ბიზნეს-ასოციაცია: „ბიზნესი ფინანსთა ახალი მინისტრისგან წინამორბედის კურსის გაგრძელებას ელოდება“

access_time2017-11-14 19:30:13

 „წარმოდგენილი სტრუქტურული რეფორმა ცალსახად დადებითად შეგვიძლია შევაფასოთ“,-ამის შესახებ ბიზნეს ასოციაციის იურიდიულ ანალიტიკოსმა ნიკა ნანუაშვილმა რადიო „კომერსანტის“ გადაცემაში „კომერსანტის თემა სალომე სოსელიასთან ერთად“ ისაუბრა.


ნიკა ნანუაშვილი რეფორმის შედეგად ადმინისტრაციული ხარჯების შემცირებასაც პროგნოზირებს.


„წარმოდგენილი სტრუქტურული რეფორმა ცალსახად დადებითად შეგვიძლია შევაფასოთ, იმიტომ, რომ ამ პროცესში სამინისტროების ოპტიმიზაცია ხდება, მოხდება შესაბამისი საბიუჯეტო ხარჯების შემცირებაც. სამინისტროების შემცირების პერსპექტივა კიდევ არსებობს, რადგან რესტრუქტურიზაცია და ოპტიმიზაცია არ არის შედეგი, ეს არის გრძელვადიანი პროცესი. რაც შეეხება მინისტრების ხშირ ცვლილებას, ეკონომიკური გუნდი რჩება იგივე და ბიზნესისთვის ეს ადამიანები უცხოები არ არიან, მთავარია, რომ არსებული ეკონომიკური პოლიტიკის ფარგლებში გაგრძელდება მუშაობა და ბიზნესისთვის ბევრი არაფერი არ შეიცვლება“,-განაცხადა ნანუაშვილმა.


მისივე თქმით ბიზნესი ფინანსთა ახალი მინისტრისგან წინამორდების კურსის გაგრძელებას ელოდება.


„რაც შეეხება ფინანსთა სამინისტროს ბიზნესის თვალთახედვით, ამ სამინისტრომ ბოლო წლების განმავლობაში ბიუროკრატიის შემცირებასთან დაკავშირებით სერიოზული პროგრესი განიცადა, ასევე ბიზნესთან კომუნიკაციის კუთხით. ამის არდანახვა შეუძლებელია და ამაზე ბიზნესიც საუბრობს და ჩვენ მოლოდინი გვაქვს, რომ ეს დადებითი დინამიკა მხოლოდ გაგრძელდება, რადგან ბატონი მამუკა ბახტაძე ბიზნესისთვის უცხო არ არის“,-ამბობს ნინუაშვილი.



„კომერსანტი“

 

 




„გამოძიება მიმდინარეობს სხვა ქვეყნებშიც - საქმე გვაქვს საერთაშორისო ტერორიზმის ფაქტთან“ - შს მინისტრი ჩატარებულ სპეცოპერაციაზე

person access_time2017-11-23 11:47:50
საქმე გვაქვს საერთაშორისო ტერორიზმის ფაქტთან, - ასე უპასუხა შინაგან საქმეთა მინისტრმა გიორგი გახარიამ კითხვას იმის შესახებ, საქართველოს გარდა, რომელ ქვეყნებში მიმდინარეობს გამოძიება გუშინ გამოვლენილ დანაშაულებრივ ჯგუფთან დაკავშირებით. „იყო ნათქვამი და ნათქვამია, რომ გამოძიება მიმდინარეობს სხვა ქვეყნებშიც - საქმე გვაქვს საერთაშორისო ტერორიზმის ფაქტთან. მიმდინარეობს გამოძიება და დაველოდოთ,- განაცხადა გახარიამ. რაც შეეხება იმას, შეგვიძლია თუ არა...

„ქალაქში გადაადგილება არის უსაფრთხო და უსაფრთხოებასთან დაკავშირებით რაიმე შიშის საფუძველი არ არსებობს„

person access_time2017-11-22 20:59:28
ქალაქში გადაადგილება არის უსაფრთხო და უსაფრთხოებასთან დაკავშირებით რაიმე შიშის საფუძველი არ არსებობს, - ამის შესახებ პრემიერ-მინისტრმა გიორგი კვირიკაშილმა რეფერალურ საავადმყოფოში განაცხადა, სადაც დაჭრილი სამართალდამცველები მოინახულა. მან დაჭრილებს მალე გამოჯანმრთელება უსურვა, ასევე მადლობა გადაუხადა სუს-სა და შსს-ს განსაკუთრებულ დავალებათა სამსახურის თანამშროლებს. „როგორც იცით, დასრულდა სპეცოპერაცია. სამწუხაროდ, გვაქვს მსხვერპლი - სპეცრაზმის ერთი თანამშორმელი დაიღუპა....

კონტრტერორისტული სპეცოპერაციის დროს დააკავეს დანაშაულებრივი ჯგუფის 1 წევრი, ლიკვიდირებულია - 3

person access_time2017-11-22 19:11:07
თბილისში, ბერი გაბრიელ სალოსის გამზირზე ჩატარებული სპეცოპერაციის შედეგად დაკავებულია დანაშაულებრივი ჯგუფის 1 წევრი და 3 ლიკვიდირებულია - ამის შესახებ 19 საათზე გამართულ ბრიფინგზე საქართველოს სახელმწიფო უსაფრთხოების სამსახურის წარმომადგენელმა ნინო გიორგობიანმა განაცხადა.   მისი ინფორმაციით, სპეცოპერაციისას დაიღუპა სახელმწიფო უსაფრთხოების სამსახურის 1 თანამშრომელი და 2 დაიჭრა. დაჭრილია შინაგან საქმეთა სამინისტროს განსაკუთრებულ დავალებათა დეპარტამენტის 2 თანამშრომელიც....

ბერი გაბრიელ სალოსის გამზირზე მცხოვრებ მოსახლეობას საჭიროების შემთხვევაში, თბილისის მერია დროებითი საცხოვრებელი ფართებით უზრუნველყოფს

person access_time2017-11-22 18:22:13
თბილისში, ბერი გაბრიელ სალოსის გამზირზე მცხოვრებ მოსახლეობას, სადაც კონტრტერორისტული ოპერაცია მიმდინარეობდა, საჭიროების შემთხვევაში, დედაქალაქის მერია დროებითი საცხოვრებელი ფართებით უზრუნველყოფს, - ამის შესახებ თბილისის მერმა კახა კალაძემ მერიაში გამართულ ბრიფინგზე განაცხადა.    როგორც მან აღნიშნა, გაბრიელ სალოსის გამზირზე ჩატარებული სპეციალური ოპერაციის შესახებ განმარტებას შესაბამისი სტრუქტურები გააკეთებენ და საზოგადოებას მომხდარის შესახებ ინფორმაციას...

როგორ გამოიყურება თსუ-ს ახალი სტუდენტური საცხოვრებელი, რომელიც უახლოეს დღეებში მიიღებს ახალგაზრდებს (ფოტო)

person access_time2017-11-23 18:30:25
თბილისის სახელმწიფო უნივერსიტეტის 320-ადგილიანი საერთო საცხოვრებელი, რომელიც ლისის ტბის მიმდებარედ აშენდა, ჯერ არ გახსნილა. თსუ-ის საზოგადოებასთან ურთიერთობის სამსახურის უფროსის ინფორმაციით, საერთო საცხოვრებელში ინვენტარის შეტანისა და სტუდენტთა რეგისტრაციის პროცესი უკვე დასრულებულია, - ამჟამად მიმდინარეობს სტუდენტთა განსაზღვრული კრიტერიუმების მიხედვით შერჩევა და მათი შესახლება უახლოეს დღეებში მოხდება, - განმარტავენ თსუ-ში. ახალი სტუდენტური...


მსგავსი სიახლეები