1 ივლისამდე 60 წლიდან მოსახლეობის 90% ორჯერ უნდა აიცრას – განახლებული გეგმა

1 ივლისამდე 60 წლიდან მოსახლეობის 90% ორჯერ უნდა აიცრას – განახლებული გეგმა

access_time2022-04-28 20:00:00

2022 წლის პირველ 6 თვეში 60 წლის და უფროსი ასაკის მოსახლეობის 90% კოვიდ-ვაქცინის პირველი ორი დოზით უნდა იყოს აცრილი, 50% კი – ბუსტერით. იგივე პერიოდში ქვეყნის მოსახლეობის 65% ვაქცინირებული უნდა იყოს, რისთვისაც აუცილებელი იქნება ვაქცინაციის ტემპის ორჯერ გაზრდა და შენარჩუნება მთელი ასაცრელი პერიოდის განმავლობაში.


ამის შესახებ საუბარია კოვიდ-ვაქცინაციის განახლებულ ეროვნულ გეგმაში. დოკუმენტში ცვლილებები საქართველოს მთავრობის განკარგულებით დამტკიცდა.


დოკუმენტის თანახმად, მაღალი ასაკობრივი ჯგუფი (>60) ყველაზე მეტად მოწყვლადია COVID-19 ინფექციის არასასურველი გამოსავლების კუთხით (სიკვდილიანობა, ჰოსპიტალიზაციის მაჩვენებელი), შესაბამისად განახლებული გეგმა ამ ასაკობრივი ჯგუფისთვის 2022 წლის პირველ 6 თვეში პირველი ორი და ბუსტერული დოზით მოცვის ყველაზე მაღალ სამიზნეს ისახავს.


გეგმის თანახმად, იგივე ასაკობრივი ჯგუფის 85% უნდა აიცრას ბუსტერული დოზით 2022 წლის ბოლომდე.


შემდგომი ასაკობრივი ჯგუფის – 50-59 წლის მოსახლეობის – აცრის სამიზნე პირველ 6 თვეში 85%-ს შეადგენს. მათი ბუსტერული დოზით აცრა 40% და 80%-იანი მოცვით უნდა განხორციელდეს წლის პირველ და მეორე ნახევარში.



„გაერთიანებული სამეფოს ჯანმრთელობის უსაფრთხოების სააგენტოს ბოლო მონაცემებით, ბუსტერული დოზის მიღებიდან ორ კვირაში ომიკრონით სიკვდილისგან დაცვა 50 წლის და უფროს ასაკობრივ ჯგუფში იზრდება 60% დან 95%-მდე; პფაიზერის ბუსტერული დოზა ასევე იძლევა ომიკრონის შედეგად ჰოსპიტალიზაციისაგან მაღალი დონის დაცვას, რომელიც აჭარბებს 90%-ს აცრიდან პირველ 10-14 კვირაში და შემდგომში ნარჩუნდება 75% ის დონეზე,“- აღნიშნულია იმუნიზაციის განახლებულ გეგმაში.


18-49 წლის ასაკობრივ ჯგუფში კი აცრა ასევე მაღალ სამიზნეს ისახავს – 78% პირველი ორი დოზით 2022 წლის პირველ 6 თვეში.


რაც შეეხება ვაქცინაციის დანერგვას ბავშვთა პოპულაციაში (12 წლამდე ჯგუფში), იგი დამოკიდებული იქნება ჯანმოს მიერ ვაქცინ(ებ)ის ავტორიზაციის სტატუსზე და გლობალურად და საქართველოში ომიკრონის შტამის დომინირების პირობებში ზოგადად 18 წლამდე ასაკის პოპულაციის აცრის მიზანშეწონილობის ჯანმოს საბოლოო რეკომენდაციაზე, შესაბამისად, ვაქცინაცია და მისი სამიზნე განსაზღვრულია 2022 წლის ბოლოსთვის.


გეგმა ასევე ითვალისწინებს ვაქცინის მე-4 დოზით აცრას, რომლის დაწყება დამოკიდებული იქნება მტკიცებულებებზე მესამე დოზის შემდეგ იმუნური პასუხის ხანგრძლივობასთან დაკავშირებით გლობალურად და საქართველოში ომიკრონის შტამის დომინირების პირობებში.


სტატისტიკური მონაცემებით, ამ ეტაპზე 60-65 წლის ასაკის მოსახლეობის მხოლოდ 10%-ია აცრილი ორი დოზით, 65-69 წლის ასაკობრივ ჯგუფში ეს მონაცემი 9%-საც ვერ აღწევს, 70-74 ასაკობრივ კატეგორიაში კი 6%-ზე ოდნავ მეტია.


jandacva.ge



თეგები:
ვაქცინაცია



5 ივლისი - რეგიონში ქართული ლარი და სომხური დრამი გამყარებას განაგრძობს

5 ივლისი - რეგიონში ქართული ლარი და სომხური დრამი გამყარებას განაგრძობს
access_time2022-07-05 17:30:40
ეროვნული ბანკის მიერ 5 ივლისის ვაჭრობის შედეგად, ეროვნული ვალუტა აშშ დოლართან მიმართებით 0.52 თეთრით გამყარდა, რის შედეგადაც ერთი დოლარის ოფიციალური ღირებულება 2.8710 ლარი გახდა. ქართული ლარის კურსით ვაჭრობა Bloomberg-ზე დილიდან 0.40%-ით გამყარდა და 17:00 საათისთვის 1 დოლარი 2.8775 იყო. თურქული ლირა დოლართან მიმართებით გაუფასურდა და 16.98 შეადგინა. თუმცა Bloomberg-ის სავაჭრო სისტემაში დილიდან თურქული ლირით ვაჭრობა 1.24%-ით გამყარდა, 17:00 საათისთვის 1 დოლარი 17.0199-ის...

რუსეთ-საქართველოს სასაზღვრო გამშვები პუნქტი მგზავრთა ნაკადის გამო საგანგებო რეჟიმში მუშაობს

რუსეთ-საქართველოს სასაზღვრო გამშვები პუნქტი მგზავრთა ნაკადის გამო საგანგებო რეჟიმში მუშაობს
access_time2022-07-05 17:00:06
რუსეთ-საქართველოს საზღვარზე, „ზემო ლარსის“ გამშვები პუნქტი საგანგებო რეჟიმში მუშაობს, ამის შესახებ რუსეთის საგანგებო სიტუაციების სამინისტროს. ჩრდილოეთ ოსეთის - ალანიის რესპუბლიკის მთავარ სამმართველოში აცხადებენ. „ყოველდღიური სამუშაო სიძლავრე 2-3-ჯერაა გაზრდილი. მუშაობს 13-ვე გამშვები ზოლი, ამის მიუხედავად საკონტოლო-გამშვებ პუნქტზე შეფერხები ექმნება, როგორც მსუბუქ, ასევე სატვირთო ტრანსპორტს“,...

თურქეთთან თავისუფალი ვაჭრობის ხელშეკრულებაში ცვლილებები შედის

თურქეთთან თავისუფალი ვაჭრობის ხელშეკრულებაში ცვლილებები შედის
access_time2022-07-05 15:40:00
სექტემბრიდან საქართველო-თურქეთს შორის გაფორმებულ თავისუფალ სავაჭრო ხელშეკრულებაში ცვლილებები შედის - მოლაპარაკებები მომსახურებით ვაჭრობის დამატებაზე მიმდინარეობს. გარდა ამისა, მხარეები საქონლით ვაჭრობის შემდგომ ლიბერალიზაციასაც განიხილავენ, რათა თურქულ ბაზარზე უფრო მეტი ქართული პროდუქტი შევიდეს ნულოვანი განაკვეთით. ეკონომიკის სამინისტროს ინფორმაციით, თითქმის დასრულებულია ამ საკითხზე მოლაპრაკებები და მხარეები უკვე შეთანხმდნენ იმ პროდუქციის ჩამონათვალზე, რომელზეც თურქეთი...

ახალი ლიბერთი ადამიანებისთვის - ლიბერთი გაეროს გლობალური შეთანხმების პრინციპების ხელმომწერი გახდა

ახალი ლიბერთი ადამიანებისთვის -  ლიბერთი გაეროს გლობალური შეთანხმების პრინციპების ხელმომწერი გახდა
access_time2022-07-05 13:45:21
ლიბერთი, გაეროს ‘გლობალური შეთანხმების საქართველოს ქსელის’ (Global Compact Network Georgia) წევრი გახდა და დღეიდან, თავის საქმიანობაში, გაეროს გლობალური შეთანხმების ათ პრინციპსა და გაეროს მდგრადი განვითარების მიზნებს გაითვალისწინებს.   „ განათლების ხელშეწყობა, ინკლუზიური ბიზნეს გარემოს შექმნა საქართველოში და  ქალთა ეკონომიკური გაძლიერება ახალი ლიბერთის კორპორაციული მდგრადობის სტრატეგიის მნიშვნელოვანი მიმართულებებია. მოხარულები ვართ, რომ ვუერთდებით გაეროს...

რატომ ვერ იხსნება საქართველოში ტურიზმის პირველი უნივერსიტეტი?

რატომ ვერ იხსნება საქართველოში ტურიზმის პირველი უნივერსიტეტი?
access_time2022-07-05 16:00:39
თბილისში სასტუმროებისა და ტურიზმის მენეჯმენტის პირველი საერთაშორისო უნივერსიტეტი იხსნება, რომელიც ფრანგული ბიზნეს სკოლის – „ვატელის” ეგიდითა და ბრენდით იქნება წარმოდგენილი, „ბლოკ ჯგუფის“ და სეუ-ს ერთობლივი პროექტია. კომპანია „ბლოკ ჯგუფის“ აღმასრულებელი დირექტორი თორნიკე ჯანაშვილი „კომერსანტთან“ აცხადებს, რომ საწყის ეტაპზე საუბარია პროფესიული ტრენინგების დაწყებაზე, რომელიც Vatel-ის სასერთიფიკატო კურსები იქნება. 3, 6 ან 12 თვიანი კურსებზე სწავლის...


მსგავსი სიახლეები

up