BFM.ru
გერმანიის ხელისუფლება უცხოელი სპეციალისტების მიზიდვას ახალი ინიციატივით გეგმავს, რომელიც ქვეყანაში ცხოვრებისა და მუშაობისთვის საჭირო მინიმალური ხელფასის შემცირებას ითვალისწინებს. ამის შესახებ ქვეყნის ეკონომიკის მინისტრმა რაინერ ბრიუდერლემ განაცხადა.
ამჟამად ასეთი ნებართვის მიღება უცხოელს იმ შემთხვევაში შეუძლია, თუ წელიწადში 63 ათას ევროს მაინც გამოიმუშავებს.
ამასთან, გერმანიის ხელისუფლებამ შესაძლოა უცხოელი სპეციალისტებისთვის წამახალისებელი პრემიაც შემოიღოს, თუმცა ამ თანხას გადაიხდის არა ხელისუფლება, არამედ დამქირავებელი.
ექსპერტების გათვლებით, ახლო მომავალში გერმანიას ყველაზე მეტად არა უმუშევრობა, არამედ სპეციალისტების დეფიციტი ემუქრება: გერმანული ეკონომიკა უკვე გამოვიდა კრიზისიდან და ზრდა დაიწყო.
გერმანულ ბაზარს ათობით ათასი სპეციალისტი, განსაკუთრებით ინჟინრები ესაჭიროება. ყველაზე მეტი მოთხოვნა მაღალტექნოლოგიურ სფეროებში – ქიმიურ და მანქანათმშენებლობის დარგებშია.
|
