„ქვეყანას მთავრობის პარალელურად ბანკებიც მართავენ“ - ირაკლი ბერძენაძე პრემიერისა და „საქართველოს ბანკის“ ინვესტორების შეხვედრაზე

access_time2017-11-13 09:50:52

„ქვეყანას მთავრობის პარალელურად ბანკებიც მართავენ“, - ამის შესახებ „კომერსანტს“ „არასაბანკო ფინანსურ დაწესებულებათა ასოციაციის“ თავმჯდომარემ ირაკლი ბერძენაძემ  განუცხადა.


შეგახსენებთ, რომ პრემიერ-მინისტრი გიორგი კვირიკაშვილი „საქართველოს ბანკის“ ინვესტორებს შეხვდა. შეხვედრაზე პრემიერმა აღნიშნა, რომ ბიზნესის მხარდაჭერა საქართველოს მთავრობისა და პირადად მისთვის ერთ-ერთი უმთავრესი პრიორიტეტია. ამასთან, კვირიკაშვილმა ისიც აღნიშნა, რომ ქვეყანაში ლიბერალური ეკონომიკა გვაქვს.


როგორც ირაკლი ბერძენაძე აცხადებს, პრემიერი მხოლოდ კონკრეტული ბანკის ინვესტორებს კი არა, ყველა სფეროს ინვესტორს უნდა შეხვდეს.  

„2012 წლამდე ეს ტენდენცია არ იყო. უკვე ამის შემდეგ დაიწყო ხელისუფლებამ ბიზნესთან საუბარი, მისი მხარდაჭერა, რაც ძალიან კარგია. ისინი ბიზნესს არ ეხებიან, არ აწუხებენ. თუმცა რამდენად კარგია, როდესაც დომინანტი ბანკის ინვესტორებთან არის შეხვედრა, ეს ცალკე საკითხია და ამას დრო გვიჩვენებს. ქვეყანაში ბიზნესი თავისუფალია, მაგრამ ყველაზე დიდი პრობლემა არის საგადასახადო სისტემა, რითაც ინვესტორებს ვერ დავაინტერესებთ. უმჯობესია პრემიერი უფრო ხშირად ხვდებოდეს ინვესტორებს და არა მხოლოდ კონკრეტული ბანკის ინვესტორებს. რაც უფრო მეტ ინვესტორს შეხვდება სხვადასხვა დარგიდან, მათ შორის წარმოებიდან, უკეთესი იქნება. საფინანსო სექტორში ინვესტორებს შეღავათიანი საგადასახადო რეჟიმი აქვთ და მათთვის ამ სფეროში ინვესტირება ყველანაირად მომგებიანია. სხვა სფეროებშიც ასეთივე შეღავათიანი რეჟიმი უნდა არსებობდეს“, - აღნიშნა ბერძენაძემ.


მისივე თქმით, ბანკები ქვეყანას მთავრობის პარალელურად მართავენ: „ქვეყანაში ყველაფერი ბანკების ხელშია. ქვეყანას მართავს ხელისუფლება და ამასთან, საბანკო სექტორი.  ჩვენს ქვეყანაში ბიზნესის დაწყება ძალიან მარტივია, მაგრამ პროცესი რთულ ეტაპებთან არის დაკავშირებული. მიზეზი არის ის, რომ ბაზარი ძალიან პატარაა და ამასთან, ყველაფერი ბანკების ხელშია მოქცეული. ბანკებს ბიზნესი მძევლად ჰყავთ აყვანილი. რაც უნდა თავისუფალი ბიზნესგარემო და ეკონომიკა გვქონდეს, როდესაც ქვეყანაში მოსახლეობის რაოდენობა მცირეა, მსყიდველუნარიანობა დაბალია, ბიზნესს მეტი და მეტი ბრუნვა, ლიბერალური საგადასახდო სისტემა, დაბალი გადასახადები სჭირდება. მხოლოდ ბიზნესის რეგისტრაციის გამარტივება იმას არ ნიშნავს, ბიზნესის წარმოება ადვილია.“


ამასთან, ირაკლი ბერძენაძის განმარტებით, აუცილებელია ხელისუფლება მხოლოდ მსხვილი ბიზნესით არ შემოიფარგლოს და მცირე და საშუალო ბიზნესის განვითარებასაც მიაქციოს ყურადღება.


„ზოგადად, ხელისუფლება უნდა ცდილობდეს, რომ ქვეყანაში მცირე და საშუალო ბიზნესი განვითარდეს. სწორედ ამ სექტორმა უნდა მოუტანოს ეკონომიკას წინსვლა. სტატისტიკის მიხედვით, სხვადასხვა ქვეყანაში სწორედ ეს სექტორი ასაქმებს ყველაზე მეტ ადამიანს. მთავრობის წარმომადგენლებიც ამ სექტორს უნდა ხვდებოდნენ, მათ პრობლემებს ისმენდნენ. ასევე, დიფერენცირება უნდა მოხდეს, თუ რას ნიშნავს მსხვილი, მცირე და საშუალო ბიზნესი. მსხვილი ბიზნესი ყოველთვის იარსებებს, მაგრამ დღეს ქვეყანაში მცირე და საშუალო ბიზნესის განვითარებას ვერ ვხედავთ. მსხვილი ბანკების ხელში დიდი ფინანსური რესურსებია. ზოგჯერ მათ არ აწყობთ ან უბრალოდ არ უზრუნველყოფენ მცირე და საშუალო ბიზნესის განვითარებას“, - აღნიშნა ირაკლი ბერძენაძემ.


ავტორი: თეონა კენჭიაშვილი

 




„გამოძიება მიმდინარეობს სხვა ქვეყნებშიც - საქმე გვაქვს საერთაშორისო ტერორიზმის ფაქტთან“ - შს მინისტრი ჩატარებულ სპეცოპერაციაზე

person access_time2017-11-23 11:47:50
საქმე გვაქვს საერთაშორისო ტერორიზმის ფაქტთან, - ასე უპასუხა შინაგან საქმეთა მინისტრმა გიორგი გახარიამ კითხვას იმის შესახებ, საქართველოს გარდა, რომელ ქვეყნებში მიმდინარეობს გამოძიება გუშინ გამოვლენილ დანაშაულებრივ ჯგუფთან დაკავშირებით. „იყო ნათქვამი და ნათქვამია, რომ გამოძიება მიმდინარეობს სხვა ქვეყნებშიც - საქმე გვაქვს საერთაშორისო ტერორიზმის ფაქტთან. მიმდინარეობს გამოძიება და დაველოდოთ,- განაცხადა გახარიამ. რაც შეეხება იმას, შეგვიძლია თუ არა...

„ქალაქში გადაადგილება არის უსაფრთხო და უსაფრთხოებასთან დაკავშირებით რაიმე შიშის საფუძველი არ არსებობს„

person access_time2017-11-22 20:59:28
ქალაქში გადაადგილება არის უსაფრთხო და უსაფრთხოებასთან დაკავშირებით რაიმე შიშის საფუძველი არ არსებობს, - ამის შესახებ პრემიერ-მინისტრმა გიორგი კვირიკაშილმა რეფერალურ საავადმყოფოში განაცხადა, სადაც დაჭრილი სამართალდამცველები მოინახულა. მან დაჭრილებს მალე გამოჯანმრთელება უსურვა, ასევე მადლობა გადაუხადა სუს-სა და შსს-ს განსაკუთრებულ დავალებათა სამსახურის თანამშროლებს. „როგორც იცით, დასრულდა სპეცოპერაცია. სამწუხაროდ, გვაქვს მსხვერპლი - სპეცრაზმის ერთი თანამშორმელი დაიღუპა....

კონტრტერორისტული სპეცოპერაციის დროს დააკავეს დანაშაულებრივი ჯგუფის 1 წევრი, ლიკვიდირებულია - 3

person access_time2017-11-22 19:11:07
თბილისში, ბერი გაბრიელ სალოსის გამზირზე ჩატარებული სპეცოპერაციის შედეგად დაკავებულია დანაშაულებრივი ჯგუფის 1 წევრი და 3 ლიკვიდირებულია - ამის შესახებ 19 საათზე გამართულ ბრიფინგზე საქართველოს სახელმწიფო უსაფრთხოების სამსახურის წარმომადგენელმა ნინო გიორგობიანმა განაცხადა.   მისი ინფორმაციით, სპეცოპერაციისას დაიღუპა სახელმწიფო უსაფრთხოების სამსახურის 1 თანამშრომელი და 2 დაიჭრა. დაჭრილია შინაგან საქმეთა სამინისტროს განსაკუთრებულ დავალებათა დეპარტამენტის 2 თანამშრომელიც....

ბერი გაბრიელ სალოსის გამზირზე მცხოვრებ მოსახლეობას საჭიროების შემთხვევაში, თბილისის მერია დროებითი საცხოვრებელი ფართებით უზრუნველყოფს

person access_time2017-11-22 18:22:13
თბილისში, ბერი გაბრიელ სალოსის გამზირზე მცხოვრებ მოსახლეობას, სადაც კონტრტერორისტული ოპერაცია მიმდინარეობდა, საჭიროების შემთხვევაში, დედაქალაქის მერია დროებითი საცხოვრებელი ფართებით უზრუნველყოფს, - ამის შესახებ თბილისის მერმა კახა კალაძემ მერიაში გამართულ ბრიფინგზე განაცხადა.    როგორც მან აღნიშნა, გაბრიელ სალოსის გამზირზე ჩატარებული სპეციალური ოპერაციის შესახებ განმარტებას შესაბამისი სტრუქტურები გააკეთებენ და საზოგადოებას მომხდარის შესახებ ინფორმაციას...

როგორ გამოიყურება თსუ-ს ახალი სტუდენტური საცხოვრებელი, რომელიც უახლოეს დღეებში მიიღებს ახალგაზრდებს (ფოტო)

person access_time2017-11-23 18:30:25
თბილისის სახელმწიფო უნივერსიტეტის 320-ადგილიანი საერთო საცხოვრებელი, რომელიც ლისის ტბის მიმდებარედ აშენდა, ჯერ არ გახსნილა. თსუ-ის საზოგადოებასთან ურთიერთობის სამსახურის უფროსის ინფორმაციით, საერთო საცხოვრებელში ინვენტარის შეტანისა და სტუდენტთა რეგისტრაციის პროცესი უკვე დასრულებულია, - ამჟამად მიმდინარეობს სტუდენტთა განსაზღვრული კრიტერიუმების მიხედვით შერჩევა და მათი შესახლება უახლოეს დღეებში მოხდება, - განმარტავენ თსუ-ში. ახალი სტუდენტური...


მსგავსი სიახლეები