„ტყის ხანძრებისთვის განკუთვნილი მანქანების შესაძენად 10 მილიონი ლარი დაიხარჯება“

„ტყის ხანძრებისთვის განკუთვნილი მანქანების შესაძენად 10 მილიონი ლარი დაიხარჯება“

access_time2018-03-19 19:55:56

საგანგებო სიტუაციების მართვის სამსახური ტყის ხანძრებისთვის განკუთვნილი მანქანების შესაძენად 10 მილიონი ლარის დახარჯვას გეგმავს. ამის შესახებ „ინტერპრესნიუსთან“ ინტერვიუში საგანგებო სიტუაციების მართვის სამსახურის უფროსის მოადგილე შალვა ხუციშვილმა განაცხადა. 



მისი ინფორმაციით, პირველ ეტაპზე დაგეგმილია 19 ერთეული ავტომანქანის შეძენა, რომელიც საქართველოში უკვე აგვისტოში უნდა ჩამოვიდეს. როგორც ხუციშვილმა აღნიშნა, ამ მიმართულებით ბაზრის კვლევა უკვე დასრულებულია და ტენდერი ავტომანქანების შეძენაზე უახლოეს პერიოდში გამოცხადდება. 



„პირველ ეტაპზე დაგეგმილი გვაქვს, ქვეყნის მასშტაბით ტყის ხანძრებისთვის განკუთვნილი მანქანების შეძენა და ასევე პერსონალის გადამზადება. ასევე დაგეგმილია, ზოგადად სამაშველო დანაყოფების, იგივე წყალზე და სამთო მაშველების გადაიარაღება ახალი, თანამედროვე აღჭურვილობით. მანქანები, რომლის შეძენასაც ვგეგმავთ, არის სპეციალური, რომელიც ევროპის ქვეყნებში, ტყის ხანძრებისთვის გამოიყენება. საუბარია ამ ეტაპზე 19 ერთეულ ავტომანქანაზე, რომელიც განთავსდება სხვადასხვა ადგილებში, სადაც არის ტყის ხანძრების რისკი. უნდა ვაღიაროთ, რომ ამ ტექნიკის შეძენა საკმაოდ ძვირი ჯდება“, - განაცხადა ხუციშვიმა. 



რაც შეეხება შესაძენი ავტომანქანების ტექნიკურ მახასიათებლებს, როგორც საგანგებო სიტუაციების მართვის სამსახურის უფროსის მოადგილე ამბობს, მოთხოვნილ მახასიათებლებში გათვალისწინებულია ევროპული გამოცდილება და ასევე ქართული გამოცდილებაც, რომელიც ქვეყანამ ბოლო პერიოდში მიიღო.



„ამ მანქანებს უნდა გააჩნდეს 3-დან 4 ტონამდე ტევადობის წყლის ავზი, უნდა შეეძლოს წყლის გამოყენება სიარულის დროსაც, ასევე საუბარია სხვადასხვა დამატებით შესაძლებლობებზე, მაგალითად, საბურავების ავტონომიური დაბერვის სისტემა და ა.შ. ტექნიკური მოთხოვნები ავიღეთ ევროპული და ჩვენი გამოცდილებიდან, რაც გვქონდა ტყის ხანძრებზე. ამ 19 ავტომანქანის შეძენას ვფიქრობთ წელსვე და აგვისტოში წესით უნდა გვყავდეს ავტოპარკში“, - განაცხადა შალვა ხუციშვილმა. 




რაც შეეხება არსებულ რესურსებს, ხუციშვილის ინფორმაციით, საგანგებო სიტუაციების მართვის სამსახურის დაქვემდებარებაში მყოფი 330-მდე ავტომანქანისა და სპეცტექნიკის 2/3 მოძველებულია. 



„ბორჯომის ხანძრების მერე, შსს-მ გააკეთა ანალიზი საგანგებო სიტუაციების მართვის სააგენტოს კუთხით. უნდა ითქვას, რომ რესურსები, რაც ახლა გვაქვს, ავტომატურად მივიღეთ შსს-დან. ზოგადი შეფასება რომ გამოვიყენო, ავტოპარკის მდგომარეობა დამაკმაყოფილებელი არაა. დაახლოებით 330-მდე სხვადასხვა კატეგორიის ავტომობილი და სპეცტექნიკაა ჩვენს განკარგულებაში. ამის 2/3 არის მოძველებული ტექნიკა. ჯერ კიდევ ვიყენებთ ამ ტექნიკას, თუმცა ისინი საჭიროებს განახლებას“, - აღნიშნა შალვა ხუციშვილმა.


წყარო : ipn.ge



რა პროფესიების არიან და სად მიიღეს უმაღლესი განათლება ქართველმა მინისტრებმა

რა პროფესიების არიან და სად მიიღეს უმაღლესი განათლება ქართველმა მინისტრებმა
person access_time2018-04-22 13:00:52
დღეს...

ანდრია გვიდიანი: „რაც უფრო გავწელავთ კაპიტალის ბაზრის განვითარებას, მით უფრო ძვირი დაგვიჯდება ეს პრობლემა“

ანდრია გვიდიანი: „რაც უფრო გავწელავთ კაპიტალის ბაზრის განვითარებას, მით უფრო ძვირი დაგვიჯდება ეს პრობლემა“
person access_time2018-04-22 16:00:24
ქვეყანაში კაპიტალის ბაზრის არსებობის მნიშვნელობაზე ისაუბრა  ახალგაზრდა ფინანსისტთა და ბიზნესმენთა ასოციაციის ანალიტიკოსმა ანდრია გვიდაინმა რადიო „კომერსანტის“ გადაცემაში „კომერსანტის თემა სალომე სოსელაისთან ერთად“. მისი თქმით, კომერციული ბანკების ინტერესში არ შედის  კაპიტალის მოძიებისთვის ალტერნატიული წყაროები გაჩნდეს.   „მიკროსაფინანსო ორგანიზაციების საქმიანობა თავიდან ბოლომდე მორგებულია მხოლოდ იპოთეკური და ფიზიკური პირების დაკრედიტებაზე. მათ შორის...

ლევან კობერიძე: „თამბაქოს კონტროლის შესახებ“ კანონი ეკონომიკურ ზარალს არ მოგვიტანს“

ლევან კობერიძე: „თამბაქოს კონტროლის შესახებ“ კანონი ეკონომიკურ ზარალს არ მოგვიტანს“
person access_time2018-04-21 15:59:55
დიღმის მასივში, სანაპიროზე მდებარე რესტორნებში „თამბაქოს კონტროლის შესახებ“ კანონთან დაკავშირებით საინფორმაციო ხასიათის კამპანია ჩატარდა.  ღონისძიებაში „თამბაქოს კონტროლის ალიანსმა“, პარლამენტის წევრებმა და საპატრულო პოლიციის წარმომადგენლებმა მიიღეს მონაწილეობა. როგორც პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის მოადგილემ ლევან კობერიძემ „კომერსანტს“ განუცხადა, ჯამში 4 ობიექტი მოინახულეს და ყველა მათგანი მზად არის ახალი ნორმის...

"საქართველოში კრიპტოვალუტის ინფრასტრუქტურის პირველი მაღაზია გაიხსნა"

person access_time2018-04-21 13:09:10
კრიპტოვალუტის მაინერებზე და ვიდეობარათებზე მოთხოვნა ამჟამად შემცირებულია, -ამის შესახებ Bm.ge-ს კომპანია MiningShop.ge-ს დამფუძნებელმა სოსო ნადაშვილმა განუცხადა, რომელმაც საქართველოში პირველი მაღაზია გახსნა, სადაც კრიპტოვალუტის ინფრასტრუქტურისთვის საჭირო მოწყობილობებს...

CNN: ასობით ცნობილი ბრენდის რეკლამები YouTube-ის ექსტრემისტულ არხებზე ხვდებოდა

CNN: ასობით ცნობილი ბრენდის რეკლამები YouTube-ის ექსტრემისტულ არხებზე ხვდებოდა
person access_time2018-04-21 14:00:04
...


მსგავსი სიახლეები