იანვარ-მაისში, 2020 წლის ანალოგიურ პერიოდთან შედარებით, ღვინის ექსპორტი 15%-ით – 36.4 მლნ ბოთლამდე, ღვინის ექსპორტისგან მიღებული შემოსავალი კი მხოლოდ 8%-ით – $82.4 მლნ-მდე გაიზარდა, რაც იმას ნიშნავს, რომ 1 ბოთლი ღვინის საშუალო საექსპორტო ღირებულება 6.1%-ით – $2.41-დან $2.26-მდე შემცირდა.
ღვინის ექსპორტის 60%-ზე მეტი ისევ რუსეთზე მოდის, სადაც პირველ 5 თვეში 22,422 მლნ ბოთლი ღვინო გაიყიდა, გასული წლის ანალოგიურ პერიოდთან შედარებით 17%-ით მეტი. 6%-იანი ზრდის შემდეგ უკრაინაში ექსპორტის მოცულობამ 4.163 მლნ ბოთლს მიაღწია, პოლონეთში 2.258 მლნ-ს, (+11%), ჩინეთში 1.864 მლნ-ს (-3%), ყაზახეთში 1.368 მლნ-ს (+80%).
პროცენტულად ყველაზე მეტად - 900%-ით 53 ათას ბოთლამდე ექსპორტი ჩეხეთში გაიზარდა, 600%-იანი ზრდით მეორე ადგილზე მონღოლეთია სადაც პირველ 5 თვეში 233 ათასი ბოთლი გაიყიდა. ასევე მკვეთრად - 324%-ით 61 ათას ბოთლამდე გაიზარდა ექსპორტი თურქეთშიც.
ღვინის გარდა იანვარ მაისში ბრენდის ექსპორტი 3%-ით $23 მლნ-მდე, ხოლო ჭაჭის ექსპორტი 30%-ით $567 ათასამდე გაიზარდა.
ღვინის ექსპორტმა მაქსიმუმს - $223 მლნ-ს 2019 წელს მიაღწია, 2020 წელს კი 6%-ით $210 მლნ-მდე შემცირდა, თუმცა მისი წილი ჯამურ ექსპორტში 0.4%-ით 6.3%-მდე გაიზარდა.
2001-2020 წლებში საქართველომ ჯამში $1.$856 მლრდ-ის ღვინო გაყიდა, რაც საფრანგეთის წლიური ექსპორტის 17%-ზე ნაკლებია. საქართველოს წილი გლობალურ ღვინის ბაზარზე 0.6%-ს შეადგენს, ცოტაა მაგრამ ჯამური ექსპორტის წილს 3-ჯერ აღემატება.
2019 წელს შეერთებულმა შტატებმა $6.5 მლრდ-ის ღვინის იმპორტი განახორციელა, 5.4-ჯერ მეტი ვიდრე რუსეთმა, ბრიტანეთმა 3.7-ჯერ მეტი - $4.4 მლრდ, გერმანიამ $2.9 მლრდ, ხოლო ჩინეთმა რუსეთთან შედარებით ზუსტად 2-ჯერ მეტი - $2.4 მლრდ. შესაძლებლობის უდიდეს ნაწილს საქართველო ჯერ კიდევ ვერ იყენებს.