14 მუნიციპალიტეტში ფერმერები თანამედროვე ლაბორატორიული აღჭურვილობით ისარგებლებენ

access_time2017-11-10 12:43:02

აშშ საერთაშორისო განვითარების სააგენტოს (USAID) მიერ დაფინანსებული პროექტის  Zrda ფარგლებში სოფლის მეურნეობის სამინისტროს საინფორმაციო-საკონსულტაციო ცენტრებს ქარელში, გორში, ხაშურში, კასპში, ახალციხეში, ნინოწმინდასა და ასპინძაში ლაბორატორიული აღჭურვილობა გადაეცათ. ღონისძიებას პროექტის ხელმძღვანელი ბრაიან კინგი და სოფლის მეურნეობის მინისტრის მოადგილე რევაზ ასათიანი ესწრებოდნენ.


რევაზ ასათიანმა USAID/Zrda წარმომადგენლებს მადლობა გადაუხადა ფერმერების მხარდაჭერისთვის და პროექტის მნიშვნელობაზე ისაუბრა.


„სოფლის მეურნეობის სამინისტროსა და USAID/Zrda-ს შორის თანამშრომლობის ფარგლებში ფერმერები მნიშვნელოვან დახმარებას იღებენ. ჩვენი საინფორმაციო-საკონსულტაციო ცენტრების საველე სამუშაოების ლაბორატორიული ხელსაწყოებით აღჭურვა ფერმერებს შესაძლებლობას აძლევს ადგილზე გადაჭრან ისეთი პრობლემები, რაც მავნებელთან ბრძოლის, ნიადაგისა და წყლის ხარისხსა და სხვა არაერთ საკითხს უკავშირდება“, - აღნიშნა რევაზ ასათიანმა.


აღსანიშნავია, რომ სოფლის მეურნეობის სამინისტროსა და USAID/Zrda-ს შორის  არსებული ურთიერთგაგების მემორანდუმის ფარგლებში, 14 საინფორმაციო-საკონსულტაციო ცენტრი ლაბორატორიული ხელსაწყოებით აღიჭურვა. გარდა ამისა, ფერმერთა ხელშეწყობის მიზნით, Zrda-მ მოიწვია ისრაელის საერთაშორისო განვითრების სააგენტოსა (MASHAV)  და USAID-ის ფერმერი ფერმერისთვის (F2F) ექსპერტები საუკეთესო საერთაშორისო პრაქტიკისა და თანამედროვე ტექნოლოგიის დასანერგად, რაც მიზნად ისახავს მოსავლის გაზრდასა და პროდუქციის ხარისხის გაუმჯობესებას.


წარმოების თანამედროვე ტექნოლოგიების დანერგვით, Zrda ხელს უწყობს სხვადასხვა  საწარმოო ჯაჭვის განვითარებას, რომელიც მოიცავს კენკროვან კულტურებს, ხეხილის ბაღებს, ბოსტნეულის წარმოებას და მეფუტკრეობას. პროექტის დახმარებით მოეწყო 18 სადემონსტრაციო ნაკვეთი, 42 სასათბურე მეურნეობა და 8 მეფუტკრეობის კოოპერატივი.

 




„გამოძიება მიმდინარეობს სხვა ქვეყნებშიც - საქმე გვაქვს საერთაშორისო ტერორიზმის ფაქტთან“ - შს მინისტრი ჩატარებულ სპეცოპერაციაზე

person access_time2017-11-23 11:47:50
საქმე გვაქვს საერთაშორისო ტერორიზმის ფაქტთან, - ასე უპასუხა შინაგან საქმეთა მინისტრმა გიორგი გახარიამ კითხვას იმის შესახებ, საქართველოს გარდა, რომელ ქვეყნებში მიმდინარეობს გამოძიება გუშინ გამოვლენილ დანაშაულებრივ ჯგუფთან დაკავშირებით. „იყო ნათქვამი და ნათქვამია, რომ გამოძიება მიმდინარეობს სხვა ქვეყნებშიც - საქმე გვაქვს საერთაშორისო ტერორიზმის ფაქტთან. მიმდინარეობს გამოძიება და დაველოდოთ,- განაცხადა გახარიამ. რაც შეეხება იმას, შეგვიძლია თუ არა...

„ქალაქში გადაადგილება არის უსაფრთხო და უსაფრთხოებასთან დაკავშირებით რაიმე შიშის საფუძველი არ არსებობს„

person access_time2017-11-22 20:59:28
ქალაქში გადაადგილება არის უსაფრთხო და უსაფრთხოებასთან დაკავშირებით რაიმე შიშის საფუძველი არ არსებობს, - ამის შესახებ პრემიერ-მინისტრმა გიორგი კვირიკაშილმა რეფერალურ საავადმყოფოში განაცხადა, სადაც დაჭრილი სამართალდამცველები მოინახულა. მან დაჭრილებს მალე გამოჯანმრთელება უსურვა, ასევე მადლობა გადაუხადა სუს-სა და შსს-ს განსაკუთრებულ დავალებათა სამსახურის თანამშროლებს. „როგორც იცით, დასრულდა სპეცოპერაცია. სამწუხაროდ, გვაქვს მსხვერპლი - სპეცრაზმის ერთი თანამშორმელი დაიღუპა....

კონტრტერორისტული სპეცოპერაციის დროს დააკავეს დანაშაულებრივი ჯგუფის 1 წევრი, ლიკვიდირებულია - 3

person access_time2017-11-22 19:11:07
თბილისში, ბერი გაბრიელ სალოსის გამზირზე ჩატარებული სპეცოპერაციის შედეგად დაკავებულია დანაშაულებრივი ჯგუფის 1 წევრი და 3 ლიკვიდირებულია - ამის შესახებ 19 საათზე გამართულ ბრიფინგზე საქართველოს სახელმწიფო უსაფრთხოების სამსახურის წარმომადგენელმა ნინო გიორგობიანმა განაცხადა.   მისი ინფორმაციით, სპეცოპერაციისას დაიღუპა სახელმწიფო უსაფრთხოების სამსახურის 1 თანამშრომელი და 2 დაიჭრა. დაჭრილია შინაგან საქმეთა სამინისტროს განსაკუთრებულ დავალებათა დეპარტამენტის 2 თანამშრომელიც....

ბერი გაბრიელ სალოსის გამზირზე მცხოვრებ მოსახლეობას საჭიროების შემთხვევაში, თბილისის მერია დროებითი საცხოვრებელი ფართებით უზრუნველყოფს

person access_time2017-11-22 18:22:13
თბილისში, ბერი გაბრიელ სალოსის გამზირზე მცხოვრებ მოსახლეობას, სადაც კონტრტერორისტული ოპერაცია მიმდინარეობდა, საჭიროების შემთხვევაში, დედაქალაქის მერია დროებითი საცხოვრებელი ფართებით უზრუნველყოფს, - ამის შესახებ თბილისის მერმა კახა კალაძემ მერიაში გამართულ ბრიფინგზე განაცხადა.    როგორც მან აღნიშნა, გაბრიელ სალოსის გამზირზე ჩატარებული სპეციალური ოპერაციის შესახებ განმარტებას შესაბამისი სტრუქტურები გააკეთებენ და საზოგადოებას მომხდარის შესახებ ინფორმაციას...

როგორ გამოიყურება თსუ-ს ახალი სტუდენტური საცხოვრებელი, რომელიც უახლოეს დღეებში მიიღებს ახალგაზრდებს (ფოტო)

person access_time2017-11-23 18:30:25
თბილისის სახელმწიფო უნივერსიტეტის 320-ადგილიანი საერთო საცხოვრებელი, რომელიც ლისის ტბის მიმდებარედ აშენდა, ჯერ არ გახსნილა. თსუ-ის საზოგადოებასთან ურთიერთობის სამსახურის უფროსის ინფორმაციით, საერთო საცხოვრებელში ინვენტარის შეტანისა და სტუდენტთა რეგისტრაციის პროცესი უკვე დასრულებულია, - ამჟამად მიმდინარეობს სტუდენტთა განსაზღვრული კრიტერიუმების მიხედვით შერჩევა და მათი შესახლება უახლოეს დღეებში მოხდება, - განმარტავენ თსუ-ში. ახალი სტუდენტური...


მსგავსი სიახლეები