მაია სიდამონიძე: „ტურისტები ყველაზე მეტად ტაქსების მომსახურებით არიან უკმაყოფილო“

access_time2018-01-31 09:50:36

თბილისში ტაქსების ლიცენზია სავალდებულო გახდება, თუმცა დეტალები და ზუსტი თარიღი უცნობია. როგორც რამდენიმე დღის წინ დედაქალაქის მერმა, კახა კალაძემ, ტაქსების მომსახურების ხარისხი გაუმჯობესდება და ეტაპობრივად გარკვეული სტანდარტები დაწესდება.


ცნობილია, რომ ამჟამად მიმდინარეობს სამართლებრივი საფუძვლების შექმნა, რათა მუნიციპალიტეტმა გასცეს ტაქსის სერვისის განხორციელების ნებართვა. როგორც  კალაძე აღნიშნავს, ტაქსების რეგისტრაცია სავალდებულო იქნება.


მოგვიანებით, რეგიონალური განვითარებისა და ინფრასტრუქტურის მინისტრმა ზურაბ ალავიძემ განაცხადა, რომ ტაქსების სავალდებულო რეგისტრაცია საქართველოს საკურორტო ზონებშიც დაიწყება.


„წელს კატასტროფა ხდებოდა ბაკურიანში. მთელი საქართველოდან ტაქსები ბაკურიანში იყო ასული. ერთ დამსვენებელზე ამდენი ტაქსი საჭირო ნამდვილად არ იყო. აქედან გამომდინარე, ეს რეგულაციები აუცილებლად მოხდება და მოხდება სწრაფად“, - აღნიშნა ალავიძემ.


ტაქსების პრობლემაზე „კომერსანტთან“ ტურისტული კომპანიების წარმომადგენლები არაერთხელ საუბრობდენ და აღნიშნავდნენ, რომ ტაქსები ტურისტებისთვის პრობლემებს ქმნიდნენ. ტურიზმის ეროვნული ადმინისტრაციის ყოფილი ხელმძღვანელი მაია სიდამონიძე „კომერსანტთან“ აცხადებს, რომ ტაქსების პრობლემა საქართველოში ჩამოსული ტურისტებისთვის მთავარ უკმაყოფილებას წარმოადგენს.



„ტაქსების პრობლემა არამხოლოდ ტურისტებისთვის, მოქალაქეებისთვისაც დგას, დაწყებული უსაფრთხოების წესებიდან, გზების ცოდნით დასრულებული. საქართველოში ჩამოსული ტურისტები ყველაზე მეტად ტაქსების მომსახურებით არიან უკმაყოფილო. ხშირ შემთხვევაში ტაქსის მძღოლებმა არ იციან ზუსტი მისამართები, გაუმართავი მანქანებით და დიდი სისწრაფით მოძრაობენ. ტარიფები არის ორმაგი და სამმაგი, რაც არცერთ ქვეყანაში არ ხდება, რომ ტურისტს იმაზე მეტი გადაახდევინო, ვიდრე ადგილობრივს. რაც ყველაზე მთავარია, ტურისტები უსაფრთხოების მხრივ დაუცველები არიან“, - აცხადებს სიდამონიძე.


მისი თქმით, საკურორტო ზონებში ტაქსების პრობლემა მართლაც შეიქმნა: „როგორც ვიცი, საკურორტო ზონებში პრობლემა ტარიფებთან დაკავშირებით შეიქმნა. ბაკურიანსა და გუდაურში წელს ძალიან ბევრი ტაქსი მოძრაობს და ამის გამო კურორტზე გადაადგილება შეზღუდულია“.


ამასთან სიდამონიძის თქმით, აღნიშნული საკითხის მოგვარება აუცილებელია, რადგან ქვეყნის იმიჯზე უარყოფითად აისახება, თუმცა მკაცრი რეგულაციები საჭირო არ არის.


„ეს პრობლემა თუ არ დარეგულირდა,  ქვეყნის იმიჯზე უარყოფითად აისახება. რაც შეეხება მოსალოდნელ ლიცენზირებას, მე პირადად მეტი დეტალის გაგება მინდა, ანუ კონკრეტულად რა იგულისხმება. სიტყვა ლიცენზირება მკაცრი ფორმა მგონია და რამდენად შედეგიანი იქნება, ამის განსაზღვრა გამიჭირდება. გარკვეული რეგულაციები, რა თქმა უნდა, საჭიროა, თუმცა უფრო ლიბერალური. ბევრი ადგილობრივისთვის ეს არის შემოსავლის ერთადერთი წყარო. ისე არ უნდა მოხდეს, ამ ადამიანებმა შემოსავლები დაკარგონ, პირიქით ხელშემწყობი ზომები უნდა მივიღოთ, რომ მათ პრობლემების მოგვარებაში დავეხმაროთ. ტაქსის მძღოლებისთვის ხელშემწყობი ტრენინგების ჩატარება და შემდეგ სერტიფიკატის გაცემა უფრო ლიბერალური ნაბიჯი მგონია“, - აცხადებს მაია სიდამონიძე.


ავტორი: თეონა კენჭიაშვილი

 

 

 




„ბიტკოინი: იყავი საკუთარი თავის ბანკი“ – უქმნის, თუ არა კრიპტოვალუტა ბანკებს საფრთხეს?

person access_time2018-02-18 20:00:02
“Bitcoin: Be your own bank“...

გერმანიის შს მინისტრი - თუ ვიზის დამრღვევთა რიცხვი გაიზრდება, ამ მექნიზმის ამოქმედებას დავიწყებთ, ყველაფერი საქართველოზეა დამოკიდებული

person access_time2018-02-18 09:05:44
თუ ვიზის დამრღვევთა რიცხვი გაიზრდება, შემდეგ ჩვენ ამ მექნიზმის ამოქმედებას დავიწყებთ . ასე, რომ ყველაფერი საქართველოზეა დამოკიდებული, - ამის შესახებ გერმანიის შინაგან საქმეთა მინისტრმა ტომაზ დე მაიზერმა ქართველ ჟურნალისტებს გერმანიაში განუცხადა. გერმანიის შინაგან საქმეთა მინისტრის განცხადებით, ის საქართველოს საგარეო საქმეთა მინისტრს მიხეილ ჯანელიძეს...

ელენ დეჯენერესი ბიტკოინზე: „ან მილიონერი გახდებით ან გაკოტრდებით“

person access_time2018-02-17 12:00:15
დღეს თითქმის ყველა ბიტკოინთან დაკავშირებით საუბრობს, თუმცა რა არის ბიტკოინი, ამისი ახსნა ბევრს გაუჭირდება. ცნობილმა ამერიკელმა ტელეწამყვანმა, ელენ დეჯენერესმა საბაზრო კაპიტალიზაციით უმსხვილეს კრიპტოვალუტასთან დაკავშირებით ისაუბრა და ზემოთაღნიშნულ გარემოებას გაუსვა ხაზი.   „ბიტკოინი წააგავს დამაბნეველი სცენარის მქონე ფილმს - თქვენი მეგობრები უყურებენ მას და არ იმჩნევენ, რომ ფილმში არაფერი არ ესმით. ამ დროს კი თქვენც ისეთი სახე გაქვთ, თითქოს ყველაფერი გაიგეთ,“-...

ბილ და მელინდა გეიტსები: „არასამართლიანია, რომ ასეთი მდიდრები ვართ“

person access_time2018-02-17 14:00:06
ბილ გეიტსი მსოფლიოში ყველაზე მდიდარი ადამიანების სიაში მეორე ადგილს იკავებს, რაც მას დიდ ძალაუფლებას ანიჭებს. იგი აღნიშნულ ძალაუფლებას ფილანტროპიული მიზნებისთვის იყენებს - 2000 წელს ბილ გეიტსმა მეუღლესთან, მელინდასთან ერთად „ბილ და მელინდა გეიტსების ფონდი“ დააარსა, რომლის მიზანსაც სიღარიბის, შიმშილის, უთანასწორობისა და დაავადებების წინააღმდეგ ბრძოლა წარმოადგენს.   ფონდის საქმიანობასთან დაკავშირებით, ბილ და მელინდა გეიტსებმა ხშირად დასმულ 10 შეკითხვას გასცეს პასუხი....

„ეფლი“, „გუგლი“, „თურქული ავიახაზები“ და სხვა ცნობილი კომპანიები, რომელთა აქციონერიც ბიძინა ივანიშვილია

person access_time2018-02-17 10:00:01
“2017 წლის 27 დეკემბრის მონაცემებით, საქართველოს ყოფილი პრემიერ-მინისტრის ბიძინა ივანიშვილის ქონება 5.80 მლრდ აშშ დოლარს შეადგენს”, – ამის შესახებ ინფორმაცია „ბლუმბერგის“ 2017 წლის მილიარდერების სიაშია მოცემული, რომელშიც...


მსგავსი სიახლეები