„გარემოს დაცვის მიმართულების სოფლის მეურნეობაში გაერთიანება ბიზნესპროექტების განხორციელებაზე ნეგატიურად აისახება“

access_time2017-11-14 14:00:42

ეკონომისტ ბესო ნამჩავაძისთვის გაუგებარია, რა კრიტერიუმით შეირჩა საქართველოს რკინიგზის ხელმძღვანელი მამუკა ბახტაძე ფინანსთა მინისტრის თანამდებობაზე. „ეს კონკრეტული გადაწყვეტილება მისთვის ყველაზე მოულოდნელია“, - განუცხადა „კომერსანტს“ ბესო ნამჩავაძემ.


„ მამუკა ბახტაძე, როგორც პოლიტიკურად მოაზროვნე ეკონომისტი ცნობილი არ იყო. თავის კომპანიაში, კერძო ფინანსებით იყო დაკავებული. მეორე მხრივ, რკინიგზის ბოლო წლების საქმიანობას თუ შევხედავთ, ბევრი მაჩვენებელი, მათ შორის ტვირთბრუნვის მაჩვენებელი გაუარესებულია. ეს აჩენს შეკითხვებს, სად ჩანს ის წარმატებულობა, რის გამოც მას მინისტრის პოსტზე გადავიყვანთ? გაურკვეველია, რა კრიტერიუმით მოხდა მისი შერჩევა, რადგან პოლიტიკურ თანამდებობაზე ყოფნის გამოცდილებაც არ აქვს“, - აღნიშნავს ეკონომისტი.


რაც შეეხება ენერგეტიკისა და ეკონომიკის სამინისტროების შეწყმას, ნამჩავაძის თქმით, ეს დადებითი ფაქტია, რადგან ენერგეტიკის კომპონენტის ცალკე სამინისტროდ არსებობა ამ ეტაპზე საჭირო აღარ არის: „რაღაც ეტაპზე ენერგეტიკის სამინისტრო ცალკე იმიტომ არსებობდა, რომ ამის საჭიროება იდგა. ქვეყანას ენერგოპრობლემები ჰქონდა, მათ შორის 24 საათიანი ელექტრომომარაგების. ახლა ასე თუ ისე მსგავსი პრობლემები აღარ არსებობს. მას შემდეგ, რაც ენერგეტიკა ეკონომიკის სამინისტროს შეუერთდება, მაქსიმუმ 10 მილიონი დაიზოგება, მენეჯმენტის ნაწილში დიდი ეკონომია გაკეთდება“, - განაცხადა ნამჩავაძემ.


ბესო ნამჩავაძისთვის ასევე უცნაურია ის გადაწყვეტილება, რომ სოფლის მეურნეობისა და გარემოს დაცვის სამინისტროები ერთმანეთს შეერწყმება.



„ცოტა უცნაური გაერთიანებაა. მართალია, დასახელდა მაგალითები, რომ მაგალითად პორტუგალიაში და სხვა ქვეყნებში მსგავსი პრაქტიკა არსებობს, მაგრამ ვფიქრობ აქ განსხვავებული მიდგომა უნდა გვქონდეს. სოფლის მეურნეობის სამინისტრო გვჭირდება იმისთვის, რომ ბიზნესის დარგის ეფექტიანობა ამაღლდეს და სოფლის მეურნობაში არსებული რესურსი უკეთესად იქნას გამოყენებული. გარემოს დაცვის სამინისტრო კი პირიქით არის, აქ ეკონომიკურ ეფექტიანობაზე საუბარი არ არის. წმინდა ბიზნესური თვალსაზრისით რომ შევხედოთ, ეს დარგი შეიძლება წამგებიანი იყოს - გარემოს დაცვის მიმართულების სოფლის მეურნეობაში გაერთიანება ბიზნესპროექტების განხორციელებაზე ნეგატიურად აისახება. სრულიად გაუგებარია, ამ ორი სამინისტროს გაერთიანება რა ნიშნით მოხდა. სოფლის მეურნეობის სამინისტრო, როგორც ენერგეტიკის სამინისტრო, ეკონომიკის სამინისტროს რომ მიერთებოდა, ეს უფრო გასაგები იქნებოდა. გამოდის,რომ ერთმა მინისტრმა ერთ ნაწილში ბიზნესის განვითარებასა და ხელშეწყობაზე და მეორე მხრივ, გარემოს დაცვაზე უნდა იფიქროს“, - აღნიშნავს ნამჩავაძე.


რაც შეეხება ზოგადად საკადრო ცვლილებებს, ეკონომისტი დადებითად აფასებს იმ მიმართულებით, რომ სამინისტროების რაოდენობა და ხარჯების ოპტიმიზაცია მოხდება.


„საერთო ჯამში ცვლილებებს დადებითად შევაფასებ, რადგან ოპტიმიზაცია მოხდება ოთხი სამინისტროს ხარჯზე, აქამდე თუ 18 სამინისტრო გვქონდა, ახლა უკვე 13 გვექნება. სამინისტროების არა გაუქმება, არამედ სხვა სამინისტროებთან შერწყმა მოხდა. მოლოდინი არის, რომ ამ ცვლილებების შედეგად, ხარჯები შემცირდება თუნდაც იმ ნაწილში, რომ ცალკე  შენობა, ადმინისტრაციული ხარჯები, საწვავის ხარჯები, ბუღალტერია, მომარაგება და სამეურნეო ხარჯები გამოთავისუფლდება. ასევე, მთავრობის მუშაობის ეფექტურობა ამაღლდება. თავიდან რთული იქნება გაერთიანების პროცესი, უფლება-მოვალეობების გადანაწილება, გამსხვილება. სამართავად გართულებდება, თუმცა ამ მიმართულებით წასვლა სჯობდა. არის ბევრი ევროპული ქვეყანა, სადაც მაქსიმუმ 12 სამინისტროა“, - აცხადებს ნამჩავაძე.


შეგახსენებთ, მთავრობაში მნიშვნელოვანი საკადრო ცვლილებები განხორციელდა. როგორც პრემიერ-მინისტრმა გიორგი კვირიკაშვილმა განაცხადა, ხარჯების ოპტიმიზაციის, ბიუროკრატიის შემცირებისა და სახელმწიფო მართვის ეფექტურობის გაზრდის მიზნით 18 სამინისტროდან 13 სამინისტრო დარჩება. კერძოდ, ცვლილებები შეეხო ეკონომიკისა და ენერგეტიკის სამინისტროებს, რომლებიც გაერთიანდება და მათ დიმიტრი ქუმსიშვილი უხელმძღვანელებს; ფინანსთა მინისტრი მამუკა ბახტაძე იქნება; გარემოს დაცვის სამინისტროს სოფლის მეურნეობის სამინისტრო შეურთდება და გაერთიანებულ უწყებას ლევან დავითაშვილი უხელმძღვანელებს.


ავტორი: თეონა კენჭიაშვილი

 




„არავინ იცის, როგორი დენი მიდის მომხმარებლამდე!“ - ენერგეტიკოსები ელექტროენერგიის ხარისხის კონტროლის გამკაცრებას ითხოვენ

person access_time2018-01-16 11:10:24
ელექტროენერგიის ხარისხის კონტროლი გასამკაცრებელია. ენერგეტიკოსების ერთი ნაწილი მიიჩნევს, რომ დენის ხარისხი არ კონტროლდება და ამით მომხმარებელი ზარალდება. ბოლო პერიოდში კომპანიებს ამ მხრივ გარკვეული ვალდებულებები დაეკისრათ, მაგრამ ეს ჯერჯერობით არ არის თანამედროვე სტანდარტების შესაბამისი, საქართველოს ენერგეტიკის მარეგულირებელ კომისიაში კი ამტკიცებენ, რომ ელექტროენერგიის ხარისხი დამაკმაყოფილებელია. ენერგეტიკოსები ეჭვობენ, რომ დენის ხარისხის კონტროლი არ მიმდინარეობს....

H&M-მა და არჩევნებმა გარე სარეკლამო ბაზარი 15%-ით გაზარდა - outdoor.ge

person access_time2018-01-16 12:15:18
„გასულ წელს მთელი ქვეყნის მასშტაბით დატვირთული ბანერების რაოდენობამ 70-80% შეადგინა“, - ამის შესახებ „კომერსანტს“ სარეკლამო სააგენტო outdoor.ge-ს დირექტორმა ზურაბ პერტაიამ განუცხადა. მისი თქმით, ამ ეტაპზე გარე სარეკლამო ბაზარი საკმაოდ დატვირთულია, თუმცა „თამბაქოს კონტროლის შესახებ“ ცვლილებების ამოქმედების შემთხვევაში, ბაზარზე შესაძლოა, მცირედი ცვლილებები მოხდეს. „ამ ეტაპზე სარეკლამო ბაზარი...

„მივიღე მტკივნეული გაკვეთილი - დისტანცია უნდა დავიჭირო იმ ქვეყნების შიდა პოლიტიკისგან, სადაც ჩემი ფონდი ოპერირებს“

person access_time2018-01-15 20:00:38
ჯორჯ სოროსის განცხადებით, იგი ნაციონალიზმის წინააღმდეგ ბრძოლას კვლავ აპირებს - იდეოლოგიის, რომელსაც იგი „დომინანტს“ უწოდებს. აღნიშნულთან დაკავშირებით მილიარდერმა ინვესტორმა Financial Times-თან ისაუბრა. საუბარი საქართველოს ყოფილ პრეზიდენტს, მიხეილ სააკაშვილსაც შეეხო. „დეჟა ვუ მაქვს - მსოფლიოში დომინანტი იდეოლოგია კვლავ ნაციონალიზმია. ევროკავშირი დაშლის პირას არის, რუსეთი კი ძალას იკრებს - ქვეყანა, რომელიც ნაციონალიზმზეა დაფუძნებული,“ განაცხადა...

რეგულაციების დაწესება სათამაშოების ბაზარზე - რას ითხოვენ ქართველი მწარმოებლები ხელისუფლებისგან

person access_time2018-01-16 10:20:35
პოპულარიზაცია, წარმოების ზრდა და უსაფრთხო სათამაშოები — ეს ის საკითხებია, რის დაყენებასაც სათამაშოების ქართველი მწარმოებლები სააგენტო „აწარმოე საქართველოს“ ფარგლებში დაგეგმილ შეხვედრაზე გაახმაურებენ. როგორ კომპანიებში აცხადებენ, სახელმწიფოს მხრიდან გარკვეული ნაბიჯები იდგმევა, თუმცა წარმოების გაზრდისთვის და ქართული პროდუქციის პოპულარიზაციისთვის ეს საკმარისი არ არის. როგორც ცნობილია, ადგილობრივ თუ საერთაშორისო ბაზრებზე არსებული გამოწვევებისა და...

ზონირება, ტრანსპორტი, ეფექტიანობის შეფასება - მერიის არქიტექტურის სამსახური გენგეგმასთან დაკავშირებით შენიშვნებს აქვეყნებს

person access_time2018-01-15 17:00:26
თბილისის მერიის არქიტექტურის სამსახური დედაქალაქის მიწათსარგებლობის გენგეგმის პროექტის შესახებ საკუთარ შენიშვნებს აქვეყნებს. თბილისის მერიის არქიტექტურის სამსახური დედაქალაქის მიწათსარგებლობის გენერალური გეგმის პროექტის განახლებული ვერსიის შეფასებას აქვეყნებს. დოკუმენტში აღნიშნულია ის შენიშვნები, რომელიც თბილისის მერიას და შესაბამის სამსახურს გენერალურ გეგმასთან დაკავშირებით აქვს....


მსგავსი სიახლეები