თბილისის გენგეგმის ავტორები დედაქალაქის მერს პასუხობენ

access_time2018-01-12 15:14:14

თბილისის გენგეგმის ავტორები უცხოელ პარტნიორებთან კონსულტაციებს გეგმავენ, რის შემდეგაც მერიას სავარაუდოდ 1-თვიან ვადას მოსთხოვენ, რა დროშიც „სითი ინსტიტუტი“ დეტალურად აღწერს იმ ხარვეზებს, რაზეც თბილისის მერია საუბრობს. ამის შესახებ ტელეკომპანია „იმედს“ „სითი ინსტიტუტის“ წარმომადგენელმა მერაბ ბოლქვაძემ განუცხადა.

 

„ჩვენ ვფიქრობთ, რომ მიწათსარგებლობის გეგმას კანონმდებლობით რაც მოეთხოვება, ყველა ეს მასალა წარდგენილია კვალიფიციურად და ყველა ზომის სახეობებზე არის განმარტება და არქიტექტურის სამსახურს შეუძლია ეს დოკუმენტი გამოიყენოს. რადგან მერიას აქვს კიდევ სურვილი დარგობრივი მიმართულებით შეივსოს - ჩვენ მზად ვართ თანამშრომლობისთვის. თუ არის რაიმე საკითხი, რაც შესაძლოა, უფრო სრულყოფილი გახდეს ამასთან დაკავშირებით მერიას მივაწვდით ინფორმაციას. ვადებზე ჩვენ უცხოელ პარტნიორებს გავესაუბრებით და მათთან ერთად დავაზუსტებთ, სავარაუდოდ ეს იქნება 1 თვე“,-განაცხადა მერაბ ბოლქვაძემ.


„აქ საუბარია, რომ მერიას სჭირდება მეტი დასაბუთება გარკვეულ ადგილებზე და ზონებზე, ეს არის ძალიან გასაგები და მისაღები, რომ ჩვენ ეს ყველაფერი მივიყვანოთ საბოლოო სახემდე. ამას შესაძლოა, დასჭირდეს 2 კვირა, შესაძლოა, დასჭირდეს 1 თვე ან 2 თვე“,-განაცხადა „სითი ინსტიტუტის“ გენერალურმა დირექტორმა მამუკა სალუქვაძემ.



შეგახსენებთ, კახა კალაძემ გენგეგმის ჯგუფს ვადა დღის ბოლომდე მისცა. „გენგეგმის შესამუშავებლად არქიტექტურის სამსახურსა და „სითი ინსტიტუტს“ შორის გაფორმებული ხელშეკრულების ფარგლებში შესრულებულია ძალიან დიდი სამუშაოები. კონტრაქტორ კომპანიას ჩვენს შენიშვნებთან დაკავშირებით რამდენჯერმე ვაცნობეთ, თუმცა მე-6 დასკვნითი დოკუმენტი ჯერ კიდევ ვერ აკმაყოფილებს მოთხოვნილ სტანდარტებს. ვაცნობიერებთ რა გენგეგმის მნიშვნელობას, ვერ მივცემთ თავს ნებას მივიღოთ არასრული დოკუმენტი. ხელშეკრულების მიხედვით კი დღეს იწურება ვადა, მიიღებს თუ არა მერია „სითი ინსტიტუტის“ მიერ შემუშავებულ გენერალურ გეგმას. ამიტომ ამ ორგანიზაციას დღის ბოლომდე ვაძლევთ ვადას, რომ წარმოადგინონ გონივრული წინადადებები“, — განაცხადა კალაძემ.


თბილისის გენგეგმაზე მუშაობა 2015 წელს დაიწყო, კონკურსში „სითი ინსტიტუტმა“ გაიმარჯვა და 2 მილიონი ლარი გადაერიცხა, თუმცა ბიუჯეტიდან გენგეგმისთვის 2 მილიონ 800 ათასი ლარი იყო გამოყოფილი. 800 ათასი ლარი მერიამ კომპანიას არ გადაურიცხა, რადგან დასკვნით ეტაპზე დედაქალაქის მთავრობამ დოკუმენტი არ მოიწონა.




EBRD-მა ნენსკრაჰესის დაფინანსებაზე გადაწყვეტილების მიღება გადაავადა

person access_time2018-01-22 15:00:04
ევროპის რეკონსტრუქციისა და განვითარების ბანკმა (EBRD) ნენსკრაჰესის დაფინანსებისთვის $214 მილიონის სესხის გამოყოფაზე საბოლოო გადაწყვეტილების მიღების თარიღი 2017 წლის 31 იანვრამდე გადაავადა.   EBRD-ის პრეზიდენტმა სუმა ჩაკრაბარტიმ ნენსკრაჰესის დაფინანსებაზე თანხმობა 2015 წლის 12 მაისს, თბილისში გამართული EBRD-ის ფორუმის ფარგლებში განაცხადა. მას შემდეგ ბანკი პროექტის გარემოზე ზეგავლენის ტექნიკურ დეტალებს სწავლობს. თავდაპირველი გეგმის მიხედვით, ჰესს ელექტროენერგიის...

„კომერსანტის“ ექსკლუზივი - სასტუმრო Biltmore Tbilisi-ში CASINO JEWEL იხსნება

person access_time2018-01-22 13:30:23
სასტუმრო Biltmore Tbilisi-ში კაზინოს ახალი ბრენდი JEWEL შემოდის. ამ ეტაპზე სასტუმროში აღნიშნულ საკითხთან დაკავშირებით კონკრეტულ კომენტარს ვერ აკეთებენ, თუმცა, აცხადებენ, რომ კაზინო ხვალ, 23 იანვარს გაიხსნება. როგორც ირკვევა, კაზინოს ეს ბრენდი საძიებო სისტემა Google-სა და Wikipedia-ში არ იძებნება. არსებობს მხოლოდ FB გვერდი, რომელიც სულ რამდენიმე თვის შექმნილია. შეგახსენებთ, „კომერსანტის“ ინფორმაციით, თბილისში სასტუმრო Biltmore...

კახა კალაძე: „თბილისის გენგეგმის შეფასების პროცესში უცხოელი ექსპერტები ჩაერთვებიან“

person access_time2018-01-22 12:20:54
თბილისის მიწათსარგებლობის გეგმის შეფასების პროცესში საერთაშორისო ორგანზიაციები და ექსპერტები ჩაერთვებიან. ამის შესახებ დედაქალაქის მერმა კახა კალაძემ დღეს გამართულ ბრიფინგზე განაცხადა. „თბილისის მიწათსარგებლობის გეგმა მნიშვნელოვანია ჩვენი ქალაქისთვის, რომელმაც თბილისის სწორი და გრძლევადიანი განვითარება უნდა უზრუნველყოს. მოგეხსენებათ, კომპანია „სითი ინსტიტუტმა“ 45 დღიანი ვადა ითხოვა, რაზეც მერიამ თანხმობა განაცხადა. ჩვენ ვაცნობიერებთ საზოგადოების...

ძველ იპოდრომთან ახალი ესტაკადა აშენდება

person access_time2018-01-22 12:00:01
თბილისში, ძველ იპოდრომთან,  ცინცაძისა და კარტოზიას ქუჩების კვეთაზე ახალი ესტაკადა აშენდება.   თბილისის მერია იმედოვნებს, რომ ახალი ესტაკადა  გზის საცობებისგან განტვირთვას და სატრანსპორტო ნაკადების  შეუფერხებლად გატარების უზრუნველყოფს.   პროექტით, ესტაკადის მეშვეობით ცინცაძის ქუჩიდან თამარაშვილის ქუჩისკენ სატრანსპორტო ნაკადების გატარების ყოველგვარი საკონფლიქტო წერტილების გარეშე უნდა მოხდეს, გარდა ამისა ესტაკადის ქვეშ შეფერხებისა და...

„ეკომ“ საქართველოს ბაზარზე ახალი თაობის საწვავის იმპორტი დაიწყო

person access_time2018-01-22 10:30:37
საქართველოს ბაზარზე ახალი თაობის საწვავის  იმპორტი დაიწყო და ამიერიდან “ეკოს” ავტოგასამართ სადგურზე ვაჟა-ფშაველას გამზირ #27-ში ახალი თაობის, ევროპული სტანდარტის „ეკო რეისინგი 98“ (სუპერი), „95 ეკონომი“ (პრემიუმი) და „დიზელ ეკონომი“ (ეკო დიზელი) ერთგულ მომხმარებელს შესაძლებლობას მისცემს მეტი კილომეტრი განვლონ თითოეულ ლიტრზე და შესაბამისად შეამცირონ საწვავის ხარჯი, 15%-ით  შეამცირონ ავტომობილის ძრავის ხმაური, მნიშვნელოვნად შეამცირონ გამონაბოლქვი და გაუფრთხილდნენ...


მსგავსი სიახლეები