WTTC-ის  კვლევა : ტურიზმისა და მოგზაურობის სფეროში პირდაპირი დასაქმების წილით საქართველო მსოფლიოში 78-ე ადგილზეა

WTTC-ის კვლევა : ტურიზმისა და მოგზაურობის სფეროში პირდაპირი დასაქმების წილით საქართველო მსოფლიოში 78-ე ადგილზეა

access_time2018-04-16 18:25:43

მსოფლიოს ეკონომიკისა და ტურიზმის საბჭო (WTTC) 2018 წლის ანგარიშს აქვეყნებს. ორგანიზაცია უკვე 25 წელია მსოფლიოს 185 ქვეყნის ეკონომიკაზე ტურიზმის გავლენას სხვადასხვა ინდიკატორების მიხედვით აფასებს.


ანგარიშის მიხედვით, გასულ წელს საქართველოს მშპ-ში ტურიზმის პირდაპირი კონტრიბუცია 9.3% იყო და მოსალოდნელია რომ აღნიშნული მაჩვენებელი 2028 წლამდე 10.5%-მდე გაიზრდება.


მშპ-ში ტურიზმისა და მოგზაურობის პირდაპირი კონტრიბუცია ასახავს ეკონომიკურ აქტივობას, რომელსაც ქმნიან სასტუმროები, ტურისტული ორგანიზაციები, ავიაკომპანიები, სამგზავრო საშუალებები, რესტორნები. მთლიან კონტრიბუციაში კი შედის ყველა სფერო, რომელიც დაკავშირებულია მოგზაურობასთან.


დასაქმებაში ტურიზმისა და მოგზაურობის სექტორის მთლიანი კონტრიბუცია გასულ წელს 27%-ს შეადგენდა, რაც 483 000 სამუშაო ადგილს მოიცავს. მათ შორისაა ისეთი სამუშაო ადგილები, რომლის შექმნასაც ხელი ტურიზმის ინდუსტრიამ შეუწყო. WTTC მიმდინარე წელს აღნიშნული მაჩვენებლის 1,2%-ით ზრდას ელოდება, 489 000 სამუშაო ადგილამდე, ხოლო გრძელვადიანი პროგნოზი 2028 წლისთვის სამუშაო ადგილების 546 000-მდე გაზრდას გულისხმობს. რაც შეეხება დასაქმებაში ტურიზმის პირდაპირ კონტრიბუციას, გასულ წელს სექტორში 140 500 სამუშაო ადგილი იყო, რაც მთლიანი დასაქმების 7.8%-ს შეადგენს, მიმდინარე წელს აღნიშნული მაჩვენებლის 142 000-მდე ზრდაა მოსალოდნელი. 2028 წლისთვის პროგნოზი 161 000 სამუშაო ადგილი.


ანგარიშში აღნიშნულია, რომ 2017 წელს ტურიზმისა და მოგზაორობის სექტორში ინვესტიციებმა 435.1 მლნ ლარი შეადგინა, რაც მთლიანი ინვესტიციების 3.6% იყო. WTTC 2028 წლისთვის მაჩვენებლის გაორმაგებას და 881.3 მლნ ლარამდე გაზრდას ელოდება.


მშპ-სთან მიმართებით ტურიზმის წილს WTTC მსოფლიოს 145 ქვეყანაში ითვლის და საქართველო მათ შორის 91-ე ადგილს იკავებს.



ანგარიშის მიხედვით, მშპ-ში ტურიზმის კონტრიბუციის 35.7% საქმიან ტურიზმზე მოდის, ხოლო 64,3% კი დასვენების მიზნით დახარჯული თანხებია. მთლიანი კონტრიბუციის 79,5% უცხოელ ვიზიტორებზე მოდის, ხოლო 20.5% ადგილობრივზე. შიდა ტურიზმის შემოსავლები ანგარიშის მიხედვით, 2018 წელს 4.9%-ით გაიზრდება, ხოლო უცხოელი ვიზიტორებისგან მიღებული შემოსავალი კი 5.7%-ით.


ჯამში მსოფლიოში ტურიზმისა და მოგზაურობის მთლიანი კონტრიბუცია მშპ-ში 62.9 მილიარდი დოლარია, საქართველოში კი 4.7 მილიარდი და შედეგად ქვეყანა მსოფლიოში 91-ე ადგილზეა. რაც შეეხება რეგიონის სხვა ქვეყნებს, თურქეთში ტურიზმისა და მოგზაურობის მთლიანი კონტრიბუცია ქვეყნის ეკონომიკაში 98 მილიარდ დოლარს აღემატება და ამ მაჩვენებლით თურქეთი მსოფლიოლში მე-14-ე ადგილს იკავებს. აზერბაიჯანი $5.6 მილიარდით 81-ე ადგილზეა, სომხეთი $1.7 მილიარდით 126-ზე, ხოლო უკრაინა კი $5.5 მილიარდით 83-ზე.


ტურიზმისა და მოგზაურობის სფეროში პირდაპირი დასაქმების წილით საქართველო მსოფლიოში 78-ე ადგილზეა. ანგარიშის მიხედვით, საქართველოში ტურიზმი პირდაპირი გზით 140 300 სამუშაო ადგილს ქმნის. რეიტინგში საქართველოზე წინ დგას აზერბაიჯანი, სადაც 173 400 სამუშაო ადგილს ქმნის ტურიზმის სექტორი. ქვეყანა მსოფლიოში 68-ე ადგილზეა, უკრაინა 228 100 სამუშაო ადგილით 56-ე ადგილზეა, ხოლო თურქეთი 461 000 სამუშაო ადგილით 35-ე ადგილზეა. ბულგარეთი სიაში 90 000 სამუშაო ადგილით 98-ე ადგილზეა, ხოლო სომხეთი კი 117-ზე.


WTTC მსოფლიოს სხვადასხვა ქვეყნებში ტურიზმის არაპირდაპირ გავლენასაც ითვლის. ამ მხრივ საქართველოში გასულ წელს მშპ-ში ტურიზმისა და მოგზაურობის წილი კვლევის მიხედვით, 9.3% იყო და ამ მაჩვენებლით საქართველო მსოფლიოში 26-ე ადგილს იკავებს. სომხეთში ეს მაჩვენებელი 4.4%-ია და ის მსოფლიოში 67-ე ადგილს იკავებს, აზერბაიჯანში 4.2% (მსოფლიოში 74-ე ადგილი), თურქეთში 3.8% (მსოფლიოში 86-ე ადგილი).


ამავე გათვლით, ტურიზმში და მასთან დაკავშირებულ სფეროებში მომუშავეთა წილი საქართველოს მთლიან დასაქმებაში 7.8%-ია და საქართველო მსოფლიოს 145 ქვეყანას შორის 29-ე ადგილზეა. სომხეთი სიაში 82-ე ადგილზეა, აზერბაიჯანი 85-ზე, ბულგარეთი 114-ზე, თურქეთი 168-ზე, უკრაინა კი 171-ზე.


კაპიტალურ ინვესტიციებში ტურიზმის წილით საქართველო მსოფლიოში 130-ე ადგილზეა.


WTTC-ს პროგნოზით, მშპ-ში ტურიზმის წილის ზრდა 2018 წელს საქართველოში 5.5% იქნება და ზრდის მაჩვენებლით საქართველო მსოფლიოში 48-ე ადგილზეა. შედარებისთვის 8.5%-იანი ზრდაა მოსალოდნელი სომხეთში და ის მსოფლიოში მეხუთე ადგილზეა.


დასაქმებაში ტურიზმის წილი, ანგარიშის მიხედვით, საქართველოში 2018 წელს 1.2%-ით გაიზრდება და ზრდის მაჩვენებლით ქვეყანა მსოფლიოში 130-ე ადგილზეა.


forbes.ge




კახა შარაბიძე: მოგვიანებით გადავწყვეტთ, საჯარო განცხადებას Microsoft-ის სახელით გავაკეთებთ თუ არა

კახა შარაბიძე: მოგვიანებით გადავწყვეტთ, საჯარო განცხადებას Microsoft-ის სახელით გავაკეთებთ თუ არა
person access_time2018-04-24 19:14:00
  მედია-საშუალებებში დღეს გავრცელებულ განცხადებასთან დაკავშირებით, რომლის საფუძველზეც სს„სარაჯიშვილის“ ადვოკატმა კახა ასლანიშვილმა Microsoft-საქართველო და საადვოკატო ფირმა BLB-ის დამფუძნებელი  კახა შარაბიძე არაუფლებამოსილი ქმედებების განხორციელებაში დაადანაშაულა,  „კომერსანტი“ დაუკავშირდა როგორც Microsoft-საქართველოს, ისე საადვოკატო ფირმა BLB-ის დამფუძნებელს  კახა შარაბიძეს და მათ საპასუხო კომენტარის გაკეთება სთხოვა. შეგახსენებთ,...

„არაქართველი გიდები ტურისტებს საქართველოს ისტორიას დამახინჯებულად უყვებიან“

„არაქართველი გიდები ტურისტებს საქართველოს ისტორიას დამახინჯებულად უყვებიან“
person access_time2018-04-02 09:00:00
  იმ  ფონზე, როცა ტურისტების რაოდენობა ყოველდღიურად იზრდება საქართველოში, განსაკუთრებით მნიშვნელოვანია, ტურიზმის  სფეროს შესაბამისი განვითარება და პროფესიონალი გიდების მომზადება. ტურიზმზე.   ამ სფეროში არსებულ პრობლემებზე, მისი განვითარებისთვის საჭირო რესურსებსა და  გიდების მიერ საქართველოს ისტორიის დამახინჯებულად თხრობის ფაქტებზე ისაუბრა რადიო  „კომერსანტის“ გადაცემაში „მოითხოვე ქართული“   „იბერია ტურს პლუსის“ დამფუძნებელმა...

„ქართული ღვინო რუსეთში სომეხ გადამზიდავებს გააქვთ“

„ქართული ღვინო რუსეთში სომეხ გადამზიდავებს გააქვთ“
person access_time2018-04-24 20:00:00
„ქართული ღვინო რუსეთში სომეხ გადამზიდავეებს გააქვთ“- ამის შესახებ ტრანსპორტის საკითხებზე მომუშავე პლატფორმა HUB Georgia-ს გამგეობის წევრმა, ექსპერტმა პაატა ცაგარეიშვილმა რადიო „პალიტრას“ გადაცემაში „საქმე“ განაცხადა. „რუს და სომეხ მეწარმეებს ეს მარკეტინგული რგოლი კარგად აქვთ აწყობილი. რუსეთის გადამზიდავი ამ დაკვეთას სომეხ გადამზიდავს აძლევს, შემდეგ სომეხი გადამზიდავი ქირაობს საქართველოში მანქანას ან უფრო მეტიც, სომხეთის სატრანსპორტო საშუალება შემოდის საქართველოში, აქ იტვირთება...

კაზინო „ავიატორი“ ორ კვირაში გაიხსნება

კაზინო „ავიატორი“ ორ კვირაში გაიხსნება
person access_time2018-04-24 18:00:00
„კომერსანტისთვის“ ცნობილი ხდება, რომ დაახლოებით ორ კვირაში „გამომცემლობა სამშობლოს“ ყოფილ შენობაში Adjara Group-ი კაზინო „ავიატორს“ გახსნის. აღნიშნულს კომპანიაში უარყოფენ, ასევე არ ასახელებენ სასტუმრო „სტამბას“ გახსნის ზუსტ თარიღს.   როგორც „კომერსანტთან“ საუბრისას რამდენიმე თვის წინ კომპანიის აღმასრულებელი დირექტორი ვალერი ჩეხერია აცხადებდა, სასტუმრო „სტამბას“ შენობაში კაზინო „ავიატორის“ განთავსება 800 კვადრატულ მეტრზე იგეგმებოდა და ის ბაზარზე არსებულისგან სრულიად...

გამყოფი ხაზების გასწვრივ მოვაჭრე პირებისთვის შეღავათები დაწესდება

გამყოფი ხაზების გასწვრივ მოვაჭრე პირებისთვის შეღავათები დაწესდება
person access_time2018-04-24 17:30:00
აფხაზეთსა და ცხინვალის რეგიონებში მცხოვრები მოსახლეობისთვის ეკონომიკური სარგებლის მიღების ახალი შესაძლებლობებისთვის კანონპროექტი მზადდება.  „საქართველოს მოქალაქეთა და საქართველოში მცხოვრებ უცხოელთა რეგისტრაციის, პირადობის (ბინადრობის) მოწმობისა და საქართველოს მოქალაქის პასპორტის გაცემის წესის შესახებ“ საქართველოს კანონში ცვლილებები შედის. ცვლილებების თანახმად, სახელმწიფო სერვისების განვითარების სააგენტო პირად ნომერს მიანიჭებს იმ პირებს, რომლებიც ლეგიტიმურად...


მსგავსი სიახლეები