რობოტები, ტელემედიცინა და 5G - 2018 წლის მთავარი ტექნოლოგიური სიახლეები

access_time2018-01-13 18:00:44

მოგვწონს თუ არა, ტექნოლოგიები ჩვენს ცხოვრებაში თანდათან უფრო მყარად შემოდის და ზოგ სფეროში დომინირებს კიდეც. სპეციალისტები წლის დასაწყისიდანვე ცდილობენ ინოვაციების პროგნოზირებას. დღეს რუბრიკაში „გალილეო“ 2018 წელს მოსალოდნელი 5 საყურადღებო სიახლე შევარჩიეთ, რომელზეც ანალიტიკოსების დიდი ნაწილი თანხმდება.

 

 

1. რობოტების სიმრავლე

 

სპეციალისტების აზრით, ქუჩებში და შენობებში წელს ბევრ რობოტს ვიხილავთ. ხელოვნური ინტელექტის ნიმუშები განსაკუთრებით მრავლად შეგვხვდება დიდ შენობა-ნაგებობებში და მომსახურების სხვადასხვა სფეროში. რობოტებს ვნახავთ სასტუმროებში, საავადმყოფოებში, რესტორნებში, ქიმწმენდაში და ბევრ სხვა შენობაში. რობოტები მოზრდილი კომპლექსების და შოფინგ-ცენტრების დერეფნებში ივლიან, ქუჩებში კი მომხმარებელს შეკვეთილი ნივთის, თუ საკვების სახლში მიტანით მოემსახურებიან. ამერიკის დიდი ქალაქების მთავრობებმა ამ სიახლისთვის მზადება უკვე დაიწყეს. სან-ფრანცისკომ შესაბამისი კანონიც კი მიიღო, რომელიც ქუჩებში რობოტების რაოდენობას დაარეგულირებს.

 

 

2. მეტი ციფრული ცენტრალიზაცია

 

გამოცემა „ფორბსში“ დარწმუნებული არიან, რომ 2018 წელს ციფრული ინფორმაციის მეტი ცენტრალიზება მოხდება. გონიერი, ე.წ. სმარტ-ტექნოლოგიები, რომელთაც ჩვენ მოვიხმართ, სმარტ-ფონები იქნება ეს, ტაბლეტები, ტელევიზორები, ნავიგატორები და რიგ შემთხვევაში მაცივრები, თუ სხვა საყოფაცხოვრებო ტექნოლოგია, ერთმანეთთან კავშირს მეტად დაამყარებს და ადამიანს მათი კონტროლი ერთი ადგილიდან, ერთი ცენტრიდან შეეძლება. სმარტ-სპიკერები, რომელიც გასულ წელს დიდი პოპულარობით სარგებლობდა, ამ მიმართულებით გადადგმულ პირველ ნაბიჯად ითვლება.


 

 

3. ტელემედიცინის დაწინაურება

 

გასული წელი სავარჯიშო, ე.წ. ფიტნეს-სამაჯურების აღმავლობის პერიოდად ითვლება. სპეციალისტები ფიქრობენ, რომ წელს მათი გადაყრა მოგვიწევს, რადგან 2018 წელს გაიზრდება ჯანმრთელობის გაცილებით უფრო სერიოზულ კონტროლთან დაკავშირებული ახალი აპლიკაციების რაოდენობა. ტელემედიცინა, ანუ ტელეკომუნიკაციებზე და საინფორმაციო ტექნოლოგიებზე დამყარებული დისტანციური მედიცინა, ფეხს ჩვენს ყოველდღიურობაში კიდევ უფრო მეტად მოიკიდებს. გაიოლდება პაციენტს და მედპერსონალს შორის რეალურ დროში კავშირი.

 

 

4. სმარტ-სახლები და სმარტ-ქალაქები

 

მოლოდინის მიუხედავად, მძღოლების გარეშე, ავტონომიურად მოძრავი ე.წ. სმარტ-მანქანებით ქუჩების გავსება ისევ გადაიდო. ავტომობილების უსაფრთხოება და რეგულაციების სრულყოფა კვლავ სერიოზულ გამოწვევად რჩება. სამაგიეროდ, ჩვენი სახლები გახდება გაცილებით უფრო გონიერი. წარმოიდგინეთ, რომ სახლიდან გასვლისას თავისით ჩაქრება შუქი; გამოირთვება, ან შემცირდება კონდიცირება და გათბობა. სახლში შესვლისას, სახის ამომცნობი ტექნოლოგია გვიცნობს და არ ჩაირთვება სიგნალიზაცია; თავისით გაიღება კარი და აინთება შუქი. სმარტ-ქალაქების ხალხმრავალ ადგილებში სახის ამომცნობი ტექნოლოგიების რაოდენობა გაიზრდება, რომელიც სამართალდამცავებს დაეხმარება (ნიუ-იორკში უკვეა ამის პრეცედენტი); გაჩნდება გაცილებით მეტი სენსორი, რომელიც ჰაერის, ნიადაგის, თუ მდინარის წყლის დაბინძურებას გააკონტროლებს; გამრავლდება სენსორები, რომელიც ამოიცნობს ცეცხლსასროლი იარაღის ხმას და პოლიციას შეატყობინებს; მომრავლდება სმარტ-სადგომები, რომელიც მძღოლს თავისუფალ ადგილს მოუძებნის და მას პარკირებაში დაეხმარება.

 

 

5. მზადება 5G რევოლუციისთვის

 

თითქმის ყველა ექსპერტი მოელის, რომ 2018 წელი 5G ტექნოლოგიის შექმნაში გადამწყვეტი იქნება და ის გაცილებით რეალური გახდება. მობილური ტელეფონების კომპანიებში მისი გამოცდა უკვე მიმდინარეობს. ეს არის უკაბელო კომუნიკაციის ტექნოლოგიის მე-5 თაობა, რომელიც ევოლუციურად ახალი საფეხური იქნება მობილური მონაცემების გადაცემის საქმეში. 5G ტექნოლოგიის სტანდარტი ჯერ კიდევ ზუსტდება, მაგრამ სპეციალისტების აზრით, ის გაცილებით, სულ ცოტა, 10-ჯერ სწრაფი იქნება, ვიდრე 4G, რომელსაც ჩვენ ახლა ვიყენებთ.


ამერიკის ხმა



კონკურენციის სააგენტომ „სიტროენ ჯორჯიას“ საჩივარი დაუშვებლად ცნო

person access_time2018-01-24 11:12:43
კონკურენციის სააგენტომ შპს „სიტროენ ჯორჯიას საჩივარზე მოკვლევა არ დაიწყო და „სიტროენ ჯორჯიას საჩივარი სახელმწიფო ხელისუფლების ორგანოების მიერ კონკურენციის დარღვევასთან დაკავშირებით, დაუშვებლად ცნო.   აღნიშნულთან დაკავშირებით კონკურენციის სააგენტო განცხადებას ავრცელებს, რომელსაც „ინტერპრესნიუსი უცვლელად გთავაზობთ.   „2017 წლის 12 დეკემბერს, შპს „სიტროენ ჯორჯიამ კონკურენციის სააგენტოში წარმოადგინა საჩივარი, რომლის თანახმადაც, ყურადღება...

დავოსში მთლიანი შიდა პროდუქტის მაჩვენებლის ალტერნატივა მოიფიქრეს

person access_time2018-01-24 10:50:50
მსოფლიო ეკონომიკურ ფორუმზე, რომელიც დავოსში გაიხსნა, ქვეყნების ეკონომიკური განვითარების ალტერნატიული შეფასების სისტემაზე ილაპარაკეს. მას მთლიანი შიდა პროდუქტის (მშპ) უფრო თანამედროვე ანალოგს უწოდებენ. მშპ მთავარი ეკონომიკური მაჩვენებელია, რომლის მიხედვითაც განისაზღვრება ქვეყნის პოზიცია მსოფლიოში. მას ინკლუზიური განვითარების (Inclusive Development Index) ინდექსი (ან რეიტინგი) უწოდეს. ფორუმის ჩანაფიქრით, მისი მიზანი საზოგადოების ინფორმირება და მდგრადი და ინკლუზიური...

გიორგი კვირიკაშვილი - „კორუფციის წინააღმდეგ ბრძოლა მოხდა რეფორმების სრული კომპლექსით, რომლებიც საქართველოს მთავრობამ გაატარა“

person access_time2018-01-23 21:10:07
კორუფცია არ უნდა განვიხილოთ, როგორც ცალკე გამოწვევა სხვა გამოწვევებს შორის, - ამის შესახებ საქართველოს პრემიერ-მინისტრმა გიორგი კვირიკაშვილმა დავოსის მსოფლიო ეკონომიკურ ფორუმზე გამართულ პანელზე გამოსვლისას განაცხადა.     პრემიერის თქმით, კორუფციის წინააღმდეგ ბრძოლა მოხდა რეფორმების სრული კომპლექსით, რომლებიც საქართველოს მთავრობამ გაატარა.     „საუბარია ეკონომიკის ღიაობაზე, როგორც სატარიფო, ისე არასატარიფო სავაჭრო ბარიერების...

გიორგი კვირიკაშვილი: ჩვენი ისტორიული ტერიტორიების ოკუპაცია დიდი პრობლემაა, რასაც კონსტრუქციული, პრინციპული მიდგომით უნდა გავუმკლავდეთ

person access_time2018-01-23 19:10:00
საქართველოს პრემიერ-მინისტრის გიორგი კვირიკაშვილის განცხადებით, უნდა მოიძებნოს რუსეთთან ისეთი ზონები და არეალი, რომელიც მომავალში შეიძლება გახდეს კონფლიქტების პოლიტიკური დარეგულირების პოზიტიური განხილვების დაწყების საფუძველი, ეს სფეროები შეიძლება იყოს ვაჭრობა, ტურიზმი, ჰუმანიტარული და კულტურული ურთიერთობები. ამის შესახებ საქართველოს პრემიერმა დავოსის მსოფლიო...

კორუფციულ გარიგებებში დადანაშაულებულ კომპანიას გზების დეპარტამენტმა ნახევარმილიარდიანი კონტრაქტები გაუფორმა

person access_time2018-01-24 09:50:24
კომპანია, რომელიც თაღლითურ გარიგებებშია მხილებული და „შავ სიაშია შეყვანილი, მის ერთ-ერთ პროექტს კი, „Transparency International-მა „კორუფციის მონუმენტი უწოდა, საქართველოს ცენტრალური ავტომაგისტრალის ერთ-ერთი მსხვილი მშენებელია.   საქართველოში ჩინურ კომპანია „სინოჰიდროს, 2010 წლიდან, რამდენიმე დიდი ტენდერი აქვს მოგებული და ავტომაგისტრალის მნიშვნელოვანი მონაკვეთებიც ააშენა. ის ამჟამად, სამტრედია-გრიგოლეთის შემოვლით გზას და ქობულეთის შემოვლით გზას აშენებს....


მსგავსი სიახლეები