1-ელი იანვრიდან სატვირთო და სამგზავრო ავტომობილებისთვის ტექდათვალიერების პირობები მკაცრდება

access_time2017-12-05 19:43:00

2018 წლის 1-ელი იანვრიდან სატვირთო და სამგზავრო ავტომობილებისთვის ტექდათვალიერების პირობები მკაცრდება, ეტაპობრივად კი ტექნიკური ინსპექტირების ვალდებულება სხვა სახის სატრანსპორტო საშუალებებზეც გავრცელდება.

 

2018 წლის 1-ელი ივლისიდან ტექინსპექტირებას ის ავტომობილები გაივლიან, რომლებიც კომპანიების ან სახელმწიფო სტრუქტურების საკუთრებაში იმყოფება, 2018 წლის 1-ელი ოქტომბრიდან კი ტექდათვალიერება იმ მსუბუქ ავტომობილებზე ამოქმედდება, რომლის ძრავის მოცულობა 3,0 ტონა ან მეტია.

 

მომდევნო ეტაპი, რომელიც 2019 წლის 1-ელი იანვრიდან დაიწყება, იმ ავტომობილებს შეეხება, რომელთა ძრავის მოცულობა 3 ათას სანტიმეტრზე ნაკლებია.

 

ტექინსპექტირების ფასი მსუბუქი და მისაბმელიანი ავტომობილებისთვის 60 ლარი, ხოლო სატვირთო და სამგზავრო ავტომობილებისთვის 100 ლარი იქნება. თუ მძღოლი ერთთვიან ვადაში ხარვეზს არ გამოასწორებს, 50 ლარით დაჯარიმდება, იურიდიული პირისთვის კი ჯარიმა 200 ლარით განისაზღვრება.

 

ჯარიმები მოქმედებს ვადების დარღვევისთვის. თუმცა, ამ შემთხვევაში კომპანიასთან ერთად, 50 ლარით მძღოლიც დაჯარიმდება. თუ მძღოლი დაბრუნდება იმავე ცენტრში, სადაც ავტომობილი შეამოწმა, თანხა გადასახდელი აღარ ექნება, სხვა ცენტრში მისვლის შემთხვევაში თანხა ხელმეორედ სრულად გადასახდელი გახდება.

 

ავტოსატრანსპორტო საშუალებების პერიოდული ტექნიკური ინსპექტირებისას შემოწმდება: გარემოზე უარყოფითი ზემოქმედება, ანუ გამონაბოლქვი, სამუხრუჭე აღჭურვილობა, საჭით მართვის სისტემა, ხილვადობა, ფარები, შუქამრეკლი, ელექტრომოწყობილობა, ღერძები, თვლები, საბურავები და საკიდება, შასი და მისი შემდაგენლები.

 

„ის ავტოსატრანსპორტო საშუალებები, რომლებიც პირველ ჯერზე ვერ გაივლიან პერიოდულ ტექნიკურ ინსპექტირებას, ვალდებული არიან 30 დღის განმავლობაში გაიარონ. იზრდება ჯარიმების ოდენობაც იმ ავტოსატრანსპორტო საშუალების მართვისთვის, რომელსაც არ გაუვლია პერიოდული ტექნიკური ინსპექტირება და განისაზღვრება 50 ლარით (ნაცვლად, არსებული 10 ლარისა), ხოლო ასეთი ავტოსატრანსპორტო საშუალების სხვა პირისთვის სამართავად/საექსპლუატაციო გადაცემისთვის ფიზიკური პირისთვის განისაზღვრება 50 ლარით (ნაცვლად, არსებული 10 ლარისა) და იურიდიული პირისათვის/ინდ. მეწარმესთვის - 200 ლარით (ნაცვლად, არსებული 100 ლარისა)",- განუცხადა „პირველ არხს" სახმელეთო ტრანსპორტის სააგენტოს დირექტორმა მიხეილ ხმალაძემ.

 

რაც შეეხება აღსრულების მექანიზმს, საპატრულო ეკიპაჟს მიეცემა წვდომა ელექტრონულ პროგრამაზე, სადაც ავტოსატრანსპორტო საშუალების რეგისტრაციის ნომრის შეყვანის საშუალებით, პერიოდული ტექნიკური ინსპექტირების სტატუსის შესახებ ინფორმაციას მიიღებს.

 

 

1tv.ge

 

 

 

 

 

 

 

 



Volkswagen-ი დიზელზე მომუშავე ავტომობილების წინააღმდეგ - „დიზელი არა მომავალი, არამედ ჩვენი წარსულია“

person access_time2017-12-12 20:00:43
Volkswagen-ის გენერალური დირექტორის განცხადებით, გერმანიამ დიზელზე მომუშავე ავტომობილების სუბსიდირებაზე უარი უნდა თქვას და უფრო მეტიც, ქვეყნის მთავარი, დაბინძურებული ჰაერის მქონე ქალაქების ცენტრებში დიზელზე მომუშავე ავტომობილების მოძრაობა აკრძალული უნდა იყოს. მატიას მიულერმა აღნიშნულთან დაკავშირებით კომენტარი გერმანულ გაზეთ Handelsblatt-თან გააკეთა. მან ხაზი გაუსვა კომპანიის ძირეულ ცვლილებას დიზელთან დაკავშირებული სკანდალის შემდეგ: 2015 წელს გავრცელდა ინფორმაცია,...

40 ათას ლარზე მეტი წლიური შემოსავლის მქონე ოჯახებს ავტომობილებზე ქონების გადასახადის გადახდა მოუწევთ

person access_time2017-12-12 18:00:18
ავტომობილებზე ქონების გადასახადის გადახდა 2018 წლიდან დაიწყება. გადასახადის გადახდის ვალდებულება, 40 ათას ლარზე მეტი წლიური შემოსავლის მქონე ოჯახებს შეეხება. „2017 წლის შემოსავლების მიხედვით ქონების დეკლარირება 2018 წლის 1 ნოემბრამდე მოხდება. შესაბამისად, 40 ათას ლარზე მეტი წლიური შემოსავლის მქონე ოჯახებს ავტომობილებზე ქონების გადასახადის გადახდა სწორედ 2018 წლიდან მოუწევთ,“ - აღნიშნავენ ფინანსთა სამინისტროში. აღსანიშნავია, რომ გადასახადის...

„თბილისში „ხრუშჩოვკების“ ჩანაცვლება ვარკეთილიდან უნდა დაიწყოს“

person access_time2017-12-12 15:20:55
დედაქალაქში ხუთასზე მეტი ე.წ. ხრუშჩოვკაა, მათი უმეტესობა ავარიულია და ექსპლუატაციის ვადა გასული აქვს. 1950-იან წლებში დროებით აშენებული სახლების ჩანაცვლება ყველა ხელისუფლების წინასაარჩევნო დანაპირებში ხვდებოდა, მათ შორის, მოქმედი მერისაც. როგორც გაზეთი „რეზონანსი“ წერს, ეს საკმაოდ რთული და ძნელი ამოცანაა, მერიისა და კერძო სექტორის ნაყოფიერი თანამშრომლობის პირობებშიც კი „ხრუშჩოვკების“ შეცვლას რამდენიმე ათეული წელი დასჭირდება. 2004 წლის მონაცემებით,...

სურსათის ეროვნულმა სააგენტომ Lactalis-ის ბავშვთა კვების პროდუქციის ბაზრიდან გამოთხოვის პროცესი უკვე დაიწყო

person access_time2017-12-12 13:20:36
საქართველოს სურსათის ეროვნულმა სააგენტომ ფრანგული კომპანია Lactalis-ის ბავშვთა კვების პროდუქციის ბაზრიდან გამოთხოვის პროცესი უკვე დაიწყო. როგორც „კომერსანტს“ სააგენტოში განუცხადეს, „სურსათის ეროვნულმა სააგენტომ მსოფლიო ჯანდაცვის ორგანიზაციიდან მიიღო შეტყობინება საფრანგეთში წარმოებულ ბავშვთა კვების პროდუქტებში „სალმონელას“ შესაძლო არსებობის შესახებ. სურსათის ეროვნული სააგენტო მოკვლევას ატარებს. მიმდინარეობს კანონმდებლობით გათვალისწინებული ღონისძიებები და სურსათის...

სესხს ეროვნული ბანკის გარეშე ვერც ლომბარდები გასცემენ

person access_time2017-12-12 12:15:32
საბანკოდან გამიჯნული ბიზნესის მარეგულირებელი ცვლილებების კენჭისაყრელად პარლამენტარები მზად არიან, თუმცა არავინ იცის ამის საშუალება როდის მიეცემათ. საკანონმდებლო პაკეტი, რომლის კენჭისყრა კონსულტაციების მიზეზით არის შეჩერებული, ჰოლდინგურ კომპანიებთან ბანკების ფინანსური არხების გარდა, არასაფინანსო სექტორის გაკონტროლებასაც ითვალისწინებს, სესხის გამცემი ყველა სუბიექტის, მათ შორის online კომპანიებისაც. გაკონტრილდება ლომბარდების საქმიანობაც. შესაბამისი კაპიტალის მოთხოვნით. შედეგად...


მსგავსი სიახლეები