ობიექტი ვინოტელი, სადაც რუსი პროპაგანდისტი ჟურნალისტი, ვლადიმერ პოზნერი ქეიფობდა 10 ათასი ლარით დაჯარიმდა. დაჯარიმდებიან ის პირებიც, რომლებიც ე.წ. კომენდანტის საათის დროს ერთი სასტუმროდან მეორეში გადაადგილდებოდნენ.

[დაარღვიეს] საქარველოს მთავრობის დადგენილება, შესაბამისად, მოხდა მათი იდენტიფიცირება და ჯარიმდებიან და დაჯარიმდა ნაწილი. ყველა ჯარიმდება-თქო აგიხსენი, განგიმარტე ხო, პროცედურას დრო სჭირდება, ხო, რაღაცის დაჯარიმებას. დრო სჭირდება ადამიანის დაჯარიმებას. 2 000-ლარიანი ჯარიმა გამოეწერება ყველა იმ პირს, ვინც დაარღვია მთავრობის დადგენილება. რაც შეეხება ობიექტს, ობიექტი დაჯარიმდა 10 000 ლარით, — განაცხადა ვაჟა სირაძემ.

„როგორც კი შრომის ინსპექციისთვის გახდა აღნიშნული ფაქტის შესახებ ინფორმაცია ცნობილი, მოვახდინეთ შესაბამისი რეაგირება. შრომის ინსპექციამ გამოავლინა 322-ე დადგენილებით აკრძალული საქმიანობის განხორციელება. გამოიკვეთა სამართალდამრღვევი იურიდიული პირი და გამოყენებულია შესაბამისი სანქცია 10 000 ლარის ოდენობით. როგორც აღვნიშნე დაჯარიმდა იურიდიული პირი. ასევე მივეცით მკაცრი გაფრთხილება მოხდეს აღნიშნული ღონისძიების დაშლა და არ გაგრძელდეს. შესაბამისად, შესაბამისი ღონისძიების გაგრძელებისას იქნება შესაბამისი სანქცია გამოყენებული.", - განაცხადა შრომის ინსპექციის წარმომადგენელმა.

ვლადიმერ პოზნერმა და მისმა თანმხლებმა პირებმა სასტუმრო პროტესტის ფონზე პოლიციის კორდონით დატოვეს. ისინი ავტობუსში Putin Khuilo-ს შეძახილებისა და საქართველოს ჰიმნის ფონზე ავიდნენ და კომენდანტის სათის დროს გავიდნენ ტერიტორიიდან, უცნობია სად.

რუსი პროპაგანდისტი, ვლადიმირ პოზნერი თბილისში დღეს, 31 მარტს ჩამოვიდა.

მასთან ერთად მოსკოვიდან თბილისში აირზენას ჩარტერული რეისით შოუ ბიზნესისა და მედიის წარმომადგენლები ჩამოვიდნენ, სულ 50 ადამიანი.

ვლადიმირ პოზნერს დღეს პირველ აპრილს დაბადების დღე აქვს.

მას ეკუთვნის გამონათქვამი: აფხაზეთი არასდროს იქნება საქართველოს ნაწილი.