იერუსალიმის ისრაელის დედაქალაქად აღიარების მოსალოდნელი შედეგები და მსოფლიო ლიდერების რეაქცია ტრამპის გადაწყვეტილებაზე

access_time2017-12-07 14:34:09

აშშ-ის პრეზიდენტმა დონალდ ტრამპმა იერუსალიმი ისრაელის დედაქალაქად აღიარა. ამ საკითხზე გაერო-ს უშიშროების საბჭო საგანგებო სხდომას ხვალ, 8 დეკემბერს გამართავს. „როიტერსის" ინფორმაციით, საგანგებო სხდომის მოწვევა მოითხოვა უშიშროების საბჭოს 15-დან 8 წევრმა - საფრანგეთმა, ბოლივიამ, ეგვიპტემ, იტალიამ, სენეგალმა, შვედეთმა, დიდმა ბრიტანეთმა და ურუგვაიმ.

 

აშშ-ის პრეზიდენტმა, დონალდ ტრამპმა 6 დეკემბერს განაცხადა, რომ დადგა დრო იერუსალიმი ოფიციალურად აღიარონ ისრაელის დედაქალაქად. ტრამპმა სახელმწიფო დეპარტამენტს დაავალა, დაიწყოს აშშ-ის საელჩოს თელ-ავივიდან იერუსალიმში გადატანის პროცესი. დონალდ ტრამპის გადაწყვეტილებას მიესალმა მხოლოდ ისრაელი. „აშშ-ს პრეზიდენტის ეს გადაწყვეტილება მშვიდობის უზრუნველყოფას ემსახურება", - თქვა ისრაელის პრემიერმინისტრმა ბენიამინ ნეთანიაჰუმ. 

 

პალესტინელთა ავტონომიის ლიდერის, მაჰმუდ აბასის განცხადებით, ვაშინგტონი ვეღარ შეძლებს შუამავლობას სამშვიდობო პროცესში, რადგან მისი გადაწყვეტილება ხელყოფს ყველა სამშვიდობო ძალისხმევას. 

 

პრეზიდენტ ტრამპის გადაწყვეტილება გააკრიტიკა მსოფლიოს არაერთმა სახელმწიფომ, მათ შორის აშშ-ის მოკავშირეებმაც. საუდის არაბეთმა განაცხადა, რომ აშშ-მა გადადგა უპასუხისმგებლო ნაბიჯი, რომელიც საგრძნობლად უკან დახევს სამშვიდობო პროცესს. საგარეო და უსაფრთხოების პოლიტიკის საკითხებში ევროკავშირის უმაღლესი წარმომადგენლის, ფედერიკა მოგერინის განცხადებით, აუცილებელია თავშეკავება ნებისმიერი ნაბიჯისგან, რომელიც ხელს შეუშლის პალესტინელებსა და ისრაელს შორის სამშვიდობო შეთანხმების მიღწევას. აშშ-ის პრეზიდენტის გადაწყვეტილებას მხარი არ დაუჭირეს გერმანიის, დიდი ბრიტანეთის და საფრანგეთის მთავრობებმაც. მათი პოზიციაა, რომ იერუსალიმის სტატუსი უნდა განისაზღვროს ორი სახელმწიფოს შექმნის სტრატეგიის ფარგლებში და ისრაელი-პალესტინის მოლაპარაკებების შედეგად. გაერო-ს გენერალური მდივნის, ანტონიუ გუტერეშის განცხადებით, ის ყოველთვის ეწინააღმდეგება ცალმხრივ ზომებს, რომლებიც საფრთხეს უქმნიან ისრაელისა და პალესტინელების კონფლიქტის მშვიდობიანად მოგვარების პერსპექტივას.

 

თურქეთის პრეზიდენტი რეჯეპ ტაიპ ერდოღანი ამბობს, რომ იერუსალიმის საკითხზე ტრამპის გადაწყვეტილებასთან დაკავშირებით მოლაპარაკებებს აწარმოებს დასავლელ ლიდერებთან, რომის პაპთანაც, ასევე ვლადიმერ პუტინთან. „ტრამპი ახლა მიქსერის როლს თამაშობს და მთლიანად რეგიონის შენჯღრევას ახდენს. ისრაელი წმინდა ადგილია მუსლიმებისთვის, ქრისტიანებისთვის და ებრაელებისთვის. ამგვარი ნაბიჯი განსაკუთრებით ამ რეგიონისთვის ანთებული ასანთის ტოლფასია. ლიდერებმა არა კონფლიქტების პროვოცირება, არამედ მშვიდობის დამყარება უნდა მოახდინონ. თუ ტრამპი მიიჩნევს, რომ ის ასეთი ძლიერია და ამიტომაც მართალია, მაშინ ის ცდება. ძლიერი მართალს არ ნიშნავს", - განაცხადა ერდოღანმა.

 

იერუსალიმის საკითს გამოეცმაურა საქართველოს პრემიერ-მინისტრიც. „საკითხი არის ძალიან სენსიტიური და რა თქმა უნდა, ამ საკითხთან დაკავშირებით ჩვენ გვექნება მსჯელობა და საქართველო დააფიქსირებს პოზიციას, რომელიც იქნება ქვეყნის ინტერესებიდან გამომდინარე, რა თქმა უნდა, საერთაშორისო კონიუნქტურის და იმ საფრთხების გათვალისწინებით, რომლებიც არსებობს რეგიონში“, - განაცხადა გიორგი კვირიკაშვილმა.

 

ტრამპის განცხადება რადიკალურ ცვლილებას წარმოადგენს აშშ-ის პოლიტიკაში - რომლის ფარგლებშიც ქალაქის სტატუსი უნდა გადაწყვეტილიყო პალესტინელებთან მოლაპარაკებით. იერუსალიმის სტატუსი ისრაელსა და პალესტინას შორის დაპირისპირების მთავარი საგანია. ისრაელი იერუსალიმს საკუთარ დედაქალაქად მიიჩნევს. პალესტინელებს კი სჯერათ, რომ ის მათი მომავალი სახელმწიფოს დედაქალაქია. ქვეყნების უმრავლესობა არ აღიარებს ისრაელის სუვერენიტეტს მთელს ქალაქზე, რომლის გარკვეულ ადგილებს წმინდად მიიჩნევენ მუსლიმები, ებრაელები და ქრისტიანები. პალესტინელები და არაბული ქვეყნების ლიდერები, ისევე, როგორც აშშ-ის წამყვანი მოკავშირეები და გაეროს გენერალური მდივანი, ტრამპს აფრთხილებდნენ, რომ ეს ნაბიჯი მთელს ახლო აღმოსავლეთში ძალადობის პროვოცირების და სამშვიდობო პროცესის გართულების საფრთხეებს შეიცავდა.

 

 

 

 



Volkswagen-ი დიზელზე მომუშავე ავტომობილების წინააღმდეგ - „დიზელი არა მომავალი, არამედ ჩვენი წარსულია“

person access_time2017-12-12 20:00:43
Volkswagen-ის გენერალური დირექტორის განცხადებით, გერმანიამ დიზელზე მომუშავე ავტომობილების სუბსიდირებაზე უარი უნდა თქვას და უფრო მეტიც, ქვეყნის მთავარი, დაბინძურებული ჰაერის მქონე ქალაქების ცენტრებში დიზელზე მომუშავე ავტომობილების მოძრაობა აკრძალული უნდა იყოს. მატიას მიულერმა აღნიშნულთან დაკავშირებით კომენტარი გერმანულ გაზეთ Handelsblatt-თან გააკეთა. მან ხაზი გაუსვა კომპანიის ძირეულ ცვლილებას დიზელთან დაკავშირებული სკანდალის შემდეგ: 2015 წელს გავრცელდა ინფორმაცია,...

40 ათას ლარზე მეტი წლიური შემოსავლის მქონე ოჯახებს ავტომობილებზე ქონების გადასახადის გადახდა მოუწევთ

person access_time2017-12-12 18:00:18
ავტომობილებზე ქონების გადასახადის გადახდა 2018 წლიდან დაიწყება. გადასახადის გადახდის ვალდებულება, 40 ათას ლარზე მეტი წლიური შემოსავლის მქონე ოჯახებს შეეხება. „2017 წლის შემოსავლების მიხედვით ქონების დეკლარირება 2018 წლის 1 ნოემბრამდე მოხდება. შესაბამისად, 40 ათას ლარზე მეტი წლიური შემოსავლის მქონე ოჯახებს ავტომობილებზე ქონების გადასახადის გადახდა სწორედ 2018 წლიდან მოუწევთ,“ - აღნიშნავენ ფინანსთა სამინისტროში. აღსანიშნავია, რომ გადასახადის...

„თბილისში „ხრუშჩოვკების“ ჩანაცვლება ვარკეთილიდან უნდა დაიწყოს“

person access_time2017-12-12 15:20:55
დედაქალაქში ხუთასზე მეტი ე.წ. ხრუშჩოვკაა, მათი უმეტესობა ავარიულია და ექსპლუატაციის ვადა გასული აქვს. 1950-იან წლებში დროებით აშენებული სახლების ჩანაცვლება ყველა ხელისუფლების წინასაარჩევნო დანაპირებში ხვდებოდა, მათ შორის, მოქმედი მერისაც. როგორც გაზეთი „რეზონანსი“ წერს, ეს საკმაოდ რთული და ძნელი ამოცანაა, მერიისა და კერძო სექტორის ნაყოფიერი თანამშრომლობის პირობებშიც კი „ხრუშჩოვკების“ შეცვლას რამდენიმე ათეული წელი დასჭირდება. 2004 წლის მონაცემებით,...

სურსათის ეროვნულმა სააგენტომ Lactalis-ის ბავშვთა კვების პროდუქციის ბაზრიდან გამოთხოვის პროცესი უკვე დაიწყო

person access_time2017-12-12 13:20:36
საქართველოს სურსათის ეროვნულმა სააგენტომ ფრანგული კომპანია Lactalis-ის ბავშვთა კვების პროდუქციის ბაზრიდან გამოთხოვის პროცესი უკვე დაიწყო. როგორც „კომერსანტს“ სააგენტოში განუცხადეს, „სურსათის ეროვნულმა სააგენტომ მსოფლიო ჯანდაცვის ორგანიზაციიდან მიიღო შეტყობინება საფრანგეთში წარმოებულ ბავშვთა კვების პროდუქტებში „სალმონელას“ შესაძლო არსებობის შესახებ. სურსათის ეროვნული სააგენტო მოკვლევას ატარებს. მიმდინარეობს კანონმდებლობით გათვალისწინებული ღონისძიებები და სურსათის...

სესხს ეროვნული ბანკის გარეშე ვერც ლომბარდები გასცემენ

person access_time2017-12-12 12:15:32
საბანკოდან გამიჯნული ბიზნესის მარეგულირებელი ცვლილებების კენჭისაყრელად პარლამენტარები მზად არიან, თუმცა არავინ იცის ამის საშუალება როდის მიეცემათ. საკანონმდებლო პაკეტი, რომლის კენჭისყრა კონსულტაციების მიზეზით არის შეჩერებული, ჰოლდინგურ კომპანიებთან ბანკების ფინანსური არხების გარდა, არასაფინანსო სექტორის გაკონტროლებასაც ითვალისწინებს, სესხის გამცემი ყველა სუბიექტის, მათ შორის online კომპანიებისაც. გაკონტრილდება ლომბარდების საქმიანობაც. შესაბამისი კაპიტალის მოთხოვნით. შედეგად...


მსგავსი სიახლეები