ფედერიკა მოგერინი - ირანისთვის სანქციების მოხსნამ დადებითად იმოქმედა ევროკავშირსა და ირანს შორის ეკონომიკურ ურთიერთობებზე

ფედერიკა მოგერინი - ირანისთვის სანქციების მოხსნამ დადებითად იმოქმედა ევროკავშირსა და ირანს შორის ეკონომიკურ ურთიერთობებზე

access_time2018-01-11 16:40:22

ირანისთვის სანქციების მოხსნამ ერთობლივი ყოვლისმომცველი სამოქმედო გეგმის პირობების შესრულების ფარგლებში დადებითად იმოქმედა საერთაშორისო ვაჭრობასა და ევროკავშირსა და ირანს შორის ეკონომიკურ ურთიერთობებზე, რაც ირანელ ხალხსაც წაადგა, - ამის შესახებ ევროკავშირის უმაღლესმა წარმომადგენელმა საგარეო ურთიერთობების საკითხებში ფედერიკა მოგერინიმ განაცხადა.



მოგერინიმ აღნიშნული განცხადება ირანის ბირთვულ პროგრამასთან დაკავშირებით გამართული შეხვედრის შეჯამებისას გააკეთა.



„ერთობლივი ყოვლისმომცველი სამოქმედო გეგმა ირანის ბირთვულ შეთანხმებასთან დაკავშირებით მოქმედებს და ყველა დასახულ მიზანს აკმაყოფილებს. ევროკავშირი შეეცდება მისი პირობები ყველა მონაწილემ შეასრულოს. ირანის მხრიდან პირობების სრულად შესრულება საერთაშორისო ატომური ენერგიის სააგენტომ 9 მოხსენებაში დაადასტურა. ორგანიზაციამ ასევე დაადასტურა ამ შეთანხმების განსაკუთრებით მშვიდობიანი ხასიათი. ეს შეთანხმება საშუალებას გვაძლევს ირანის ბირთვულ პროგრამაზე კონტროლი უზრუნველვყოთ. ამიტომაც, ევროკავშირი მოითხოვს ყველა მონაწილემ შეასრულოს საკუთარი ვალდებულებები“, - განაცხადა მოგერინიმ.



მისი თქმით, ირანის სარაკეტო პროგრამას არაფერი აქვს საერთო ბირთვულ შეთანხმების პირობების შესრულებასთან.




„ჩვენ გამოვხატავთ შეშფოთებას თეირანის სარაკეტო პროგრამის განვითარებასთან დაკავშირებით, თუმცა ხაზს ვუსვამთ, რომ ეს უნდა განვაცალკევოთ ბირთვული პროგრამის პირობების შესრულებისგან“, - აღნიშნა მოგერინიმ.


"ინტერპრესნიუსი"



კახა შარაბიძე: მოგვიანებით გადავწყვეტთ, საჯარო განცხადებას Microsoft-ის სახელით გავაკეთებთ თუ არა

კახა შარაბიძე: მოგვიანებით გადავწყვეტთ, საჯარო განცხადებას Microsoft-ის სახელით გავაკეთებთ თუ არა
person access_time2018-04-24 19:14:00
  მედია-საშუალებებში დღეს გავრცელებულ განცხადებასთან დაკავშირებით, რომლის საფუძველზეც სს„სარაჯიშვილის“ ადვოკატმა კახა ასლანიშვილმა Microsoft-საქართველო და საადვოკატო ფირმა BLB-ის დამფუძნებელი  კახა შარაბიძე არაუფლებამოსილი ქმედებების განხორციელებაში დაადანაშაულა,  „კომერსანტი“ დაუკავშირდა როგორც Microsoft-საქართველოს, ისე საადვოკატო ფირმა BLB-ის დამფუძნებელს  კახა შარაბიძეს და მათ საპასუხო კომენტარის გაკეთება სთხოვა. შეგახსენებთ,...

„არაქართველი გიდები ტურისტებს საქართველოს ისტორიას დამახინჯებულად უყვებიან“

„არაქართველი გიდები ტურისტებს საქართველოს ისტორიას დამახინჯებულად უყვებიან“
person access_time2018-04-02 09:00:00
  იმ  ფონზე, როცა ტურისტების რაოდენობა ყოველდღიურად იზრდება საქართველოში, განსაკუთრებით მნიშვნელოვანია, ტურიზმის  სფეროს შესაბამისი განვითარება და პროფესიონალი გიდების მომზადება. ტურიზმზე.   ამ სფეროში არსებულ პრობლემებზე, მისი განვითარებისთვის საჭირო რესურსებსა და  გიდების მიერ საქართველოს ისტორიის დამახინჯებულად თხრობის ფაქტებზე ისაუბრა რადიო  „კომერსანტის“ გადაცემაში „მოითხოვე ქართული“   „იბერია ტურს პლუსის“ დამფუძნებელმა...

„ქართული ღვინო რუსეთში სომეხ გადამზიდავებს გააქვთ“

„ქართული ღვინო რუსეთში სომეხ გადამზიდავებს გააქვთ“
person access_time2018-04-24 20:00:00
„ქართული ღვინო რუსეთში სომეხ გადამზიდავეებს გააქვთ“- ამის შესახებ ტრანსპორტის საკითხებზე მომუშავე პლატფორმა HUB Georgia-ს გამგეობის წევრმა, ექსპერტმა პაატა ცაგარეიშვილმა რადიო „პალიტრას“ გადაცემაში „საქმე“ განაცხადა. „რუს და სომეხ მეწარმეებს ეს მარკეტინგული რგოლი კარგად აქვთ აწყობილი. რუსეთის გადამზიდავი ამ დაკვეთას სომეხ გადამზიდავს აძლევს, შემდეგ სომეხი გადამზიდავი ქირაობს საქართველოში მანქანას ან უფრო მეტიც, სომხეთის სატრანსპორტო საშუალება შემოდის საქართველოში, აქ იტვირთება...

კაზინო „ავიატორი“ ორ კვირაში გაიხსნება

კაზინო „ავიატორი“ ორ კვირაში გაიხსნება
person access_time2018-04-24 18:00:00
„კომერსანტისთვის“ ცნობილი ხდება, რომ დაახლოებით ორ კვირაში „გამომცემლობა სამშობლოს“ ყოფილ შენობაში Adjara Group-ი კაზინო „ავიატორს“ გახსნის. აღნიშნულს კომპანიაში უარყოფენ, ასევე არ ასახელებენ სასტუმრო „სტამბას“ გახსნის ზუსტ თარიღს.   როგორც „კომერსანტთან“ საუბრისას რამდენიმე თვის წინ კომპანიის აღმასრულებელი დირექტორი ვალერი ჩეხერია აცხადებდა, სასტუმრო „სტამბას“ შენობაში კაზინო „ავიატორის“ განთავსება 800 კვადრატულ მეტრზე იგეგმებოდა და ის ბაზარზე არსებულისგან სრულიად...

გამყოფი ხაზების გასწვრივ მოვაჭრე პირებისთვის შეღავათები დაწესდება

გამყოფი ხაზების გასწვრივ მოვაჭრე პირებისთვის შეღავათები დაწესდება
person access_time2018-04-24 17:30:00
აფხაზეთსა და ცხინვალის რეგიონებში მცხოვრები მოსახლეობისთვის ეკონომიკური სარგებლის მიღების ახალი შესაძლებლობებისთვის კანონპროექტი მზადდება.  „საქართველოს მოქალაქეთა და საქართველოში მცხოვრებ უცხოელთა რეგისტრაციის, პირადობის (ბინადრობის) მოწმობისა და საქართველოს მოქალაქის პასპორტის გაცემის წესის შესახებ“ საქართველოს კანონში ცვლილებები შედის. ცვლილებების თანახმად, სახელმწიფო სერვისების განვითარების სააგენტო პირად ნომერს მიანიჭებს იმ პირებს, რომლებიც ლეგიტიმურად...


მსგავსი სიახლეები