თბილისში „ბიას“ ორგანიზებით საერთაშორისო ბიზნეს ფორუმი გაიმართა

access_time2017-03-21 12:48:47

2017 წლის 20 მარტს, თბილისში, სასტუმრო „რადისონ ბლუ ივერიაში" გაიმართა „ბიზნეს ინფორმაციის სააგენტოს"(BIA) საერთაშორისო ფორუმი - „საქართველოს ეკონომიკა: პერსპექტივები და გამოწვევები". ფორუმის მიზანია გაზარდოს საქართველოს, როგორც ბიზნესისთვის მიმზიდველი ქვეყნის ცნობადობა და ხელი შეუწყოს ინვესტიციების მოზიდვას ქვეყანაში.


პანელურ სესიებზე განხილული იყო ისეთი მნიშვნელოვანი თემები, როგორიც არის ახალი შესაძლებლობა საქართველოს ეკონომიკისთვის, ინფრასტრუქტურული პროექტები და საინვესტიციო შესაძლებლობები, საქართველოს ვენჩურული კაპიტალის ასოციაციის დაარსება და ვენჩურული კაპიტალის ფონდების გლობალური გამოცდილება, მცირე და საშუალო ბიზნესის განვითარების შესაძლებლობა და სხვა გამოწვევები.


მონაწილეებს შორის იყვნენ Global Investment Advisors-ის პრეზიდენტი - როჯერ ნაი, სარეიტინგო სააგენტო Fitch Ratings-ის უფროსი დირექტორი, ჯულია ბელსკაია ვონ ტელი, ვენჩურული კაპიტალისტები, ლაურენს რაითი და ზაკ ლაურენსი, საერთაშორისო საფინანსო კორპორაციის(IFC) რეგიონალური მენეჯერი სამხრეთ კავკასიაში იან ვან ბილსენი, ქართული წარმოშობის ამერიკული წამყვანი ბანკის Wells Fargo-ს ვიცე პრეზიდენტი Wealth management-ის კუთხით, ჯორჯ აკირთავა, მსოფლიო ბანკის რეგიონალური დირექტორი სამხრეთ კავკასიაში, მერსი ტემბონი და სხვა საერთაშორისო ორგანიზაციებისა წარმომადგენლები.


ბიას ფორუმი „ალიანს ჯგუფი ჰოლდინგის" და „ბიას" დამფუძნებელმა, აიეტ კუკავამ გახსნა, რის შემდეგაც ინვესტორებს და ბიზნესის წარმომადგენლებს სიტყვით საქართველოს პირველმა ვიცე-პრემიერმა, ფინანსთა მინისრმა დიმიტრი ქუმსიშვილმა და საქართველოს რეგიონული განვითარებისა და ინფრასტრუქტურის მინისტრმა, ზურაბ ალავიძემ მიმართეს. „ფორუმის მთავარი მიზანია, დააკავშიროს ადგილობრივი კომპანიები სტრატეგიულ პოტენციურ პარტნიორებთან, რათა ქვეყანაში მეტი ნოუ ჰაუ და თანამედროვე ტექნოლოგიები შემოვიდეს. ჩვენ ერთ სივრცეში თავი მოვუყარეთ ინვესტორებს და ქართული ბიზნესის წარმომადგენლებს იმისთვის, რომ შევქმნათ მეტი შესაძლებლობა თანამშრომლობისთვის" - აცხადებს ფორუმის მასპინძელი, ბატონი აიეტ კუკავა.


„ბიას" ფორუმის ფარგლებში, გაიმართა შოპინგ ფესტივალი, სადაც საქართველოში არსებული ბიზნესები ექსკლუზიური პირობებითა და ფასით იყვნენ წარმოდგენილები. ფესტივალს ესწრებოდნენ როგორც ფორუმის მონაწილეები, ასევე, სხვა დაინტერესებული პირები.



„ბიას" მხარდაჭერით, გაიმართა B2B შეხვედრები უცხოელ ინვესტორებთან, საინვესტიციო ბანკების წარმომადგენლებთან და მეწარმეებთან. ქართულ კომპანიებს შესაძლებლობა ჰქონდათ, წარედგინათ საკუთარი ბიზნესი და ფინანსური რესურსის მოსაზიდად განევითარებინათ საექსპორტო არხები და დაემყარებინათ გრძელვადიანი ურთიერთობა უცხოურ კომპანიებთან.


ფორუმის მასპინძელი კომპანიაა - „ბიზნეს ინფორმაციის სააგენტო", რომელიც მართავს საქართველოში დარეგისტრირებული ყველა აქტიური კომპანიის შესახებ ბიზნეს ინფორმაციის ყველაზე დიდ და მუდმივად განახლებად მონაცემთა ბაზას, რომლის მეშვეობითაც უცხოელ ინვესტორებს აცნობს საქართველოში არსებულ ხელსაყრელ საინვესტიციო შესაძლებლობებს. „ბია" წამყვანი კომპანიაა ადგილობრივი და უცხოელი ინვესტორებისთვის ბიზნეს პროფილების, მარკეტინგული სიების და დარგობრივი ბაზრების შესახებ ანალიტიკური მასალების მიწოდებაში.


ფორუმის მხარდამჭერები იყვნენ  ალაინს ჯგუფი ჰოლდინგი ,King David , პაშა პანკი.

 

 

 



2 თვეში გადახდისუუნარო მოსახლეობის რაოდენობა 4,7 ათასით გაიზარდა

person access_time2018-01-16 13:30:29
...

„არავინ იცის, როგორი დენი მიდის მომხმარებლამდე!“ - ენერგეტიკოსები ელექტროენერგიის ხარისხის კონტროლის გამკაცრებას ითხოვენ

person access_time2018-01-16 11:10:24
ელექტროენერგიის ხარისხის კონტროლი გასამკაცრებელია. ენერგეტიკოსების ერთი ნაწილი მიიჩნევს, რომ დენის ხარისხი არ კონტროლდება და ამით მომხმარებელი ზარალდება. ბოლო პერიოდში კომპანიებს ამ მხრივ გარკვეული ვალდებულებები დაეკისრათ, მაგრამ ეს ჯერჯერობით არ არის თანამედროვე სტანდარტების შესაბამისი, საქართველოს ენერგეტიკის მარეგულირებელ კომისიაში კი ამტკიცებენ, რომ ელექტროენერგიის ხარისხი დამაკმაყოფილებელია. ენერგეტიკოსები ეჭვობენ, რომ დენის ხარისხის კონტროლი არ მიმდინარეობს....

H&M-მა და არჩევნებმა გარე სარეკლამო ბაზარი 15%-ით გაზარდა - outdoor.ge

person access_time2018-01-16 12:15:18
„გასულ წელს მთელი ქვეყნის მასშტაბით დატვირთული ბანერების რაოდენობამ 70-80% შეადგინა“, - ამის შესახებ „კომერსანტს“ სარეკლამო სააგენტო outdoor.ge-ს დირექტორმა ზურაბ პერტაიამ განუცხადა. მისი თქმით, ამ ეტაპზე გარე სარეკლამო ბაზარი საკმაოდ დატვირთულია, თუმცა „თამბაქოს კონტროლის შესახებ“ ცვლილებების ამოქმედების შემთხვევაში, ბაზარზე შესაძლოა, მცირედი ცვლილებები მოხდეს. „ამ ეტაპზე სარეკლამო ბაზარი...

„მივიღე მტკივნეული გაკვეთილი - დისტანცია უნდა დავიჭირო იმ ქვეყნების შიდა პოლიტიკისგან, სადაც ჩემი ფონდი ოპერირებს“

person access_time2018-01-15 20:00:38
ჯორჯ სოროსის განცხადებით, იგი ნაციონალიზმის წინააღმდეგ ბრძოლას კვლავ აპირებს - იდეოლოგიის, რომელსაც იგი „დომინანტს“ უწოდებს. აღნიშნულთან დაკავშირებით მილიარდერმა ინვესტორმა Financial Times-თან ისაუბრა. საუბარი საქართველოს ყოფილ პრეზიდენტს, მიხეილ სააკაშვილსაც შეეხო. „დეჟა ვუ მაქვს - მსოფლიოში დომინანტი იდეოლოგია კვლავ ნაციონალიზმია. ევროკავშირი დაშლის პირას არის, რუსეთი კი ძალას იკრებს - ქვეყანა, რომელიც ნაციონალიზმზეა დაფუძნებული,“ განაცხადა...

რეგულაციების დაწესება სათამაშოების ბაზარზე - რას ითხოვენ ქართველი მწარმოებლები ხელისუფლებისგან

person access_time2018-01-16 10:20:35
პოპულარიზაცია, წარმოების ზრდა და უსაფრთხო სათამაშოები — ეს ის საკითხებია, რის დაყენებასაც სათამაშოების ქართველი მწარმოებლები სააგენტო „აწარმოე საქართველოს“ ფარგლებში დაგეგმილ შეხვედრაზე გაახმაურებენ. როგორ კომპანიებში აცხადებენ, სახელმწიფოს მხრიდან გარკვეული ნაბიჯები იდგმება, თუმცა წარმოების გაზრდისთვის და ქართული პროდუქციის პოპულარიზაციისთვის ეს საკმარისი არ არის. როგორც ცნობილია, ადგილობრივ თუ საერთაშორისო ბაზრებზე არსებული გამოწვევებისა და...


მსგავსი სიახლეები