კომპანია „ნეტაფიმ საქართველო“ გარდაბანში და საგარეჯოში ნუშის ბაღების გაშენებას გეგმავს

access_time2017-11-13 10:37:09

კომპანია „ნეტაფიმ საქართველო“ გარდაბანში და საგარეჯოში ნუშის ბაღების გაშენებას აპირებს. ამის შესახებ „კომერსანტთან“ პროექტის განმახორციელებელი კომპანია ბარ ლევ ნეტ ჯგუფის (ნეტაფიმ საქართველოს) წარმომადგენელმა ვახტანგ გოგალაძე „კომერსანტთან“ განაცხადა. მისი მტკიცებით, პროექტის განხორციელებაში კომპანია 2017-2018 წლებში დაახლოებით 2.5 მილიონი დოლარის ინვესტიციას განახორციელებს. საუბარია, ჯამში 1000 ჰექტარზე.


გოგალაძის ინფორმაციით, აღნიშნულ პროექტში „ბარ ლევ ნეტ ჯგუფს“ მსოფლიო ლიდერი, ესპანური სანერგე კომპანია „აგრომილორა ჯგუფი“ შემოყავს. მისი განცხადებით, მას მსოფლიო მასშტაბით რამდენიმე საწარმო აქვს, მათ შორის აშშ-ში, სამხერთ ამერიკაში, ჩილეში, ბრაზილიაში და ასე შემდეგ.


მისი თქმით, საქართველოში ბოლო ორი წლის განმავლობაში ამერიკული, ჩანდლერის ჯიშის კაკლის ბაღები გაშენდა. გოგალაძის განმარტებით, მათ რეგიონის ბაზარი გლობალურად შეისწავლეს. შედეგად, აღმოჩნდა, რომ უკრაინსა და ყაზახეთში დაახლოებით 30 000 ჰექტარზე მეტი ჩანდლერის ბაღებია გაშენებეული. „როდესაც ეს ნერგები ნაყოფს გამოიღებენ, კაკლის ფასი დაეცემა. საქართველო კი დიდ ქვეყნებთან შედარებით მცირე მიმწოდებელი იქნება, შედეგად, ფასები ქართველი ფერმერებისთვის რელევანტური არ იქნება. სწორედ ამის გათვალისწინებით ჩვენ შევარჩიეთ ნუშის პროექტი, ამაში კი კლიმატური პირობებიც გვიწყობს ხელს“-აცხადებს გოგალაძე.


პროექტის ფარგლებში საქართველოში გაშენდება საგვიანო ჯიშის ნუშების ბაღები, სპეციალურად შერჩეული საქართველოს კლიმატისათვის, რაც ყველაზე მნიშვნელოვანია ეს ნერგები არის აგრომილორას პატენტი სუპერ ინტენსიური გაშენებისათვის, ტრადიციულ ბაღებთან შედარებით უფრო მეტი ნერგი ირგვება მაგრამ რაც არის ყველაზე მთავარი პლანტაცია მეორე წელსვე იწყებს მსხმოიარობას და სრულ მსხმოიარობაში შედის მე-4 წელს, როდესაც ტრადიციული გაშენების შემთხვევაში სრული მსხოიარობა იწყება მე-7 წლიდან. კიდევ ერთი მნიშვნელოვანი ფაქტორი არის ის რომ სუპერ ინტენსიური ნუშის ბაღების მოვლა მოსავლის აღების ჩათვლით სრულად მექანიზებულია და ეს განაპირობებს მისი საოპერაციო დანახარჯების ეკონომიურობას ტრადიციულ მეთოდთან შედარებით. ყველა ეს პროდუქტი რომელიც ჩვენ შემოგვაქვს არის ჩვენს რეგიონში სიახლე და ჩვენი რწმენით ძალიან საინტერესო უნდა იყოს პირველ რიგში კერძო სექტორისათვის და ასევე სახელმწიფოსა თუ სხვა დაინტერესებული პირებისათვის.



კომერსანტი 



აფბა: გზების დეპარტამენტის თავმჯდომარემ რუსული კომპანიის დირექტორობა დეკლარაციაში დამალა

person access_time2018-02-21 19:41:41
აფბა აგრძელებს ინფრასტრუქტურისა და რეგიონული განვითარების სამინისტროს საქმიანობის კვლევას. როგორც „კომერსანტს“ „ახალგაზრდა ფინანსისტთა და ბიზნესმენთა ასოციაციიდან“ აცნობეს, ამ ეტაპზე აფბა-ს  შესწავლის საგანია საგზაო-ინფრასტრუქტურული პროექტების განხორციელებისა და საავტომობილო გზების დეპარტამენტის საქმიანობის სამართლებრივი და ეკონომიკური ასპექტები.   საზოგადოებას უკანასკნელი თვის განმავლობაში წარვუდგინეთ მსხვილ საგზაო პროექტებში არსებული...

WEF : საქართველოს 10 მთავარი რისკი

person access_time2018-02-21 17:11:27
მსოფლიო ეკონომიკურმა ფორუმმა 2018 წლის მსოფლიოს მთავარ რისკებზე კვლევა გამოაქვეყნა. მსოფლიოში მთავარ რისკებად ეკონომიკური მდგომარეობა, გარემოს დაცვითი საკითხები, კიბერუსაფრთხოება და გეოპოლიტიკური ვითარება სახელდება. მსოფლიოს სხვადასხვა ქვეყნებში არსებული რისკების შესაფასებლად WEF ექსპერტებთან და სახელმწიფო წარმომადგენლებთან ერთად მუშაობს.  კვლევისას რესპოდენტებს ის ძირითადი რისკები უნდა დაესახელებინათ, რომლებიც მომდევნო 10 წელში მათ ბიზნესგეგმებს ყველაზე...

ექვსი ახალი ინიციატივა ბიზნესისათვის - ფინანსთა მინისტრმა საგადასახადო ცვლილებები დაანონსა

person access_time2018-02-21 14:18:44
საგადასახადო კოდექსში ცვლილებების შესახებ კანონპროექტი მზადდება, რომელიც 6 ახალ ინიციატივას მოიცავს.   საქართველოს ფინანსთა მინისტრის მამუკა ბახტაძის განმარტებით, ახალი საგადასახადო ინიციატივის ფარგლებში, რომლის მიზანია მცირე ბიზნესის ხელშეწყობა, იცვლება დაბეგვრასთან დაკავშირებული რეგულაციები.   ეკონომიკური საქმიანობის განმახორციელებელი ორგანიზაციები, ფაქტობრივად, გათავისუფლდებიან მოგების გადასახადისგან.   უქმდება გრძელვადიანი...

პრივილეგირებული იმპორტი - ქათმის ხორცის მწარმოებლები საგადასახადო დისკრიმინაციაზე ჩივიან

person access_time2018-02-21 15:40:36
საქართველოში  ქათმის ხორცის წარმოება ბიზნესის ერთ-ერთი განვითარებული მიმართულებაა.  მიუხედავად ამისა, ჩვენს ქვეყანაში მსოფლიოს სხვადასხვა ქვეყნიდან, მაინც დიდი რაოდენობით შემოდის ქათმის ხორც-პროდუქტები, თუმცა ქართველი მომხმარებელი მაინც ადგილობრივ პროდუქტს ანიჭებს უპირატესობას. გარდა ამისა, ადგილობრივ მწარმოებლებს მაინც ექმნებათ პრობლემა ბიზნესის განვითარების და გაფართოების თვალსაზრისით. ამის ერთ-ერთ მიზეზად, წლების განმავლობაში სახელმწიფოს მიერ გატარებული რეფორმები...

„შესაცვლელია მთლიანად სასამართლო სისტემა და არა მოსამართლეები“ - ადვოკატის შეფასებები

person access_time2018-02-21 09:50:42
„კომერციული თვალსაზრისით და, არამხოლოდ, სასამართლო სისტემაში სამი ძირითადი პრობლემაა  მოსაგვარებელი. პირველი - ყველა ადმინისტრაციული დავა სასამართლოში არ უნდა მიდიოდეს. მეორე - სახელმწიფომ თავი უნდა დაანებოს კომერციულ დავებს  და წაახალისოს არბიტრაჟები თუ მედიაციები. მესამე - უნდა გაიზარდოს როგორც მოსამართლეთა რაოდენობა, ასევე მათი შრომითი ანაზღაურება. მსგავსი კომპლექსური მიდგომით შევძლეთ დღეს არსებული პრობლემების მოგვარებას“,-ასე შეაფასა სასამრთლო სისტემაში არსებული...


მსგავსი სიახლეები