„ნარკოპოლიტიკა აუცილებლად უნდა გაადამიანურდეს და მომხმარებელი ციხით არ უნდა ისჯებოდეს“

access_time2018-01-08 18:20:07

ნარკოპოლიტიკა აუცილებლად უნდა გაადამიანურდეს და მომხმარებელი ციხით არ უნდა ისჯებოდეს,  ასე ეხმაურება პატრიარქის საშობაო ეპისტოლეს საპარლამენტო უმრავლესობის წევრი ლევან კობერიძე.  დეპუტატი „ფეისბუქის“ საკუთარ გვერდზე პატრიარქს ეპისტოლეში ამ თემაზე ყურადღების გამახვილებისათვის დიდ მადლობას უხდის.


„- ჩვენს მიერ ინიცირებული და ჯანდაცვის კომიტეტის პირველი მოსმენით მხარდაჭერილი კანონპროექტი აბსოლუტურ თანხვედრაშია მისი უწმინდესობის მიერ საშობაო ეპისტოლეში ნარკოპოლიტიკის თემაზე გაკეთებულ აქცენტებთან


- ჩვენს ეკლესიას ნარკოდამოკიდებულ ადამიანზე ზრუნვის მრავალწლოვანი გამოცდილება  აქვს და უამრავი დამოკიდებული ადამიანი შეუფარებია და დახმარებია რწმენითა და ხელის გაწოდებით


- ვფიქრობთ, სარეაბილიტაციო ცენტრები უნდა იყოს ეკლესიებშიც და ეს მიღებული პრაქტიკაა ევროპულ ქვეყნებშიც, სადაც ადამიანურ ნარკოპოლიტიკას რეალური შედეგები მოაქვს


- ნარკოპოლიტიკა აუცილებლად უნდა გაადამიანურდეს და მომხმარებელი ციხით არ უნდა ისჯებოდეს


- არ მიგვაჩნია სწორად მძიმე და მსუბუქ ნარკოტიკებად თემის გაყოფა და ამ პრინციპით გატარება რეფორმის - საკითხს სჭირდება ერთიანი და კომპლექსური მიდგომა


- რეფორმის მთავარი მიზანია ერთის მხრივ ახალი მომხმარებლების რაოდენობის მინიმუმამდე დაყვანა პრევენციით და გადარწმუნების კომისიის ამოქმედებით და მეორეს მხრივ უკვე არსებული დამოკიდებული ადამიანებისათვის ზრუნვა და დახმარება და ამ გზით მომხმარებლების რაოდენობის შემცირება - განსაკუთრებით ახალგაზრდებში



- გადარწმუნების კომისია იქნება უმნიშვნელოვანესი ინსტრუმენტი


- ჯანსაღი ცხოვრების წესი უალტერნატივოა და ის პროპაგანდაში მთელი საზოგადოება ერთად უნდა ჩავერთოთ


- პრევენციული საგანმანათლებლო კომპლექსური ღონისძიებები უნდა დაიწყოს სასკოლო ასაკიდან და უნდა იყოს თანმიმდევრული


- დაუნდობელი ბრძოლა რეალიზატორებს და ბარიგებს


- ადამიანური ნარკოპოლიტიკის რეფორმა ჩვენი მოვალეობაა მომავალი თაობის წინაშე


უღრმესი მადლობა მის უწმინდესობას, საქართველოს პატრიარქს ამ თემაზე საშობაო ეპისტოლეში ყურადღების გამახვილებისათვის, რამაც საზოგადოებაში თემაზე ღია მსჯელობის აქტუალიზაცია მოახდინა !!,  წერს ლევან კობერიძე.


შეგახსენებთ, რომ საქართველოს კათოლიკოს-პატრიარქის ილია II-ის საშობაო ეპისტოლეში ერთ-ერთი მთავარი თემა ნარკოპოლიტიკა იყო.


„ახალს არაფერს ვიტყვით, თუ აღვნიშნავთ, რომ მსოფლიოში მიმდინარე პროცესები და კაცობრიობის დღევანდელი მდგომარეობა მეტად მძიმეა. პიროვნება უფსკრულის წინაშე აღმოჩნდა და ღვთის მადლის გარეშე დარჩენილს, აღარ ძალუძს, თავი დააღწიოს შექმნილ მდგომარეობას; ინგრევა ოჯახები, უმეთვალყუროდ რჩებიან ბავშვები; გამეფდა სიცრუე, ამპარტავნება, გაუტანლობა, ეგოიზმი, შური და ღვარძლი; ადამიანი ცდილობს, გაექცეს ამ რეალობას, მაგრამ გზააბნეული ხსნას ძირითადად ნარკოტიკის მოხმარებაში ხედავს, რითაც მდგომარეობას კიდევ უფრო ირთულებს.


აუცილებელია, შემუშავდეს ისეთი ნარკოპოლიტიკა, რომელიც ახალგაზრდებს დაიცავს და შექმნის უარყოფით განწყობას ამ უმძიმეს სენთან მიმართებით. ამასთან, უნდა აშენდეს სარეაბილიტაციო ცენტრები, სასკოლო ასაკიდანვე უნდა მოხდეს მოსწავლეთა ცნობიერების ამაღლება და გატარდეს სხვა ღონისძიებები, - ნათქვამია ეპისტოლეში.



კომერსანტი



ნავენახევის მღვიმე პირველ ვიზიტორებს გაზაფხულზე მიიღებს (ფოტოები)

person access_time2018-01-22 19:50:56
ნავენახევის მღვიმე პირველ ვიზიტორებს გაზაფხულზე მიიღებს. დაცული ტერიტორიების სააგენტოს ინფორმაციით, მღვიმის ტერიტორიაზე აშენდა ვიზიტორთა ცენტრი, კაფეტერია და სუვენირების მაღაზია. ასევე, გამოიყო საგანმანათლებლო სივრცე, მოეწყო ტურისტული ბილიკი.   ნავენახევის მღვიმე...

ქარის და მზის ენერგიები, პროგნოზირებად მომავალში, ვერასოდეს გახდება ძირითადი ენერგიის წყარო

person access_time2018-01-22 17:30:19
 ქარის და მზის ენერგიები პროგნოზირებად მომავალში, ვერასოდეს გახდება ძირითადი ენერგიის წყარო, - საქართველოს ენერგეტიკისა და წყალმომარაგების ეროვნული კომისიის (სემეკი) ელექტროენერგეტიკული დეპარტამენტის დირექტორის მოადგილე, ზვიად გაჩეჩილაძე GBC-სთან  განახლებადი ენერგიების  პოტენციალს...

„ირანიდან გაზრდილი მოთხოვნის გამო, საექსპორტო ცხვრის ფასმა მოიმატა“

person access_time2018-01-22 16:30:07
ქართულ ცხვარს რეალიზაციის და ექსპორტზე გატანის პრობლემა აღარ აქვს. სექტორის წარმომადგენლები არანაკლებ სირთულეს   რუსეთიდან შემოსულ ცხვარში ხედავენ, რომელიც საქართველოში იკვლება და ირანში ქართული ხორცის სახელით გადის. როგორც „კომერსანტს“  „მეცხვარეთა ასოციაციის  თავმჯდომარე  ბექა გონაშვილმა განუცხადა, საქართველოდან გასული ცხვრის ქართული და რუსული ხორცი უნდა გაიმიჯნოს, რადგან ექსპორტიორი ქვეყანა შეცდომაში...

Wall Street-ის ანალიტიკოსი: ბიტკოინის ფასი 90%-ით გაუფასურდება

person access_time2018-01-22 20:30:51
Bleakley Advisory Group-ის საინვესტიციო ოფიცერი, პეტერ ბუკვარი კრიპტოსამყაროს მასიურ ვარდნას პროგნოზირებს. მისი განცხადებით, კრიპტოსამყარო მასიური საპნის ბუშტია, რომლის გასკდომის დროც ახლოვდება.   „როდესაც რაიმე ასეთი ტიპის პარაბოლას ემსგავსება, ის აუცილებლად უბრუნებდა იმ საწყისს, საიდანაც პარაბოლამ ზრდა დაიწყო,“ განაცხადა მან CNBC-სთან საუბრისას.   ბუკვარის ვარაუდით, არსებობს რეალური საფრთხე, რომ ბიტკოინის ღირებულება 90%-ით გაუფასურდება. „ნამდვილად არ...

EBRD-მა ნენსკრაჰესის დაფინანსებაზე გადაწყვეტილების მიღება გადაავადა

person access_time2018-01-22 15:00:04
ევროპის რეკონსტრუქციისა და განვითარების ბანკმა (EBRD) ნენსკრაჰესის დაფინანსებისთვის $214 მილიონის სესხის გამოყოფაზე საბოლოო გადაწყვეტილების მიღების თარიღი 2017 წლის 31 იანვრამდე გადაავადა.   EBRD-ის პრეზიდენტმა სუმა ჩაკრაბარტიმ ნენსკრაჰესის დაფინანსებაზე თანხმობა 2015 წლის 12 მაისს, თბილისში გამართული EBRD-ის ფორუმის ფარგლებში განაცხადა. მას შემდეგ ბანკი პროექტის გარემოზე ზეგავლენის ტექნიკურ დეტალებს სწავლობს. თავდაპირველი გეგმის მიხედვით, ჰესს ელექტროენერგიის...


მსგავსი სიახლეები