პარლამენტის რეგიონული პოლიტიკისა და თვითმმართველობის კომიტეტში 2017 წლის ბიუჯეტის 9 თვის შესრულების შესახებ ინფორმაცია მოისმინეს

access_time2017-11-08 19:55:41

საქართველოს პარლამენტის რეგიონული პოლიტიკისა და თვითმმართველობის კომიტეტის სხდომაზე 2017 წლის სახელმწიფო ბიუჯეტის 9 თვის შესრულების შესახებ ინფორმაცია მოისმინეს.

 

 

ფინანსთა მინისტრის მოადგილემ, გიორგი კაკაურიძემ კომიტეტის წევრებს მიმდინარე წლის ძირითადი ფინანსური დოკუმენტის სამი კვარტალის შესრულების თაობაზე ინფორმაცია გააცნო და მაკროეკონომიკურ და ეკონომიკური ზრდის მაჩვენებლებზე, ბიუჯეტის შემოსულობებზე და მისი ხარჯვითი ნაწილის პარამეტრებზე ისაუბრა.

 

 

მინისტრის მოადგილის ინფორმაციით, 2017 წლის პირველი ცხრა თვის მონაცემებით ეკონომიკურმა ზრდამ პროგნოზირებული 4%-ის ნაცვლად, 4.7% შეადგინა, მთლიანი შიდა პროდუქტის გაზრდილი მაჩვენებელი კი, ძირითადად ექსპორტიდან, ტურიზმიდან და ფულადი გზავნილებიდან მიღებულმა შემოსავლებმა განაპირობა.

 

 

გიორგი კაკაურიძემ გადასახადების, გრანტების და სხვა შემოსავლების მაჩვენებლებზეც ისაუბრა და მათი მონაცემები პროცენტებში წარმოადგინა.

 

 

კერძოდ, მიმდინარე წლის 9 თვეში შემოსულობები - 104.8%-ით, გადასახადების მობილიზება - 103.5%, გრანტების მაჩვენებელი - 164.8% და სხვა შემოსავლები 115% შესრულდა.

 

 

რაც შეეხება ბიუჯეტის ათვისებას და მის ხარჯვით ნაწილს - ამ მიმართულებით შესრულების მაჩვენებელი 97.5%-ს შეადგენს. მინისტრის მოადგილემ კომიტეტს, დარგობრივი მიმართულებით, სახელმწიფო უწყებების მიერ ბიუჯეტის შესრულების პარამეტრებიც გააცნო და გასული წლის ანალოგიური პერიოდის მაჩვენებლებთან პარალელი გაავლო. გამოსვლის დასრულების შემდეგ, გიორგი კაკაურიძემ კომიტეტის წევრების შეკითხვებს უპასუხა.

 

 

პარლამენტის ცნობით, კომიტეტის სხდომაზე მეორე მოსმენით „საავტომობილო გზების შესახებ" საქართველოს კანონში ცვლილების შეტანის თაობაზე" კანონპროექტიც განიხილეს.

 

 

მთავრობის მიერ საკანონმდებლო წესით წარმოდგენილი კანონპროექტი კომიტეტის წევრებს საავტომობილო გზების დეპარტამენტის უფროსმა, გიორგი სეთურიძემ მუხლობრივად გააცნო. კომიტეტის სხდომაზე განხილულ საკითხებზე პარლამენტის პლენარული სხდომა იმსჯელებს.

 

 

 

 



გიორგი ღაღანიძე ხელისუფლებას 4 ქვეყნის თავისუფალი სავაჭრო ზონის შექმნას სთავაზობს

person access_time2017-11-24 17:00:43
„წლების წინ, როდესაც რუსული სამხედრო ბაზების გაყვანა დაიწყო, მაშინ გვქონდა იდეა, რომ სამცხე-ჯავახეთში, იქ სადაც ეს ბაზა იყო, მოწყობილიყო თავისუფალი სავაჭრო ზონა, თუმცა იდეა არ განხორციელდა“, - განაცხადა რადიო „კომერსანტის“ გადაცემაში „პროფესიონალები“ თსუ-ს პროფესორმა, ეკონომისტმა გიორგი ღაღანიძემ. მისივე თქმით, ახლა, როდესაც ბაქო-თბილისი-ყარსის რკინიგზა ამოქმედდა, სავაჭრო ზონის გაკეთება ყველაზე კარგი გადაწყვეტილება იქნება. „საქართველოს აქვს...

კახა კალაძე: ქალაქის ბიუჯეტის დაახლოებით 38% სოციალურ პროგრამებზე იხარჯება

person access_time2017-11-24 15:30:19
თოქ-შოუში „რეაქცია“ თბილისის მერმა კახა კალაძემ განაცხადა: „მძიმე სოციალური ფონია ქალაქში და ზოგადად ქვეყანაში, სწორედ ამიტომ ქალაქის ბიუჯეტის დაახლოებით 38% მიდის სოციალურ დახმარებებზე“. ფაქტ-მეტრმა ამ განცხადების სიზუსტე გადაამოწმა სოციალური ხარჯები მოიცავს როგორც სოციალურ უზრუნველყოფაზე, ასევე ჯანმრთელობის დაცვაზე გაწეულ ხარჯებს. 2017 წლის თბილისის ბიუჯეტის მთლიანი ხარჯები 585 მლნ 263 ათასი ლარია. აქედან...

„2017 წლის ბიუჯეტის 305 მილიონი ლარით ზრდა ლარის კურსზე არ იმოქმედებს“

person access_time2017-11-24 13:20:12
2017 წლის ბიუჯეტის 305 მილიონი ლარით ზრდა ლარის კურსზე არ იმოქმედებს, – ამის შესახებ საქართველოს ფინანსთა მინისტრის მოადგილემ გიორგი კაკაურიძემ პარლამენტის ბიუროს სხდომაზე განაცხადა. როგორც კაკაურიძე აცხადებს, დამატებული თანხა 2018 წელს დაიხარჯება. „ბიუჯეტის ხარჯვითი ნაწილის ზრდა 305 მილიონი ლარით მოხდება. თუმცა, ეს თანხა ემატება ბიუჯეტს 2018 წელს განსახორციელებელი ღონისძიებებისთვის. წელს ამ თანხის ხარჯვა არ მოხდება. თანხები მოხვდება საწარმოების...

საქართველოში ელექტროავტობუსების წარმოების დასაწყებად 5 მილიონის ინვესტიცია ჩაიდება

person access_time2017-11-24 11:10:03
საქართველოში ელექტროავტობუსების წარმოება დაიწყება. პროექტის განხორციელებას ქართული ფრეგობასი, გერმანელ და ჩინელ პარტნიორებთან ერთად გეგმავს. ერთობლივი კორპორაციის დაფუძნებაზე მემორანდუმი უკვე გაფორმდა. ქართული კომპანიის მენეჯმენტი აცხადებს, რომ პროექტის ტექნიკურ-ეკონომიკური დასაბუთება მიმდინარეობს და ოპტიმისტური გათვლებით ისინი 1.5 წელიწადში პირველი პარტიის გამოშვებას ელიან. ელექტროავტობუსები განკუთვნილი იქნება, როგორც...

„გამოძიება მიმდინარეობს სხვა ქვეყნებშიც - საქმე გვაქვს საერთაშორისო ტერორიზმის ფაქტთან“ - შს მინისტრი ჩატარებულ სპეცოპერაციაზე

person access_time2017-11-23 11:47:50
საქმე გვაქვს საერთაშორისო ტერორიზმის ფაქტთან, - ასე უპასუხა შინაგან საქმეთა მინისტრმა გიორგი გახარიამ კითხვას იმის შესახებ, საქართველოს გარდა, რომელ ქვეყნებში მიმდინარეობს გამოძიება გუშინ გამოვლენილ დანაშაულებრივ ჯგუფთან დაკავშირებით. „იყო ნათქვამი და ნათქვამია, რომ გამოძიება მიმდინარეობს სხვა ქვეყნებშიც - საქმე გვაქვს საერთაშორისო ტერორიზმის ფაქტთან. მიმდინარეობს გამოძიება და დაველოდოთ,- განაცხადა გახარიამ. რაც შეეხება იმას, შეგვიძლია თუ არა...


მსგავსი სიახლეები