ყველაფერი პიონჩანგ 2018-ის ოლიმპიურ თამაშებზე

access_time2018-02-10 16:00:00

სამხრეთ კორეის ქალაქ პიონჩანგში 9 თებერვალს, ზამთრის 23-ე ოლიმპიური თამაშები დაიწყო. პირველი “თეთრი” ოლიმპიადა 1924 წელს, საფრანგეთის შამონიში გაიმართა.


საპოროსა (1972) და ნაგანოს (1998) შემდეგ, ეს არის ზამთრის მესამე ოლიმპიადა აზიაში. კორეა მეორე ოლიმპიადას მასპინძლობს – პირველი ზაფხულისა იყო: 1998 წელს, სეულში.


პიონჩანგი დედაქალაქ სეულიდან 130 კილომეტრის დაშორებით, ტჰებეკის მთებში მდებარეობს. ზამთარი იქ გრძელი და თოვლიანია, ასე რომ, პირობები ზამთრის სპორტებისთვის იდეალურია. მაგრამ უსიამოვნო მომენტია ის, რომ პიონჩანგიდან 80 კილომეტრში ჩრდილოეთ კორეის საზღვარია.


პიონჩანგი კორეულიდან ითარგმნება, როგორც მშვიდობა და აყვავება. ოლიმპიადისთვის უკეთესი ლოზუნგის მონახვა ძნელია. პიონჩანგის მოსახლეობა მხოლოდ 9 940 ადამიანია. იგივე სახელწოდების ოლქში 43 700 ადამიანი ცხოვრობს.


თამაშებს ორი თილისმა ჰყავს – თეთრი ვეფხვი, რომელსაც სუჰორანი ჰქვია და ჰიმალაის დათვი, სახელად პანდაბი. შემქმნელთა ჩანაფიქრით, ვეფხვი ოლიმპიადის მიმართ ნდობის სიმბოლოა და ის იცავს სპორტსმენებსა და გულშემატკივრებს. დათვი კი მამაცობისა და ბრძოლის ჟინის სიმბოლო გახლავთ.


დროებითი 35-ათასიანი ოლიმპიური სტადიონის აშენებას 100 მილიონი დოლარი დასჭირდა. აქ გაიმართება გახსნისა და დახურვის ცერემონია. თამაშების შემდეგ, არენას დემონტაჟი ელოდება.



ორ ოლიმპიურ სოფელში ათლეტებისა და დელეგაციის წევრების განსათავსებლად 1522 ნომერია. ოლიმპიელებისთვის განკუთვნილ ყველაზე მაღალ კორპუსში 25 სართულია.


ოლიმპიურ სტარტებს 12 სპორტული არენა უმასპინძლებს. მათ შორის, ექვსი ახალია და ამდენივე – რეკონსტრუირებული.


პიონჩანგის თამაშების პროგრამაში სპორტის 15 სახეობაა შეტანილი. 16 დღის განმავლობაში, გათამაშდება მედლების 102 კომპლექტი. ყველაზე მეტი ჩემპიონი ეყოლება ციგურებით რბენას – 14. არის ოთხი ახალი დისციპლინა: მას-სტარტი ციგურებით რბენაში, ბიგ-ეირი სნოუბორდში, გუნდური პირველობა სამთო თხილამურებში და დაბლ-მიქსტი ქიორლინგში.


ჯამში თითქმის 3 ათასი სპორტსმენი იბრძოლებს ოლიმპიური მედლებისთვის.


პრესის მონაცემებით, 2018 წლის ოლიმპიადის ბიუჯეტმა 13 მილიარდი დოლარი შეადგინა – დაახლოებით ორჯერ მეტი, ვიდრე თავდაპირველად იყო ნავარაუდები.


სულ ოლიმპიადაზე გამოვა 92 ქვეყნის ნაკრები, მათ შორის, ექვსი აფრიკული და ოთხი – ლათინოამერიკული, რომლებიც არ იყვნენ ოთხი წლის წინ, სოჭში.


ოლიმპიური ჩირაღდნის ესტაფეტას 7500 მონაწილე ჰყავს. ესტაფეტა დასრულდება გახსნის დღეს, როცა ოლიმპიურ სტადიონზე მთავარი ოლიმპიური ცეცხლი დაინთება.


1TV



აფბა: გზების დეპარტამენტის თავმჯდომარემ რუსული კომპანიის დირექტორობა დეკლარაციაში დამალა

person access_time2018-02-21 19:41:41
აფბა აგრძელებს ინფრასტრუქტურისა და რეგიონული განვითარების სამინისტროს საქმიანობის კვლევას. როგორც „კომერსანტს“ „ახალგაზრდა ფინანსისტთა და ბიზნესმენთა ასოციაციიდან“ აცნობეს, ამ ეტაპზე აფბა-ს  შესწავლის საგანია საგზაო-ინფრასტრუქტურული პროექტების განხორციელებისა და საავტომობილო გზების დეპარტამენტის საქმიანობის სამართლებრივი და ეკონომიკური ასპექტები.   საზოგადოებას უკანასკნელი თვის განმავლობაში წარვუდგინეთ მსხვილ საგზაო პროექტებში არსებული...

WEF : საქართველოს 10 მთავარი რისკი

person access_time2018-02-21 17:11:27
მსოფლიო ეკონომიკურმა ფორუმმა 2018 წლის მსოფლიოს მთავარ რისკებზე კვლევა გამოაქვეყნა. მსოფლიოში მთავარ რისკებად ეკონომიკური მდგომარეობა, გარემოს დაცვითი საკითხები, კიბერუსაფრთხოება და გეოპოლიტიკური ვითარება სახელდება. მსოფლიოს სხვადასხვა ქვეყნებში არსებული რისკების შესაფასებლად WEF ექსპერტებთან და სახელმწიფო წარმომადგენლებთან ერთად მუშაობს.  კვლევისას რესპოდენტებს ის ძირითადი რისკები უნდა დაესახელებინათ, რომლებიც მომდევნო 10 წელში მათ ბიზნესგეგმებს ყველაზე...

ექვსი ახალი ინიციატივა ბიზნესისათვის - ფინანსთა მინისტრმა საგადასახადო ცვლილებები დაანონსა

person access_time2018-02-21 14:18:44
საგადასახადო კოდექსში ცვლილებების შესახებ კანონპროექტი მზადდება, რომელიც 6 ახალ ინიციატივას მოიცავს.   საქართველოს ფინანსთა მინისტრის მამუკა ბახტაძის განმარტებით, ახალი საგადასახადო ინიციატივის ფარგლებში, რომლის მიზანია მცირე ბიზნესის ხელშეწყობა, იცვლება დაბეგვრასთან დაკავშირებული რეგულაციები.   ეკონომიკური საქმიანობის განმახორციელებელი ორგანიზაციები, ფაქტობრივად, გათავისუფლდებიან მოგების გადასახადისგან.   უქმდება გრძელვადიანი...

პრივილეგირებული იმპორტი - ქათმის ხორცის მწარმოებლები საგადასახადო დისკრიმინაციაზე ჩივიან

person access_time2018-02-21 15:40:36
საქართველოში  ქათმის ხორცის წარმოება ბიზნესის ერთ-ერთი განვითარებული მიმართულებაა.  მიუხედავად ამისა, ჩვენს ქვეყანაში მსოფლიოს სხვადასხვა ქვეყნიდან, მაინც დიდი რაოდენობით შემოდის ქათმის ხორც-პროდუქტები, თუმცა ქართველი მომხმარებელი მაინც ადგილობრივ პროდუქტს ანიჭებს უპირატესობას. გარდა ამისა, ადგილობრივ მწარმოებლებს მაინც ექმნებათ პრობლემა ბიზნესის განვითარების და გაფართოების თვალსაზრისით. ამის ერთ-ერთ მიზეზად, წლების განმავლობაში სახელმწიფოს მიერ გატარებული რეფორმები...

„შესაცვლელია მთლიანად სასამართლო სისტემა და არა მოსამართლეები“ - ადვოკატის შეფასებები

person access_time2018-02-21 09:50:42
„კომერციული თვალსაზრისით და, არამხოლოდ, სასამართლო სისტემაში სამი ძირითადი პრობლემაა  მოსაგვარებელი. პირველი - ყველა ადმინისტრაციული დავა სასამართლოში არ უნდა მიდიოდეს. მეორე - სახელმწიფომ თავი უნდა დაანებოს კომერციულ დავებს  და წაახალისოს არბიტრაჟები თუ მედიაციები. მესამე - უნდა გაიზარდოს როგორც მოსამართლეთა რაოდენობა, ასევე მათი შრომითი ანაზღაურება. მსგავსი კომპლექსური მიდგომით შევძლეთ დღეს არსებული პრობლემების მოგვარებას“,-ასე შეაფასა სასამრთლო სისტემაში არსებული...


მსგავსი სიახლეები