ყოველი მეორე ადამიანი თბილისშია დასაქმებული

access_time2017-12-06 13:50:06

„სოფლებიდან ხალხი სამსახურის საძიებლად მიდის ან თბილისში, ანდა - ბათუმში, ისიც - სეზონურად“


საქართველოს რეგიონები დღითი დღე კარგავენ ფუნქციას. მთელი ქვეყნის დასაქმებულთა 64% დედაქალაქში მუშაობს. როგორც გაზეთი „რეზონანსი“ წერს,  მთავრობა რეგიონების განვითარებას ვერ ახერხებს, ამიტომაც მოსახლეობის უდიდესი ნაწილი დასაქმებისთვის დედაქალაქს მიეწება. ასიათასობით შრომისუნარიანი ადამიანი თავის სარჩენად წლებია, ემიგრაციაში იმყოფება.


რეგიონებში დასაქმებულთა რაოდენობის მიხედვით 9.3%-ით აჭარის რეგიონი ლიდერობს. მას შემდეგ მოსდევს იმერეთი - 7.0%. მესამე ადგილზეა ქვემო ქართლი - 5.5%, რომელსაც მოჰყვება სამეგრელო-ზემო სვანეთი - 3.9%-ით. სტატისტიკის ეროვნული სამსახურის მიერ გამოქვეყნებულ ანგარიშში სხვა რეგიონებში დასაქმებულთა ზუსტი პროცენტული მაჩვენებელი აღნიშნული არ არის. სამაგიეროდ, ზუსტად არის ცნობილი ის, რომ დედაქალაქში დასაქმებულთა 64%-ია თავმოყრილი.


"საქსტატის" მონაცემებით, 2016 წელს საქართველოში 1 763 000-მდე ადამიანი იყო დასაქმებული. 2014 წლის საყოველთაო აღწერის თანახმად, ქვეყნის მოსახლეობის საერთო რაოდენობა 3 729 635 ადამიანს შეადგენს. აქედან 1 591 000-მდე ადამიანი რეგიონებში ცხოვრობს, 2 128 500 კი - ქალაქებში.


სხვადასხვა რეგიონში მოსახლეობის დასაქმებას მთავარ პრობლემად მიიჩნევს ეკონომიკის სფეროს სპეციალისტი პაატა აროშიძე. მისი თქმით, დასაქმების მაჩვენებელი დედაქალაქში უფრო მეტია, ვიდრე რეგიონში. ამას გარდა, ქვეყანაში მოთხოვნაა ფაბრიკა-ქარხანების შექმნაზე, თუმცა რეალური მუშახელი, რომელიც შეძლებს დაკისრებული მოვალეობის შესრულებას, არ არსებობს და შესაძლოა, ასეთი ობიექტები მეზობელი ქვეყნების ხარჯზე შეივსოს.


"ყველაზე დიდი პობლემა ქვეყანაში დასაქმებაა. მუშახელის რაოდენობის გადანაწილების მხრივაც რომ არაპროპორციულ მაჩვენებელს ვაწყდებით, ესეც პრობლემას ქმნის. რადგან დასაქმების მაჩვენებელი დედაქალაქში უფრო მეტია, ვიდრე რეგიონში, შესაბამისად, იქით ისწრაფის მოსახლეობაც. სოფლის დაცლის შემთხვევაში ადამიანი სამსახურის საძიებლად მიდის ან თბილისში, სადაც ეგულება პერსპექტიული ვარიანტი, ანდა - ბათუმისკენ, ისიც - სეზონურად.


ერთ-ერთ უმთავრეს პრობლემას წარმოადგენს ქვეყანაში სხვადასხვა სფეროში სპეციალისტების ნაკლებობაც, რომლებიც არ გვყავს. მოთხოვნაა ფაბრიკა-ქარხნების შექმნაზე, თუმცა რეალური მუშახელი, რომელიც შეძლებს დაკისრებული მოვალეობის შესრულებას, არ არსებობს და შესაძლოა, ასეთი ობიექტები მეზობელი ქვეყნებიდან შემოსული ადამიანების ხარჯზე შეივსოს.


ძალიან დიდია ადამიანთა ის ნაკადი, რომლებიც დასაქმების გზას უცხოეთში ეძებენ და ქვეყნიდან წლების განმავალობაში გადიან, ზოგი კი საერთოდ არ ბრუნდება უკან", - აღნიშნა "რეზონანსთან" საუბრისას აროშიძემ.


სამართლის სფეროს სპეციალისტი ლევან ალაფიშვილი მიიჩნევს, რომ მთავრობამ დასაქმების პრობლემა რეალური გზებით უნდა გადაჭრას, სახელმწიფომ კი ჩამოაყალიბოს სტრატეგია, პრობლემის სწორად იდენტიფიკაცია მოახდინოს და დასაქმების კომპონენტში შექმნას სამუშაო ადგილები.


"ერთი შეხედვით მარტივი რამ არის გასაკეთებელი ამის თავიდან ასაცილებლად. პირველი - სახელმწიფომ უნდა ჩამოაყალიბოს სტრატეგია, პრობლემის სწორად იდენტიფიკაცია მოახდინოს. საქმე ისაა, რომ სიღარიბეა ჩვენი უმთავრესი პრობლემა და ამოცანა, შესაბამისად, თანაბარი განვითარება სოციალურ დონეზე. ამას არავინ აქცევდა ყურადღებას ბოლო 15 წლის განმავლობაში. არც ერთ მთავრობას საკითხის გადასაჭრელად ნაბიჯი არ გადაუდგამს.


მეორე და უმთავრესია სამუშაო ადგილების შექმნა, რასაც სახელმწიფომ უნდა შეუწყოს ხელი. საჭიროა სხვადასხვა დონეზე სტიმულირება, საკანონმდებლო ინიციატივა თუ სხვა პირობები. არსებული მდგომარეობის ანალიზი არ ხდება. მაგალითად, შარშან ამოქმედდა მაღალმთიანი რეგიონის საწარმოების სტატუსი, რომლის მიზანი იყო რეგიონებში დასახლების სტიმულირება, თუმცა ვერ გაითვალისწინეს საგადასახადო ადმინისტრირების მომენტი. მეწარმე დადგა მარტივი ალტერნატივის წინაშე, წლის ბოლომდე დალოდებოდა მოგების გადასახადს და მერე ესარგებლა ამ შეღავათებით თუ დღგ-ში ყოველთვიური ბრუნვით მიეღო შეღავათი. ძალიან ბევრმა დღგ-ზე შეაჩერა არჩევანი, რადგან მათთვის ყოვეთვიური შეღავათი უფრო მნიშვნელოვანი იყო.


ასეთი გადაწყვეტილებები, რომლებსაც სისტემური გააზრება აკლია, იდეებს აკნინებს. სწორედ მსგავსი საკითხები უნდა მოგვარდეს, თუ უნდათ, რომ მოსახლეობის დამაგრება მოახერხონ რეგიონში და მათ არ ჰქონდეთ დასაქმების პრობლემა", - განუცხადა "რეზონანსს" ალაფიშვილმა.



„რეზონანსი“




Volkswagen-ი დიზელზე მომუშავე ავტომობილების წინააღმდეგ - „დიზელი არა მომავალი, არამედ ჩვენი წარსულია“

person access_time2017-12-12 20:00:43
Volkswagen-ის გენერალური დირექტორის განცხადებით, გერმანიამ დიზელზე მომუშავე ავტომობილების სუბსიდირებაზე უარი უნდა თქვას და უფრო მეტიც, ქვეყნის მთავარი, დაბინძურებული ჰაერის მქონე ქალაქების ცენტრებში დიზელზე მომუშავე ავტომობილების მოძრაობა აკრძალული უნდა იყოს. მატიას მიულერმა აღნიშნულთან დაკავშირებით კომენტარი გერმანულ გაზეთ Handelsblatt-თან გააკეთა. მან ხაზი გაუსვა კომპანიის ძირეულ ცვლილებას დიზელთან დაკავშირებული სკანდალის შემდეგ: 2015 წელს გავრცელდა ინფორმაცია,...

40 ათას ლარზე მეტი წლიური შემოსავლის მქონე ოჯახებს ავტომობილებზე ქონების გადასახადის გადახდა მოუწევთ

person access_time2017-12-12 18:00:18
ავტომობილებზე ქონების გადასახადის გადახდა 2018 წლიდან დაიწყება. გადასახადის გადახდის ვალდებულება, 40 ათას ლარზე მეტი წლიური შემოსავლის მქონე ოჯახებს შეეხება. „2017 წლის შემოსავლების მიხედვით ქონების დეკლარირება 2018 წლის 1 ნოემბრამდე მოხდება. შესაბამისად, 40 ათას ლარზე მეტი წლიური შემოსავლის მქონე ოჯახებს ავტომობილებზე ქონების გადასახადის გადახდა სწორედ 2018 წლიდან მოუწევთ,“ - აღნიშნავენ ფინანსთა სამინისტროში. აღსანიშნავია, რომ გადასახადის...

„თბილისში „ხრუშჩოვკების“ ჩანაცვლება ვარკეთილიდან უნდა დაიწყოს“

person access_time2017-12-12 15:20:55
დედაქალაქში ხუთასზე მეტი ე.წ. ხრუშჩოვკაა, მათი უმეტესობა ავარიულია და ექსპლუატაციის ვადა გასული აქვს. 1950-იან წლებში დროებით აშენებული სახლების ჩანაცვლება ყველა ხელისუფლების წინასაარჩევნო დანაპირებში ხვდებოდა, მათ შორის, მოქმედი მერისაც. როგორც გაზეთი „რეზონანსი“ წერს, ეს საკმაოდ რთული და ძნელი ამოცანაა, მერიისა და კერძო სექტორის ნაყოფიერი თანამშრომლობის პირობებშიც კი „ხრუშჩოვკების“ შეცვლას რამდენიმე ათეული წელი დასჭირდება. 2004 წლის მონაცემებით,...

სურსათის ეროვნულმა სააგენტომ Lactalis-ის ბავშვთა კვების პროდუქციის ბაზრიდან გამოთხოვის პროცესი უკვე დაიწყო

person access_time2017-12-12 13:20:36
საქართველოს სურსათის ეროვნულმა სააგენტომ ფრანგული კომპანია Lactalis-ის ბავშვთა კვების პროდუქციის ბაზრიდან გამოთხოვის პროცესი უკვე დაიწყო. როგორც „კომერსანტს“ სააგენტოში განუცხადეს, „სურსათის ეროვნულმა სააგენტომ მსოფლიო ჯანდაცვის ორგანიზაციიდან მიიღო შეტყობინება საფრანგეთში წარმოებულ ბავშვთა კვების პროდუქტებში „სალმონელას“ შესაძლო არსებობის შესახებ. სურსათის ეროვნული სააგენტო მოკვლევას ატარებს. მიმდინარეობს კანონმდებლობით გათვალისწინებული ღონისძიებები და სურსათის...

სესხს ეროვნული ბანკის გარეშე ვერც ლომბარდები გასცემენ

person access_time2017-12-12 12:15:32
საბანკოდან გამიჯნული ბიზნესის მარეგულირებელი ცვლილებების კენჭისაყრელად პარლამენტარები მზად არიან, თუმცა არავინ იცის ამის საშუალება როდის მიეცემათ. საკანონმდებლო პაკეტი, რომლის კენჭისყრა კონსულტაციების მიზეზით არის შეჩერებული, ჰოლდინგურ კომპანიებთან ბანკების ფინანსური არხების გარდა, არასაფინანსო სექტორის გაკონტროლებასაც ითვალისწინებს, სესხის გამცემი ყველა სუბიექტის, მათ შორის online კომპანიებისაც. გაკონტრილდება ლომბარდების საქმიანობაც. შესაბამისი კაპიტალის მოთხოვნით. შედეგად...


მსგავსი სიახლეები