ყველაზე მოკრძალებული წვეულება 670 ათასი დოლარი - რა ღირს სამეფო ქორწილი

access_time2017-12-03 16:51:14

მიუხედავად იმისა, რომ პრინც ჰარისა და მეგან მერკლის სამეფო ქროწილის შესახებ ჯერ არც თარიღი, არც ჩატარების ადგილი და არც სტუმრების ვინაობაა ცნობილი, უკვე ყველა თანხმდება, რომ სამეფო ქორწილი ძალიან ძვირი დაჯდება. როგორც CNN-ი ლონდონში მოქმედი ქორწილების დამგეგმავი კომპანიის წარმომადგენელზე, აიმი დუნზე დაყრდნობით წერს, ყველაზე მოკრძალებულ შემთხვევაშიც კი სამეფო ქორწილის ხარჯები ექვსნიშნა ციფრი იქნება. 


„ჩემთვის წარმოუდგენელია, რომ წყვილს მოკრძალებული ქორწილი გადაუხადონ, თუმცა ყველაზე იაფი ქორწილის შემთხვევაშიც კი მათ ეს სულ ცოტა 670 ათასი დოლარი დაუჯდებათ“ - აცხადებს აიმი დუნი. 


მისივე თქმით, ქორწილის ფასები ძალიან მაღლა იწევს როდესაც საქმე უსაფრთხოების სამსახურს ეხება.


ვინ გაიღებს ხარჯებს?


უკვე ცნობილია, რომ ქორწილის ხარჯების ლომის წილი პრინც ჩარლიზე მოვა. „როგორც წესი ქორწილების ხარჯი პატარძლის მხარეზე მოდის, თუმცა ამ შემთხვევაში ეს ასე ნამდვილად არ მოხდება“, -  აცხადებს სამეფო ისტორიების ექსპერტი ქეით უილიამსი. მისივე თქმით, ქეით მიდლტონისა და პრინც უილიამის ქორწილში სამეფო ოჯახმა საკმაოდ ბევრი გადაიხადა, თუმცა არც პატარძლის ოჯახი ჩამორჩენია. 


წვეულება


ადგილის შერჩევაზე ბევრია დამოკიდებული, ვინაიდან ხარჯები შესაძლოა შემცირდეს, თუ წყვილი ქორწილის აღნიშნვას სამეფო ოაჯხის კუთვნილ ადგილებში გადაწყვეტს. უილიამსა და ქეითს ჰქონდათ ორი 

მიღება ბუკინგჰემის სასახლეში: ტრადიციული ლანჩი 600-ზე მეტი სტუმრისთვის, რომელსაც დედოფალი მასპინძლობდა და უფრო ვიწრო წვეულება, რომელსაც წყვილის 300-მდე მეგობარი და ახლო ნათესავები ესწრებოდნენ. 
500 სტუმრის შემთხვევაში, ბიუჯეტი მინიმუმ 200 ათასი დოლარი იქნება და ესეც მოკრძალებული წვეულების შემთხვევაში,  - აცხადებს ექსპერტი.


კაბა


მეგან მერკლის საქორწილო კაბა უდავოდ ხელოვნების ნიმუში იქნება, რომელსაც რომელიმე ძალიან პრესტიჟული დიზაინერი შეკერავს და შესაბამისად ფასიც ამაზე იქნება დამოკიდებული. ქეითის შემთხვევაში პატარძლის ოჯახმა არ გაასაჯაროვა საქორწილო კაბის ფასი, თუმცა ცნობილია, რომ ალექსანდრ მაქქუინის კაბა ეცვა. 


უსაფრთხოება


პრინც უილიამისა და ქეითის ქორწილს დაახლოებით 5000 პოლიციელი იცავდა. ამან თავის დროზე ქალაქისა და ქვეყნის უსაფრთხოიების სამსახურებს შორის უთანხმოება გამოიწვია იმასთან დაკავშირებით, თუ ვინ გადაიხდიდა ხარჯებს. საბოლოო ციფრი ამ შემთხვევაშიც უცნობია, თუმცა მთავრობამ სპეციალური გრანტი გამოყო 4,8 მილიონი დოლარის ოდენობით, რომელიც პოლიციელების ზედმეტი საათების ანაზღაურებას უნდა მოხმარდეს. თუ ჰარი და მეგანი ასევე გადაწყვეტენ, რომ მათი ქორწილი გაიმართოს ცენტრალურ ლონდონში ხარჯები ზრდადი იქნება. 
„რა თქმა უნდა, პირველი წყვილის ქორწილის შემდეგ სიტუაცია შეიცვალა და უსაფრთხოების ხარჯები ბევრად მეტი იქნება“, - აცახდებს ქეით უილიამსი. მაგრამ ექსპერტი ამაში ერთგვარ გამოსავალსაც ხედავს, ვინაიდან ჰარი სემფო ტახტის პრეტენდენტობაზე მხოლოდ მეხუთეა რიგში, მას შეუძლია ქორწილის ლოკაციის შემთხვევაში უფრო მეტი არჩევანი მიეცეს.


ეკონომიკური დანახარჯები


უილიამისა და ქეითის ქორწილის დროს ბრიტანელებმა დამატებით ერთ დღე დაისვენეს. ჩარლზისა და დაიანას ქორწილის დროსაც ასე იყო. უფრო მეტიც, უქმედ გამოცხადდა მისი უმცროსი დის პრინცესა ანნეს ქორწილის დღეც.


როგორც დიდი ბრიტანეთის „ეკონომიკისა და ბიზნესის კვლევის ცენტრში“ აცახდებენ, ყოველი დამატებითი უქმე დღე ქვეყნის ეკონომიკას 3 მილიარდით აზარალებს. ზოგიერთების განცახდებით ამ ხარჯების შემცირება უცხოეთიდან ტურისტების შემოსვლით შეიძლება კომპენსირდეს. თუმცა როგორც ქვეყნის ეროვნული სტატისტიკის სამსახურში 2011 წლის ქორწილიდან გამომდინარე აცხადებენ, ტურიზმის წილი ამ საქმეში ძალიან ცოტაა.


ბიზნესპრესნიუსი



Volkswagen-ი დიზელზე მომუშავე ავტომობილების წინააღმდეგ - „დიზელი არა მომავალი, არამედ ჩვენი წარსულია“

person access_time2017-12-12 20:00:43
Volkswagen-ის გენერალური დირექტორის განცხადებით, გერმანიამ დიზელზე მომუშავე ავტომობილების სუბსიდირებაზე უარი უნდა თქვას და უფრო მეტიც, ქვეყნის მთავარი, დაბინძურებული ჰაერის მქონე ქალაქების ცენტრებში დიზელზე მომუშავე ავტომობილების მოძრაობა აკრძალული უნდა იყოს. მატიას მიულერმა აღნიშნულთან დაკავშირებით კომენტარი გერმანულ გაზეთ Handelsblatt-თან გააკეთა. მან ხაზი გაუსვა კომპანიის ძირეულ ცვლილებას დიზელთან დაკავშირებული სკანდალის შემდეგ: 2015 წელს გავრცელდა ინფორმაცია,...

40 ათას ლარზე მეტი წლიური შემოსავლის მქონე ოჯახებს ავტომობილებზე ქონების გადასახადის გადახდა მოუწევთ

person access_time2017-12-12 18:00:18
ავტომობილებზე ქონების გადასახადის გადახდა 2018 წლიდან დაიწყება. გადასახადის გადახდის ვალდებულება, 40 ათას ლარზე მეტი წლიური შემოსავლის მქონე ოჯახებს შეეხება. „2017 წლის შემოსავლების მიხედვით ქონების დეკლარირება 2018 წლის 1 ნოემბრამდე მოხდება. შესაბამისად, 40 ათას ლარზე მეტი წლიური შემოსავლის მქონე ოჯახებს ავტომობილებზე ქონების გადასახადის გადახდა სწორედ 2018 წლიდან მოუწევთ,“ - აღნიშნავენ ფინანსთა სამინისტროში. აღსანიშნავია, რომ გადასახადის...

„თბილისში „ხრუშჩოვკების“ ჩანაცვლება ვარკეთილიდან უნდა დაიწყოს“

person access_time2017-12-12 15:20:55
დედაქალაქში ხუთასზე მეტი ე.წ. ხრუშჩოვკაა, მათი უმეტესობა ავარიულია და ექსპლუატაციის ვადა გასული აქვს. 1950-იან წლებში დროებით აშენებული სახლების ჩანაცვლება ყველა ხელისუფლების წინასაარჩევნო დანაპირებში ხვდებოდა, მათ შორის, მოქმედი მერისაც. როგორც გაზეთი „რეზონანსი“ წერს, ეს საკმაოდ რთული და ძნელი ამოცანაა, მერიისა და კერძო სექტორის ნაყოფიერი თანამშრომლობის პირობებშიც კი „ხრუშჩოვკების“ შეცვლას რამდენიმე ათეული წელი დასჭირდება. 2004 წლის მონაცემებით,...

სურსათის ეროვნულმა სააგენტომ Lactalis-ის ბავშვთა კვების პროდუქციის ბაზრიდან გამოთხოვის პროცესი უკვე დაიწყო

person access_time2017-12-12 13:20:36
საქართველოს სურსათის ეროვნულმა სააგენტომ ფრანგული კომპანია Lactalis-ის ბავშვთა კვების პროდუქციის ბაზრიდან გამოთხოვის პროცესი უკვე დაიწყო. როგორც „კომერსანტს“ სააგენტოში განუცხადეს, „სურსათის ეროვნულმა სააგენტომ მსოფლიო ჯანდაცვის ორგანიზაციიდან მიიღო შეტყობინება საფრანგეთში წარმოებულ ბავშვთა კვების პროდუქტებში „სალმონელას“ შესაძლო არსებობის შესახებ. სურსათის ეროვნული სააგენტო მოკვლევას ატარებს. მიმდინარეობს კანონმდებლობით გათვალისწინებული ღონისძიებები და სურსათის...

სესხს ეროვნული ბანკის გარეშე ვერც ლომბარდები გასცემენ

person access_time2017-12-12 12:15:32
საბანკოდან გამიჯნული ბიზნესის მარეგულირებელი ცვლილებების კენჭისაყრელად პარლამენტარები მზად არიან, თუმცა არავინ იცის ამის საშუალება როდის მიეცემათ. საკანონმდებლო პაკეტი, რომლის კენჭისყრა კონსულტაციების მიზეზით არის შეჩერებული, ჰოლდინგურ კომპანიებთან ბანკების ფინანსური არხების გარდა, არასაფინანსო სექტორის გაკონტროლებასაც ითვალისწინებს, სესხის გამცემი ყველა სუბიექტის, მათ შორის online კომპანიებისაც. გაკონტრილდება ლომბარდების საქმიანობაც. შესაბამისი კაპიტალის მოთხოვნით. შედეგად...


მსგავსი სიახლეები