კახა კალაძე საკრებულოს დედაქალაქის მთავრობის დამტკიცებისთვის მადლობას უხდის

access_time2017-11-18 00:25:13

თბილისის მერმა კახა კალაძემ დედაქალაქის საკრებულოს მერის მოადგილეების, საქალაქო სამსახურების ხელმძღვანელებისა და თბილისის რაიონების გამგებლების დამტკიცებისთვის მადლობა გადაუხადა.

 

როგორც კახა კალაძემ თბილისის მთავრობის დამტკიცების შემდეგ გამართულ ბრიფინგზე განაცხადა, დედაქალაქის ახალი მთავრობა მუშაობას ოფიციალურად ორშაბათიდან, 20 ნოემბრიდან შეუდგება.

 

„მინდა ძალიან დიდი მადლობა გადავუხადო თბილისის საკრებულოს მოადგილეების, საქალაქო სამსახურების ხელმძღვანელებისა და გამგებლების დამტკიცებისთვის. ჩვენ ყველანი ერთად, ერთიანი ძალებით ოფიციალურად, ორშაბათს შევუდგებით მუშაობას და თითოეული თბილისელი და დედაქალაქის სტუმარი ჩვენი მუშაობის პირველ ხელშესახებ შედეგებს უახლოეს მომავალში დაინახავს, - განაცხადა კახა კალაძემ.

 

თბილისის მერმა დედაქალაქის რაიონების გამგებლებს მიმართა და აღნიშნა, რომ მათი ეფექტური მუშაობა მოსახლეობის წინაშე არსებულ პრობლემებსა და გამოწვევებს უნდა წყვეტდეს.

 

„მინდა მივმართო თბილისის რაიონის გამგებლებს, თქვენ ხართ ის რგოლი, რომელთაც ყოველდღიური შეხება აქვთ მოქალაქეებთან და მათ პრობლემებთან. შესაბამისად, ყველაფერი უნდა გავაკეთოთ იმისთვის, რომ გამგებლები და გამგეობები ეფექტურად მუშაობდნენ და წყვეტდნენ ჩვენი მოსახლეობის წინაშე არსებულ პრობლემებსა და გამოწვევებს. თქვენი კოორდინირებული, გუნდური მუშაობა იმ კონცეფციის განხორციელების საფუძველია, რომ თბილისი სიცოცხლით სავსე ქალაქი გახდეს - მთლიანობაში, რა თქმა უნდა, ყველა რაიონი ერთად, გარეუბნები და ცენტრიც, - აღნიშნა დედაქალაქის მერმა.

 

კახა კალაძემ ასევე, თბილისის მერიის საქალაქო სამსახურების ხელმძღვანელებსაც მიმართა და მაქსიმალური გამჭვირვალობისკენ მოუწოდა.

 

„მივმართავ საქალაქო სამსახურების უფროსებს - თქვენი სამსახურების ეფექტური და რაც მთავარია, მობილური მუშაობის შედეგი იქნება თბილისის რაიონებში იმ დაპირებების შესრულება, რაც მოსახლეობას გავაცანით და რა მოლოდინიც საზოგადოებაში არსებობს. საზოგადოების განწყობა თქვენი საქმიანობის ყველაზე ზუსტი შეფასება იქნება. მოვუწოდებ ყველას, მაქსიმალურად გამჭვირვალედ იმუშაოთ და იყოთ თანამშრომლობისთვის გახსნილი, - აღნიშნა კახა კალაძემ და თბილისის საკრებულოს თანამშრომლობისთვის მადლობა კიდევ ერთხელ გადაუხადა.

 

დედაქალაქის მერმა პოლიტიკურ ოპონენტებსაც მიმართა და კონსტრუქციულობისკენ მოუწოდა.

 

„ოპოზიციას მოვუწოდებ, იყავით კონსტრუქციული და იფიქრეთ თბილისზე. ნუ დაგავიწყდებათ, რომ ეს ჩვენი, მთელი საქართველოს დედაქალაქია. მისი მომავალი ჩვენი საზრუნავია და არა პოლიტიკური ქულების დაწერა. ჩვენ ორშაბათიდან მუშაობას და იმ პროექტების განხორციელებას ვიწყებთ, რომელიც წინასაარჩევნოდ იყო დაგეგმილი, - განაცხადა კახა კალაძემ.

 

თბილისის საკრებულომ მერის მოადგილეები, საქალაქო სამსახურების უფროსები და თბილისის რაიონების გამგებლები დაამტკიცა.

 

 

 

 



მომავალი წლის ფინანსური პრიორიტეტები და მთავარი პროექტები - ინტერვიუ ფინანსთა მინისტრთან

person access_time2017-12-17 11:51:15
13 დეკემბერს პარლამენტმა 2018 წლის სახელმწიფო ბიუჯეტის პროექტი დაამტკიცა. გაირკვა, რომ მომავალ წელს მთავრობა 12...

სივრცის გაფართოება აივნის ხარჯზე - „თანამედროვე არქიტექტურა“ (ფოტო)

person access_time2017-12-17 11:00:32
დიდ მეგაპოლისებში მცხოვრებმა ადამიანებმა იციან, რომ ბინებში ადგილი არასაკმარისია და ყველა საშუალებას იყენებენ სივრცის გაფართოებისთვის. დიდ ქალაქებში კვადრატული მეტრის ღირებულება საკმაოდ ძვირია, ამიტომ ადამიანები ყიდულობენ მცირე ზომის ფართს.  პატარა ბინების მეპატრონეები ყველა ვარიანტს იყენებენ გაფართოებისთვის. ყველაზე პოპულარულია გაფართოება აივნის ხარჯზე. საბოლოო ჯამში, ასეთი „არქიტექტურული შედევრი“ შესაძლოა, ხელს უშლიდეს მეზობლებს და ასევე, ის საფრთხის შემცველი იყოს...

1 ლარად ნაჩუქარი ოფშორი საქართველოში ბიტკოინის მოპოვებისთვის

person access_time2017-12-17 13:00:39
...

ჯანდაცვის სამინისტრომ საყოველთაო ჯანდაცვის პროგრამის გადასარჩენად 40 მლნ გამოყო

person access_time2017-12-16 12:49:29
საყოველთაო ჯანდაცვის პროგრამის 660-მილიონიანი ბიუჯეტი ამოიწურა, რის გამოც სახელმწიფომ პროგრამის შეუფერხებელი ოპერირებისთვის დამატებითი ფინანსური რესურსი გამოყო. ფინანსთა სამინისტროს ხაზინის...

თბილისის მთავარი ნაძვის ხე საზეიმოდ განათდა (ფოტო)

person access_time2017-12-16 09:35:30
ქალაქის მთავარი ნაძვის ხე რუსთაველის გამზირზე 15 დეკემბერს თბილისის დროით ზუსტად 20:00 საათზე ქალაქის მერმა კახა კალაძემ...


მსგავსი სიახლეები