5 ქალაქი) და საბერძნეთი (4 ქალაქი) გახდნენ.

TOP-10 მოიცავს 8 ევროპულ ქალაქს. ანალიტიკოსები ამას უპირველეს ყოვლისა ევროპაში მოგზაურობის ხელმისაწვდომობას, COVID-ის შეზღუდვების შემსუბუქებასა და საერთაშორისო მოგზაურობის განახლებას უკავშირებენ.

„მიუხედავად იმისა, რომ 2022 წელი პოზიტიური იყო ტურისტული სექტორისთვის, პანდემიისგან სრული აღდგენის გზა გრძელია და მთავრობის მხარდაჭერა რჩება კრიტიკული ყველა რეგიონში“, - ნათქვამია Euromonitor-ის კვლევაში.

ანალიტიკოსები აღნიშნავენ, რომ მზარდი ინფლაცია, ეკონომიკური პირობების გაუარესება და ომი უკრაინაში, როგორც ფაქტორები, გავლენას მოახდენენ ტურიზმის განახლების სიჩქარეზე.

მსოფლიოს 10 ყველაზე პოპულარული ქალაქი ტურისტებს შორის 2022 წელს

პარიზი;

დუბაი;

ამსტერდამი;

მადრიდი;

რომი;

ლონდონი;

მიუნხენი;

ბერლინი;

ბარსელონა;

Ნიუ იორკი.

რეიტინგის შედგენისას გათვალისწინებული იყო ექვსი კრიტერიუმი: ტურისტული პოლიტიკა, მდგრადი განვითარება, ინფრასტრუქტურა, ჯანდაცვა, უსაფრთხოება და ეკონომიკური მაჩვენებლები.