ჭიათურის განახლებული საბაგიროს პროექტში ცვლილებები შევიდა - როდის დასრულდება 40-მილიონიანი პროექტი

ჭიათურის განახლებული საბაგიროს პროექტში ცვლილებები შევიდა - როდის დასრულდება 40-მილიონიანი პროექტი

access_time2018-01-10 15:15:07

ჭიათურის განახლებული საბაგიროს პროექტში ცვლილებები შევიდა. საბაგიროს ფუნქციონირება 2017 წლის ბოლოს უნდა დაეწყო, თუმცა როგორც „კომერსანტს“ მუნიციპალური განვითარების ფონდში განუცხადეს, სამშენებლო სამუშაოების დასრულების თარიღმა 2018 წლის ზაფხულამდე გადაიწია.


მათი ინფორმაციით, არ შეცვლილა საინვესტიციო თანხა და ის კვლავ 40 მილიონი ლარია.  


როგორც ცნობილია, საბაგიროზე იმოძრავებს 8 გონდოლა, რომლებიც 15-20 კაცზე იქნება გათვლილი. გონდოლები ფონდმა ფრანგული კომპანია Pomagalsk-სგან შეიძენა და ისინი უკვე საქართველოშია.


„პროექტში ცვლილებები შევიდა, სამშენებლო სამუშაოები დაემატა, მათ შორის რკინა-ბეტონის სამუშაოები. მშენებლობის სრულად დასრულება ზაფხულში მოხდება. ამ ეტაპზე უკვე ჩამოსულია 8 გონდოლა. სამუშაოების დასრულების შემდეგ, ფრანგული კომპანიის წარმომადგენლები თავად ჩამოვლენ და ტექნოლოგიურ პროცესებს და გონდოლების დამონტაჟებას დაიწყებენ“, - აცხადებენ მუნიციპალური განვითარების ფონდში.



მათივე ინფორმაციით, საბაგირო გზას რეკონსტრუქცია ჭიათურის 4 უბნის: სანატორიუმის, ნაგუთის, ლეჟუბანისა და მუხაძის მიმართულებით უტარდება: „ოთხივე უბანი ერთმანეთთან არის დაკავშირებული, შესაბამისად, ყველას რეკონსტრუქცია რომ დასრულდება, საბაგირო სრულად ფუნქციონირებას შეძლებს“, - განუცხადეს „კომერსანტს“ ფონდში.


შეგახსენებთ, რომ მთლიანად ჭიათურის საბაგირო გზის სიგრძე 3428 მეტრია, აქედან სანატორიუმის მიმართულებით - 862 მეტრი, ნაგუთის - 1081 მეტრი, ლეჟუბანის - 845 მეტრი, ხოლო მუხაძის მიმართულებით 640 მეტრი. პროექტი საქართველოსა და საფრანგეთის მთავრობის დაფინანსებით ხორციელდება და ჯამური ღირებულება 40 მილიონ ლარამდეა. აქედან 13.2 მილიონი ევრო ფრანგულ მხარეს ეკუთვნის.


ჭიათურაში დღეისათვის 15 მოქმედი საბაგირო გზაა. აქედან ოთხი, რომლის მოდერნიზებაც იგეგმება, მუნიციპალიტეტის ბალანსზეა. დანარჩენი 11 კი კომპანია ჯორჯიან მანგანეზს ეკუთვნის.


ჭიათურის საბაგირო ადგილობრივი მოსახლეობის ძირითადი სატრანსპორტო საშუალებაა, რომლითაც ყოველდღიურად 10 ათასზე მეტი პირი სარგებლობს. საბჭოთა კავშირის პირველი სამგზავრო საბაგირო გზა ჭიათურაში ქალაქის ცენტრსა და პერევისის სამრეწველო უბანს შორის 1954 წელს აშენდა.


ავტორი: თეონა კენჭიაშვილი




პარლამენტმა „სივრცითი დაგეგმარების, არქიტექტურული და სამშენებლო საქმიანობის“ კოდექსი პირველი მოსმენით მიიღო

პარლამენტმა  „სივრცითი დაგეგმარების, არქიტექტურული და სამშენებლო საქმიანობის“ კოდექსი პირველი მოსმენით მიიღო
person access_time2018-04-20 17:21:15
საქართველოს პარლამენტმა „სივრცითი დაგეგმარების, არქიტექტურული და სამშენებლო საქმიანობის“ კოდექსი პლენარულ სესიაზე პირველი მოსმენით განიხილა და მხარი დაუჭირა.  როგორც პარლამენტის დარგობრივი ეკონომიკის და ეკონომიკური პოლიტიკის  კომიტეტის თავმჯდომარე რომან კაკულიამ კომერსანტთან აღნიშნა, ...

პირველი ელექტროავტობუსი თბილისში მომავალი კვირიდან გამოჩნდება - შემდეგ ეტაპად ამწყობი ქარხნის მშენებლობა ანონსდება

პირველი ელექტროავტობუსი თბილისში მომავალი კვირიდან  გამოჩნდება - შემდეგ  ეტაპად  ამწყობი ქარხნის მშენებლობა ანონსდება
person access_time2018-04-20 16:30:00
  როგორც კომპანია „ფრეგობასის“ დირექტორმა მურმან პატარაიამ „კომერსანტს“ განუცხადა ახალი ელექტროავტობუსი დედაქალაქს სავარაუდოდ იმ კვირიდან მომესახურება.  მისივე თქმით, ამ ეტაპზე მიმდინარეობს სატესტო რეჟიმი, რომლის საშუალებითაც მგზავრები თავად შეძლებენ ეკლოგიურად 100 %-ით სუფთა ტრანსპორტის შეფასებას. „ამ ეტაპზე სატესტოდ ჩამოვიყვანეთ ერთი ელექტროავტომობილი, რათა მოქალაქეებისთვის თავიდანვე ხელშესახები გახდეს ის, რაზეც ამდენი ხანია...

16 ყველაზე სწრაფად ზრდადი სტარტაპი

16  ყველაზე სწრაფად ზრდადი სტარტაპი
person access_time2018-04-20 20:00:00
ბევრს გვსმენია კომპანიებზე, რომლებსაც ეძახიან „მარტორქას“ - ანუ, კომპანიებს რომელთა კაპიტალიზაიციამ უჩვეულოდ სწრაფად მიაღწია 1 მლრდ. დოლარს.   ყველაზე მეტია ასეთი „მარტორქა“ მაღალი ტექნოლოგიების სექტორში, და მათ ამისთვის უწევთ მომხმარებლისთვის რაღაცა უჩვეულოს და ახლის მიწოდება.   უკვე დღეს ექსპერტები ასახელებენ 2018 წლის ყველაზე სწრაფად ზრდად  16...

„ღამის ეკონომიკა გულისხმობს იმას, რომ საღამოს 8 საათიდან ქალაქში განსხვავებული ღონისძიებები იწყება“

„ღამის ეკონომიკა გულისხმობს იმას, რომ საღამოს 8 საათიდან ქალაქში განსხვავებული ღონისძიებები იწყება“
person access_time2018-04-20 14:14:00
„ღამის ეკონომიკა გულისხმობს იმას, რომ საღამოს 8 საათიდან ქალაქში განსხვავებული ღონისძიებები იწყება“ - ამის შესახებ ღამის ეკონომიკის განვითარების კონცეფციის პროექტის ხელმძღვანელმა სერგი გვარჯალაძემ განაცხადა.   როგორც გვარჯალაძე აღნიშნავს, ღამის ეკონომიკა დღის განმავლობაში ეკონომიკურ აქტივობებს მოწყვეტილი არ იქნება. როგორც სერგი გვარჯალაძე აცხადებს,...

„თბილისელები სამსახურს ყველაზე ხშირად ახლობლის / ნაცნობის რეკომენდაციით იწყებენ“

„თბილისელები სამსახურს ყველაზე ხშირად ახლობლის / ნაცნობის რეკომენდაციით იწყებენ“
person access_time2018-04-20 19:00:03
თბილისელები სამსახურს ყველაზე ხშირად ახლობლის / ნაცნობის რეკომენდაციით იწყებენ — ეს იმ კვლევის შედეგია, რომელიც ACT-იმ  (ეისითი – ანალიზისა და კონსულტაციის ჯგუფი)  განახორციელა. ორგანიზაცია დაინტერესდა, თუ რა გზებით ხდება / მოხდა სამსახურის მოძიება...


მსგავსი სიახლეები