„2017 წელს დავასრულებთ 7 400 000 საერთაშორისო მოგზაურით და შემოსავლების ნაწილში ახალი რეკორდით“

access_time2017-12-29 13:46:48

2017 წელს დავასრულებთ 7 400 000 საერთაშორისო მოგზაურით და ასევე ახალი რეკორდით შემოსავლების ნაწილში, რომელიც მიაღწევს 2 მილიარდ 700 მლნ დოლარს, - ამის შესახებ „ინტერპრესნიუსს“ ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ 2017 წლის შეჯამებისას განუცხადა.


როგორც მან აღნიშნა, 2017 წელი გამორჩეული და წარმატებული წელიწადია საქართველოში ტურიზმის განვითარების კუთხით და ასევე რეკორდულია უცხოელი ტურისტების თვალსაზრისით.


„2017 წლის 10 თვის განმავლობაში ჩვენ დავეწიეთ 2016 წლის 12 თვის მონაცემებს, ხოლო 11 თვის განმავლობაში ჩვენ დაახლოებით, 7 მილიონი საერთაშორისო მოგზაური უკვე გვყავდა და წელს დავხურავთ 7 400 000 საერთაშორისო მოგზაურით და ასევე ახალი რეკორდით შემოსავლების ნაწილში, რომელიც მიაღწევს 2 მილიარდ 700 მლნ დოლარს“, - განაცხადა ჩოგოვაძემ.


რაც შეეხება 2018 წელს, გიორგი ჩოგოვაძის განცხადებით, ტურიზმის ეროვნული ადმინისტრაცია აქტიურად გააგრძელებს საქართველოში ტურისტების მოწვევას.



„ჩვენი ამოცანა იქნება მოვიზიდოთ უფრო მეტი გადახდისუნარიანი ტურისტი ევროკავშირის ქვეყნებიდან და ამავდროულად, განვავითაროთ ტურიზმის ის მიმართულებები, რომლებიც ხელს უწყობს ასეთი მაღალ გადახდისუნარიანი ტურისტების შემოსვლას. პირველ რიგში, ვგულისხმობთ საქმიანი, გამაჯანსაღებელი ტურიზმის განვითარებას და იმ მიმართულებებს, რომლებიც საქართველოში დინამიურად გაზრდის ტურისტების რაოდენობას“, - განაცხადა ჩოგოვაძემ.


რაც შეეხება ზამთრის კურორტებს, ტურიზმის ეროვნული ადმინისტრაციის ხელმძღვანელის განცხადებით, წლევანდელ წელს ზამთრის სეზონი საქართველოს კურორტებზე წარმატებით ჩაივლის.


„ამის თქმის საშუალებას და უფლებას გვაძლევს იმ ჯავშნების რაოდენობა, თუ როგორი დატვირთულია უკვე სასტუმროები და იქნება ის ზამთრის თვეებში. ზოგადად, მთის კურორტების განვითარებას ჩვენ ქვეყანაში დიდი ყურადღება ექცევა და ყოველწლიურად ასეულობით მილიონი ლარი იხარჯება ამ მიმართულებით. შედეგად ჩვენ ძალიან ბევრ ტურისტს ველოდებით, როგორც ჩვენს თანამოქალაქეს, ისევე სხვა ქვეყნებიდან“, - განაცხადა ჩოგოვაძემ.






კონკურენციის სააგენტომ „სიტროენ ჯორჯიას“ საჩივარი დაუშვებლად ცნო

person access_time2018-01-24 11:12:43
კონკურენციის სააგენტომ შპს „სიტროენ ჯორჯიას საჩივარზე მოკვლევა არ დაიწყო და „სიტროენ ჯორჯიას საჩივარი სახელმწიფო ხელისუფლების ორგანოების მიერ კონკურენციის დარღვევასთან დაკავშირებით, დაუშვებლად ცნო.   აღნიშნულთან დაკავშირებით კონკურენციის სააგენტო განცხადებას ავრცელებს, რომელსაც „ინტერპრესნიუსი უცვლელად გთავაზობთ.   „2017 წლის 12 დეკემბერს, შპს „სიტროენ ჯორჯიამ კონკურენციის სააგენტოში წარმოადგინა საჩივარი, რომლის თანახმადაც, ყურადღება...

დავოსში მთლიანი შიდა პროდუქტის მაჩვენებლის ალტერნატივა მოიფიქრეს

person access_time2018-01-24 10:50:50
მსოფლიო ეკონომიკურ ფორუმზე, რომელიც დავოსში გაიხსნა, ქვეყნების ეკონომიკური განვითარების ალტერნატიული შეფასების სისტემაზე ილაპარაკეს. მას მთლიანი შიდა პროდუქტის (მშპ) უფრო თანამედროვე ანალოგს უწოდებენ. მშპ მთავარი ეკონომიკური მაჩვენებელია, რომლის მიხედვითაც განისაზღვრება ქვეყნის პოზიცია მსოფლიოში. მას ინკლუზიური განვითარების (Inclusive Development Index) ინდექსი (ან რეიტინგი) უწოდეს. ფორუმის ჩანაფიქრით, მისი მიზანი საზოგადოების ინფორმირება და მდგრადი და ინკლუზიური...

გიორგი კვირიკაშვილი - „კორუფციის წინააღმდეგ ბრძოლა მოხდა რეფორმების სრული კომპლექსით, რომლებიც საქართველოს მთავრობამ გაატარა“

person access_time2018-01-23 21:10:07
კორუფცია არ უნდა განვიხილოთ, როგორც ცალკე გამოწვევა სხვა გამოწვევებს შორის, - ამის შესახებ საქართველოს პრემიერ-მინისტრმა გიორგი კვირიკაშვილმა დავოსის მსოფლიო ეკონომიკურ ფორუმზე გამართულ პანელზე გამოსვლისას განაცხადა.     პრემიერის თქმით, კორუფციის წინააღმდეგ ბრძოლა მოხდა რეფორმების სრული კომპლექსით, რომლებიც საქართველოს მთავრობამ გაატარა.     „საუბარია ეკონომიკის ღიაობაზე, როგორც სატარიფო, ისე არასატარიფო სავაჭრო ბარიერების...

გიორგი კვირიკაშვილი: ჩვენი ისტორიული ტერიტორიების ოკუპაცია დიდი პრობლემაა, რასაც კონსტრუქციული, პრინციპული მიდგომით უნდა გავუმკლავდეთ

person access_time2018-01-23 19:10:00
საქართველოს პრემიერ-მინისტრის გიორგი კვირიკაშვილის განცხადებით, უნდა მოიძებნოს რუსეთთან ისეთი ზონები და არეალი, რომელიც მომავალში შეიძლება გახდეს კონფლიქტების პოლიტიკური დარეგულირების პოზიტიური განხილვების დაწყების საფუძველი, ეს სფეროები შეიძლება იყოს ვაჭრობა, ტურიზმი, ჰუმანიტარული და კულტურული ურთიერთობები. ამის შესახებ საქართველოს პრემიერმა დავოსის მსოფლიო...

კორუფციულ გარიგებებში დადანაშაულებულ კომპანიას გზების დეპარტამენტმა ნახევარმილიარდიანი კონტრაქტები გაუფორმა

person access_time2018-01-24 09:50:24
კომპანია, რომელიც თაღლითურ გარიგებებშია მხილებული და „შავ სიაშია შეყვანილი, მის ერთ-ერთ პროექტს კი, „Transparency International-მა „კორუფციის მონუმენტი უწოდა, საქართველოს ცენტრალური ავტომაგისტრალის ერთ-ერთი მსხვილი მშენებელია.   საქართველოში ჩინურ კომპანია „სინოჰიდროს, 2010 წლიდან, რამდენიმე დიდი ტენდერი აქვს მოგებული და ავტომაგისტრალის მნიშვნელოვანი მონაკვეთებიც ააშენა. ის ამჟამად, სამტრედია-გრიგოლეთის შემოვლით გზას და ქობულეთის შემოვლით გზას აშენებს....


მსგავსი სიახლეები