„სამინისტროების ოპტიმიზაციის რესურსი კიდევ არსებობს“

access_time2017-11-15 09:20:01

 „საზოგადოება ოპტიმიზაციასთან დაკავშირებით პირველ რიგში ფიქრობს თანხების დაზოგვაზე, მაგრამ მხოლოდ ეს არ არის ამოსავალი წერტილი. ვფიქრობ რომ ოპტიმიზაცია უნდა იყოს ეფექტურობის გაზრდა, ნაკლები დანახარჯებით მეტი შედეგის მიღწევა“,-ამის შესახებ აგრარულ საკითხთა კომიტეტის თავმჯდომარემ ოთარ დანელიამ რადიო „კომერსანტის“ გადაცემაში „კომერსანტის თემა სალომე სოსელიასთან ერთად“ ისაუბრა.


მისი თქმით პარლამენტს ბიუჯეტის გადაწყობა რესტრუქტურიზაციის შესაბამისად წელსაც შეუძლია მოესწროს.


„როდესაც ვსაუბრობთ ოპტიმიზაციაზე, მნიშვნელოვანია აღინიშნოს, რომ ყველა სამინისტროს ფუნქციების შეთავსება ხდება. საზოგადოება ოპტიმიზაციასთან დაკავშირებით პირველ რიგში ფიქრობს თანხების დაზოგვაზე, მაგრამ მხოლოდ ეს არ არის ამოსავალი წერტილი, ვფიქრობ რომ ოპტიმიზაცია უნდა იყოს ეფექტურობის გაზრდა, ნაკლები დანახარჯებით მეტი შედეგის მიღწევა. ჯერ ადრეა საუბარი სტრუქტურულად რა მოწყობა იქნება, რადგან ამას დამატებითი ღონისძიებები სჭირდება, მათ შორის მნიშვნელოვანია ბიუჯეტის პროექტი, რომელსაც ჩვენ საბოლოო სახე დეკემბერში უნდა მივცეთ. შესაბამისად, თუ საკანონმდებლო წინაპიროებები შეიქმნება სტრუქტურული ცვლილებებისა და მათ შორის სამინისტროების შერწყმასთან მიმართებაში, მაშინ ამას მოერგება ეს ბიუჯეტი, რომელიც ჩვენ უნდა დავამტკიცოთ“,-განაცხადა დანელიამ.


სოფლის მეურნეობის ყოფილმა მინისტრმა სოფლის მეურნეობის სამინისტროსა და გარემოს დაცვის სამინისტროს შერწყმაც შეაფასა.

 

„რაც შეეხება სოფლის მეურნებისა და გარემოს დაცვის სამინისტროს შერწყმას, ეს პრაქტიკა არსებობს და საქართველო არ არის პირველი. ეს არის ნორმალური მოცემულობა, მთავარია არ გაქრეს ფუნქციები და ვერ გაქრება, რადგან ასოცირების ხელშეკრულებით ჩვენ ძალიან ბევრი ვალდებულება გვაქვს აღებული, როგორც სოფლის მეურნეობის, ასევე გარემოს დაცვის კუთხით და მე ვფიქრობ, რომ ეს ინსტიტუტს კიდევ უფრო გააძლიერებს. ჩემი აზრით, კიდევ არის ოპტიმიზაციის რესურსი და არ გამოვრიცხავ, რომ მომავალში ეს გეგმაც იყოს“,-განაცხადა აგრარულ საკითხთა კომიტეტის თავმჯდომარემ.



„კომერსანტი“




გიორგი ღაღანიძე ხელისუფლებას 4 ქვეყნის თავისუფალი სავაჭრო ზონის შექმნას სთავაზობს

person access_time2017-11-24 17:00:43
„წლების წინ, როდესაც რუსული სამხედრო ბაზების გაყვანა დაიწყო, მაშინ გვქონდა იდეა, რომ სამცხე-ჯავახეთში, იქ სადაც ეს ბაზა იყო, მოწყობილიყო თავისუფალი სავაჭრო ზონა, თუმცა იდეა არ განხორციელდა“, - განაცხადა რადიო „კომერსანტის“ გადაცემაში „პროფესიონალები“ თსუ-ს პროფესორმა, ეკონომისტმა გიორგი ღაღანიძემ. მისივე თქმით, ახლა, როდესაც ბაქო-თბილისი-ყარსის რკინიგზა ამოქმედდა, სავაჭრო ზონის გაკეთება ყველაზე კარგი გადაწყვეტილება იქნება. „საქართველოს აქვს...

კახა კალაძე: ქალაქის ბიუჯეტის დაახლოებით 38% სოციალურ პროგრამებზე იხარჯება

person access_time2017-11-24 15:30:19
თოქ-შოუში „რეაქცია“ თბილისის მერმა კახა კალაძემ განაცხადა: „მძიმე სოციალური ფონია ქალაქში და ზოგადად ქვეყანაში, სწორედ ამიტომ ქალაქის ბიუჯეტის დაახლოებით 38% მიდის სოციალურ დახმარებებზე“. ფაქტ-მეტრმა ამ განცხადების სიზუსტე გადაამოწმა სოციალური ხარჯები მოიცავს როგორც სოციალურ უზრუნველყოფაზე, ასევე ჯანმრთელობის დაცვაზე გაწეულ ხარჯებს. 2017 წლის თბილისის ბიუჯეტის მთლიანი ხარჯები 585 მლნ 263 ათასი ლარია. აქედან...

„2017 წლის ბიუჯეტის 305 მილიონი ლარით ზრდა ლარის კურსზე არ იმოქმედებს“

person access_time2017-11-24 13:20:12
2017 წლის ბიუჯეტის 305 მილიონი ლარით ზრდა ლარის კურსზე არ იმოქმედებს, – ამის შესახებ საქართველოს ფინანსთა მინისტრის მოადგილემ გიორგი კაკაურიძემ პარლამენტის ბიუროს სხდომაზე განაცხადა. როგორც კაკაურიძე აცხადებს, დამატებული თანხა 2018 წელს დაიხარჯება. „ბიუჯეტის ხარჯვითი ნაწილის ზრდა 305 მილიონი ლარით მოხდება. თუმცა, ეს თანხა ემატება ბიუჯეტს 2018 წელს განსახორციელებელი ღონისძიებებისთვის. წელს ამ თანხის ხარჯვა არ მოხდება. თანხები მოხვდება საწარმოების...

საქართველოში ელექტროავტობუსების წარმოების დასაწყებად 5 მილიონის ინვესტიცია ჩაიდება

person access_time2017-11-24 11:10:03
საქართველოში ელექტროავტობუსების წარმოება დაიწყება. პროექტის განხორციელებას ქართული ფრეგობასი, გერმანელ და ჩინელ პარტნიორებთან ერთად გეგმავს. ერთობლივი კორპორაციის დაფუძნებაზე მემორანდუმი უკვე გაფორმდა. ქართული კომპანიის მენეჯმენტი აცხადებს, რომ პროექტის ტექნიკურ-ეკონომიკური დასაბუთება მიმდინარეობს და ოპტიმისტური გათვლებით ისინი 1.5 წელიწადში პირველი პარტიის გამოშვებას ელიან. ელექტროავტობუსები განკუთვნილი იქნება, როგორც...

„გამოძიება მიმდინარეობს სხვა ქვეყნებშიც - საქმე გვაქვს საერთაშორისო ტერორიზმის ფაქტთან“ - შს მინისტრი ჩატარებულ სპეცოპერაციაზე

person access_time2017-11-23 11:47:50
საქმე გვაქვს საერთაშორისო ტერორიზმის ფაქტთან, - ასე უპასუხა შინაგან საქმეთა მინისტრმა გიორგი გახარიამ კითხვას იმის შესახებ, საქართველოს გარდა, რომელ ქვეყნებში მიმდინარეობს გამოძიება გუშინ გამოვლენილ დანაშაულებრივ ჯგუფთან დაკავშირებით. „იყო ნათქვამი და ნათქვამია, რომ გამოძიება მიმდინარეობს სხვა ქვეყნებშიც - საქმე გვაქვს საერთაშორისო ტერორიზმის ფაქტთან. მიმდინარეობს გამოძიება და დაველოდოთ,- განაცხადა გახარიამ. რაც შეეხება იმას, შეგვიძლია თუ არა...


მსგავსი სიახლეები