კორონავირუსის წინააღმდეგ ვაქცინების, პრეპარატების, ტესტების და დაცვის ინდივიდუალური საშუალებების მწარმოებელი კომპანიების აქციების ზრდამ 1 ახალი მილიარდერი გააჩინა და 9-ს ქონება გაუზარდა.11 მარტს ჯანდაცვის საერთაშორისო ორგანიზაციის მიერ COVID-19-ის პანდემიის გამოცხადების შემდეგ, მსოფლიო საფონდო ბაზარზე საყოველთაო ვარდნა დაფიქსირდა, ხოლო Dow Jones-ის ინდექსი 1987 წლის მინიმუმამდე ჩამოიშალა.
ამ დროისთვის ბაზრები ნაწილობრივ გამოცოცხლდა, თუმცა, ამ საყოველთაო ვარდნის პირობებშიც კი, რამდენიმე კომპანიის აქციები არათუ არ გაიაფდა, არამედ გაძვირდა.საუბარია სამედიცინო კომპანიებზე, რომლებიც ვაქცინებს, წამლებს და ტესტირების მოწყობილობებს ამუშავებენ და აწარმოებენ.ბოლო 7 კვირის განმავლობაში, ამ ძალიან საპასუხისმგებლო საქმით დაკავებული კომპანიების აქციები საგრძნობლად გაძვირდა. ამის წყალობით მილიარდერთა კლუბს 1 ადამიანი შეემატა, ხოლო 9 კომპანიის მფლობელებმა კაპიტალი გაზარდა.
ყველაზე მომგებიან მდგომარეობაში შტატ მასაჩუსეთსის ქალაქ კემბრიჯში მდებარე კომპანია Moderna-ს დამფუძნებელი და დირექტორი სტეფან ბასელი აღმოჩნდა.ადამიანებზე ვაქცინის გამოცდა პირველმა სწორედ ამ კომპანიამ დაიწყო.პანდემიის გამოცხადებამდე ბანსელის ქონება 720 მლნ. დოლარს შეადგენდა, ხოლო დღეისთვის 103% გაიზარდა და 1,5 მლრდ.-ს მიაღწია.ბანსელი შტატებში მომუშავე საფრანგეთის მოქალაქე, მილიარდერთა კლუბს 2 აპრილს, ცდების მეორე ფაზის დაწყების შემდეგ შეუერთდა.პროცენტულად ყველაზე მეტი სწორედ მან გამოიმუშავა - საბოლოო ჯამში, 7 კვირის მანძილზე მისი ქონება 109%-ით გაიზარდა.
მეორე ადგილზეა იტალიური ბიოტექნოლოგიური კომპანია DiaSorin-ის აქციათა 45%-ის მფლობელი გუსტავო დენეგრი - მისი ქონება 32%-ით, 1,1 მლრდ. დოლარამდე გაიზარდა.თანხობრივად ყველაზე მეტი ფრანგმა მილიარდერმა ალენ მერიემ და სამხრეთ კორეელმა სო ჩინ ჩინმა გამოიმუშავეს. პირველი არის დიაგნოსტიკური ტესტების მწარმოებელი კომპანია .BioMérieux -ის დამფუძნებელი. კორონაკრიზისის პერიოდში ის 1, 5 მლრდ. დოლარით გამდიდრდა.მეორე კი კორეული ბიო-ფარმაცევტული კომპანია Celltrion-ის მფლობელი - მისი ქონებაც 1,5 მლრდ. დოლარით გაიზარდა.
სადღეისოდ სწორედ ფრანგული BioMérieux და იტალიური DiaSorin კორონავირუსის ტესტირების ბაზრის უმსხვილესი მოთამაშეები არიან.
კორონაკრისიზისის წყალობით ქონება გაზარდეს ასევე ორმა ამერიკელმა ლეონარდ შლეიფერმა და ჯორჯ იანკოპულოსმა.ისინი ნიუ-იორკის შტატის ქალაქ ტარიტაუნში მდებარე კომპანია Regeneron-ს მფლობელები არიან..მთლიანობაში კორონავირუსთან მებრძოლი კომპანიების მფლობელების ქონება 7 მლრდ. დოლარით გაიზრდა.
წყარო: forbes.ru
მოამზადა თენგიზ აბლოთამ
კორონავირუსი
