ქართველი გამომგონებლების მიერ შექმნილი ინოვაციური პროდუქტები

ქართველი გამომგონებლების მიერ შექმნილი ინოვაციური პროდუქტები

access_time2017-12-31 18:00:03

თანამედროვე მსოფლიო გამოგონებების გარეშე წარმოუდგენელია. შესაძლოა ვფიქრობდეთ, რომ ყველაფერი რისი გამოგონებაც კაცობრიობას შეეძლო უკვე არსებობს, თუმცა მაინც ვხვდებით ინოვაციურ პროდუქტებს, რომლებიც მულტიფუნქციურობით და მაღალი მოთხოვნით გამოირჩევა ტექნოლოგიების ბაზარზე. საბედნიეროდ, ამ კუთხით არც ქართველი გამომგონებლები არიან გამონაკლისები. განსაკუთრებით ბოლო პერიოდში გამძაფრდა ახალგაზრდების ინტერესი გამომგონებლობისა და ახალი ტექნოლოგიების შექმნის მიმართ. ამ რეალობამდე კი იმ სამთავრობო პროექტებმაც მიგვიყვანა, რომელთა მიზანიც ახალგაზრდა ნიჭიერი გამომგონებლების აღმოჩენაა. ეს პროექტებია: ,,მეცნიერებისა და ინოვაციების საერთაშორისო ფესტივალი’’, ,,სტარტაპ-საქართველო’’ და ,,ჰაკათონი’’.


გთავაზობთ ქართველი გამომგონებლების მიერ შექმნილ ინოვაციურ პროდუქტებს, რომლებმაც საერთაშორისო აღიარება მოიპოვეს.



,,Cnick’’ – ჭკვიანი ბეჭედი


ქართველი სტუდენტების მიერ შექმნილი ხის ჭკვიანი ბეჭედი ,,კნიკი’’ საფულის დანიშნულებასაც ითავსებს და მეპატრონის სამედიცინო ინფორმაციასაც ინახავს. იგი პროექტ ,,სტარტაპ-საქართველოს’’ ერთ-ერთი გამარჯვებულია და საზოგადოებამაც სწორედ ამ კონკურსის დახმარებით გაიცნო. გაყიდვაში 2017 წლის აპრილიდან ჩაეშვა და დღეს მისი შეძენა ამაზონ.ცომ-ზეც შესაძლებელია. ბეჭდის მთავარი დანიშნულება იდენტიფიკაციაა, რათა სხვადასხვა დაწესებულებებსა და სისტემებს მივაწოდოთ ჩვენ შესახებ ინფორმაცია. მისი გამოყენება შესაძლებელია კინოთეატრებსა და ფიტნეს ცენტრებშიც. გარდა ამისა, ექიმებს შეეძლებათ პაციენტის პირველადი სამედიცინო ისტორიის მომენტალურად მიღება. უნდა აღინიშნოს, რომ ბეჭედში არსებული ინფორმაცია საკმაოდ დაცულია. პირველად სამედიცინო ინფორმაციაზე წვდომა მხოლოდ სამედიცინო პერსონალს აქვს, სხვა მონაცემები კი უსაფრთხოების იმაზე მაღალ დონეს ითვალისწინებს, ვიდრე ჩვეულებრივი საშვების ან ბილეთების შემთხვევაშია ხოლმე.



,,InGlove’’ -ინტერაქტიული ხელთათმანი



ინტერაქტიული ხელთათმანის იდეა ეკუთვნის დიმიტრი ცხოვრებაძეს, რომელმაც თავისუფალი უნივერსიტეტის სტუდენტებთან ერთად, პროექტ ,,ჰაკათონის” ფარგლებში შეძლო პირველი პროტოტიპის შექმნა. ხელთათმანის დახმარებით შესაძლებელია ვირტუალურ სამყაროსთან კავშირის დამყარება და ფიზიკურად შეგრძნება იმ ნივთებისა, რომლებსაც ვირტუალურ სამყაროში ვეხებით. პროდუქტი ძირითადად, კომპიუტერული თამაშების მოყვარულებზეა გათვლილი, თუმცა მისი გამოყენება შესაძლებელია როგორც მედიცინის, ისე სამხედრო სფეროში. მედიცინის შემთხვევაში ხელთათმანი დაგვეხმარება, რომ უშუალოდ ვმართოთ რობოტები, რომლებიც ქირურგიულ ოპერაციებს ასრულებენ, ხოლო სამხედრო კუთხით იგი გამოსადეგია სხვადასხვა წრთვნის ჩასატარებლად. აღნიშნულმა პროექტმა გამარჯვება მოიპოვა გერმანიაში, ქალაქ ბრემენში ჩატარებულ საერთაშორისო სტუდენტური სტარტაპების კონკურსზე, რის შემდეგაც ინოვაციური ხელთათმანით მრავალი კომპანია დაინტერესდა.




,,Hand4Help’’-ხელის პროთეზი



,,Hand4Help’’ წარმოადგენს მაღალტექნოლოგიური, მრავალფუნქციური ხელის პროთეზს, რომელიც ადამიანის ნერვული დაბოლოებების დახმარებით ფუნქციონირებს. მისი წარმოების იდეა გიორგი დიღმელაშვის ეკუთვნის. მომხმარებელს შეუძლია თავად აირჩიოს, როგორც პროთეზის ვიზუალური მხარე ისე მისი დამატებითი ფუნქციები. პროთეზის ინოვაციურობა იმაში მდგომარეობს, რომ უკვე არსებული პროთეზების ფუნქციონირებისთვის საჭიროა ადამიანს ხელის კიდურს 3 კუნთის მოძრაობა მაინც შეეძლოს, ხოლო აღნიშნული პროთეზი მხოლოდ 1 კუნთით იმართება. იგი მოსახერხებელია ისეთი ადამიანებისთვის, რომლებსაც მაგალითად, მხოლოდ მაჯა აკლიათ და ტრადიციული პროთეზები ვერ უზრუნველყოფენ დახმარებას. ასევე, უნდა აღინიშნოს, რომ ბაზარზე არსებული პროთეზები ძალიან ძვირია და ბევრი ადამიანისთვის მიუწვდომელი ,,Hand4Help’’ კი ბევრად იაფი და მოსახერხებელი პროდუქტია მომხმარებლებისთვის. აღნიშნულმა პროექტმა გამარჯვება მოიპოვა პროექტში ,,სტარტაპ საქართველო’’.



,,wifisher’’-wifiკომპანია



ინოვაციური სტარტაპი wifisher ორი წელია რაც დასრულდა დავით ხოსროშვილისა და რამდენიმე თანამოაზრის მიერ. იგი განკუთვნილია ტრადიციული ბიზნესებისთვის და ეხმარება მათ იმის განსაზღვრაში, თუ ვინ არიან მათი მომხმარებლები და რა უნდა გააკეთონ უფრო მეტი შემოსავლის მისაღებად. კომპანიას შეუძლია ინფორმაციის მოძიება ბიზნესის მომხმარებლებზე და მათი ჯგუფებში გადანაწილება მაგალითად ლოიალური, ახალი ან დაკარგული მომხმარებლები. გარდა ამისა, wifisher-ის დახმარებით შესაძლებელია კონკრეტული ადამინების ჯგუფებისათვის ჭიფი რეკლამის გადაგზავნა მაშინ, როდესაც ისინი კონკრეტულ ადგილას იმყოფებიან. საქართველოსა გარდა კომპანია ლიტვაშიც ფუნქციონირებს, ხოლო 2018 წლისთვის კომპანია 7 ახალ ქვეყანაში აპირებს ბიზნესის გაფართოებას.



,,BReader’’-ინოვაციური მოწყობილობა უსინათლოებისთვის



თავისუფალი და თბილისის სახელმწიფო უნივერსიტეტების სტუდენტებმა გადაწყვიტეს შეექმნათ მოწყობილობა, რომელიც უსინათლოებს გაუმარტივებდა სწავლის პროცესს. დღემდე შშმ პირებისთვის ყველაზე მწვავე პრობლემად ინფრასტრუქტურის არარსებობა რჩება, ამიტომ სტუდენტებმა შეიმუშავეს სასკოლო მერხების ინოვაციური ტიპი. მერხს ექნება ტექსტის რამდენიმე ხაზი რაც გააიოლებს სწავლების პროცესს. ასევე, მოსწავლის მიერ აკრეფილი ტექსტი, ელექტრონული წიგნების წამკითხველის წყალობით, მასწავლებლის ეკრანზე გამოისახება, ხოლო მასწავლებლის აკრეფილი ტექსტი უსინათლოთა მერხებზე გამოჩნდება. Braille reader-ის უპირატესობა მდგომარეობს მის ხელმისაწვდომობასა და სწავლისთვის ადაპტირებულობაში.



,,Deskomy’’-ონლაინ პორტალი



,,დესკომის’’ შექმნის იდეა 16 წლის ლუკა ყავიაშვილს ეკუთვნის, რომელსაც სურდა შეექმნა ისეთი პლატფორმა, რომელის დახმარებითაც მომხმარებლებს ნებისმიერი ფაილის ატვირთვა/ჩამოტვირთვა, ერთმანეთისთვის გაზიარება შეეძლებოდათ. საიტის მეშვეობით ნებისმიერ დარეგისტრირებულ პირს შეუძლია დაუკავშირდეს პირად კომპიუტერში განთავსებულ ინფორმაციას, თუმცა ჯერჯერობით მომხმარებლებს უფასო 3GB-იანი მოცულობის მახსოვრობის გამოყენება შეუძლიათ. ლუკა თავისი იდეით ,,Seedstars Tbilisi 2017″ -ის ფინალისტი გახდა და 10 საუკეთესო სტარტაპს შორის მოხვდა.



bfm.ge



ბიძინა ივანიშვილი პოლიტიკაში დაბრუნდა

ბიძინა ივანიშვილი პოლიტიკაში დაბრუნდა
person access_time2018-04-26 13:01:39
„ყოფილი პრემიერ-მინისტრი ბიძინა ივანიშვილი დათანხმდა, რომ პარტია „ქართულ ოცნება - დემოკრატიულ საქართველოს უხელმძღვანელოს“, - ამის შესახებ დღევანდელ ბრიფინგზე საქართველოს პრემიერმა და პარტიის ამჟამინდელმა ლიდერმა გიორგი კვირიკაშვილმა განაცხადა.   „პირადად, ჩემი და მთელი გუნდის სახელით შევთავაზე და ვთხოვე ჩვენი პარტიის დამფუძნებელს, რომ სათავეში ჩაუდგეს პარტიას. მოხარული ვარ, რომ ბატონმა ბიძინა ივანიშვილმა თანხმობა განაცხადა, -...

ლონდონის ბირჟიდან მიღებული 100 მილიონი დილარი GHG-ში, რომელიც იაშვილის კლინიკის პრობლემებზე არ ასახულა

ლონდონის ბირჟიდან მიღებული 100 მილიონი დილარი GHG-ში, რომელიც იაშვილის კლინიკის პრობლემებზე არ ასახულა
person access_time2018-04-26 11:30:00
ერთი წლის და ორი თვის ნენე მოდებაძის ისტორიამ, კიდევ ერთხელ დააფიქრა საზოგადოება, რა ხდება ქვეყნის მთავარ პედიატრიულ საავადმყოფოში?   საქართველოში ალბათ არ არსებობს ოჯახი, რომელსაც ერთხელ მაინც არ მიუმართავს იაშვილის სახელობის  კლინიკისათვის, რომელიც ათეულობით წლების განმავლობაში, ერთ-ერთი მთავარი პასუხისმგებელი დაწესებულებაა ბავშვთა ჯანმრთელობაზე და რომელიც არცთუ იშვითად ხდება უკმაყოფილების ობიექტი. ერთი წლის წინ, იაშვილის კლინიკაში ორი...

ოქროს ბრენდის დაჯილდოვების ცერემონიალი 27 აპრილს გაიმართება

ოქროს ბრენდის დაჯილდოვების ცერემონიალი 27 აპრილს გაიმართება
person access_time2018-04-26 10:29:19
2018 წლის 27 აპრილს, საღამოს შვიდის ნახევარზე, სასტუმრო Hotels & Preference Hualing Tbilisi- ში კომპანია GLOBAL IDEA, The FINANCIAL, საქართველოს სავაჭრო სამრეწველო პალატის, საქართველო შვეიცარიის ბიზნეს ასოციაციის,ევროპის ფონდის,საერთაშორისო პალატის და მეწარმე ქალთა საბჭო საქართველოში მხარდაჭერით, ატარებენ რიგით მეცამეტე 2017 წლის რჩეული ბრენდების დაჯილდოვების ცერემონიას Golden Brand 2017.   მედიაში ბიზნესის ოსკარად წოდებული ოქროს ბრენდის დაჯილდოვების...

ამერიკელმა სენატორებმა უმსხვილესი ბანკებისაგან რუსი ბიზნესმენების ანგარიშების გამჟღავნება მოითხოვეს

ამერიკელმა სენატორებმა  უმსხვილესი ბანკებისაგან  რუსი ბიზნესმენების ანგარიშების გამჟღავნება მოითხოვეს
person access_time2018-04-25 20:00:00
ამერიკელი სენატორენი  მსოფლიოს უმსხვილეს ფინანსურ ინსტიტუტებს  მოუწოდებენ მათ და პუტინის გარემოცვაში შემავალ უმსხვილეს ბიზნესბემენს შორის არსებული კავშირები გაამჟღავნონ.   25 აპრილს სენატორებმა ჯოან შაინმა და შელდონ უაიტჰაუსმა გააგზავნეს შესაბამისი მიმართვები სამ უმისხვილეს ამერიკულ ბანკში - Bank of America Corp, JPMorgan Chase და Citibank-ში, ასევე რამდენიმე ევროპულში -  Barclays, Deutsche Bank, UBS, HSBC  და Credit...

კომერციულ ბანკებს ჯარიმები გაეზარდათ - დარღვევები რის გამოც ეროვნული ბანკი სანქციებს აამოქმედებს

კომერციულ ბანკებს ჯარიმები გაეზარდათ - დარღვევები რის გამოც ეროვნული ბანკი სანქციებს აამოქმედებს
person access_time2018-04-25 19:00:00
კომერციულ ბანკებს  დარღვევებზე ჯარიმები გაეზარდათ. ეროვნული ბანკის  ვიცე -პრეზიდენტის მურთაზ კიკორიას 24 აპრილის ბრძანებით ცვლილება „კომერციული ბანკების მიმართ ფულადი ჯარიმების განსაზღვრისა და დაკისრების წესის დამტკიცების შესახებ“ ბრძანებაში შევიდა. ახალი რედაქციით, საბანკო საქმიანობის ლიცენზიის ან ეროვნული ბანკის შესაბამის სამართლებრივ აქტზე თანდართული ნებისმიერი პირობის ან შეზღუდვის დარღვევის შემთხვევაში, ბანკს განსხვავებული ფულადი სანქია დაეკისრება, რაც დარღვევის სერიოზულობაზე,...


მსგავსი სიახლეები