საექსპორტო ბაზრებზე  „ქართული ლუდის კომპანიის“ პროდუქციაზე მოთხოვნა გაორმაგდა

საექსპორტო ბაზრებზე „ქართული ლუდის კომპანიის“ პროდუქციაზე მოთხოვნა გაორმაგდა

access_time2018-04-11 15:27:47

2017 წელს „ქართული ლუდის კომპანიაში“ საექსპორტო მაჩვენებლები გაორმაგდა. როგორც კომპანიის წარმომადგენელი  ექსპორტის მენეჯერი ლევან ოსეფაიშვილი განმარტავს, 2017 წელს 2016 წელთან შედარებით „ქართული ლუდის კომპანიას” ექსპორტის 100%-ზე მეტი ზრდა დაფიქსირდა.


2017 წელს „ქართული ლუდის კომპანიის“ პროდუქცია 25 საექსპორტო ბაზარზე გაიყიდა, რომელიც თავის მხრივ მოიცავს, ევროპის, აშშ-ს, დსთ-სა და გალფის ქვეყნებს.


კომპანიის მენეჯმენტი აცხადებს, რომ 2017 წელს არსებულ საექსპორტო ბაზრებზე ზრდა დაფიქსირდა სრულ ასორტიმენტზე, თუმცა 2017 წელს ყველაზე მოთხოვნადი მაინც ლუდი, ლიმონათი და ენერგეტიკული სასმელები იყო.  


 „ქართული ლუდის კომპანიის“ ექსპორტის მენეჯერის ლევან ოსეფაიშვილის განმარტებით, 2018 წელს კომპანიის პროდუქცია ჩინეთის ბაზარზეც შევა, რაც ქართული კომპანიისთვის გაყიდვების ზრდის წინაპირობაა. „ვმუშაობთ ჩინეთის ბაზარზე შესვლისთვის. ჩინეთის ბაზარი საკმაოდ დიდი ბაზარია და ვფიქრობთ, რომ საექსპორტო მოცულობებიც დიდი იქნება, თუმცა კონკრეტულ ციფრებზე ჯერ ვერ ვისაუბრებთ, რადგანაც ესეც მოლაპარაკებების საკითხია", აცხადებს ოსეფაიშვილი.


​მისივე  თქმით, ჩინეთის ბაზარზე მოსახვედრად „ქართული ლუდის კომპანია“ მოლაპარაკებებს 3 ჩინურ კომპანიასთან აწარმოებს.



კომპანიის მენეჯმენტი განმარტებით, ჩინურ ბაზარზე შესატანად განიხილება სრული ასორტიმენტი, ეს იქნება ლუდი, ლიმონათი, ნატურალური წვენები თუ ენერგეტიკული სასმელები.


„ქართული ლუდის კომპანიაში“ აცხადებენ, რომ  კომპანიისთვის  ყველაზე მნიშვნელოვანი ის  ფაქტორია, რომ   ექსპორტზე მომუშავე პარტნიორებისგან  პროდუქციის რაოდენობაზე მოთხოვნა  ყოველ  ჯერზე  იზრდება. „თითოეული ასეთი  შემთხვევა გვაძლევს  დამატებით  მოტივაციას  და სიამაყის  განცდას, რომ  ჩვენი კომპანიის მიმართ  სანდოობა მაღალია და   შედეგად, დღითიდღე იზრდება მოთხოვნა  ჩვენს პროდუქციაზე“  -  განაცხადა  „ქართული ლუდის კომპანიის“ საზოგადოებასთან ურთიერთობის სამსახურის ხელმძღვანელმა  ხათუნა მიქაცაძემ.


მისი თქმით, ქვეყნები, რომლებიც  ზრდიან მოთხოვნას ზედაზენის პროდუქციაზე ცალსახად აღიარებენ  ქართულ ხარისხს და  ქართული წარმოების შესაძლებლობებს და სტანდარტებს.


შეგახსენებთ, რომ სს "ქართული ლუდის კომპანია" დაარსდა 2011 წელს ერთი მიზნით: გამხდარიყო საქართველოს ლუდისა და უალკოჰოლო სასმელების ბაზრის ლიდერი. საწარმოს მშენებლობა დაიწყო 2011 წლის მაისში. მიუხედავად იმისა რომ საწარმო იქმნებოდა ცარიელ ადგილზე, მშენებლობის დაწყებიდან 7 თვეში უკვე შესაძლებელი გახდა საცდელი ლუდის ხარშვების დაწყება. ასეთ მცირე დროში  თანამედროვე ევროპული სტანდარტის წარმოების აწყობა შესაძლებელი გახდა ცეზარ ჩოჩელის გარშემო შემოკრებილი გუნდის გამოცდილებისა და პროფესიონალიზმის წყალობით. 2012 წლის 2 აპრილს საგურამოში საზეიმოდ გაიხსნა ლუდსახარში "ზედაზენი"; საქართველოს ბაზარზე გამოჩნდა ლუდი "ზედაზენი" და ლიმონათი "ზედაზენი".


R

 




ლევან კობერიძე: „თამბაქოს კონტროლის შესახებ“ კანონი ეკონომიკურ ზარალს არ მოგვიტანს“

ლევან კობერიძე: „თამბაქოს კონტროლის შესახებ“ კანონი ეკონომიკურ ზარალს არ მოგვიტანს“
person access_time2018-04-21 15:59:55
დიღმის მასივში, სანაპიროზე მდებარე რესტორნებში „თამბაქოს კონტროლის შესახებ“ კანონთან დაკავშირებით საინფორმაციო ხასიათის კამპანია ჩატარდა.  ღონისძიებაში „თამბაქოს კონტროლის ალიანსმა“, პარლამენტის წევრებმა და საპატრულო პოლიციის წარმომადგენლებმა მიიღეს მონაწილეობა. როგორც პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის მოადგილემ ლევან კობერიძემ „კომერსანტს“ განუცხადა, ჯამში 4 ობიექტი მოინახულეს და ყველა მათგანი მზად არის ახალი ნორმის...

"საქართველოში კრიპტოვალუტის ინფრასტრუქტურის პირველი მაღაზია გაიხსნა"

person access_time2018-04-21 13:09:10
კრიპტოვალუტის მაინერებზე და ვიდეობარათებზე მოთხოვნა ამჟამად შემცირებულია, -ამის შესახებ Bm.ge-ს კომპანია MiningShop.ge-ს დამფუძნებელმა სოსო ნადაშვილმა განუცხადა, რომელმაც საქართველოში პირველი მაღაზია გახსნა, სადაც კრიპტოვალუტის ინფრასტრუქტურისთვის საჭირო მოწყობილობებს...

CNN: ასობით ცნობილი ბრენდის რეკლამები YouTube-ის ექსტრემისტულ არხებზე ხვდებოდა

CNN: ასობით ცნობილი ბრენდის რეკლამები YouTube-ის ექსტრემისტულ არხებზე ხვდებოდა
person access_time2018-04-21 14:00:04
...

ხელმიუწვდომელი მეტრო უსინათლოთათვის

ხელმიუწვდომელი მეტრო უსინათლოთათვის
person access_time2018-04-21 12:00:37
მეტროსადგურ უნივერსიტეტში ჩასვლისას სასიამოვნო განცდა მეუფლება. ის ახალია. ეს ის სადგურია, რომელიც ჩვენ, როგორც დამოუკიდებელმა ქვეყანამ ავაშენეთ და...

პარლამენტმა „სივრცითი დაგეგმარების, არქიტექტურული და სამშენებლო საქმიანობის“ კოდექსი პირველი მოსმენით მიიღო

პარლამენტმა  „სივრცითი დაგეგმარების, არქიტექტურული და სამშენებლო საქმიანობის“ კოდექსი პირველი მოსმენით მიიღო
person access_time2018-04-20 17:21:15
საქართველოს პარლამენტმა „სივრცითი დაგეგმარების, არქიტექტურული და სამშენებლო საქმიანობის“ კოდექსი პლენარულ სესიაზე პირველი მოსმენით განიხილა და მხარი დაუჭირა.  როგორც პარლამენტის დარგობრივი ეკონომიკის და ეკონომიკური პოლიტიკის  კომიტეტის თავმჯდომარე რომან კაკულიამ კომერსანტთან აღნიშნა, ...


მსგავსი სიახლეები