ირაკლი როსტომაშვილი: „დედაქალაქისთვის ზიანის მოტანის ხარჯზე, მშენებლობების გამარტივება არ უნდა მოხდეს“

access_time2017-11-10 10:20:13

„სამშენებლო ბიზნესში ნებართვების გაცემის გამარტივება და ზედმეტი ბიუროკრატიული ბარიერების შემცირება უნდა მოხდეს“, - ამის შესახებ „საქართველოს მენაშენეთა ასოციაციის“ თავმჯდომარე ირაკლი როსტომაშვილმა „კომერსანტთან“ საუბრისას განაცხადა.


მისი თქმით, მას შემდეგ, რაც სამშენებლო სექტორის წარმომადგენლები დედაქალაქის ახლადარჩეულ მერს, კახა კალაძეს შეხვდნენ, აქვს მოლოდინი, რომ ბიუროკრატიული ბარიერების გამარტივებასთან დაკავშირებით დაპირება მომავალში აუცილებლად შესრულდება. საუბარია შეხვედრაზე, რომელზეც მთავრობის  2006 წლის 28 იანვრის 41-ე დადგენილებაში (ტექნიკური რეგლამენტი „შენობა-ნაგებობების უსაფრთხოების წესები“ ) შეტანილი ცვლილებები განიხილეს. 


 „არ მაქვს მოლოდინი და არც ვარ მომხრე, რომ რაღაცის გაიოლება მოხდეს ან დედაქალაქის იერსახისთვის ზიანის მოტანის ხარჯზე რამე გამარტივდეს. მშენებლობებზე ნებართვის გაცემა კი არ უნდა გამარტივდეს, არამედ ბიუროკრატიული ბარიერები უნდა შემცირდეს, რაც დეველოპერებისთვის საკმაოდ რთულად გადასალახია. კახა კალაძე სამშენებლო სექტორს დაგვპირდა, რომ ეს პრობლემა მისი მერობის დროს, აუცილებლად მოგვარდება.  ვნახოთ, მომავალში რა და როგორ იქნება. ნებართვის გაცემაზე მოთხოვნა ძალიან ნათელი უნდა იყოს. თუ კომპანია ამ მოთხოვნას აკმაყოფილებს, საპროექტო დოკუმენტები მოწესრიგებული თუ აქვს, ავტომატურად უნდა ხდებოდეს ნებართვის გაცემა. ამასთან, მოთხოვნები მშენებლობის პროცესში არ უნდა იცვლებოდეს“, - აცხადებს როსტომაშვილი.


მისივე თქმით, დედაქალაქში უნდა არსებობდეს ზონები, სადაც მშენებლობა აიკრძალება: „ჩემი აზრით, სამშენებლო ნებართვა ყველა ტერიტორიაზე არ უნდა გაიცემოდეს. შეიძლება იყოს კონკრეტული ზონა, რომელზეც ნებართვა არ გაიცემა. კოეფიციენტის ყიდვა ვაჭრობის საგანი არ უნდა გახდეს.



ამასთან, როსტომაშვილის თქმით, სამშენებელო სექტორს დედაქალაქის წინა მერთან, დავით ნარმანიასთან ისეთი ფორმატის შეხვედრა არ ჰქონიათ, როგორიც ახლადარჩეულ მერთან ჰქონდა.


„41-ე დადგენილება არის ძალიან კარგი დოკუმენტი. ამ  დოკუმენტზე  3  წელია მთავრობასთან ერთად ვმუშაობთ  და ჩვენი ბევრი შენიშვნა და მოსაზრება მასში უკვე გათვალისწინებულია. ეს  არის  საერთაშორისო სტანდარტის დოკუმენტი, რომლის რეგულირება-შესწორება 2017 წლის პირველი იანვრიდან მოხდა. ახლა კი ძალაში უნდა შევიდეს. ზოგადად, ბოლო წლების განმავლობაში პირველად იყო ასეთი ფართომასშტაბიანი შეხვედრა დედაქალაქის ახლადარჩეულ მერთან. წინა მერთან ამ ფორმატით შეხვედრები არ გვქონია. მივიღეთ დაპირება, რომ მსგავსი ფორმატის შეხვედრები იქნება რეგულარული, რაც ჩვენს დედაქალაქს წაადგება“, - აღნიშნა „მენაშენეთა ასოციაციის“ თავმჯდომარემ.


კითხვაზე, შენობა-ნაგებობების უსაფრთხოების გარდა, შრომის უსაფრთხოების შემთხვევაში ვის ეკისრება პასუხისმგებლობა, როსტომაშვილი პასუხობს: „ეს დამოკიდებულია, როგორც საკანონმდებლო ნორმებზე, ასევე დასაქმებულების თვითშეგნებაზე. ხშირია შემთხვევა, როცა სამშენებლო ობიექტზე დამცავი საშუალებები ნაყიდია, მაგრამ მხოლოდ თვალის ახვევის მიზნით და მას დასაქმებულები არ იყენებენ. რაც  შეეხება დეველოპერების პასუხისმგებლობის საკითხს, ჩვენი მიზანი არ არის ვინმე დავადანაშაულოთ. მთავარია, რომ ასეთი ტრაგიკული შემთხვევები არ გვქონდეს და ამას კომპლექსური მიდგომა სჭირდება“.


შეგახსენებთ, რომ 41-ე დადგენილების რეგულირების საგანია არსებული შენობა-ნაგებობების,  მიმდინარე მშენებლობების, რეკონსტრუქციისა თუ დემონტაჟის პროექტირება, მშენებლობა და ექსპლუატაცია,  გარდა II კლასის შენობისა და ხაზობრივი ნაგებობებისა. ცვლილებების მიზანია მინიმალური პირობების შექმნა საზოგადოების ჯანმრთელობის, უსაფრთხოებისა და საერთო კეთილდღეობის მისაღწევად, შენობაში ხანძრისა და სხვა საფრთხეებისგან სიცოცხლისა და საკუთრების დაცვა, ასევე მეხანძრე-მაშველებისა და მაშველების უსაფრთხოება საგანგებო ვითარებისას.


ავტორი: თეონა კენჭიაშვილი




აფბა: გზების დეპარტამენტის თავმჯდომარემ რუსული კომპანიის დირექტორობა დეკლარაციაში დამალა

person access_time2018-02-21 19:41:41
აფბა აგრძელებს ინფრასტრუქტურისა და რეგიონული განვითარების სამინისტროს საქმიანობის კვლევას. როგორც „კომერსანტს“ „ახალგაზრდა ფინანსისტთა და ბიზნესმენთა ასოციაციიდან“ აცნობეს, ამ ეტაპზე აფბა-ს  შესწავლის საგანია საგზაო-ინფრასტრუქტურული პროექტების განხორციელებისა და საავტომობილო გზების დეპარტამენტის საქმიანობის სამართლებრივი და ეკონომიკური ასპექტები.   საზოგადოებას უკანასკნელი თვის განმავლობაში წარვუდგინეთ მსხვილ საგზაო პროექტებში არსებული...

WEF : საქართველოს 10 მთავარი რისკი

person access_time2018-02-21 17:11:27
მსოფლიო ეკონომიკურმა ფორუმმა 2018 წლის მსოფლიოს მთავარ რისკებზე კვლევა გამოაქვეყნა. მსოფლიოში მთავარ რისკებად ეკონომიკური მდგომარეობა, გარემოს დაცვითი საკითხები, კიბერუსაფრთხოება და გეოპოლიტიკური ვითარება სახელდება. მსოფლიოს სხვადასხვა ქვეყნებში არსებული რისკების შესაფასებლად WEF ექსპერტებთან და სახელმწიფო წარმომადგენლებთან ერთად მუშაობს.  კვლევისას რესპოდენტებს ის ძირითადი რისკები უნდა დაესახელებინათ, რომლებიც მომდევნო 10 წელში მათ ბიზნესგეგმებს ყველაზე...

ექვსი ახალი ინიციატივა ბიზნესისათვის - ფინანსთა მინისტრმა საგადასახადო ცვლილებები დაანონსა

person access_time2018-02-21 14:18:44
საგადასახადო კოდექსში ცვლილებების შესახებ კანონპროექტი მზადდება, რომელიც 6 ახალ ინიციატივას მოიცავს.   საქართველოს ფინანსთა მინისტრის მამუკა ბახტაძის განმარტებით, ახალი საგადასახადო ინიციატივის ფარგლებში, რომლის მიზანია მცირე ბიზნესის ხელშეწყობა, იცვლება დაბეგვრასთან დაკავშირებული რეგულაციები.   ეკონომიკური საქმიანობის განმახორციელებელი ორგანიზაციები, ფაქტობრივად, გათავისუფლდებიან მოგების გადასახადისგან.   უქმდება გრძელვადიანი...

პრივილეგირებული იმპორტი - ქათმის ხორცის მწარმოებლები საგადასახადო დისკრიმინაციაზე ჩივიან

person access_time2018-02-21 15:40:36
საქართველოში  ქათმის ხორცის წარმოება ბიზნესის ერთ-ერთი განვითარებული მიმართულებაა.  მიუხედავად ამისა, ჩვენს ქვეყანაში მსოფლიოს სხვადასხვა ქვეყნიდან, მაინც დიდი რაოდენობით შემოდის ქათმის ხორც-პროდუქტები, თუმცა ქართველი მომხმარებელი მაინც ადგილობრივ პროდუქტს ანიჭებს უპირატესობას. გარდა ამისა, ადგილობრივ მწარმოებლებს მაინც ექმნებათ პრობლემა ბიზნესის განვითარების და გაფართოების თვალსაზრისით. ამის ერთ-ერთ მიზეზად, წლების განმავლობაში სახელმწიფოს მიერ გატარებული რეფორმები...

„შესაცვლელია მთლიანად სასამართლო სისტემა და არა მოსამართლეები“ - ადვოკატის შეფასებები

person access_time2018-02-21 09:50:42
„კომერციული თვალსაზრისით და, არამხოლოდ, სასამართლო სისტემაში სამი ძირითადი პრობლემაა  მოსაგვარებელი. პირველი - ყველა ადმინისტრაციული დავა სასამართლოში არ უნდა მიდიოდეს. მეორე - სახელმწიფომ თავი უნდა დაანებოს კომერციულ დავებს  და წაახალისოს არბიტრაჟები თუ მედიაციები. მესამე - უნდა გაიზარდოს როგორც მოსამართლეთა რაოდენობა, ასევე მათი შრომითი ანაზღაურება. მსგავსი კომპლექსური მიდგომით შევძლეთ დღეს არსებული პრობლემების მოგვარებას“,-ასე შეაფასა სასამრთლო სისტემაში არსებული...


მსგავსი სიახლეები