გილაური "სილქროუდ ჯგუფის" შვილობილისგან საბანკო გარანტიას ითხოვს
ვერა ქობალია პრემიერ-მინისტრისგან "ამერიქან მონოლითის" შესახებ მისი პროექტის დაწუნებას უარყოფს. ეკონომიკის მინისტრი ირწმუნება, რომ პროექტი ვითარდება. "მნიშვნელობა არა აქვს "ამერიქან მონოლითი" იქნება, თუ რომელიმე სხვა კომპანია. ყველა ინვესტორს, რომელიც საქართველოში შემოდის, შევხვდები. ყველასთან ერთად განვიხილავ დაგეგმილ ინვესტიციებს და დავეხმარები საქართველოში ახალი სამუშაო ადგილების შექმნაში," - აღნიშნა ქობალიამ.
მედიაში გავრცელებული ინფორმაციით კი ნიკა გილაურმა "ამერიქან მონოლითის" პროექტი იმავე მიზეზით დაიწუნა, რა მიზეზითაც თავის დროზე ეკონომიკის მინისტრის ყოფილმა მოადგილემ გრიგოლ გობეჯიშვილმა. ამავე ცნობით, ორივე შემთხვევაში პროექტის დაწუნების მიზეზი ინვესტორის მხრიდან საბანკო გარანტიის არარსებობა გახდა. პრეზიდენტმა კი პროექტის ჩაგდების გამო გობეჯიშვილს „გაქსუებული“ მოხელე უწოდა.
ინფორმაციისთვის: "ამერიქან მონოლითი" "სილქროუდ ჯგუფის" შვილობილი კომპანიაა. ამასთან, "სილქროუდ ჯგუფის" ერთ-ერთი შვილობილი "სილქროუდ მოტორსი" შესყიდვების სააგენტოს შავ სიაშია.
|
