„აზარტული თამაშების განვითარებისთვის სახელმწიფო სასათბურე პირობებს ქმნის“ - სპეციალისტები „Forbes“-ის  რეიტინგს აფასებენ

„აზარტული თამაშების განვითარებისთვის სახელმწიფო სასათბურე პირობებს ქმნის“ - სპეციალისტები „Forbes“-ის რეიტინგს აფასებენ

access_time2018-02-09 09:50:50

„ის, რომ აზარტულ თამაშებთან დაკავშირებული კომპანიები ქართული Forbes-ის მიერ დასახელებულ უმსხვილესი კომპანიების ოცეულში შედიან,სახელმწიფოს მხრიდან სასათბურე პირობების შექმნას უკავშირდება. რეგულაციების ამოქმედება აუცილებელია, თუმცა, რატომღაც ამ თემასთან დაკავშირებით მთავრობა არაფერს არ ამბობს“,- ასე შეაფასა „აფბას“ ეკონომისტმა ანდრია გვიდიანმა „Forbes“ მიერ გამოქვეყნებული საქართველოს უმსხვილესი კომპანიების ოცეული, რომელთა შორის ორი აზარტულ თამაშებთან დაკავშირებული კომპანიაცაა („Europe-bet“, „კრისტალ ბეთი“, „ლიდერბეთი“).

 

როგორც ანდრია გვიდიანმა „კომერსანტთან“ საუბრისას აღნიშნა, დასახელებული კომპანიების მოგება ყოველწლიურად მზარდია. მაგალითად, 2010 წელს  ამ სექტორში წლიურმა ბრუნვამ 380 მილიონი ლარი შეადგინა, 2016 წელს კი 4 მილიარდ ლარს გადააჭრა. „აფბას“ ეკონომისტი არსებულ ციფრებს საგანგაშოს უწოდებს.



„ციფრები აჩვენებს, რომ ვითარება საგანგაშოა და სახელმწიფო არაფერს აკეთდებს. პირიქით, აზარტული თამაშების განვითარებისთვის სასათბურე პირობებს ჰქმნის. ეს ყველაფერი უარყოფითად აისახება ქვეყნის ეკონომიკაზე, რადგან აღნიშნული სექტორის ბრუნვა აკლდება რეალური სექტორების განვითარებას. შეზღუდვები რომ დაწესდეს, ავტომატურად ეს თანხები გადაინაცვლებს ეროვნულ დანაზოგში, რაც უკვე შემდგომ საბანკო სექტორის გავლით, კონვერტირდება ინვესტიციებად და რეალური ეკონომიკის დაკრედიტებას მოხმარდება“,-აცხადებს გვიდიანი.

 

მისივე თქმით, როგორც დასაქმების, ასევე საბიუჯეტო შემოსავლების თვალსაზრისით, რეალური დოვლათი აღნიშნული მიმართულებით რეგულაციების ამოქმედების შემდეგ შეიქმნება.

 

„საუბარი არ მაქვს აზარტული თამაშების საერთოდ აკრძალვაზე, მაგრამ მკაცრი კონტროლი აუცილებელია. მაგალითად, ასაკობრივი ცენზის გაზრდა, რეგისტაციის გამკაცრება, მოგების ლიმიტის დაწესება და ა.შ. ცნობილია, რომ დიდი საფრთხეა საზღვარგარეთიდან არალეგალური ფულის შემოდინებაზე, რაც ხშირად უკონტროლოა და ეროვნული უსაფრთხოების თვალსაზრისით საყურადღებოა. ამაზე გაეროს ანგარიშშიცაა ნათქვამი“,- განმარტავს გვიდიანი.

 


ის, რომ დღეს ადგილობრივ ბაზარზე აზარტული თამაშების ბიზნესი ერთ-ერთი მომგებიანია, ამას სტატისტიკოსი სოსო არჩვაძეც ეთანხმება. მისი თქმით, ეკონომიკა იმდენად სუსტადაა განვითარებული, რომ რეალური სექტორი არ არის წარმატებული და ამის ფონზე აზარტული თამაშებით დაკავებული დაწესებულებებიც „Forbes“-ის ოცეულში ხვდებიან.

 

„არსებულ ვითარებას იწვევს როგორც შიდა, ასევე გარე ფაქტორები. პირველ შემთხვევაში, მოსახლეობის საკრედიტო დამოკიდებულების მაჩვენებლი კატასტროფულად მზარდია, რადგან ადამიანები ბანკში იღებენ სესხს და მერე მიდიან სათამაშოდ. ხშირად, ოჯახის წევრებისგან დამოუკიდებლად ბინას დებენ ბანკში ან აგირავებენ მას და ა.შ. რაც შეეხება გარე ფაქტორს, მეზობელი ქვეყნებიდან ინსტესიურად ჩამოდიან მოთამაშეები (აზერბაიჯანში, თურქეთში აზარტული თამაშები აკრძალულია) და ფულს აქ ხარჯავენ. ცნობილია ისიც, რომ მსგავსი კომპანიები ფულის გათეთრებისთვისაც გამოიყენება ხოლმე, ამიტომ რეგულაციები ცალსახად აუცილებელია და თანაც რაც შეიძლება მალე“,-აღნიშნავს არჩვაძე.

 

მისივე თქმით, 2005 წლის შემდეგ, შედარებისთვის, შინამეურნეობათა შემოსავლების ზრდა არის 3-ჯერ გაზრდილი, ხოლო საკრედიტო დამოკიდებულება 19-ჯერ. 23-ჯერ არის გაზრდილი მოსახლეობის ხარჯების მოცულობა სათამაშო ბიზნესში.


„ზოგადად, მსოფლიო სტატისტიკა ადასტურებს, რომ მოგების თანხა დახარჯულ თანხასთან შედარებით 6 %-ს შეადგენს, ყველა დანარჩენი კი თამაშიდან წაგებული რჩება. ამიტომ, კიდევ ერთხელ აღვნიშნავ, რომ სახელმწიფომ შესაბამისი ზომები უნდა მიიღოს“,-აცხადებს სოსო არჩვაძე.

 

„Forbes”-მა საქართველოს უმსხვილესი კომპანიების ოცეული დაასახელა. ოცეულში ისეთ კომპანიებთან ერთად როგორიცაა, შპს „ჯორჯიან მანგანეზ“, „ენერგო-პრო ჯორჯია“, „თელასი“(პირველი სამეული), მოხვდა ორი აზარტულ თამშებთან დაკავშირებული კომპანიაც. ესენია:

 

• შპს ჩემპიონები 111 (europe-bet) – საქმიანობა: აზარტული თამაშების საქმიანობები;


• შპს სუპერბეთი 2014 (კრისტალ ბეთი, ლიდერბეთი) – საქმიანობა: აზარტული თამაშების საქმიანობები.

 

ავტორი: სალომე ლემონჯავა 

 



თბილისში პარკინგის მოწყობაზე სამი ლოკაცია უკვე დასახელდა და ტენდერიც გამოცხდდა

თბილისში პარკინგის მოწყობაზე სამი ლოკაცია უკვე დასახელდა და ტენდერიც გამოცხდდა
person access_time2018-04-25 10:58:01
გეგშიძის ბაღის, რკინიგზის სადგურის და ვარკეთილის მეტროს მიმდებარედ მიწისქვეშა პარკინგები მოეწყობა.თბილისის მერიამ საპარკინგე სისტემის მოსაწესრიგებლად ინტერესთა გამოხატვა  3 ლოკაციაზე გამოაცხადა.  შერჩეულ კომპანიას მიწა 1 ლარად გადაეცემა. პროექტი ჯამში 715 საპარკინგე ადგილის მოწყობას ითვალისწინებს.  „გაიმარჯვებს კომპანია, რომელიც მეტ საგარანტიო უზრუნველყოფას შესთავაზებს მუნიციპალიტეტს. მზად ვართ ბიზნესთან მჭიდრო ურთიერთობით შევქმნათ...

კახა შარაბიძე: მოგვიანებით გადავწყვეტთ, საჯარო განცხადებას Microsoft-ის სახელით გავაკეთებთ თუ არა

კახა შარაბიძე: მოგვიანებით გადავწყვეტთ, საჯარო განცხადებას Microsoft-ის სახელით გავაკეთებთ თუ არა
person access_time2018-04-24 19:14:00
  მედია-საშუალებებში დღეს გავრცელებულ განცხადებასთან დაკავშირებით, რომლის საფუძველზეც სს„სარაჯიშვილის“ ადვოკატმა კახა ასლანიშვილმა Microsoft-საქართველო და საადვოკატო ფირმა BLB-ის დამფუძნებელი  კახა შარაბიძე არაუფლებამოსილი ქმედებების განხორციელებაში დაადანაშაულა,  „კომერსანტი“ დაუკავშირდა როგორც Microsoft-საქართველოს, ისე საადვოკატო ფირმა BLB-ის დამფუძნებელს  კახა შარაბიძეს და მათ საპასუხო კომენტარის გაკეთება სთხოვა. შეგახსენებთ,...

„არაქართველი გიდები ტურისტებს საქართველოს ისტორიას დამახინჯებულად უყვებიან“

„არაქართველი გიდები ტურისტებს საქართველოს ისტორიას დამახინჯებულად უყვებიან“
person access_time2018-04-02 09:00:00
  იმ  ფონზე, როცა ტურისტების რაოდენობა ყოველდღიურად იზრდება საქართველოში, განსაკუთრებით მნიშვნელოვანია, ტურიზმის  სფეროს შესაბამისი განვითარება და პროფესიონალი გიდების მომზადება. ტურიზმზე.   ამ სფეროში არსებულ პრობლემებზე, მისი განვითარებისთვის საჭირო რესურსებსა და  გიდების მიერ საქართველოს ისტორიის დამახინჯებულად თხრობის ფაქტებზე ისაუბრა რადიო  „კომერსანტის“ გადაცემაში „მოითხოვე ქართული“   „იბერია ტურს პლუსის“ დამფუძნებელმა...

„არაქართველი გიდები ტურისტებს საქართველოს ისტორიას დამახინჯებულად უყვებიან“

„არაქართველი გიდები ტურისტებს საქართველოს ისტორიას დამახინჯებულად უყვებიან“
person access_time2018-04-25 09:00:00
    იმ  ფონზე, როცა ტურისტების რაოდენობა ყოველდღიურად იზრდება საქართველოში, განსაკუთრებით მნიშვნელოვანია, ტურიზმის  სფეროს შესაბამისი განვითარება და პროფესიონალი გიდების მომზადება. ტურიზმზე.   ამ სფეროში არსებულ პრობლემებზე, მისი განვითარებისთვის საჭირო რესურსებსა და  გიდების მიერ საქართველოს ისტორიის დამახინჯებულად თხრობის ფაქტებზე ისაუბრა რადიო  „კომერსანტის“ ეთერში, გადაცემაში „მოითხოვე ქართული“   „იბერია ტურს პლუსის“...

ბექა ნაცვლიშვილი: მიწის გასხვისებასთან დაკავშირებულ პრობლემებს აგრობანკის შექნით მოვაგვარებდით

ბექა ნაცვლიშვილი: მიწის გასხვისებასთან დაკავშირებულ პრობლემებს აგრობანკის შექნით მოვაგვარებდით
person access_time2018-04-25 12:30:00
როგორც „ქართული ოცნება - სოციალ-დემოკრატების“ თავმჯდომარის მოადგილე ბექა ნაცვლიშვილი „კომერსანტთან“ განმარტავს ბანკების დაკრედიტების წილი სასოფლო-სამეურნეო მიმართულებით იმდენად მცირეა, რომ ქვეყანა დაკრედიტების ალტერნატიულიწყაროს მოძიება აუცილებელი ხდება. მისი თქმით, ამ შემთხვევაში საუკეთესო გამოსავალი აგრარული სექტორის განვითარების ბანკის, ანუ  აგრობანკის შექმნა იქნებოდა. „როდესაც მიწის შესაძებ საკითხზე დაიწყება მსჯელობა, იმედია აგრობანკის შექმნის იდეას...


მსგავსი სიახლეები