10 ბანკი, სადაც საპენსიო სააგენტომ დასაქმებულთა შენატანები განათავსა

10 ბანკი, სადაც საპენსიო სააგენტომ დასაქმებულთა შენატანები განათავსა

access_time2019-02-16 22:10:06

საპენსიო შენატანებზე არსებული თანხა მიმდინარე ნომინალურ პროცენტიან ანგარიშებზე 10 კომერციულ ბანკშია განთავსებული. საპენსიო სააგენტოს ინფორმაციით, ეს ბანკებია:


საქართველოს ბანკი


თიბისი ბანკი


ხალიკ ბანკი საქართველო


ლიბერთი ბანკი


ვითიბი ბანკი


ბაზისბანკი


სილქ როუდ ბანკი


პაშა ბანკი



ქართუ ბანკი


ტერა ბანკი


რა პრინციპით ნაწილდება კომერციულ ბანკებში საპენსიო დანაზოგები, ეს კითხვა ნეტგაზეთმა სააგენტოს დირექტორს, ლევან სურგულაძეს დაუსვა.


“განაწილების პრინციპი ძალიან მარტივია. თანხა იმ ბანკში ჩვენ მიერ გახსნილ ანგარიშზე შევა, სადაც კომპანიის/საჯარო უწყებების თანამშრომლებს ხელფასი ერიცხებათ. ეს თანხა რჩება ნომინალური მფლობელობის ანგარიშზე, რომელსაც საპროცენტო სარგებელი ერიცხება. ეს დეპოზიტი არ არის, ის ჩვეულებრივი მიმდინარე ანგარიშია, რომელსაც საპროცენტო სარგებელი ერიცხება. ჩვენ ყველა ბანკში გავხსენით ანგარიში და კომპანიები, რომელ ბანკშიც სახელფასო ანგარიში ჰქონდათ გახსნილი, იქ გვირიცხავენ საპენსიო შენატანს,”-აცხადებს სურგულაძე.


მიმდინარე ანგარიში იხსნება უვადოდ და გამოიყენება სხვადასხვა საბანკო ოპერაციების საწარმოებლად, როგორიცაა თანხის შეტანა, გატანა, გადარიცხვა, ჩარიცხვა და კონვერტაცია. როგორც წესი, მიმდინარე ანგარიშებზე არ ხდება ბანკის მიერ პროცენტის დარიცხვა. კითხვაზე, როგორ ერიცხება საპენსიო შენატანებს საპროცენტო სარგებელი, სურგულაძე პასუხობს, რომ ეს ბანკებთან მოლაპარაკებების გზით მოხდა.


სააგენტოში ნეტგაზეთს უთხრეს, რომ ამ დროისთვის საპენსიო შენატანების ოდენობა დაახლოებით 50 მლნ ლარს შეადგენს. რაც შეხება სახელმწიფოს მიერ დარიცხულ 2%-ს, ის ისევ ხაზინაშია, შესაბამისად, მას საპროცენტო სარგებელი არ ერიცხება. სააგენტოს ცნობით, ამ თანხის მიმდინარე ანგარიშზე გადატანისთვის ეროვნული ბანკისგან თანხმობა სჭირდებათ, რათა კომერციულ ბანკებში ამ ფულის გადატანა ინვესტიციად არ ჩაითვალოს. სააგენტომ ამ საკითხზე სებ-ს უკვე მიმართა.


“ეროვნულ ბანკთან ერთად, ვიპოვეთ გამოსავალი, რომ ამ თანხას საპროცენტო სარგებელი დაერიცხოს და უახლოეს დროში ეს პრობლემა გადაწყდება. ამჟამად მოლაპარაკების სტადიაში ვართ და ამ საკითხზე საუბარი წინასწარ არ მინდა”, – ამბობს სურგულაძე.


შეგახსენებთ, რომ საინვესტიციო საბჭო, რომელმაც უნდა განსაზღვროს, თუ სად და როგორ დაბანდდება შენატანები, ჯერ ჩამოყალიბებული არ არის.


ნეტგაზეთი






კომპანიები, რომლებმაც Huawei-სთან თანამშრომლობა შეწყვიტეს

კომპანიები, რომლებმაც Huawei-სთან თანამშრომლობა შეწყვიტეს
access_time2019-05-25 20:00:07
გასულ კვირას აშშ-ს პრეზიდენტმა დონალდ ტრამპმა ქვეყანაში საგანგებო მდგომარეობა შემოიღო , რომლის ფარგლებშიც ამერიკულ კომპანიებს შტატების უსაფრთხოებისთვის რისკის შემცველი სატელეკომუნიკაციო...

„სადაზღვევო სექტორში ჯანსაღი კონკურენცია კანონმდებლობით უნდა რეგულირდებოდეს“

„სადაზღვევო სექტორში ჯანსაღი კონკურენცია კანონმდებლობით უნდა რეგულირდებოდეს“
access_time2019-05-25 18:00:50
„პსპ დაზღვევის“ გენერალური დირექტორი სოფიო ლებანიძე, რადიო კომერსანტის გადაცემაში თოქ–შოუ „კომერსანტი LIVE“ დაზღვევის მიმართულებით საკანონმდებლო რეგულაციების არსებობის საჭიროებაზე საუბრობს. „ბოლო მონაცემებით საქართველოში 17 სადაზღვევო კომპანიაა,რომლებსაც განსხვავებული  გამოცდილება გააჩნიათ, არსებობენ ისეთი კომპანიები,რომლებიც ბანკთან არიან აფილირებულები. ბანკი,როგორც ფინანსური ინსტიტუცია დღეს ბევრ პროფილურ და არაპროფილურ ბიზნესშია წარმოდგენილი. დაზღვევასა და ბანკს შორის...

თენგიზ აბლოთიას პერსონალური ბლოგი - შემაშფოთებელი ამბები მოდის „სატრანზიტო ფრონტის ხაზიდან“

თენგიზ აბლოთიას პერსონალური ბლოგი - შემაშფოთებელი ამბები მოდის „სატრანზიტო ფრონტის ხაზიდან“
access_time2019-05-24 18:30:20
შემაშფოთებელი ამბები მოდის „სატრანზიტო ფრონტის ხაზიდან“. იქ, სადაც აქამდე გვეგონა, რომ ყველაფერი წესრიგშია, აღმოჩნდა, რომ თურმე ეს წესრიგიც და გარეგნული სიმშვიდეც მოჩვენებითია. საქართველოსთვის ახალი სახელმწიფოებრივი ფუნქციის - ევროპას და აზიას შორის ხიდის როლის  შეძენას - წინააღმდეგობები შეხვდა იქ, სადაც ყველაზე ნაკლებად იყო მოსალოდნელი. პირველი პრობლემაა - ანაკლიას პორტი. ცუდია ჩვენს დროში პესიმიზმი - ნახევრად სავსე ჭიქა ყოველთვის...

BBC - როგორ იმუშავებს და რა რისკებს შეიცავს Facebook-ის ახალი კრიპტოვალუტა

 BBC - როგორ იმუშავებს და რა რისკებს შეიცავს Facebook-ის ახალი კრიპტოვალუტა
access_time2019-05-24 19:30:19
სოციალური ქსელების გიგანტს წლის ბოლოს საკუთარი კრიპტოვალუტის ტესტირება სურს, რომელსაც კომპანიაში „გლობალკოინს“ უწოდებენ. Facebook-ი საკუთარი კრიპტოვალუტის - “გლობალკოინის” გამოცემას 2020 წლიდან გეგმავს. ამ წლის პირველ კვარტალში ათობით ქვეყანაში  ციფრული გადახდის სისტემის დანერგვა იგეგმება.  Facebook-ი ზაფხულის პერიოდში გეგმის დეტალურ მონახაზს დაასრულებს.  ამასთან დაკავშირებით უკვე შედგა საუბარი ინგლისის ბანკის მმართველთან, ...

არა მხოლოდ ბრექსიტი: რითი დაიმახსოვრა მსოფლიომ ტერეზა მეი?

არა მხოლოდ ბრექსიტი: რითი დაიმახსოვრა მსოფლიომ ტერეზა მეი?
access_time2019-05-24 20:00:48
ბრიტანეთის პრემიერ-მინისტრმა ტერეზა მეიმ განაცხადა, რომ 7 ივნისს ის დატოვებს თავის პოსტს. რით დაამახსოვრა თავი მსოფლიოს ბრიტანეთის ისტორიაში მე-2 ქალმა პრემიერ- მინისტრმა? პირველ რიგში, რა თქმა უნდა, ევროკავშირიდან ბრიტანეთის გასვლასთან დაკავშირებული დრამატული მოვლენებით, თუმცა მის კარიერაში კიდევ ბევრი რამ იყო საინტერესო. 90-ნი წლების დასაწყისში ის იყო ლონდონის ერთ-ერთი რაიონის საბჭოს დეპუტატი, დიდ პოლიტიკაში...


მსგავსი სიახლეები

up