„სამშენებლო სექტორი რეგულაციებს მოუმზადებელი შეხვდა“, - „GDG პლიუსის“ დამფუძნებელი გასულ წელს აფასებს

access_time2018-01-08 13:30:04

სამშენებლო კომპანია „GDG პლიუსის“ დამფუძნებლის ბეჟან წაქაძის შეფასებით, 2017 წელი სამშენებლო სექტორისთვის რთული იყო. ამის შესახებ მან რადიო „კომერსანტის“ ეთერში 2017 წლის შეჯამებისას ისაუბრა. მისივე თქმით, წელს „GDG პლიუსი“ ექვსი პროექტის განხორციელებას გეგმავს, რომლებიც უკვე დაწყებულია. მათი ნაწილი 2018 წელს დასრულდება, ნაწილი კი - 2019-ში.


„სფეროში სირთულეებიც იყო. სამშენებელო სექტორისთვის 2017 წლის პირველი იანვრიდან ახალი რეგულაციები შემოვიდა #42-ე დადგენილების სახით, რომელიც ამკაცრებს სამშენებლო წესებს. მიმაჩნია, რომ ეს აუცილებელი იყო, თუმცა პირველი ოთხი თვე საკმაოდ რთული იყო. სექტორი რეგულაციებს მოუმზადებელი შეხვდა, რადგან წინასწარ ტრენინგები არ ჩაუტარდათ იმ ადამიანების, რომლებიც რეგულაციების სახით სამშენებლო ნებართვისთვის დასკვნებს აკეთებდნენ“, - აღნიშნა წაქაძემ.


მისი თქმით, ლარის კურსი მარტიდან შემოდგომამდე სტაბილური იყო, რამაც სამშენებლო ბიზნესს რეალიზაციაში ხელი არ შეუშალა, თუმცა ბოლო თვეებში ლარის კურსის მერყეობამ და გაუფასურებამ სამშენებლო ბიზნესში რეალიზაციას პირდაპირი დარტყმა მიაყენა.



ამასთან, 2017 წლის 1-ლი იანვრიდან რეინვესტირება, ანუ ესტონური მოდელი ამოქმედდა, რაც იმას ნიშნავს, რომ კომპანია/საწარმო მოგების გადასახადით მხოლოდ მოგების განაწილების შემთხვევაში იბეგრება, ხოლო თუ მის სრულ რეინვესტირებას ახდენს, აღნიშნული გადასახადისგან თავისუფლდება. ბეჟან წაქაძის თქმით, აღნიშნული მოდელი არამხოლოდ სამშენებლო, არამედ მთლიანად ბიზნესისთვის დადებითი შედეგების მომტანი იყო.


„ბიზნესს რამდენიმე ასეული ლარი დარჩა, რომლებიც რეინვესტირებისთვის იქნება გამოყოფილი. 2017 წელს გარკვეული თანხები უკვე დაზოგილი გვაქვს. თუმცა დამატებითი ღირებულების გადასახადის ავანსის სახით დაბეგვრა სერიოზული დარტყმა იყო ბიზნესითვის. ეს არ იქნება კომპენსაცია იმისა, რაც ჩვენ ესტონურმა მოდელმა გვარგო. ერთმა მეორე ვერ დააბალანსა. ჩვენი რეალიზაციიდან ყოველთვიურად წინასწარ დამატებითი ღირებულების გადასახადს ითხოვენ, რაც ჩემი აზრით, არასწორია. წინასწარ თანხის გადახდა არცერთ ქვეყანაში არ ხდება. მიწოდების შემთხვევაში უნდა ხდებოდეს გადახდა და არა წინასწარ. მითუმეტეს ჩვენ არ ვაწოდებთ ამ შემთხვევაში, მხოლოდ ვაშენებთ“, - აღნიშნა ბეჟან წაქაძემ.


შეგახსენებთ, რომ 2017 წლის 1-ლი იანვრიდან ინფრასტრუქტურული კომპანიებისთვის ავანსის დღგ-თი დაბეგვრის ვალდებულება ამოქმედდა. აღნიშნული პერიოდიდან დღგ-ით დასაბეგრი ოპერაციის დროდ ავანსის გადახდის მომენტი განისაზღვრა და თანხის გადახდა საქონლის მიწოდებამდე ხორციელდება.


„კომერსანტი“




ნავენახევის მღვიმე პირველ ვიზიტორებს გაზაფხულზე მიიღებს (ფოტოები)

person access_time2018-01-22 19:50:56
ნავენახევის მღვიმე პირველ ვიზიტორებს გაზაფხულზე მიიღებს. დაცული ტერიტორიების სააგენტოს ინფორმაციით, მღვიმის ტერიტორიაზე აშენდა ვიზიტორთა ცენტრი, კაფეტერია და სუვენირების მაღაზია. ასევე, გამოიყო საგანმანათლებლო სივრცე, მოეწყო ტურისტული ბილიკი.   ნავენახევის მღვიმე...

ქარის და მზის ენერგიები, პროგნოზირებად მომავალში, ვერასოდეს გახდება ძირითადი ენერგიის წყარო

person access_time2018-01-22 17:30:19
 ქარის და მზის ენერგიები პროგნოზირებად მომავალში, ვერასოდეს გახდება ძირითადი ენერგიის წყარო, - საქართველოს ენერგეტიკისა და წყალმომარაგების ეროვნული კომისიის (სემეკი) ელექტროენერგეტიკული დეპარტამენტის დირექტორის მოადგილე, ზვიად გაჩეჩილაძე GBC-სთან  განახლებადი ენერგიების  პოტენციალს...

„ირანიდან გაზრდილი მოთხოვნის გამო, საექსპორტო ცხვრის ფასმა მოიმატა“

person access_time2018-01-22 16:30:07
ქართულ ცხვარს რეალიზაციის და ექსპორტზე გატანის პრობლემა აღარ აქვს. სექტორის წარმომადგენლები არანაკლებ სირთულეს   რუსეთიდან შემოსულ ცხვარში ხედავენ, რომელიც საქართველოში იკვლება და ირანში ქართული ხორცის სახელით გადის. როგორც „კომერსანტს“  „მეცხვარეთა ასოციაციის  თავმჯდომარე  ბექა გონაშვილმა განუცხადა, საქართველოდან გასული ცხვრის ქართული და რუსული ხორცი უნდა გაიმიჯნოს, რადგან ექსპორტიორი ქვეყანა შეცდომაში...

Wall Street-ის ანალიტიკოსი: ბიტკოინის ფასი 90%-ით გაუფასურდება

person access_time2018-01-22 20:30:51
Bleakley Advisory Group-ის საინვესტიციო ოფიცერი, პეტერ ბუკვარი კრიპტოსამყაროს მასიურ ვარდნას პროგნოზირებს. მისი განცხადებით, კრიპტოსამყარო მასიური საპნის ბუშტია, რომლის გასკდომის დროც ახლოვდება.   „როდესაც რაიმე ასეთი ტიპის პარაბოლას ემსგავსება, ის აუცილებლად უბრუნებდა იმ საწყისს, საიდანაც პარაბოლამ ზრდა დაიწყო,“ განაცხადა მან CNBC-სთან საუბრისას.   ბუკვარის ვარაუდით, არსებობს რეალური საფრთხე, რომ ბიტკოინის ღირებულება 90%-ით გაუფასურდება. „ნამდვილად არ...

EBRD-მა ნენსკრაჰესის დაფინანსებაზე გადაწყვეტილების მიღება გადაავადა

person access_time2018-01-22 15:00:04
ევროპის რეკონსტრუქციისა და განვითარების ბანკმა (EBRD) ნენსკრაჰესის დაფინანსებისთვის $214 მილიონის სესხის გამოყოფაზე საბოლოო გადაწყვეტილების მიღების თარიღი 2017 წლის 31 იანვრამდე გადაავადა.   EBRD-ის პრეზიდენტმა სუმა ჩაკრაბარტიმ ნენსკრაჰესის დაფინანსებაზე თანხმობა 2015 წლის 12 მაისს, თბილისში გამართული EBRD-ის ფორუმის ფარგლებში განაცხადა. მას შემდეგ ბანკი პროექტის გარემოზე ზეგავლენის ტექნიკურ დეტალებს სწავლობს. თავდაპირველი გეგმის მიხედვით, ჰესს ელექტროენერგიის...


მსგავსი სიახლეები