ირაკლი მაკალათია: „დეკემბრის ბოლოს ლარი მაქსიმალურ ნიშნულს მიაღწევს“

ირაკლი მაკალათია: „დეკემბრის ბოლოს ლარი მაქსიმალურ ნიშნულს მიაღწევს“

access_time2017-11-14 18:30:44

ეროვნულ ვალუტას რამდენიმე კვირაა გაუფასურების ტენდენცია აქვს. ეროვნული ბანკის მიერ დადგენილი კურსით, ხვალ ერთი დოლარი 2,6830 ლარი ეღირება, რაც გუშინ დადგენილი კურსის მიხედვით, თითქმის სამი პუნქტით გაუფასურებაა.


იმის ფონზე, რომ ქვეყანაში ექსპორტის მაჩვენებელი 29,4%-ით არის გაზრდილი, გარკვეულწილად უცხოური ვალუტა შემოედინება და ფულადი გზავნილებიც მომატებულია, ეროვნული ვალუტა უფასურდება. ეკონომიკის დოქტორის ირაკლი მაკალათიას შეფასებით, გაუფასურების მთავარი მიზეზი არის ის, რომ ბრუნვაში ლარი უფრო მეტია, ვიდრე - დოლარი.


 „ძირითადი მაკროეკონომიკური ფაქტორები ხასიათდება ზრდის ტენდენციებით და გვაქვს დადებითი პროცესები: გვაქვს ეკონომიკური ზრდა, გაიზარდა ექსპორტი და უცხო ქვეყნებიდან ფულადი ნაკადების შემოდინება. სპეკულაციური ფაქტორები, ნეგატიური მოლოდინები თუ სხვა სახის შოკები არის საკმაოდ მოკლე ვადიანი და გრძელვადიან პერიოდში ისინი გავლენას ვერ ახდენენ სავალუტო კურსზე.“, - განმარტავს მაკალათია.


მისივე პროგნოზით, ლარის გაუფასურების ტენდენცია დეკემბერშიც გაგრძელდება და თვის ბოლოს მაქსიმალურ ნიშნულს მიაღწევს: „ლარის კიდევ უფრო გაუფასურებას ველოდებით. ტენდენცია ყოველთვის ასეთია, რომ ლარი შემოდგომის პერიოდიდან იწყებს გაუფასურებას და სექტემბრიდან დეკემბრამდე ეტაპობრივად უფასურდება. დეკემბრის ბოლო პერიოდში ლარი მაქსიმალურ ნიშნულს მიაღწევს, რადგან რადგან ამ დროს როგორც მომხმარებლების ისე მწარმოებლების მხრიდან ლარზე მოთხოვნა იზრდება.  გაზაფხულის პერიოდიდან შედარებით კლების ტენდენცია დაიწყება და ზაფხულიდან ტურისტული ნაკადებიც შემოგვეშველება.



მაკალათიას თქმით, ეროვნული ვალუტის გაუფასურების ფონზე, დეკემბრის ბოლოს პროდუქტებზე ფასების მატებაც მოსალოდნელია.


 „ჩვენ იმპორტზე დამოკიდებული ქვეყანა ვართ. მთლიან სავაჭრო ბრუნვაში იმპორტს 77% უკავია. ანუ მთლიანად იმპორტირებულ საქონელზე ვართ დამოკიდებული და ცხადია, როდესაც უცხოური პროდუქტი შემოგვაქვს, ანგარიშსწორება ხდება ან ლარში ან დოლარში. როცა ლარის კურსი გაუფასურდება, იმპორტირებულ პროდუქტზე ფასის ზრდას გამოიწვევს. მითუმეტეს, რომ იმპორტიორები დღეს მონოპოლისტურ რეჟიმში არიან. ბაზარი კონკურენტული არ არის, დამოკიდებული ვართ მონოპოლისტ იმპორტიორებზე, შესაბამისად, ინფლაცია კვლავ მოსალოდნელია და უახლოეს მომავალში ფასების ზრდას კიდევ უნდა ველოდოთ“, - აღნიშნავს ირაკლი მაკალათია.


რაც შეეხება ლარის გაუფასურების პროცესში მარეგულირებელი ორგანოს და ზოგადად სახელმწიფოს როლს, ეკონომიკის დოქტორი განმარტავს, რომ ეროვნული ბანკი პროცესებში არ უნდა ჩაერიოს, მთავრობამ კი გრძელვადიან პერსპექტივებზე იფიქროს.


 „ასეთ დროს ეროვნული ბანკი ინტერვენციას ახდენს. ლარს ყიდულობს და ბაზარზე დოლარს უშვებს, თუმცა ამ მექანიზმსაც ვერ ფლობს იმიტომ, რომ ბოლო ათი წლის განმავლობაში უცხოური ვალუტის რეზერვები მინიმალურ დონეზე აქვს დაყვანილი. შესაბამისად, მეტ დოლარს ვეღარ გამოიყენებს და ბაზარზე ვერ გაუშვებს, ამ მხრივ ეროვნულ ბანკს ხელ-ფეხი შეკრული აქვს, რომ ინტერვენცია განახორციელოს. რომც განახორციელოს, მოკლევადიანი ეფექტი ექნება და შემდეგ ბაზარზე ფასების ზრდა კვლავ მოხდება. მისი ფუნქცია ამ ეტაპზე უნდა იყოს დაკვირვება, სწორი ინფორმაციის მიწოდება მოსახლეობისთვის, ის პროცესებში არ უნდა ჩაერიოს. რაც შეეხება ეკონომიკურ პოლიტიკას, ქვეყანაში უნდა განვითარდეს ადგილობრივი წარმოება, მწარმოებლებს უნდა ჰქონდეთ მეტი ეკონომიკური თავისუფლება და ფინანსური უზრუნველყოფა. გაიზარდოს ბიზნესი და მწარმოებლები, რომ მათ კონკურენციის პირობებში შეძლონ უფრო მეტი პროდუქტის წარმოება მომხმარებლისათვის მისაღებ ფასად და შესაბამის ხარისხად. ასევე, ექსპორტი უნდა გაიზარდოს და უარყოფითი სავაჭრო ბალანსი რაც გვაქვს, ეს უნდა შეიცვალოს. მთავრობამ გრძელვადიან პერსპექტივებზე უნდა იფიქროს, რომ ლარი დასტაბილურდეს“, - განაცხადა ირაკლი მაკალათიამ.  


ავტორი: თეონა კენჭიაშვილი

 



აჭარის ყველაზე მსხვილი ინვესტორი ქვეყნები ნორვეგია, ინდოეთი და თურქეთია

აჭარის ყველაზე მსხვილი ინვესტორი ქვეყნები ნორვეგია, ინდოეთი და თურქეთია
person access_time2018-04-27 09:50:00
 ბოლო ხუთი წლის განმავლობაში განხორციელებული ინვესტიციების რაოდენობით საქართველოს რეგიონებს შორისაჭარა ლიდერობს. საქსტატის მონაცემებით, 2013 წლიდან 2017 წლის ჩათვლით, მხოლოდ ავტონომიურ რესპუბლიკაში, 740 მილიონ  198 ათასი აშშ დოლარის პირდაპირი უცხოური კაპიტალდაბანდება განხორციელდა, რაც საერთო მოცულობის 9,3%–ს შეადგენს. ამ პერიოდში ინვესტიციებმა  ჯამში 7 მილიარდ 955 მილიონ 875 ათას აშშ დოლარს მიაღწია. დედაქალაქის შემდეგ აჭარას ყველაზე მაღალი მაჩვენებლები...

პოზიციურ-ოპოზიციური შეფასებები ბიძინა ივანიშვილის საჯაროდ პოლიტიკაში დაბრუნებაზე

 პოზიციურ-ოპოზიციური შეფასებები ბიძინა ივანიშვილის საჯაროდ პოლიტიკაში დაბრუნებაზე
person access_time2018-04-26 23:40:00
პარლამენტის თავმჯდომარემ ირაკლი კობახიძე   საჭიროა შესაბამისი ზომების მიღება, რათა კიდევ უფრო მეტად გაძლიერდეს ჩვენი პარტია და საბოლოოდ ჩამოყალიბდეს, როგორც ევროპული ტიპის პოლიტიკური გაერთიანება. ამას სჭირდება განსაკუთრებული ძალისხმევა, რესურსი და ამ კუთხით ძალიან მნიშვნელოვანია ის, რომ პარტიას სათავეში ჩაუდგება ბიძინა...

სკანდალი და კორუფციის ეჭვები ევროსაბჭოს საპარლამენტო ასამბლეაში

სკანდალი და კორუფციის ეჭვები ევროსაბჭოს საპარლამენტო ასამბლეაში
person access_time2018-04-26 20:40:56
  ევროსაბჭოს საპარლამენტო ასამბლეის სესიაზე მწვავე დებატები გაიმართა, სადაც დამოუკიდებელ ექსპერტთა ჯგუფის მომზადებულ ანგარიშს განიხილავენ. ანგარიშის მიხედვით, ასამბლეის მოქმედი და ყოფილი წევრები აზერბაიჯანის ლობირების სანაცვლოდ დიდ თანხას იღებდნენ. სკანდალური ანგარიშის გამო თანამდებობა უკვე დატოვა ევროპის სახალხო პარტიის ფრაქციის თავმჯდომარე ცეზარ ფლორინ პრედამ. ევროსაბჭომ უნდა გადაწყვიტოს, როგორი იქნება მისი რეაქცია ამ ანგარიშზე. 220-გვერდიან ანგარიშში,...

BLB კახა ასლანიშვილის განცხადებებზე - გავრცელებული ცნობები არ შეესაბამება სინამდვილეს

BLB კახა ასლანიშვილის განცხადებებზე - გავრცელებული ცნობები არ შეესაბამება სინამდვილეს
person access_time2018-04-26 15:00:46
მედია-საშუალებებში გავრცელებულ ინფორმაციასთან დაკავშირებით, სადაც სს„სარაჯიშვილის“ ადვოკატმა კახა ასლანიშვილმა Microsoft-საქართველო და საადვოკატო ფირმა BLB-ის დამფუძნებელი  კახა შარაბიძე არაუფლებამოსილი ქმედებების განხორციელებაში დაადანაშაულა, კომერსანტმა შარაბიძის მოკლე კომენტარი უკვე გამოაქვეყნა.  დღეს იურიდიულმა ფირმამ „ბიზნეს ლიგალ ბიურომ” კომერსანტს  წერილობით  მიმართა და სთხოვა, საკუთარი პოზიციის უფრო ვრცლად დაფიქსირება ადვოკატ ასლანიშვილის...

ბიზნესისთვის ივანიშვილის დაბრუნება დამატებითი სტაბილურობის გარანტია

ბიზნესისთვის ივანიშვილის დაბრუნება დამატებითი სტაბილურობის გარანტია
person access_time2018-04-27 09:00:00
„ბიზნესმენებისთვის ივანიშვილის დაბრუნება პრობლემების და სირთულეების სწრაფად გადალახვისთვის გადადგმული დადებითი ნაბიჯი იქნება“, - ასე ეხმაურება ბიზნესი ყოფილი პრემიერის ბიძინა ივანიშვილის მმართველ გუნდში დაბრუნდებას.   „კომერსანტთან“ საუბრისას, ბიზნესმენებს ბიძინა ივანიშვილის დაბრუნებასთან დაკავშირებით ერთგავროვანი, პოზიტიური მოსაზრებები აქვთ. ჩვენს მიერ გამოკითხული რესპოდენტები მიიჩნევენ, რომ ეს ნაბიჯი ახალი ინიციატივებისთვის და ბიზნესში არსებული...


მსგავსი სიახლეები