„ბაზარზე პირდაპირი კონკურენტი არ გვყავს“ - „აგროჰაბი“ მაისში ახალ მარკეტს ხსნის

access_time2017-12-05 10:20:35

თბილისში „აგროჰაბის“ კიდევ ერთი მარკეტი იხსნება. ახალ სავაჭრო ობიექტს  კომპანია ჭავჭავაძის გამზირზე, „აქსის თაუერის“ შენობაში ხსნის.


 „აგროჰაბის“ გენერალური დირექტორი გიორგი ჯაშიაშვილი „კომერსანტთან“ საუბრისას აცხადებს, რომ მარკეტი „აქსის თაუერში“ მომავალი წლის მაისში გაიხსნება. მომავალი წლისთვის იგეგმება მესამე მარკეტის გახსნაც, თუმცა ჯაშიაშვილის თქმით, ჯერჯერობით ადგილი შერჩეული არ არის.


„ჭავჭავაძის გამზირზე ახალ მარკეტს „აქსის თაუერში“ მომავალი წლის მაისში გავხსნით. მარკეტი დაახლოებით 2500 კვადრატულ მეტრზე განთავსდება. ინვესტიციის შესახებ ჯერ ვერაფერს ვიტყვი. გვექნება გარკვეული სიურპრიზები, რაც „აგროჰაბის“ მიერ გახსნილ პირველ მარკეტში არ გვაქვს, თუმცა მსგავს სიახლეებს სიურპრიზად დავიტოვებთ. ბაზარზე კონკურენტული უპირატესობების გამო, სიახლეებზე წინასწარ ვერ ვისაუბრებ. მეორე მარკეტისთვის ადგილის მოძიებაში ვართ. არ არის გამორიცხული, რომ რეგიონში იყოს, თუმცა ალბათ, უფრო თბილისში გაიხსნება“, - აღნიშნავს ჯაშიაშვილი.


მიუხედავათ იმისა, რომ „აგროჰაბის“ ახალი ლოკაციის მიმდებარედ 2 მსხვილი სუპერმარკეტი უკვე მოქმედებს, გიორგი ჯაშიაშვილი მათ კონკურენტებად არ აღიქვამს. 



„ყველა რითეილი, ყველა სუპერმარკეტი ჩვენი ირიბი კონკურენტია. თუმცა ჩვენი შინაარსიდან გამომდინარე, პირდაპირ კონკურენტად ძნელია ვინმე მოვიაზროთ, რადგან ჩვენი მსგავსი სეგმენტის მქონე სუპერმარკეტი ბაზარზე არ არის. ჩვენ პირდაპირი კონკურენტი არ გვყავს“, - აცხადებს გიორგი ჯაშიაშვილი.


მისივე თქმით, „აგროჰაბის“ მომხმარებელთა რაოდენობა მატულობს და გაფართოებაც სწორედ ამ მიზნით ხდება, რომ მეტი მომხმარებელი დააკმაყოფილონ.


საქართველოში პირველი „აგროჰაბის“ მარკეტი გასული წლის დეკემბერში გაიხსნა. პროექტში 15 მილიონი ლარის ინვესტიცია განხორციელდა. „აგროჰაბში“ ნატურალური, ახალი, ჯანსაღი აგროპროდუქტი იყიდება. რაც შეეხება წარმოებას, კომპანიას აქვს რძის გადამამუშავებელი ქარხანა, სადაც ხდება 100%-ით ნატურალური რძის პროდუქტის წარმოება, როგორიცაა არაჟანი, მაწონი, ხაჭო, სხვადასხვა სახის ყველი (სულგუნი, იმერული და ა.შ.). კომპანიაში დამზადებული რძის პროდუქტი „აგროჰაბის ბრენდით იყიდება.


გარდა ამისა, „აგროჰაბში სხვადასხვა სახის წარმოებაა. კერძოდ, საკონდიტრო საცხობის, პურ-ფუნთუშეულის, ცივი და ცხელი სამზარეულოს, სალათების და Sea food-ის მრავალფეროვანი ასორტიმენტის. კომპანია „აგროჰაბს გააჩნია საკუთარი ფრინველის, საქონლის და ღორის ფერმაც.


ავტორი: თეონა კენჭიაშვილი




30 ათას ლარიანი ჯარიმა უსაფრთხოების ნორმების დარღვევაზე - დეველოპერების შეფასებები

person access_time2018-02-19 18:45:18
ქვეყანაში  უსაფრთხოების ინჟინრების დეფიციტი და მათი მომზადებისთვის საჭირო ხარჯი -ეს ის პრობლემაა, რომელიც  მშენებლობასთან დაკავშირებით დაგეგმილმა რეგულაციამ შეიძლება გამოიწვიოს.  ამის შესახებ „კომერსანტთან“ დეველოპერების ნაწილი საუბრობს და დედაქალაქში მშენებლობასთან დაკავშირებით მოსალოდნელ რეგულაციებს  აფასებს.    „პროდუქტის უსაფრთხოებისა და...

ქართული ღვინის პრეზენტაცია ტოკიოში - ტოჩინოშინის სიურპრიზი ორგანიზატორებს

person access_time2018-02-19 19:45:37
ქართული ღვინის მასშტაბური პრეზენტაცია იაპონიის დედაქალაქ ტოკიოსა და ქალაქ ოსაკაში გაიმართა. ღონისძიებას საქართველოს სრულუფლებიანი და საგანგებო ელჩი იაპონიაში ლევან ცინცაძე და ჰაცუ ბაშუს ტურნირის ქართველი გამარჯვებული, სუმოისტი ლევან გორგოძე, იგივე ტოჩინოშინი ესტუმრნენ.   ტოკიოსა და ოსაკაში გამართულ ღონისძიებებში ჯამში 35 ქართული ღვინის მწარმოებელი კომპანიის 100-მდე დასახელების ღვინო იყო წარდგენლი. ქართული ღვინის პრეზენტაცია-სემინარს ტოკიოში 350, ხოლო ოსაკაში 300-მდე ღვინის...

გზების დეპარტამენტის თავმჯდომარე ჩინურ „სინოჰიდროსთან“ დაკავშირებულ კითხვებს „კომერსანტთან“ პასუხობს

person access_time2018-02-20 09:00:11
გზების  დეპარტამენტის თავმჯდომარე გიორგი სეთურიძე  ბოლო პერიოდში, ჩინურ „სინოჰიდროსთან“  დაკავშირებით კითხვებს „კომერსანტთან“  პასუხობს. როგორც ცნობილია, 2018 წლის 29 იანვარს გიორგი სეთურიძემ „კომერსანტთან“ საუბარში განაცხადა, რომ „სინოჰიდროს“ საქმიანობის თაობაზე დასკვნას 1 კვირაში გამოაქვეყნებდა. საკითხი ეხება რამდენიმე კვირის  წინ,  ...

ავიაკომპანია „ჯორჯიან ეარვეისი“ 25 მარტიდან 10 ახალი მიმართულებით იფრენს

person access_time2018-02-19 13:52:29
ავიაკომპანია  „ჯორჯიან ეარვეისი“  2018 წლის 25 მარტიდან ახალ რეისებს იწყებს. როგორც ავიაკომპანიაში აცხადებენ, თბილისიდან პირდაპირი რეისები შესრულდება პარიზის, ბარსელონას, ბოლონიას, ბერლინის, კიოლნის, ყაზანის, ათენის, სალონიკის, ბრატისლავას და ხარკოვის მიმართულებებით. ასევე 2018 წელს განახლდება „ჯორჯიან ეარვეისის“  ავიაპარკი და მას შეემატება Embraer 190-ის და Boeing 737-800-ის ტიპის თვითმფრინავები.   ამ ეტაპზე ავიაკომპანია რეისებს...

რა თანხა დაგჭირდებათ საქართველოში 4-სულიანი ოჯახის სარჩენად

person access_time2018-02-19 16:31:48
2018 წლის იანვრის მონაცემების მიხედვით, საშუალო მომხმარებლის საარსებო მინიმუმი საქართველოში - 155 ლარი, ოთხსულიანი ოჯახის საარსებო მინიმუმი კი - 309.9 ლარია.  „ბიზნესპრესნიუსი“ დაინტერესდა, თუ როგორია თვეში ერთი ადამიანის ხარჯი და შემოსავალი საშუალოდ, მინიმუმ რა ოდენობის თანხაა საჭირო ოთხსულიანი ოჯახის სარჩენად და არის თუ არა ამისთვის 309.9 ლარი საკმარისი. ოფიციალური მონაცემებით, საქართველოში საშუალო თვიური ხარჯები ერთ სულ მოსახლეზე ყოველწლიურად...


მსგავსი სიახლეები