ქაჯეთის ციხე და მეომრები „ვეფხისტყაოსნის“ პერსონაჟებით – ULTRA-ს ხის სათამაშო პატარებისთვის

ქაჯეთის ციხე და მეომრები „ვეფხისტყაოსნის“ პერსონაჟებით – ULTRA-ს ხის სათამაშო პატარებისთვის

access_time2018-01-13 14:00:58

ULTRA სარეკლამო კომპანიაა, თუმცა ახალი მიმართულებით გადაწყვიტა განვითარება და შექმნა ქართული პროდუქტი – ხის სათამაშო ციხესიმაგრე და მეომრები „ვეფხისტყაოსნის“ პერსონაჟებით. სათამაშო 5-12 წლის ბავშვებისთვის არის განკუთვნილი და სკოლამდელი ასაკიდან უზრუნველყოფს მათთვის მისაღები ფორმით ინფორმაციის მიწოდებას ქართული საგანძურის შესახებ. რატომ შეიქმნა სარეკლამო კომპანიის ფარგლებში ახალი ქართული სათამაშო? რამდენად უსაფრთხოა და როგორ პოზიციონირებს ბაზარზე პროდუქტი, ამ და სხვა საკითხებზე, მარკეტერი Ultra-ს დამფუძნებელს, დავით გიგაურს ესაუბრა:

 

 

„5 წლის ბავშვს არავინ უყვება ზღაპარს ვეფხისტყაოსანზე, ხოლო თამაშის პროცესში უფროსს უჩნდება შესაძლებლობა, გარკვეული ინფორმაცია მიაწოდოს პატარას – ვინ იყო ვეფხისტყაოსანი, ან ავთანდილი და რატომ იღებდნენ ქაჯეთის ციხეს. ანუ, ბავშვს სკოლამდელი ასაკიდან ვაზიარებთ ჩვენს ყველაზე დიდ სულიერ საგანძურს და განვაწყობთ, რომ უფრო მეტი გაიგოს მისი გმირების შესახებ მომავალში“.

 

დავით გიგაური: „კომპანია Ultra მეორე წელია, რაც აქტიურად ოპერირებს. მანამდე იყო საგამომცემლო, პოლიგრაფიული და სხვა სარეკლამო კომპანიები. ჩვენი სერვისები საკმაოდ მრავალფეროვანია – დაწყებული ქონსალტინგითა და დიზაინით, დამთავრებული სხვადასხვა გარე თუ შიდა გამოყენების სარეკლამო პროდუქციის შექმნით. ჩვენთან თანამშრომლობენ არქი ჯგუფი, ჯეოსელი, სტრადა მოტორსი, დიჯიტალ ტვ და სხვა. თრეფიკინგის სახელმწიფო ფონდისთვის დავგეგმეთ და განვახორციელეთ კამპანია „თქვი, რომ დაგეხმაროთ!“, რომელსაც მთელი საქართველო იცნობს ავტობუსებსა და მეტროებში განთავსებული ბანერებიდან“.

 

- იდეა როგორ გაჩნდა, რომ ახალი ქართული სათამაშო შეგექმნათ, რა საჭიროება დაინახეთ, ამ მხრივ, ბაზარზე? და სარეკლამო კომპანიის ფარგლებში რატომ გადაწყვიტეთ ახალი პროდუქტის შექმნა?


თავიდან გაჩნდა იდეა – საახალწლოდ შეგვექმნა რამე კარგი, პოზიტიური, ახალი, რაც, ერთი მხრივ, გაზრდიდა კომპანიის ცნობადობას და პოზიტიურად აისახებოდა იმიჯზე და, მეორე მხრივ, კომერციული შედეგიც ექნებოდა. კონცეფცია თავიდანვე გამორიცხავდა იაფფასიანი მასობრივი პროდუქტის შექმნას – ეს არ იქნებოდა იმ შედეგის მომტანი, რაც კომპანიამ დაისახა მიზნად და, ამავე დროს, ჩვენი საწარმოო და ადამიანური რესურსები მასობრივი წარმოებისთვის მზად არ იყო. სათამაშოს იდეა თავიდანვე წარმოიშვა. შემდეგ კი რამდენიმე იდეა გაერთიანდა და ნოემბრის შუა რიცხვებში პროექტმა საბოლოო სახე მიიღო.



 


- რა გამოარჩევს ბაზარზე თქვენს პროდუქტს? რამდენად უსაფრთხოა პატარებისთვის?


ეს არის პირველი სათამაშო, რომელიც ვეფხისტყაოსნის თემაზე შეიქმნა. ეს არის ყველაზე დიდი ციხესიმაგრე, რომელიც ბაზარზე იყიდება. მას მოყვება 25 მებრძოლი, რასაც, ასევე, ვერ ნახავთ ვერცერთ მსგავს პროდუქტში.

სათამაშო მთლიანად ხისაა და ასაწყობად საკმაოდ ადვილია – დეტალები ერთმანეთს ყოველგვარი დამატებითი მოწყობილობების გარეშე უკავშირდება. თამაშის საბოლოო სახის მიღებაში აქტიურადაა ჩართული თავად ბავშვი, რაც ასევე ძალიან მნიშვნელოვანია. მიუხედავად იმისა, რომ სათამაშო მებრძოლებითაა დაკომპლექტებული, დეტალებს არ გააჩნია ბასრი, მახვილი დაბოლოება, რამაც შესაძლოა ბავშვი თამაშის დროს დააზიანოს. უამრავი ტესტი და ნიმუშის დამზადება დასჭირდა იმას, რომ საბოლოო პროდუქტი მაქსიმალურად უსაფრთხო ყოფილიყო.


- როგორ პოზიციონირებთ ბაზარზე? სად ხდება თქვენი პროდუქტის რეალიზება და როგორი საფასო პოლიტიკა გაქვთ?


თავიდანვე ცხადი იყო, რომ სათამაშოს წარმოება საკმაოდ ძვირი ჯდებოდა და საბოლოო პროდუქტიც მაღალ საფასო სეგმენტში მოხვდებოდა. თუმცა, როდესაც ბაზარზე არსებული პროდუქტები შევისწავლეთ, აღმოჩნდა რომ არჩევანი არც ისე დიდი იყო და თან ჩვენი პროდუქტი რამდენიმე პარამეტრით ჯობნიდა არსებულს. პროდუქტის რეალიზება ინტერნეტით ხდება და შეკვეთის შემთხვევაში კურიერი მას ადგილზე მიიტანს.


 

- სათამაშოების განვითარების მიმართულებით რა გეგმები გაქვთ?

როგორც მოგახსენეთ, სათამაშოს იდეა სპონტანურად გაჩნდა და ამ ბაზარზე შესვლა მიზანმიმართულად არ გვიფიქრია. თუმცა, გამოხმაურება იმდენად კარგი იყო, რომ ამჟამად, აქტიურად ვფიქრობთ შემდგომ ნაბიჯებზე. ამ მიმართულების განვითარება დამატებითი რესურსების მოძიებასა და საწარმოო სიმძლავრეების შექმნას უკავშირდება. ჩვენც ამით ვაპირებთ, რომ დავიწყოთ.


MARKETER



კახა შარაბიძე: მოგვიანებით გადავწყვეტთ, საჯარო განცხადებას Microsoft-ის სახელით გავაკეთებთ თუ არა

კახა შარაბიძე: მოგვიანებით გადავწყვეტთ, საჯარო განცხადებას Microsoft-ის სახელით გავაკეთებთ თუ არა
person access_time2018-04-24 19:14:00
  მედია-საშუალებებში დღეს გავრცელებულ განცხადებასთან დაკავშირებით, რომლის საფუძველზეც სს„სარაჯიშვილის“ ადვოკატმა კახა ასლანიშვილმა Microsoft-საქართველო და საადვოკატო ფირმა BLB-ის დამფუძნებელი  კახა შარაბიძე არაუფლებამოსილი ქმედებების განხორციელებაში დაადანაშაულა,  „კომერსანტი“ დაუკავშირდა როგორც Microsoft-საქართველოს, ისე საადვოკატო ფირმა BLB-ის დამფუძნებელს  კახა შარაბიძეს და მათ საპასუხო კომენტარის გაკეთება სთხოვა. შეგახსენებთ,...

„არაქართველი გიდები ტურისტებს საქართველოს ისტორიას დამახინჯებულად უყვებიან“

„არაქართველი გიდები ტურისტებს საქართველოს ისტორიას დამახინჯებულად უყვებიან“
person access_time2018-04-02 09:00:00
  იმ  ფონზე, როცა ტურისტების რაოდენობა ყოველდღიურად იზრდება საქართველოში, განსაკუთრებით მნიშვნელოვანია, ტურიზმის  სფეროს შესაბამისი განვითარება და პროფესიონალი გიდების მომზადება. ტურიზმზე.   ამ სფეროში არსებულ პრობლემებზე, მისი განვითარებისთვის საჭირო რესურსებსა და  გიდების მიერ საქართველოს ისტორიის დამახინჯებულად თხრობის ფაქტებზე ისაუბრა რადიო  „კომერსანტის“ გადაცემაში „მოითხოვე ქართული“   „იბერია ტურს პლუსის“ დამფუძნებელმა...

„არაქართველი გიდები ტურისტებს საქართველოს ისტორიას დამახინჯებულად უყვებიან“

„არაქართველი გიდები ტურისტებს საქართველოს ისტორიას დამახინჯებულად უყვებიან“
person access_time2018-04-25 09:00:00
    იმ  ფონზე, როცა ტურისტების რაოდენობა ყოველდღიურად იზრდება საქართველოში, განსაკუთრებით მნიშვნელოვანია, ტურიზმის  სფეროს შესაბამისი განვითარება და პროფესიონალი გიდების მომზადება. ტურიზმზე.   ამ სფეროში არსებულ პრობლემებზე, მისი განვითარებისთვის საჭირო რესურსებსა და  გიდების მიერ საქართველოს ისტორიის დამახინჯებულად თხრობის ფაქტებზე ისაუბრა რადიო  „კომერსანტის“ ეთერში, გადაცემაში „მოითხოვე ქართული“   „იბერია ტურს პლუსის“...

ნინო ზამბახიძე: „ახალ კანონი მიწის შესახებ, უცხო ქვეყნის მოქალაქისადმი დისკრიმინაციულია“

ნინო ზამბახიძე: „ახალ კანონი მიწის შესახებ, უცხო ქვეყნის მოქალაქისადმი დისკრიმინაციულია“
person access_time2018-04-25 09:50:00
როგორც საქართველოს ფერმერთა ასოციაციის თავმჯდომარე ნინო ზამბახიძე „კომერსანტთან“  განმარტავს ახალი კანონი სასოფლო-სამეურნეო დანიშნულების მიწის გასხვისებათან დაკავშირებით ძველზე გაცილებით უკეთესია, თუმცა კონკრეტული ხარვეზები აღნიშნულ რეგულაციაშიც გამოიკვეთა.  ერთ-ერთი, რაშიც ფერმერთა ასოციაცია მთავრობას არ ეთანხმება,  შესაბამისი სააგენეტოს ჩამოყალიბებაა რომელმაც მიწასთან დაკავშირებულ საკითხებს დაარეგულირებს. „იდეაში უნდა შეიქნას სააგნეტო, რომელიც...

„ქართული ღვინო რუსეთში სომეხ გადამზიდავებს გააქვთ“

„ქართული ღვინო რუსეთში სომეხ გადამზიდავებს გააქვთ“
person access_time2018-04-24 20:00:00
„ქართული ღვინო რუსეთში სომეხ გადამზიდავეებს გააქვთ“- ამის შესახებ ტრანსპორტის საკითხებზე მომუშავე პლატფორმა HUB Georgia-ს გამგეობის წევრმა, ექსპერტმა პაატა ცაგარეიშვილმა რადიო „პალიტრას“ გადაცემაში „საქმე“ განაცხადა. „რუს და სომეხ მეწარმეებს ეს მარკეტინგული რგოლი კარგად აქვთ აწყობილი. რუსეთის გადამზიდავი ამ დაკვეთას სომეხ გადამზიდავს აძლევს, შემდეგ სომეხი გადამზიდავი ქირაობს საქართველოში მანქანას ან უფრო მეტიც, სომხეთის სატრანსპორტო საშუალება შემოდის საქართველოში, აქ იტვირთება...


მსგავსი სიახლეები