„დეპოზიტების დაზღვევის სისტემის შემოღება საბანკო პროდუქტების ფასზე გავლენას არ ახდენს“

„დეპოზიტების დაზღვევის სისტემის შემოღება საბანკო პროდუქტების ფასზე გავლენას არ ახდენს“

access_time2018-01-08 16:45:35

„დეპოზიტების დაზღვევის სისტემის შემოღება საბანკო პროდუქტების ფასზე გავლენას არ ახდენს“,  ასე ეხმაურება დეპოზიტების დაზღვევის სააგენტო „კომერსანტზე“ გასულ სტატიას, სადაც „არასაბანკო ფინანსურ დაწესებულებათა ასოციაციის“ თავმჯდომარე ირაკლი ბერძენაძე აცხადებდა, რომ „ბანკებში ფულის დაბანდება ინტერესს დაკარგავს“. 


როგორც დეპოზიტების დაზღვევის სააგენტოში „კომერსანტს“ განუცხადეს, სისტემის შემოღება მნიშვნელოვანია კომერციული ბანკებისთვისაც, რამდენადაც, მათ მიმართ საზოგადოების ნდობა კიდევ უფრო მაღლდება, ეს კი ხელს შეუწყობს დამატებითი რესურსების მოზიდვას.


„საზოგადოებისთვის უკვე ცნობილია, რომ 2018 წლის 1-ლი იანვრიდან საქართველოში ამოქმედდა დეპოზიტების დაზღვევის სისტემა. სისტემა უზრუნველყოფს 5 000 ლარამდე დეპოზიტების გარანტირებულ და დაუყოვნებელ ანაზღაურებას იმ შემთხვევაში, თუკი კომერციულ ბანკს ექმნება გადახდისუნარიანობის პრობლემა, რაც თავის მხრივ აძლიერებს ფინანსურ სტაბილურობას, ხელს უწყობს ანაბრების წახალისებას და შესაბამისად, დადებითად აისახება ქვეყანაში მიმდინარე ეკონომიკურ პროცესებზე. ამავდროულად, სისტემის შემოღება მნიშვნელოვანია კომერციული ბანკებისთვისაც, რამდენადაც, მათ მიმართ საზოგადოების ნდობა კიდევ უფრო მაღლდება, ეს კი ხელს შეუწყობს დამატებითი რესურსების მოზიდვას.



ამასთან, სისტემა ბანკებს იცავს ფინანსური რესურსების გადინების რისკისგან, რომელიც დეპოზტების დაზღვევის არ არსებობის შემთხვევაში, ნებისმიერ ბანკში პრობლემის წარმოქმნისას, ავტომატურად ვრცელდება მთლიან საბანკო სისტემაზე. სწორედ ზემოაღნიშნულ მიზნებს ემსახურებოდა საქართველოში სისტემის დანერგვა, რაც საუკეთესო საერთაშორისო გამოცდილების, მსოფლიო ბანკისა და სხვა საერთაშორისო ორგანიზაციების რეკომენდაციების და საქართველოსა და ევროკავშირს შორის გაფორმებული ასოცირების შეთანხმებით გათვალისწინებული პირობების შესაბამისად განხორციელდა. დეპოზიტების დაზღვევის სისტემა ამ დროისთვის მსოფლიოს 140-მდე ქვეყანაში, მათ შორის ევროკავშირის ყველა ქვეყანასა და შეერთებულ შტატებში ფუნქციონირებს. უკანასკნელი ათწელულის გამოცდილებამ ნათლად დაადასტურა, რომ ყველაზე ძლიერი ეკონომიკისა და განვითარებული მარეგულირებლის პირობებშიც, ხშირია ბანკების გადახდისუუნარობის შემთხვევები, რაც კიდევ ერთხელ უსვამს ხაზს სისტემის მნიშვნელობას.



ვრცელდება ინფორმაცია იმასთან დაკავშირებით, რომ დეპოზიტების დაზღვევის სისტემის შემოღებამ შესაძლოა, გამოიწვიოს საბანკო პროდუქტების გაძვირება, კონკრეტულად, კი სესხებზე საპროცენტო განაკვეთის ზრდა. აღნიშნულთან დაკავშირებით, გვსურს განვმარტოთ, რომ საქართველოში კომერციული ბანკების სასესხო პორტფელი 35 მილიარდამდე ლარს აღწევს, დეპოზიტების მთლიანი მოცულობა კი 20 მილიარდ ლარს აღემატება, საიდანაც დაზღვეულია მხოლოდ ფიზიკური პირების 5 000 ლარამდე დეპოზიტები. ეს მთლიანი მოცულობის 7.5%-ს და შესაბამისად 1.5 მილიარდ ლარს შეადგენს. დაზღვევას მიღმა არსებული 18.5 მილიარდი ლარი არ წარმოქმნის ბანკებისთვის არავითარ დამატებით ფინანსურ ვალდებულებას დეპოზიტების დაზღვევის შემოღებიდან გამომდინარე. სადაზღვევო შენატანის განაკვეთი ბანკებისთვის დაწესდა სწორედ მათთვის დამატებითი ფინანსური წნეხის მაქსიმალურად არიდების პრინციპის გათვალისწინებით და ყოველთვიურად ლარში დაზღვეული დეპოზიტების 0.067%, ხოლო უცხოურ ვალუტაში დაზღვეული დეპოზიტების 0.1%-ით განისაზღვრა. აღნიშნული კოეფიციენტებიდან გამომდინარე, შენატანების ჯამური საპროგნოზო მოცულობა მიმდინარე წლისთვის 13 მილიონ ლარს არ აღემატება. ამდენად, ნათელია, თუ რამდენად უმნიშვნელოა აღნიშნული თანხა როგორც დეპოზიტების, ისე სესხების მთლიან ოდენობასთან მიმართებით, რაც თავისთავად გამორიცხავს მის გავლენას საბანკო პროდუქტების ფასებზე. სესხების საპროცენტო განაკვეთის მატების დაკავშირების ყოველგვარი მცდელობა დეპოზიტების დაზღვევის სისტემასთან არ შეესაბამება სიმართლეს, რაც ზემოთ მოყვანილი მონაცემებით ნათლად დასტურდება. სისტემის შემოღების ნეგატიურ გავლენას საბანკო პროდუქტების ფასებზე არც საერთაშორისო პრაქტიკა აჩვენებს“,  აღნიშნულია განცხადებაში.






პარლამენტმა „სივრცითი დაგეგმარების, არქიტექტურული და სამშენებლო საქმიანობის“ კოდექსი პირველი მოსმენით მიიღო

პარლამენტმა  „სივრცითი დაგეგმარების, არქიტექტურული და სამშენებლო საქმიანობის“ კოდექსი პირველი მოსმენით მიიღო
person access_time2018-04-20 17:21:15
საქართველოს პარლამენტმა „სივრცითი დაგეგმარების, არქიტექტურული და სამშენებლო საქმიანობის“ კოდექსი პლენარულ სესიაზე პირველი მოსმენით განიხილა და მხარი დაუჭირა.  როგორც პარლამენტის დარგობრივი ეკონომიკის და ეკონომიკური პოლიტიკის  კომიტეტის თავმჯდომარე რომან კაკულიამ კომერსანტთან აღნიშნა, ...

პირველი ელექტროავტობუსი თბილისში მომავალი კვირიდან გამოჩნდება - შემდეგ ეტაპად ამწყობი ქარხნის მშენებლობა ანონსდება

პირველი ელექტროავტობუსი თბილისში მომავალი კვირიდან  გამოჩნდება - შემდეგ  ეტაპად  ამწყობი ქარხნის მშენებლობა ანონსდება
person access_time2018-04-20 16:30:00
  როგორც კომპანია „ფრეგობასის“ დირექტორმა მურმან პატარაიამ „კომერსანტს“ განუცხადა ახალი ელექტროავტობუსი დედაქალაქს სავარაუდოდ იმ კვირიდან მომესახურება.  მისივე თქმით, ამ ეტაპზე მიმდინარეობს სატესტო რეჟიმი, რომლის საშუალებითაც მგზავრები თავად შეძლებენ ეკლოგიურად 100 %-ით სუფთა ტრანსპორტის შეფასებას. „ამ ეტაპზე სატესტოდ ჩამოვიყვანეთ ერთი ელექტროავტომობილი, რათა მოქალაქეებისთვის თავიდანვე ხელშესახები გახდეს ის, რაზეც ამდენი ხანია...

16 ყველაზე სწრაფად ზრდადი სტარტაპი

16  ყველაზე სწრაფად ზრდადი სტარტაპი
person access_time2018-04-20 20:00:00
ბევრს გვსმენია კომპანიებზე, რომლებსაც ეძახიან „მარტორქას“ - ანუ, კომპანიებს რომელთა კაპიტალიზაიციამ უჩვეულოდ სწრაფად მიაღწია 1 მლრდ. დოლარს.   ყველაზე მეტია ასეთი „მარტორქა“ მაღალი ტექნოლოგიების სექტორში, და მათ ამისთვის უწევთ მომხმარებლისთვის რაღაცა უჩვეულოს და ახლის მიწოდება.   უკვე დღეს ექსპერტები ასახელებენ 2018 წლის ყველაზე სწრაფად ზრდად  16...

„ღამის ეკონომიკა გულისხმობს იმას, რომ საღამოს 8 საათიდან ქალაქში განსხვავებული ღონისძიებები იწყება“

„ღამის ეკონომიკა გულისხმობს იმას, რომ საღამოს 8 საათიდან ქალაქში განსხვავებული ღონისძიებები იწყება“
person access_time2018-04-20 14:14:00
„ღამის ეკონომიკა გულისხმობს იმას, რომ საღამოს 8 საათიდან ქალაქში განსხვავებული ღონისძიებები იწყება“ - ამის შესახებ ღამის ეკონომიკის განვითარების კონცეფციის პროექტის ხელმძღვანელმა სერგი გვარჯალაძემ განაცხადა.   როგორც გვარჯალაძე აღნიშნავს, ღამის ეკონომიკა დღის განმავლობაში ეკონომიკურ აქტივობებს მოწყვეტილი არ იქნება. როგორც სერგი გვარჯალაძე აცხადებს,...

„თბილისელები სამსახურს ყველაზე ხშირად ახლობლის / ნაცნობის რეკომენდაციით იწყებენ“

„თბილისელები სამსახურს ყველაზე ხშირად ახლობლის / ნაცნობის რეკომენდაციით იწყებენ“
person access_time2018-04-20 19:00:03
თბილისელები სამსახურს ყველაზე ხშირად ახლობლის / ნაცნობის რეკომენდაციით იწყებენ — ეს იმ კვლევის შედეგია, რომელიც ACT-იმ  (ეისითი – ანალიზისა და კონსულტაციის ჯგუფი)  განახორციელა. ორგანიზაცია დაინტერესდა, თუ რა გზებით ხდება / მოხდა სამსახურის მოძიება...


მსგავსი სიახლეები