ბორდოს შემდეგ, „საქართველო - ღვინის აკვანი“ რამდენიმე ქვეყანაში იმოგზაურებს

access_time2017-11-09 17:30:42

ბორდოში გამართული გამოფენის შემდეგ, საქართველოში ტურისტების ნაკადი გაიზრდება“ – ამის შესახებ ღვინის ეროვნული სააგენტოს თავმჯდომარის მრჩეველი დათო ტყემალაძე „კომერსანტთან“ საუბრისას აცხადებს.


საფრანგეთის ქალაქ ბორდოში, ღვინის ცივილიზაციის მსოფლიო ცენტრში (Cité des Civilisations Du Vin) გამოფენა „საქართველო - ღვინის აკვანი“ საზეიმოდ დაიხურა. გამოფენა სამი თვის განმავლობაში მიმდინარეობდა და საქართველო პირველი მიწვეული და ამასთანავე, მასპინძელი ქვეყანა იყო.


როგორც პრემიერ-მინისტრი გიორგი კვირიკაშვილი აცხადებდა, გამოფენის მთავარი მოლოდინი ის იყო, რომ მსოფლიოსთვის ქართული კულტურის, ღვინის და ქვეყნის პოტენციალი კარგად გაეცნოთ. სოფლის მეურნეობის მინისტრის ლევან დავითაშვილის განცხადებით კი, აღნიშნული გამოფენის მასპინძლობა დასტურია იმის, რომ საქართველო არის ღვინის სამშობლო.




დათო ტყემალაძის თქმით, სამი თვის განმავლობაში ექსპოზიციას 80 000-ზე მეტი ვიზიტორი ესტუმრა.


„ამ პერიოდის განმავლობაში რამდენიმე პროფესიული დეგუსტაცია ჩატარდა, რომელიც მოწვეულმა ღვინის მაგისტრებმა ჩაატარეს საქართველოდან, ამერიკიდან, ინგლისიდან. გაიმართა დოკუმენტური ფილმის ჩვენებები, კონცერტები, ლექციები, სემინარები. იყო სამეცნიერო შეხვედრაც - ქართველმა და უცხოელმა მეცნიერებმა პროექტის „ქართული ვაზის და ღვინის კულტურის კვლევა“ ფარგლებში ანგარიში წარმოადგინეს იმის დასტურად, რომ საქართველო ნამდვილად ღვინის სამშობლოა.  ფრანგული მხარის მიერ ინიცირებული იყო ქართული სუფრის პრეზენტაცია, რომელზეც 100 ბილეთი გაიყიდა. ქართული სუფრა, კულინარია, თამადა, სადღეგრეძელობი - ამ ყველაფერს საინტერესო ფორმა მიეცა და საკმაოდ დადებითი შეფასებები მოჰყვა. ღვინის გარდა, ცალკე აღტაცების საგანი იყო  ქართული კულინარიის ფენომენი, რომელსაც თეკუნა გაჩეჩილაძემ გაუწია ორგანიზება. საფრანგეთში ჩვენი ქვეყანა საკმაოდ კარგად წარმოვაჩინეთ“, - აღნიშნა ტყემალაძემ.





მისივე თქმით, გამოფენის შედეგად, ორ ქვეყანას შორის გარკვეული ბიზნესკონტაქტები დამყარდება და ასევე, ტურისტების ნაკადი მოიმატებს: „გახსნის დროსაც და მერეც იყო ბიზნესდაინტერესებები, თუმცა ჯერჯერობით კონკრეტულად ვერაფერს ვიტყვით. ამას უფრო მომავალში გავიგებთ და ამის შესახებ თავად სექტორი განაცხადებს. ეს გამოფენა უფრო მეტად არა ღვინის პოპულარიზაციისთვის, არამედ საქართველოს, როგორც ღვინის სამშობლოდ წარმოჩენას ემსახურებოდა. ასევე, ამის შედეგად, ცნობადობამ და ზოგადად ტურისტების რიცხვმა უნდა მოიმატოს.“


რაც შეეხება საფრანგეთში ქართული ღვინის რეალიზაციის საკითხს, დათო ტყემალაძის თქმით: „საფრანგეთში ქართული ღვინო ისედაც იყიდება, მაგრამ ძალიან მცირე რაოდენობით. ეს გამოფენა კი ამ მიმართულებას გარკვეულ სტიმულს მისცემს. პარიზში, ნიცაში, კანში ქართული ღვინოები იყიდება მხოლოდ სასტუმროებსა და რესტორნებში. ქსელში ფართოდ წარმოდგენილი არ არის. არის რამდენიმე საინტერესო წინადადება. ამ საკითხზე ვმუშაობთ და მომავალშიც გავაგრძელებთ.“





მისივე ინფორმაციით, ბორდოს „ღვინის ცივილიზაციის მსოფლიო ცენტრის“ შემდეგ, მსგავსი გამოფენები აშშ-ში, ჩინეთსა და იაპონიაშიც გაიმართება.  


„სოფლის მეურნეობის სამინისტროსა და ეროვნულ მუზეუმის ერთიანი პროექტი, რომ მსგავსი გამოფენები ჩატარდეს და ცნობადობის ამაღლება მოხდეს. ამ პროექტის შემსრულებელი ღვინის ეროვნული სააგენტოა. „საქართველო - ღვინის აკვანი“ მომავალ წლებში რამდენიმე ქვეყანაში იმოგზაურებს, სადაც ქართული ღვინის პრომოუშენი საჭიროა. პირველ რიგში, ეს იქნება ამერიკის შეერთებული შტატები, იაპონია და ჩინეთი“, - აღნიშნავს დათო ტყემალაძე.


ავტორი: თეონა კენჭიაშვილი




ნავენახევის მღვიმე პირველ ვიზიტორებს გაზაფხულზე მიიღებს (ფოტოები)

person access_time2018-01-22 19:50:56
ნავენახევის მღვიმე პირველ ვიზიტორებს გაზაფხულზე მიიღებს. დაცული ტერიტორიების სააგენტოს ინფორმაციით, მღვიმის ტერიტორიაზე აშენდა ვიზიტორთა ცენტრი, კაფეტერია და სუვენირების მაღაზია. ასევე, გამოიყო საგანმანათლებლო სივრცე, მოეწყო ტურისტული ბილიკი.   ნავენახევის მღვიმე...

ქარის და მზის ენერგიები, პროგნოზირებად მომავალში, ვერასოდეს გახდება ძირითადი ენერგიის წყარო

person access_time2018-01-22 17:30:19
 ქარის და მზის ენერგიები პროგნოზირებად მომავალში, ვერასოდეს გახდება ძირითადი ენერგიის წყარო, - საქართველოს ენერგეტიკისა და წყალმომარაგების ეროვნული კომისიის (სემეკი) ელექტროენერგეტიკული დეპარტამენტის დირექტორის მოადგილე, ზვიად გაჩეჩილაძე GBC-სთან  განახლებადი ენერგიების  პოტენციალს...

„ირანიდან გაზრდილი მოთხოვნის გამო, საექსპორტო ცხვრის ფასმა მოიმატა“

person access_time2018-01-22 16:30:07
ქართულ ცხვარს რეალიზაციის და ექსპორტზე გატანის პრობლემა აღარ აქვს. სექტორის წარმომადგენლები არანაკლებ სირთულეს   რუსეთიდან შემოსულ ცხვარში ხედავენ, რომელიც საქართველოში იკვლება და ირანში ქართული ხორცის სახელით გადის. როგორც „კომერსანტს“  „მეცხვარეთა ასოციაციის  თავმჯდომარე  ბექა გონაშვილმა განუცხადა, საქართველოდან გასული ცხვრის ქართული და რუსული ხორცი უნდა გაიმიჯნოს, რადგან ექსპორტიორი ქვეყანა შეცდომაში...

Wall Street-ის ანალიტიკოსი: ბიტკოინის ფასი 90%-ით გაუფასურდება

person access_time2018-01-22 20:30:51
Bleakley Advisory Group-ის საინვესტიციო ოფიცერი, პეტერ ბუკვარი კრიპტოსამყაროს მასიურ ვარდნას პროგნოზირებს. მისი განცხადებით, კრიპტოსამყარო მასიური საპნის ბუშტია, რომლის გასკდომის დროც ახლოვდება.   „როდესაც რაიმე ასეთი ტიპის პარაბოლას ემსგავსება, ის აუცილებლად უბრუნებდა იმ საწყისს, საიდანაც პარაბოლამ ზრდა დაიწყო,“ განაცხადა მან CNBC-სთან საუბრისას.   ბუკვარის ვარაუდით, არსებობს რეალური საფრთხე, რომ ბიტკოინის ღირებულება 90%-ით გაუფასურდება. „ნამდვილად არ...

EBRD-მა ნენსკრაჰესის დაფინანსებაზე გადაწყვეტილების მიღება გადაავადა

person access_time2018-01-22 15:00:04
ევროპის რეკონსტრუქციისა და განვითარების ბანკმა (EBRD) ნენსკრაჰესის დაფინანსებისთვის $214 მილიონის სესხის გამოყოფაზე საბოლოო გადაწყვეტილების მიღების თარიღი 2017 წლის 31 იანვრამდე გადაავადა.   EBRD-ის პრეზიდენტმა სუმა ჩაკრაბარტიმ ნენსკრაჰესის დაფინანსებაზე თანხმობა 2015 წლის 12 მაისს, თბილისში გამართული EBRD-ის ფორუმის ფარგლებში განაცხადა. მას შემდეგ ბანკი პროექტის გარემოზე ზეგავლენის ტექნიკურ დეტალებს სწავლობს. თავდაპირველი გეგმის მიხედვით, ჰესს ელექტროენერგიის...


მსგავსი სიახლეები