დასავლეთისა და რუსეთის ინტერესების გადაკვეთა უკრაინაში

access_time2017-12-07 09:23:05

დასავლეთისა და რუსეთის ინტერესების გადაკვეთა უკრაინაში, პროშენკოს უსუსური ხელისუფლება და მიხეილ სააკაშვილის საქართველოში სავარაუდო ექსტრადირების მოსალოდნელი შედეგი - პოლიტოლოგები სააკაშვილთან დაკავშირებულ მოვლენებს აფასებენ.

 

ოდესის ოლქის ყოფილი გუბერნატორი, უკრაინის „ახალ ძალთა გაერთიანების" ლიდერი, საქართველოს ექსპრეზიდენტი მიხეილ სააკაშვილი, თავის მომხრეებთან ერთად, კვლავ რჩება უკრაინის პარლამენტის შენობასთან გაშლილ ე. წ. „კარვების ქალაქში". სააკაშვილი არ აპირებს დასაკითხად მივიდეს უკრაინის გენერალურ პროკურატურაში, რომელსაც სისხლის სამართლის კოდექსის სამი მუხლით სააკაშვილი ძებნაში ჰყავს გამოცხადებული. მიხეილ სააკაშვილის მხარდასაჭერად გუშინ აქცია გაიმართა თბილისშიც. „ნაციონალური მოძრაობის" წევრებმა მსვლელობა გამართეს რუსთაველის გამზირზე და განაცხადეს, რომ საქართველოსა და უკრაინაში ოლიგარქიული მმართველობა უნდა დასრულდეს. უკრაინაში კი, სააკაშვილის მომხრეებმა უკრაინის პრეზიდენტის, პეტრო პოროშენკოს იმპიჩმენტის დასაწყებად, ხელმოწერების შეგროვება დაიწყეს.

 

მიხეილ სააკაშვილის გარშემო მიმდინარე მოვლენებში გარკვევას ცდილობენ ქართველი პოლიტოლოგები. ვახტანგ ძაბირაძის თქმით, უკრაინის ხელისუფლება ან მეტისმეტად უსუსურია, ან ვიღაც შეგნებულად ცდილობს მიხეილ სააკაშვილისგან გმირის შექმნას. „ძნელია ამის ზუსტი დიაგნოსტირება, მაგრამ, ზოგადად, ეს თითქოს ასე ჩანს. სხვა ამბავია ის, რომ, როგორც ჩანს, პოროშენკოსა და მის ხელისუფლებას მართლაც არ აქვს მხარდაჭერა, მაგრამ ჯერჯერობით ასევე არ აქვს დიდი მხარდაჭერა სააკაშვილს. მიდის მისი ლიდერად ჩამოყალიბებისმაგვარი პროცესი. ამის მომსწრე ჩვენ ვიყავით არაერთგზის არამარტო სააკაშვილის მაგალითზე და მეჩვენება, რომ რაღაც ნაცნობი სცენარი ვითარდება უკრაინაში, რაც არაერთხელ მომხდარა საქართველოში", - უთხრა ვახტანგ ძაბირაძემ „რადიო თავისუფლებას".

 

პოლიტოლოგი რამაზ საყვარელიძე ფიქრობს, რომ სცენარი გარე ძალებისგან არის შედგენილი, რათა უკრაინაში ხელისუფლება შეიცვალოს. „ეს შესაძლოა, იყოს არა ერთი ქვეყანა, არამედ - ერთდროულად რამდენიმე. შესაძლოა, ეს იყოს დასავლეთი და რუსეთი ერთად და უკრაინასთან მიმართებაში მათი ინტერესი იკვეთებოდეს, ისევე, როგორც საქართველოსთან მიმართებაში. როგორც ასეთი, დიდი სახელმწიფოები პატარა სახელმწიფოებისთვის ერთმანეთს კი არ ეჭიდავებიან, თანხმდებიან. ვფიქრობ, ეს სცენარი პოროშენკომაც იცის და ამ სცენარით განსაზღვრულ როლს ასრულებს. სხვანაირად შეუძლებელია იმას, რასაც უკრაინის ხელისუფლება აკეთებს, ლოგიკური ახსნა ჰქონდეს", - განაცხადა რამაზ საყვარელიძემ „პირველი არხის" ეთერში.

 

პროფესორი ლადო პაპავა ამბობს, რომ თუ მიხეილ სააკაშვილის საქართველოში ექსტრადირება განხორციელდა, ის ქვეყნის პოლიტიკური მომავალი გახდება. „დავუშვათ და მოხდა ასეთი სცენარი, რომ მიხეილ სააკაშვილი მართლაც დააკავეს, აიყვანეს და მოხდა მისი საქართველოში ექსტრადირება. "ქართული ოცნების" დეპუტატები რომ გამოდიან და ამბობენ, ეს ჩვენ არ გვეხება და მეათეხრისხოვანიაო, ვის ატყუებენ?! საკუთარ თავს?! ღმერთმა დაიფაროს ქვეყანა, რომ მიხეილ სააკაშვილი პოლიტიკური მომავალი გახდეს, თუმცა, თუკი მისი ექსტრადირება განხორციელდა, ის გახდება პოლიტიკური მომავალი. ქართველი ხალხი, სამწუხაროდ, ადვილად ივიწყებს ცუდს, მერე ვიღაცას შეეცოდება, ციხეში ზის ჩვენი მიშიკოო", - თქვა ვლადიმერ პაპავამ „პალიტრანიუსის" ეთერში.

 

 



Volkswagen-ი დიზელზე მომუშავე ავტომობილების წინააღმდეგ - „დიზელი არა მომავალი, არამედ ჩვენი წარსულია“

person access_time2017-12-12 20:00:43
Volkswagen-ის გენერალური დირექტორის განცხადებით, გერმანიამ დიზელზე მომუშავე ავტომობილების სუბსიდირებაზე უარი უნდა თქვას და უფრო მეტიც, ქვეყნის მთავარი, დაბინძურებული ჰაერის მქონე ქალაქების ცენტრებში დიზელზე მომუშავე ავტომობილების მოძრაობა აკრძალული უნდა იყოს. მატიას მიულერმა აღნიშნულთან დაკავშირებით კომენტარი გერმანულ გაზეთ Handelsblatt-თან გააკეთა. მან ხაზი გაუსვა კომპანიის ძირეულ ცვლილებას დიზელთან დაკავშირებული სკანდალის შემდეგ: 2015 წელს გავრცელდა ინფორმაცია,...

40 ათას ლარზე მეტი წლიური შემოსავლის მქონე ოჯახებს ავტომობილებზე ქონების გადასახადის გადახდა მოუწევთ

person access_time2017-12-12 18:00:18
ავტომობილებზე ქონების გადასახადის გადახდა 2018 წლიდან დაიწყება. გადასახადის გადახდის ვალდებულება, 40 ათას ლარზე მეტი წლიური შემოსავლის მქონე ოჯახებს შეეხება. „2017 წლის შემოსავლების მიხედვით ქონების დეკლარირება 2018 წლის 1 ნოემბრამდე მოხდება. შესაბამისად, 40 ათას ლარზე მეტი წლიური შემოსავლის მქონე ოჯახებს ავტომობილებზე ქონების გადასახადის გადახდა სწორედ 2018 წლიდან მოუწევთ,“ - აღნიშნავენ ფინანსთა სამინისტროში. აღსანიშნავია, რომ გადასახადის...

„თბილისში „ხრუშჩოვკების“ ჩანაცვლება ვარკეთილიდან უნდა დაიწყოს“

person access_time2017-12-12 15:20:55
დედაქალაქში ხუთასზე მეტი ე.წ. ხრუშჩოვკაა, მათი უმეტესობა ავარიულია და ექსპლუატაციის ვადა გასული აქვს. 1950-იან წლებში დროებით აშენებული სახლების ჩანაცვლება ყველა ხელისუფლების წინასაარჩევნო დანაპირებში ხვდებოდა, მათ შორის, მოქმედი მერისაც. როგორც გაზეთი „რეზონანსი“ წერს, ეს საკმაოდ რთული და ძნელი ამოცანაა, მერიისა და კერძო სექტორის ნაყოფიერი თანამშრომლობის პირობებშიც კი „ხრუშჩოვკების“ შეცვლას რამდენიმე ათეული წელი დასჭირდება. 2004 წლის მონაცემებით,...

სურსათის ეროვნულმა სააგენტომ Lactalis-ის ბავშვთა კვების პროდუქციის ბაზრიდან გამოთხოვის პროცესი უკვე დაიწყო

person access_time2017-12-12 13:20:36
საქართველოს სურსათის ეროვნულმა სააგენტომ ფრანგული კომპანია Lactalis-ის ბავშვთა კვების პროდუქციის ბაზრიდან გამოთხოვის პროცესი უკვე დაიწყო. როგორც „კომერსანტს“ სააგენტოში განუცხადეს, „სურსათის ეროვნულმა სააგენტომ მსოფლიო ჯანდაცვის ორგანიზაციიდან მიიღო შეტყობინება საფრანგეთში წარმოებულ ბავშვთა კვების პროდუქტებში „სალმონელას“ შესაძლო არსებობის შესახებ. სურსათის ეროვნული სააგენტო მოკვლევას ატარებს. მიმდინარეობს კანონმდებლობით გათვალისწინებული ღონისძიებები და სურსათის...

სესხს ეროვნული ბანკის გარეშე ვერც ლომბარდები გასცემენ

person access_time2017-12-12 12:15:32
საბანკოდან გამიჯნული ბიზნესის მარეგულირებელი ცვლილებების კენჭისაყრელად პარლამენტარები მზად არიან, თუმცა არავინ იცის ამის საშუალება როდის მიეცემათ. საკანონმდებლო პაკეტი, რომლის კენჭისყრა კონსულტაციების მიზეზით არის შეჩერებული, ჰოლდინგურ კომპანიებთან ბანკების ფინანსური არხების გარდა, არასაფინანსო სექტორის გაკონტროლებასაც ითვალისწინებს, სესხის გამცემი ყველა სუბიექტის, მათ შორის online კომპანიებისაც. გაკონტრილდება ლომბარდების საქმიანობაც. შესაბამისი კაპიტალის მოთხოვნით. შედეგად...


მსგავსი სიახლეები