„არაპროფილურ აქტივებთან დაკავშირებით ცვლილებები თიბისი ბანკზე გავლენას არ მოახდენს“

access_time2018-01-22 09:40:29

„არაპროფილურ აქტივებთან დაკავშირებით საკანონმდებლო ცვლილებები თიბისი ბანკზე გავლენას არ მოახდენს“, - ამის შესახებ რადიო „კომერსანტის“ გადაცემაში „ეკონომისტის დრო ლევან ქისტაურთან ერთად“ თიბისი ბანკის გენერალურმა დირექტორმა ვახტანგ ბუცხრიკიძემ განაცხადა. ბანკირის თქმით, თიბისი ბანკი საფინანსო სექტორიდან არასდროს არ გასულა.


„ჩვენ ვამბობდით ყოველთვის, რომ ვართ ფინანსური ინსტიტუტი და გვაქვს მხოლოდ ფინანსური პროდუქტები, ამაში ვგულისხმობთ, როგორც ბანკს, სადაზღვევო ბიზნესს, საბროკერო კომპანიას და ლიზინგს“, - განაცხადა ბუცხრიკიძემ.


ვახტანგ ბუცხრიკიძემ კომერციული ბანკების მომგებიანობაზეც ისაუბრა და აღნიშნა, რომ მაღალი კაპიტალიზაციის პირობებში, მოგების მაჩვენებელი სრულებით ნორმალურია.



„ქართული ბანკების კაპიტალიზაცია არის 4 მილიარდზე მეტი, ანუ ბანკების მოგებიანობა არის 17-20%-ის ფარგლებში. ეს პროცენტი იმ რისკების ფონზე, რომელიც საქართველოშია, არის სრულიად მისაღები. ამასთან, თუ სტატისტიკას შევხედავთ სესხების საპროცენტო განაკვეთი წლების განმავლობაში დრამატულად არის შემცირებული, შესაბამისად, მომხმარებლებს წლიდან წლამდე უკეთესი პირობები ეძლევათ ბანკების მხრიდან“, - აღნიშნა ვახტანგ ბუცხრიკიძემ.


მისივე თქმით, საბანკო სექტორი ქვეყნის ეკონომიკის განვითარებაში მნიშვნელოვან როლს ასრულებს. „გარემო არის კონკურენტული. მართალია, 16 ბანკიდან, 2 ბანკი არის დომინანტი, მაგრამ ბაზარი არის ღია. საქართველოში საბანკო სექტორი შეიძლება სამ ძირითად სეგმენტად დაიყოს: კორპორატიული ბიზნესი, მცირე და საშუალო ბიზნესი და ფიზიკური პირების დაფინანსება. თითოეული სეგმენტის მიხედვით არიან გარკვეული მოთამაშეები. მაგალითად, კორპორატიულ სეგმენტში გამოვყოფდი 5-6 ბანკს, რომლებიც ქმნიან კონკურენტულ გარემოს თავიანთი აქტიურობიდან გამომდინარე და ა.შ.“, - დასძინა ბუცხრიკიძემ.



კომერსანტი




3000-მდე ევრო გერმანიის დატოვების სანაცვლოდ - რას სთავაზობს ოფიციალური ბერლინი საქართველოს მოქალაქეებს

person access_time2018-02-22 18:33:19
საქართველოს საგარეო საქმეთა სამინისტროს ინფორმაციით, გერმანიის მთავრობის და მიგრაციის საერთაშორისო ორგანიზაციის ურთიერთთანამშრომლობით ხორციელდება პროექტი: _ „REAG/GARP - Reintegration and Emigration Programme for Asylum-Seekers in Germany (REAG); Government Assisted Repatriation Programme (GARP). პროგრამა სამშობლოში ნებაყოფლობით დაბრუნების მსურველ, უცხო ქვეყნის მოქალაქეებს, მათ შორის საქართველოს მოქალაქეებს, მატერიალურ და არამატერიალ დახმარებას სთავაზობს. პროგრამის ფარგლებში...

„საფინანსო სექტორზე ესტონური მოდელი არ უნდა გავრცელდეს, ბანკებს დამატებითი პრეფერენციები არ სჭირდება“

person access_time2018-02-22 20:05:16
საფინანსო სექტორისთვის მოგების გადასახადის ე.წ. ესტონური მოდელი 2019 წლის ნაცვლად, 2023 წლიდან ამოქმედდება.  სფეროს ექსპერტთა ერთი ნაწილი მიიჩნევს, რომ აღნიშნული სექტორისთვის ესტონური მოდელის ამოქმედება საჭიროა და დადებით შედეგებს მოიტანს, თუმცა მეორე ნაწილი მიიჩნევს, რომ საფინანსო სექტორისთვის მსგავსი ხელშეწყობა საჭირო არ არის. როგორც  „ბიზნესპრესნიუსს“ ფინანსისტმა, არასაბანკო ფინანსურ...

„2012-2017 წლების მონაცემებით სატელევიზიო სარეკლამო შემოსავლები მზარდია“

person access_time2018-02-22 15:00:16
„2012-2017 წლების მონაცემებით სატელევიზიო სარეკლამო შემოსავლები მზარდია“ -ამის შესახებ საქართველოს კომუნიკაციების ეროვნული კომისიის   მიერ   გამოქვეყნებულ ანგარიშშია ნათქვამი.   ანგარიშის მიხედვით, 2017 წლის, ბოლო მონაცემის შესაბამისად, საქართველოში სულ 98 არხი მაუწყებლობს აქედან 21 ეროვნული ღია საეთერო სატელევიზიო მაუწყებელია. 2012 წლიდან დღემდე ამ სფეროში პოზიტიური დინამიკა ფიქსირდება და...

თბილისის გენგეგმაზე მომუშავე ჯგუფის დირექტორი - დოკუმენტში ძირეული ცვლილებები არ იქნება

person access_time2018-02-22 16:38:52
დედაქალაქის მიწათსარგებლობის გენერალურ გეგმაში ძირეული ცვლილებები არ იქნება, - ამის შესახებ მიწათსარგებლობის გენერალურ გეგმაზე მომუშავე ჯგუფის, „სითი ინსტიტუტ საქართველოს“ დირექტორმა მამუკა სალუქვაძემ განაცხადა.  სალუქვაძის განმარტებით, ძირეული შენიშვნები დედაქალაქის მერიას არ ჰქონია, ამიტომ გენგეგმაში ძირეული ცვლილებებიც არ იქნება.  „შენიშვნა თუ არ იწვევს ძირეულ ცვლილებას, ბუნებრივია, ეს არც იქნება. იქ იყო რიგი საკითხების დაზუსტებები, დაკონკრეტება და...

მაღალი ტარიფები თბილისის აეროპორტში - TAV Georgia Ryanair-ს პასუხობს

person access_time2018-02-22 13:55:32
„ყველა აეროპორტს აქვს თავისი საფასო პოლიტიკა, რომელიც ავიაკომპანიასთან მოლაპარაკების ერთ-ერთი მნიშვნელოვანი კომპონენტია“, - ასე ეხმაურება „ტავ ჯორჯია“ ავიაკომპანია Ryanair-ის  მიმართულებათა განვითარების ხელმძღვანელ  ნილ ოკონერმის განცხადებას იმასთან დაკავშირებით, რომ  საქართველოში შემოსვლას ამ ეტაპზე არ აპირებს და ამის ერთ-ერთ მიზეზად თბილისის აეროპორტში არსებულ მაღალ ტარიფებს ასახელებს.   „ტავ...


მსგავსი სიახლეები