ხის კონტეინერებისგან აშენებული სასტუმრო ფართოვდება - Quadrum-ი გუდაურის შემდეგ აჭარაშიც გაიხსნება

access_time2017-11-14 20:30:41

სასტუმრო Quadrum-ი 2018 წლის ზაფხულში გაფართოვებას გეგმავს და მომხმარებლებს დამატებით 400 კვადრატულ მეტრზე უკვე არსებულისგან სრულიად განსხვავებული კონცეფციის კორპუსს შესთავაზებს. როგორც პროექტის ხელმძღვანელი ირაკლი ერისთავი „კომერსანტთან“ საუბრისას  აცხადებს, სასტუმროს გახსნიდან დღემდე  მომხმარებლების რაოდენობამ 30%-ით იმატა.


 

 

„გახსნის დღიდან საკმაოდ დატვირთულები ვართ, ჩვენ მიმართ თავიდანვე დიდი ინტერესი იყო, რადგან Quadrum-ის კონცეფცია სხვა სასტუმროებისგან გამორჩეულია. ამჟამად ჩვენი სასტუმროს შესახებ მთელმა მსოფლიომ იცის. 25-ი დეკემბრიდან იანვრის ჩათვლით ადგილები უკვე სრულად დაჯავშნილია. ამჟამად ჩვენთან შვიდი ადამიანია დასაქმებული.


ბიზნესი სტაბილურად ვითარდება და სრული დატვირთვით ვმუშაობთ. სასტუმროს გახსნიდან დღემდე ჩვენი მომხმარებლის რაოდენობა 30%-ით გაიზარდა. ბევრი სტუმარი გვყავს რუსეთიდან, უკრაინიდან და ისრაელიდან“, - განაცხადა ერისთავმა.

 

პროექტის ხელმძღვანელის თქმით, ახალი კორპუსი უკვე არსებულისგან სრულიად განსხვავებული კონცეფციის იქნება.

 

„2018 წლის აპრილში დამატებით 400 კვადრატული მეტრზე მეორე კორპუსის მშენებლობას დავიწყებთ. ახალ სივრცეში წარმოდგენილი იქნება, დახურული აუზი, იოგას დარბაზი და რესტორანი. ხოლო ზაფხულის ბოლოს აღნიშნული კორპუსის სატესტო რეჟიმში გაეშვება.


დროთაგანმავლობაში მიმდებარე ტერიტორიის სრულად ათვისებას ვგეგმავთ, სადაც იქნება როგორც კაფე-ბარები, ასევე საციგურაო მოედანი და ეს ტერიტორია გუდაურში ჩამოსული დამსვენებლების თავშეყრის ადგილად იქცევა.


სამომავლოდ სასტუმრო Quadrum-ის ხის კონტეინერებისგან დამზადებული კონსტრუქციის დადგმა აჭარაშიც იგეგმება“, - განაცხადა ირაკლი ერისთავმა.

 


 

ხის კონტეინერებისგან დამზადებული, 600 კვადრატულ მეტრზე განთავსებული 11-ნომრიანი სასტუმრო, გუდაურში, 2017 წლის 15 თებერვალს გაიხსნა.

 

პროექტის განხორციელება ჯამში დაახლოებით 1 700 მილიონი ლარი დაჯდა. ამ დროისთვის 600 კვადრატული მეტრი ფართის მიწის ნაკვეთზე 20 კონტეინერია განთავსებული. ხის კონტეინერები უმაღლესი ხარისხის ხისგანაა აწყობილი და მინუს 40 გრადუს სიცივეზეა გათვლილი.

 

Quadrum-ში 2 ადგილიანი სტანდარტული ნომრის ფასი 90 დოლარიდან იწყება. ლუქსის ფასი კი 200 დოლარს შეადგენს. კონტეინერები ქუთაისში, ერთ-ერთ გადამამუშავებელ ქარხანაში მზადდება. 1 კონტეინერის ფართი 21 კვადრატული მეტრია (შედის სველი წერტილებიც).



ავტორი: ლიკა გურაბანიძე



„გამოძიება მიმდინარეობს სხვა ქვეყნებშიც - საქმე გვაქვს საერთაშორისო ტერორიზმის ფაქტთან“ - შს მინისტრი ჩატარებულ სპეცოპერაციაზე

person access_time2017-11-23 11:47:50
საქმე გვაქვს საერთაშორისო ტერორიზმის ფაქტთან, - ასე უპასუხა შინაგან საქმეთა მინისტრმა გიორგი გახარიამ კითხვას იმის შესახებ, საქართველოს გარდა, რომელ ქვეყნებში მიმდინარეობს გამოძიება გუშინ გამოვლენილ დანაშაულებრივ ჯგუფთან დაკავშირებით. „იყო ნათქვამი და ნათქვამია, რომ გამოძიება მიმდინარეობს სხვა ქვეყნებშიც - საქმე გვაქვს საერთაშორისო ტერორიზმის ფაქტთან. მიმდინარეობს გამოძიება და დაველოდოთ,- განაცხადა გახარიამ. რაც შეეხება იმას, შეგვიძლია თუ არა...

„ქალაქში გადაადგილება არის უსაფრთხო და უსაფრთხოებასთან დაკავშირებით რაიმე შიშის საფუძველი არ არსებობს„

person access_time2017-11-22 20:59:28
ქალაქში გადაადგილება არის უსაფრთხო და უსაფრთხოებასთან დაკავშირებით რაიმე შიშის საფუძველი არ არსებობს, - ამის შესახებ პრემიერ-მინისტრმა გიორგი კვირიკაშილმა რეფერალურ საავადმყოფოში განაცხადა, სადაც დაჭრილი სამართალდამცველები მოინახულა. მან დაჭრილებს მალე გამოჯანმრთელება უსურვა, ასევე მადლობა გადაუხადა სუს-სა და შსს-ს განსაკუთრებულ დავალებათა სამსახურის თანამშროლებს. „როგორც იცით, დასრულდა სპეცოპერაცია. სამწუხაროდ, გვაქვს მსხვერპლი - სპეცრაზმის ერთი თანამშორმელი დაიღუპა....

კონტრტერორისტული სპეცოპერაციის დროს დააკავეს დანაშაულებრივი ჯგუფის 1 წევრი, ლიკვიდირებულია - 3

person access_time2017-11-22 19:11:07
თბილისში, ბერი გაბრიელ სალოსის გამზირზე ჩატარებული სპეცოპერაციის შედეგად დაკავებულია დანაშაულებრივი ჯგუფის 1 წევრი და 3 ლიკვიდირებულია - ამის შესახებ 19 საათზე გამართულ ბრიფინგზე საქართველოს სახელმწიფო უსაფრთხოების სამსახურის წარმომადგენელმა ნინო გიორგობიანმა განაცხადა.   მისი ინფორმაციით, სპეცოპერაციისას დაიღუპა სახელმწიფო უსაფრთხოების სამსახურის 1 თანამშრომელი და 2 დაიჭრა. დაჭრილია შინაგან საქმეთა სამინისტროს განსაკუთრებულ დავალებათა დეპარტამენტის 2 თანამშრომელიც....

ბერი გაბრიელ სალოსის გამზირზე მცხოვრებ მოსახლეობას საჭიროების შემთხვევაში, თბილისის მერია დროებითი საცხოვრებელი ფართებით უზრუნველყოფს

person access_time2017-11-22 18:22:13
თბილისში, ბერი გაბრიელ სალოსის გამზირზე მცხოვრებ მოსახლეობას, სადაც კონტრტერორისტული ოპერაცია მიმდინარეობდა, საჭიროების შემთხვევაში, დედაქალაქის მერია დროებითი საცხოვრებელი ფართებით უზრუნველყოფს, - ამის შესახებ თბილისის მერმა კახა კალაძემ მერიაში გამართულ ბრიფინგზე განაცხადა.    როგორც მან აღნიშნა, გაბრიელ სალოსის გამზირზე ჩატარებული სპეციალური ოპერაციის შესახებ განმარტებას შესაბამისი სტრუქტურები გააკეთებენ და საზოგადოებას მომხდარის შესახებ ინფორმაციას...

როგორ გამოიყურება თსუ-ს ახალი სტუდენტური საცხოვრებელი, რომელიც უახლოეს დღეებში მიიღებს ახალგაზრდებს (ფოტო)

person access_time2017-11-23 18:30:25
თბილისის სახელმწიფო უნივერსიტეტის 320-ადგილიანი საერთო საცხოვრებელი, რომელიც ლისის ტბის მიმდებარედ აშენდა, ჯერ არ გახსნილა. თსუ-ის საზოგადოებასთან ურთიერთობის სამსახურის უფროსის ინფორმაციით, საერთო საცხოვრებელში ინვენტარის შეტანისა და სტუდენტთა რეგისტრაციის პროცესი უკვე დასრულებულია, - ამჟამად მიმდინარეობს სტუდენტთა განსაზღვრული კრიტერიუმების მიხედვით შერჩევა და მათი შესახლება უახლოეს დღეებში მოხდება, - განმარტავენ თსუ-ში. ახალი სტუდენტური...


მსგავსი სიახლეები