1 თვეში საარსებო მინიმუმი შემცირდა -  რეალური სურათი თუ სტატისტიკის სამსახურის შელამაზებული რეალობა

1 თვეში საარსებო მინიმუმი შემცირდა - რეალური სურათი თუ სტატისტიკის სამსახურის შელამაზებული რეალობა

access_time2018-10-18 10:00:00

დღეისთვის საარსებო მინიმუმი რჩება მთავარ, საკვანძო მაჩვენებლად ქვეყანაში მოსახლეობის ცხოვრების დონის დახასიათებისას, სიღარიბის კრიტერიუმების განსაზღვრისას, რაც სახელმწიფოს სოციალური პროგრამების შემუშავებასა და ზოგადად, სოციალური პოლიტიკის განხორციელებაში უდიდეს როლს თამაშობს.



სტატისტიკის სამსახურის მონაცემებით, აგვისტოსთან შედარებით, მაჩვენებელი 1 ლარითა და 20 თეთრით შემცირდა.შედეგად, შრომისუნარიანი ასაკის მამაკაცის საარსებო მინიმუმმა, მიმდინარე წლის სექტემბერში, 170 ლარი და 20 თეთრი შეადგინა.საქსტატში აცხადებენ, რომ დღეს საარსებო მინიმუმი 2017 წლის სექტემბრის შემდეგ ყველაზე დაბალ მაჩვენებელზეა.



საქსტატის ინფორმაციით, საშუალო ოჯახის საარსებო მინიმუმი 285.4 ლარია, ერთსულიანიოჯახის – 150.7 ლარი, ორსულიანი ოჯახის – 241.1 ლარი, სამსულიანის – 271.3 ლარი.



იმ პირობებში, როდესაც ქვეყანაში ყოველდღიურად უფასურდება ლარი, იზრდება ფასები თითქმის ყველა დასახელების პროდუქციაზე, საწვავზე, მედიკამენტებზე, როგორ და რაზე დაყრდნობით შემცირდა საარსებო მინიმუმი?


სტატისტიკოსი სოსო არჩვაძე განმარტავს, რომ სტატისტიკის სამსახური აკვირდება დაახლოებით 99 დასახელების საქონელს, საიდანაც 55 დასახელების პროდუქციაზე ფასები გაძვირდა, 7-ზე უცვლელი დარჩა და 37-ზე შემცირდა. მაგალითად, აგვისტოში შემცირდა რძის პროდუქტების ( არაჟანი, ხაჭო, რძე), ქათმის ხორცის, ღორის ხორცის, წიწიბურას, ხახვის, კარტოფილის, ნიორის, ქლიავის, ყურძნის, პომიდვრის, კიტრის ფასები. გაძვირდა -ფორთოხალი, ატამი, კივი, წიწაკა,სულგუნი, მარილი, მსხალი.



როგორც არჩვაძე განმარტავს, ვადებს სტატისტიკა იცავს, მაგრამ საინტერესოა რამდენად ადექვატურია ის წონები, რომლითაც სტატისტიკა აპელირებს. ასევე , ხომ არ არის საჭირო მეთოდოლოგიის გადასინჯვა, რადგან, სხვა წონების შემთხვევაში აბსოლუტურად განსხვავებული სურათი და მაჩვენებელი დაიდებოდა.




„სტატისტიკის ეროვნული სამსახური აცხადებს ინფორმაციას იმის შესახებ, თუ მისი ხელმძღვანელი სად იყო მივლინებით და რა ღონისძიებებში მიიღო მონაწილეობა. მაგრამ რამდენიმე წელიწადია არ აქვეყნებს ინფორმაციას როგორი წონები აქვს პროდუქტებს და როგრ იცვლება წლების მიხედვით. პირობითად, ხორცის წონა თუ არის სამომხმარებლო კალათაში 4 პროცენტი, ეს ასე უნდა იყოს თუ უნდა გაიზარდოს. მათ ზემოთ მაკონტროლებელი არავინ აღარ არის და ვფიქრობ, რომ ეს სისტემა თუ გადაიხედება, მაშინ სტატისტიკის მიერ გაანგარიშებული ციფრები ადექვატური იქნება,“-აცხადებს არჩვაძე.



„ახალგაზრდა ფინანსისტთა და ბიზნესმენთა ასოციაციის“  ვიცე-პრეზიდენტი პაატა ბაირახტარი აცხადებს, რომ „საქსტატში“ მეთოდოლოგიებთან საკმაოდ სერიოზული პრობლემაა. საუბარა, როგორც საარსებო მინიმუმის დათვალაზე, ისე ინფლაციაზე.



„ახლა რომ გამოვდივართ და გვიხარია, რომ ინფლაცია მიზნობრივზე დაბალია, ყველაფერი რიგზეა, რეალურად შიდა კვლევები რომ გავაკეთოთ, რეალურად სხვა სურათს მივიღებთ. საწვავის ფასი ისტორიულ მაქსიმუმზეა, ეს ხომ გავლენას ახდენს პროდუქტის ფასზე? როდესაც რიგითი მომხმარებლები მაღაზიაში შევდივართ, ეს ხომ ჩანს? ჩვენ თუ ამ მეთოდოლოგიას გადავხედავთ და ისეთ აბსურდულ ნივთებს ამოვიღებთ, როგორიცაა მაგალითად, გიტარა და ასე შემდეგ, საერთოდ სხვა სურათს მივიღებთ. შემდეგ აღმოჩნდება, რომ ინფლაცია იმაზე გაცილებით მაღალია, ვიდრე ციფრებში გვაქვს.ანალოგიური სურათია საარსებო მინიმუმის დათვლასთან დაკავშირებით,“-აღნიშნავს ბაირახტარი.



მისი განცხადებით, ასეთი შელამაზებული მეთოდოლოგიები რეალურ სურათს არ იძლევა. ბაირახტარის ინფორმაციით, ეს არის ძირითადი მიზეზი იმისა, თუ რატომ „შემცირდა“ საარსებო მინიმუმი.



როგორც ბაირახტარი განამრტავს, გასაგებია, რომ საარსებო მინიმუმის დათვლის მეთოდოლოგიაში არ შედის საწვავის ფასი, მაგრამ ტრანსპორტი და გადაადგილება შედის და ეს გადაადგილება მზის ენერგიის ხარჯზე ნამდვილად არ ხდება.



„არის გარკვეული ჯგუფები, სადაც ფასები შემცირებულია, მაგალითად, ასეთია ფეხსაცმელები. ამ მონაცემს თუ ჩავხედავთ, დავინახავთ, რომ მუდმივად ფასების შემცირება ფიქსირდება. რეალურად სხვა მოცემულობაა და ეს სულ სხვა საკითხია. თუ ავიღებთ გარკვეული დასახელების პროუქტებს, რომელიც სამომხმარებლო კალათაში შედის, აღმოვაჩენთ, რომ ზოგიერთი დასახელების პროდუქტზე ფასები მართლაც შემცირებულია, მაგრამ ეს არ გვაძლევს რეალური სამომხმარებლო კალათის სურათს, რაც ადამიანს რეალიურად სჭირდება. დამეთანხმებით, რომ გიტარა ადამიანს ყოველ დღე არ სჭირდება. ასეთ რეალობას თუ შევხედავთ და გავითვალისწინებთ, რომ ჩვენი ეკონომიკა სეზონურია და იმპორტზეა დამოკიდებული, ვნახავთ, რომ ეს სურათი რეალობის ამსახველი ნამდვილად არ არის,“-აცხადებს ბაირახტარი.


ავტორი: სოფო ქსოვრელი 





წინანდლის სახლ-მუზეუმში საგამოფენო სეზონი გაიხსნა

წინანდლის სახლ-მუზეუმში საგამოფენო სეზონი გაიხსნა
access_time2021-05-11 10:54:33
ალექსანდრე ჭავჭავაძის წინანდლის სახლ-მუზეუმში მორიგი საგაზაფხულო სეზონი გაიხნა. „მეხსიერების ფრაგმენტები“ სერგო ფარაჯანოვის და გოგი ალექსი-მესხიშვილის ნამუშევრების ერთობლივი გამოფენის სახელწოდებაა, რომელიც ამ ორი ხელოვანის შემოქმედებას განსაკუთრებული რაკურსით წარმოაჩენს.     კერძო კოლექციებიდან შეგროვებული ნამუშევრების უმეტესობას დამთვალიერებელი წინანდლის მუზეუმის საექსპოზიციო სივრცეში პირველად იხილავს. მათი შემოქმედებისთვის ვიზუალური თხრობაა დამახასიათებელი და...

„თიბისის“ და „საქართველოს ბანკის“ „ტოქსიკური“ სესხების ოდენობა სხვებთან შედარებით რადიკალურად შემცირდა - რა გამოიწვია „ამორეზერვებამ“?

„თიბისის“ და „საქართველოს ბანკის“ „ტოქსიკური“ სესხების ოდენობა სხვებთან შედარებით რადიკალურად შემცირდა - რა გამოიწვია „ამორეზერვებამ“?
access_time2021-05-11 10:00:53
კომერციული ბანკების ფინანსური ანგარიშგებების 2021 წლის I კვარტლის მონაცემების მიხედვით, Top 5 კომერციული ბანკის „ტოქსიკური“ სესხების ოდენობა მნიშვნელოვნად შემცირდა. საბანკო ასოციაციის პრეზიდენტი ალექსანდრე ძნელაძე „კომერსანტთან“ ამბობს, რომ პანდემიის გამო საბანკო სესხების ნაწილი „ამორეზერვდა“, რამაც რადიკალურად შეამცირა სესხების შესაძლო დანაკარგების რეზერვის მაჩვენებელი. „ბანკებმა მსესხებლებს 2 ეტაპად გადაუვადეს სესხები, რომელთა ნაწილი...

„რითეილ ბაზრის მოთამაშეები არათანაბარ პირობებში არიან და მათ თანაბარი შესაძლებლობები არ ეძლევათ“ – „ფრესკო“

„რითეილ ბაზრის მოთამაშეები არათანაბარ პირობებში არიან და მათ თანაბარი შესაძლებლობები არ ეძლევათ“ – „ფრესკო“
access_time2021-05-11 11:00:25
ხელისუფლების მხრიდან რითეილ ბიზნესების არათანაბარ პირობებში ჩაყენებაზე არაერთი ამ ბაზრის მოთამაშე საუბრობს. ძირითად შემთხვევაში პრობლემა ჰიპერმარკეტების ქსელ „კარფურს“ უკავშირდება და მის მიმართ ხელისუფლების მხრიდან პრივილეგიების მინიჭებას. არსებულ არაკონკურენტულ გარემოზე „ფრესკოშიც“ საუბრობენ და აღნიშნავენ, რომ რითეილ სექტორისთვის ასევე პრობლემაა გამჭვირვალობის ნაკლებობა და ერთიანი სტანდარტის არ არსებობა. „კომერსანტთან“ ფრესკოს გენერალურმა დირექტორმა სოფიო...

10 მაისი - რეგიონში ყველა ვალუტა გამყარდა

10 მაისი - რეგიონში ყველა ვალუტა გამყარდა
access_time2021-05-10 18:00:34
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 10 მაისის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 10 მაისის ვაჭრობის შედეგად (რომლის ოფიციალური კურსი 11 მაისისაა) ეროვნული ვალუტა აშშ დოლართან...

დღის Top 10 საინტერესო ამბავი

დღის Top 10 საინტერესო ამბავი
access_time2021-05-10 21:00:50
საერთაშორისო ორგანიზაციების მიერ შავ სიში შეყვანილ კომპანიას საქართველოს მთავრობამ 805 843 391 ღირებულების 7 კონტრაქტი გაუფორმა ერთ-ერთი ასეთი კომპანია „SINOHYDRO Corporation Limited“ - ია, კომპანია რომელიც მსოფლიოში თავისი ცუდი რეპუტაციით...


მსგავსი სიახლეები

up