„ქვეყანაში 10 წლიანი გეგმის შექმნა ზღაპარია“- მორიგი კომისია ეკონომიკის სტიმულირების გეგმისთვის, რა ბედი ეწია მის წინამორბედს?

„ქვეყანაში 10 წლიანი გეგმის შექმნა ზღაპარია“- მორიგი კომისია ეკონომიკის სტიმულირების გეგმისთვის, რა ბედი ეწია მის წინამორბედს?

access_time2021-03-12 11:00:39

ახალი პრემიერ-მინისტრი და ახალი კომისია, რომელმაც ეკონომიკური სტიმულირების გეგმა უნდა შეიმუშავოს. ირაკლი ღარიბაშვილმა გასულ კვირას დააანონსა, რომ მტკიცდება სახელმწიფო კომისია, რომელიც 3 თვის განმავლობაში ეკონომიკურ გეგმაზე იმუშავებს და პირველ დოკუმენტს მაისის ბოლოს წარმოადგენს. კომისიაში მონაწილეობისთვის მოწვეული იქნებიან უცხოელი ექსპერტებიც და კერძო სექტორთან და კომიტეტებთან ერთად ჩაერთვებიან პროცესში.


იგივე დანიშნულებით, გასული წლის ივლისში ირაკლი ღარიბაშვილის წინამორბედმა გიორგი გახარიამ  ეკონომიკური აღდგენის გეგმაზე ადგილობრივ ექსპერტებთან,  კემბრიჯის და ლონდონის უნივერსიტეტის პროფესორებთან, ასევე დიდი ოთხეულის წევრი Deloitt-ის კონსულტანტებთან ერთად შექმნა კომისია. ეს კონსულტანტები ორ დამოუკიდებელ ჯგუფად მუშაობდნენ, ხოლო მათი მომსახურების საფასურს კი USAID და UNDP იხდიდა. „კომერსანტი“ გასულ წელს შექმნილი, ზემოთხსენებული კომისიის მუშაობის შედეგებითა და კონკრეტული ნაბიჯებით დაინტერესდა, რაც მათმა კონსულტირებამ გამოიღო ქართული ეკონომიკური კრიზისის მენეჯმენტის საქმეში. ამისთვის ეკონომიკის სამინისტროს მივმართეთ, თუმცა ამ დრომდე პასუხი არ მიგვიღია.

 

„არაფერი მიგვიღია იმ გასული წლის სამუშაო ჯგუფისგან, ეს ძალიან კარგად მახსოვს. მოწვეული გვყავდა სამხრეთ კორეელი სოციალისტი ეკონომისტი და ვაჭრობის შეზღუდვებს გვირჩევდა, მადლობა ღმერთს ამ მხრივ არანაირი პროგრესი არ ყოფილა. ასეთი ფაქტები ხშირია, რაღაც შეხვედრა გაკეთდება, მაგრამ უკვე მერამდენე წელია რეალურად ნაბიჯებს ვერ ვხედავთ. გძელვადიან ეკონომიკურ გეგმაზე სანამ ვისაუბრებთ ჯერ მოკლევადიანს უნდა მივხედოთ.  მოკლევადიან პერიოდში სერიოზული გამოწვევების წინაშე ვდგავართ. ეკონომიკის გრძელვადიან სტიმულირებაზე რომ ვსაუბრობთ, რა შეიძლება იყოს ამ თემაზე საფიქრალი, როდესაც გვითხრეს, რომ მაგალითად სახელმწიფო უნდა იყოს ეკონომიკის წინ წაწევის მთავარი ძალა . რაც იმას გულისხმობს, რომ უნდა გაკეთდეს სახელმწიფო საწარმოები, გამკაცრდეს რეგულაციები, მეტი ხარჯოს მთავრობამ  - ეს ცალსახად არასწორია.  აქედან გამომდინარე გრძელვადიან გეგმაზე თუ არის საუბარი, ეგ მოვისმინეთ უკვე წინა შემთხვევაშიც.


ნებისმიერი პროფესორი შეგიძლია ნებისმიერი უნივერსიტეტიდან ჩამოიყვანო, დაესწროს შეხვედრას, ეს არ ნიშნავს, რომ ის სამუშაო ჯგუფშია ჩართული და რაღაცას აკეთებს..ეს არის უბრალოდ ფორმალობისა და პიარის მატარებელი, ვიდრე საქმის კეთების. კონკრეტული არაფერი გვინახავს რამდენი ხანია და ახლაც კონკრეტულს ვერაფერს ვნახავთ. ეკონომიკური ხედვა არ შეესაბამება იმას რომ კონკრეტული გამოსავლები ვიპოვოთ. ეკონომიკური ხედვა თუ „მეტი მთავრობაა“ კონკრეტულ გეგმას ვერ დადებენ.


10 წლიანი გეგმის შექმნა ზღაპარია ქვეყანაში, როდესაც 1 წლის შემდეგ ეკონომიკური ზრდის შეფასება ვერ დაუსვამთ, ვერც  ერთხელ ვერ „გაარტყეს“.- რომელ 10 წელზეა საუბარი,“ - განმარტავს ეკონომისტი ზვიად ხორგუაშვილი.

 

წინა ეკონომიკური ჯგუფის საქმიანობის პროექტში ჩართულია საერთაშორისო ექსპერტების გუნდი:


ლუის პანიაგა - პროექტის მენეჯერი

ვორენ ქოუთსი - მონეტარული ეკონომისტი

სტივენ სიმანსკი - ფისკალური ეკონომისტი

ჯესიკა მაინო - ეკონომიკური მმართველობის მრჩეველი

სტივ ლევარნი - ეკონომიკური მმართველობის მრჩეველი

რონ მაკმორანი - ფისკალური ღონისძიებების მრჩეველი,- ნათქვამია ეკონომიკის სამინისტროს მიერ ლევან კობერიძისთვის გაგზავნილ წერილში.

UNDP-ის მიერ დაქირავებული ექსპერტები:

 

ჰა ჯუნ ჩანგი (장하준) სამხრეთ კორეელი ეკონომისტი, რომელიც განვითარების ეკონომიკის დარგის ერთ-ერთი ცნობილი მკვლევარია. ის კემბრიჯის უნივერსიტეტის განვითარების ეკონომიკის მიმართულების კურსის ხელმძღვანელი.

 

ჯონათან დი ჯონი განვითარების ეკონომიკის დარგში ლონდონის ეკონომიკის სკოლის პროფესორია. ბიოგრაფიის მიხედვით, ის ძირითადად სამხრეთ ამერიკის შესახებ ფოკუსირდება. მათ შორის, ვენესუელას, ბრაზილიის, კოლუმბიის და სხვა ქვეყნების შესახებ.

 

ჯონათან ჯი ჯონი გაეროს განვითარების ორგანიზაციის (UNDP), ასევე მსოფლიო ბანკის, ეკონომიკური თანამშრომლობისა და განვითარების ორგანიზაციის (OECD) და საერთაშორისო სავალუტო ფონდის (IMF) მოწვეული ექსპერტი.

 

კრისტოფერ კრამერი ლონდონის ეკონომიკის სკოლის პროფესორი.





დღის TOP10 საინტერესო ამბავი

დღის TOP10 საინტერესო ამბავი
access_time2022-01-24 21:00:04
დღის TOP10 საინტერესო ამბავი:     1. ბენზინი დაახლოებით 5 თეთრით გაძვირდება საქართველოს ნავთობპროდუქტების ბაზარზე საწვავის გაძვირებას ელიან. დაახლოებით 10 დღეში ფასები დაკორექტირდება და ბენზინი  დაახლოებით 5 თეთრით გაძვირდება.     2....

The Economist: მთავრობები ბიზნესის დამორჩილებას ცდილობენ

The Economist: მთავრობები ბიზნესის დამორჩილებას ცდილობენ
access_time2022-01-24 20:00:57
სახელმწიფოსა და ბიზნესს შორის ურთიერთობები იცვლება. 1945 წლის შემდეგ ბევრი ქვეყანა დაქსაქსული საზოგადოების გაერთიანებას სახელმწიფოს კუთვნილი ან მის მიერ მართული კომპანიების მეშვეობით ცდილობდა.  1980-ანი წლებისთვის მთავრობებმა უკან დაიხიეს და არბიტრის როლი მოირგეს, ხოლო მსოფლიო ბაზარზე ერთმანეთს კერძო კომპანიები ეჯიბრებოდნენ.   დღეს ჩვენ საწინააღმდეგო პროცესს ვხედავთ - სახელმწიფო კერძო ბიზნესის საქმეებში სულ უფრო აქტიურად ერევა, პირველ...

24 იანვარი - ლარის კურსი დოლართან, ევროსთან და რუბლთან მიმართებით გამყარდა

24 იანვარი - ლარის კურსი დოლართან, ევროსთან და რუბლთან მიმართებით გამყარდა
access_time2022-01-24 18:00:29
24 იანვრის ვაჭრობის შედეგად ლარი აშშ დოლართან მიმართებაში 0.31 თეთრით 3.0763- მდე გამყარდა. Bloomberg-ის პლატფორმაზე დღის ბოლოს კურსმა 3.0712 შეადგინა. საერთაშორისო ვალუტებიდან ლარი ევროსთან 1 თეთრით 3.4808-მდე, ბრიტანულ ფუნტთან 2.76 თეთრით 4.1515-მდე, 100 რუსულ რუბლთან 11.10 თეთრით 3.9149-მდე, თურქულ ლირასთან 0.10 თეთრით 0.2287-მდე გამყარდა. 1000 სომხურ დრამთან კი 0.22 თეთრით 6.3916-მდე, აზერბაიჯანულ მანათთან 0.33 თეთრით 1.8134-მდე...

ვირტუალური დავოსი 2022 წელს ინფლაციის შენელებას პროგნოზირებს

ვირტუალური დავოსი 2022 წელს ინფლაციის შენელებას პროგნოზირებს
access_time2022-01-24 19:00:35
ამ დღეებში ონლაინ-რეჟიმში ჩატარდა ტრადიციული დავოსის მსოფლიო ეკონომიკური ფორუმი, რომლის მთავარი თემები ინფლაცია და ფასების ზრდა იყო.   დისკუსია ფორუმზე საკმაოდ წარმომადგენლობითი აღმოჩნდა - მასში, სხვებთან ერთად, მონაწილეობა საერთაშორისო სავალუტო ფონდის დირექტორმა კრისტალინა გეოგრიევამ, ევროპის ცენტრალური ბანკის პრეზიდენტმა კრისტინ ლაგარდმა და აშშ-ის ფინანსთა მინისტრმა...

2022 წელს ეკონომიკა 5.5%-ზე მეტად გაიზრდება - „თიბისი კაპიტალი“

2022 წელს ეკონომიკა 5.5%-ზე მეტად გაიზრდება - „თიბისი კაპიტალი“
access_time2022-01-24 17:00:17
2022 წელს საქართველოში სავარაუდოდ 5.5%-ზე მაღალი ეკონომიკური ზრდა იქნება, ამის შესახებ თიბისი კაპიტალის მთავარი ეკონომისტის ყოველკვირეულ განახლებაშია აღნიშნული.  "საქართველოში, ინფიცირებისა და სიკვდილიანობის მაჩვენებლები კვლავ პრობლემურია, თუმცა, იანვრის წინასწარი მაჩვენებლების მიხედვით, ტურიზმის აღდგენის დინამიკა მნიშვნელოვნად დაჩქარდა. ეს გვაძლევს საშუალებას ვივარაუდოთ, რომ 2022 წელს, ძირითადად უკვე სწორედ ტურიზმის აღდგენაზე დამოკიდებული ეკონომიკის ზრდა ჩვენს...


მსგავსი სიახლეები

up