„ჭკვიანი ადამიანები ბანკებში არ მიდიან სამუშაოდ“ - რუსი ბანკირი

access_time2018-01-11 19:30:44

„ნიჭიერი ადამიანები ბანკებში არ მიდიან სამუშაოდ“,  ამის შესახებ საერთაშორისო ეკონომიკურ ფორუმზე სიტყვით გამოსვლისას რუსული „ტინკოფ-ბანკის“ დამფუძნებელმა ოლეგ ტინკოვმა განაცხადა. ფორუმზე მისი გამოსვლა მიეძღვნა ფინანსური ტექნოლოგიების განვითარებას მსოფლიოში.

 

გთავაზობთ რამდენიმე ამონარიდს მისი გამოსვლიდან:

 

„მე ვგრძნობ კოგნიტიურ დისონანსს. თითქოს ვარ ბანკირი და ამავე დროს, არც ვარ. ჩვენ არ ვართ ბოლომდე ბანკი, მე ცუდად ვიცნობ საბანკო ტერმინოლოგიას და ვცდილობ ძალიან არ ჩავუღრმავდე ამ თემას. ჩვენ ვცდილობდით გვეყიდა სტარტაპები, მაგრამ ვერც ერთი ვერ ვიყიდეთ. ამერიკაში ამ სფეროში ჯერ კიდევ რაღაცა ხდება, ევროპაში კი ფინანსურმა ტექნოლოგიებმა ვერსად ვერ გაიმარჯვეს. რუსეთში ფინანსური ტექნოლოგიები ბევრად უფრო განვითარებულია. ჩვენი ბანკების ტექნოლოგიური დონე უფრო მაღალია, ვიდრე ევროპაში.

 

ამით შეგვიძლია ვიამაყოთ, „ტინკოფ-ბანკი“, „სბერბანკი“, „იანდექსი“... მსოფლიოში არსად არ არის არაფერი მსგავსი, მათ შორის, რეგულატორების გამო. რუსული რეგულაციები ბევრად უფრი რბილია, ვიდრე ევროპული ან ამერიკული.

 

ჩვენ ვაპირებდით ბანკის ყიდვას ინგლისში და შტატებში, მაგრამ იქ ყველაფერი ძალიან რთულია და გაუგებარი. ჩვენ არ გვაქვს არანაირი პრეტენზია მარეგულირებლებთან ერთის გარდა - თამაშის წესები უნდა იყოს ყველასთვის ერთიანი.

 


ფინანსური ტექნოლოგიების სტარტაპებს შეუძლიათ ერთმანეთთან კონკურენცია, მაგრამ ისინი უნდა დაემორჩილონ ყველა კანონს და წესებს. არ უნდა მოხდეს ის, რაც მოხდა მიკროსაფინანსო ორგანიზაციების ბაზარზე.

 

შეიძლება იდეის დონეზე მისაღები იყოს, თუმცა ფაქტობრივად, გამოვიდა ძალიან ცუდი - მიკროსაფინანსო ორგანიზაციები ცხოვრობდნენ საკუთარი კანონებით და წესებით, და აკრედიტებდნენ მოსახლეობას ძალიან მაღალი პროცენტებით.

 

გამოდის, რომ ეს შეიძლება მიკროსაფინანსოებისთვის, მაგრამ არ შეიძლება ბანკებისთვის. თვისობრივად ბანკების და მისო-ები არაფრით არ განსხვავდებიან ერთმანეთისგან, თუმცა რეგულაციები განსხვავდება. ეს არასწორი მიდგომაა და ის უნდა შეიცვალოს.

 

მე არ მჯერა, რომ ბანკებს საბოლოოდ შერჩებათ გზავნილების და გადახდის ბიზნესი, ამას ალბათ, მომავალში გააკეთებენ ისეთი მსხვილი კომპანიები როგორც Google, Snapchat, Uber. თუმცა, ამით მათი შეღწევა ფინანსურ სექტორში დამთავრდება - იმისთვის, რომ შეხვიდე ნამდვილ საბანკო ბიზნესში, საჭიროა, კაპიტალი, ტექნოლოგიები და საკრედიტო ნოუ-ჰაუ.

 

საკრედიტო ბიზნესი - ძალიან რთული საქმიანობაა, მას სჭირდება გარკვეული უნარ-ჩვევები და ტაქტიკა.

 

მთავარი საფრთხე ბანკებისთვის - კადრებია. უფრო სწორედ კადრების მწვავე დეფიციტი.

 

ჩვენ ჩამოვაყალიბეთ კათედრა ტექნიკურ უნივერსიტეტში, მჭიდროდ ვმუშაობით მოსკოვის სახელმწიფო უნივერსიტეტთან, ასევე სხვა ტექნიკურ უმაღლეს სასწავლებლებთან. ჩვენ უნდა ჩავდოთ ინვესტიციები განათლებაში. ყველას სურს მუშაობა Google-ში, Яндекс-ში, ან Mail.ru-ში, ჩვენთანაც ჯერ კიდევ მოდიან. ამის მიზეზი, ნაწილობრივ შესაძლოა ისიც იყოს, რომ მეც კედები მაცვია. ნიჭიერი ადამიანები ბანკებში სამუშაოდ არ მიდიან“.

 

ekb.dk.ru

 



კონკურენციის სააგენტომ „სიტროენ ჯორჯიას“ საჩივარი დაუშვებლად ცნო

person access_time2018-01-24 11:12:43
კონკურენციის სააგენტომ შპს „სიტროენ ჯორჯიას საჩივარზე მოკვლევა არ დაიწყო და „სიტროენ ჯორჯიას საჩივარი სახელმწიფო ხელისუფლების ორგანოების მიერ კონკურენციის დარღვევასთან დაკავშირებით, დაუშვებლად ცნო.   აღნიშნულთან დაკავშირებით კონკურენციის სააგენტო განცხადებას ავრცელებს, რომელსაც „ინტერპრესნიუსი უცვლელად გთავაზობთ.   „2017 წლის 12 დეკემბერს, შპს „სიტროენ ჯორჯიამ კონკურენციის სააგენტოში წარმოადგინა საჩივარი, რომლის თანახმადაც, ყურადღება...

დავოსში მთლიანი შიდა პროდუქტის მაჩვენებლის ალტერნატივა მოიფიქრეს

person access_time2018-01-24 10:50:50
მსოფლიო ეკონომიკურ ფორუმზე, რომელიც დავოსში გაიხსნა, ქვეყნების ეკონომიკური განვითარების ალტერნატიული შეფასების სისტემაზე ილაპარაკეს. მას მთლიანი შიდა პროდუქტის (მშპ) უფრო თანამედროვე ანალოგს უწოდებენ. მშპ მთავარი ეკონომიკური მაჩვენებელია, რომლის მიხედვითაც განისაზღვრება ქვეყნის პოზიცია მსოფლიოში. მას ინკლუზიური განვითარების (Inclusive Development Index) ინდექსი (ან რეიტინგი) უწოდეს. ფორუმის ჩანაფიქრით, მისი მიზანი საზოგადოების ინფორმირება და მდგრადი და ინკლუზიური...

გიორგი კვირიკაშვილი - „კორუფციის წინააღმდეგ ბრძოლა მოხდა რეფორმების სრული კომპლექსით, რომლებიც საქართველოს მთავრობამ გაატარა“

person access_time2018-01-23 21:10:07
კორუფცია არ უნდა განვიხილოთ, როგორც ცალკე გამოწვევა სხვა გამოწვევებს შორის, - ამის შესახებ საქართველოს პრემიერ-მინისტრმა გიორგი კვირიკაშვილმა დავოსის მსოფლიო ეკონომიკურ ფორუმზე გამართულ პანელზე გამოსვლისას განაცხადა.     პრემიერის თქმით, კორუფციის წინააღმდეგ ბრძოლა მოხდა რეფორმების სრული კომპლექსით, რომლებიც საქართველოს მთავრობამ გაატარა.     „საუბარია ეკონომიკის ღიაობაზე, როგორც სატარიფო, ისე არასატარიფო სავაჭრო ბარიერების...

გიორგი კვირიკაშვილი: ჩვენი ისტორიული ტერიტორიების ოკუპაცია დიდი პრობლემაა, რასაც კონსტრუქციული, პრინციპული მიდგომით უნდა გავუმკლავდეთ

person access_time2018-01-23 19:10:00
საქართველოს პრემიერ-მინისტრის გიორგი კვირიკაშვილის განცხადებით, უნდა მოიძებნოს რუსეთთან ისეთი ზონები და არეალი, რომელიც მომავალში შეიძლება გახდეს კონფლიქტების პოლიტიკური დარეგულირების პოზიტიური განხილვების დაწყების საფუძველი, ეს სფეროები შეიძლება იყოს ვაჭრობა, ტურიზმი, ჰუმანიტარული და კულტურული ურთიერთობები. ამის შესახებ საქართველოს პრემიერმა დავოსის მსოფლიო...

კორუფციულ გარიგებებში დადანაშაულებულ კომპანიას გზების დეპარტამენტმა ნახევარმილიარდიანი კონტრაქტები გაუფორმა

person access_time2018-01-24 09:50:24
კომპანია, რომელიც თაღლითურ გარიგებებშია მხილებული და „შავ სიაშია შეყვანილი, მის ერთ-ერთ პროექტს კი, „Transparency International-მა „კორუფციის მონუმენტი უწოდა, საქართველოს ცენტრალური ავტომაგისტრალის ერთ-ერთი მსხვილი მშენებელია.   საქართველოში ჩინურ კომპანია „სინოჰიდროს, 2010 წლიდან, რამდენიმე დიდი ტენდერი აქვს მოგებული და ავტომაგისტრალის მნიშვნელოვანი მონაკვეთებიც ააშენა. ის ამჟამად, სამტრედია-გრიგოლეთის შემოვლით გზას და ქობულეთის შემოვლით გზას აშენებს....


მსგავსი სიახლეები