2018 წლის თებერვალში ბაზარზე ქართული წარმოების სიმინდის ზეთი გამოჩნდება

access_time2017-11-13 10:00:01

2018 წლის თებერვალში ბაზარზე ქართული წარმოების  სიმინდის ზეთი გამოჩნდება. შპს „კოლხას“ და საპარტნიორო ფონდის ერთობლივი პროექტის ფარგლებში წარმოებული ზეთი ბაზარზე „ქარვას“ სახელწოდებით გაიყიდება.


აღსანიშნავია, რომ კომპანია „ქარვა“ ქართული წარმოების ზეთის ბაზარზე გამოტანას ჯერ 2016 წლის შემოდგომიდან გეგმავდა,შემდეგ 2017 წლის ზამთრიდან, თუმცა ტექნიკური საკითხების გამო ახალი პროდუქტის გამოშვებამ დროში გადაიწია.


კომპანია „კოლხას“ დირექტორი გიორგი ბუკია „კომერსანტთან“ საუბრისას აცხადებს, რომ ამ დროისთვის უკვე დასრულებულია ქარხნის მშენებლობა, ჩამოტანილია მანქანა-დანადგარები. მისი თქმით, ამჟამად  მათი მონტაჟი მიმდინარეობს.


როგორც ბუკია აცხადებს, კომპანია სიმინდის ზეთის წარმოებას აპირებს როგორც ადგილობრივი ნედლეულით, ისე იმპორტირებულით. მისი განცხადებით, სიმინდის მიღება-ჩაბარებას კომპანია უახლოესი დღეებიდან დაიწყებს. ბუკიას ინფორმაციით, დღეს ადგილობრივი პროდუქცია ქარხნის წარმადობის მხოლოდ 30-40 პროცენტს დააკმაყოფილებს. დანარჩენის მიღებას კი რუსეთიდან ან უკრაინიდან გეგმავს.


ბუკიას განცხადებით, საწყის ეტაპზე კომპანია სიმინდის ზეთით ადგილობრივ ბაზარს მოამარაგებს, სამომავლოდ, დაგეგმილია მისი ევროპის ბაზარზე გატანაც. სრული წარმადობის შემთხვევაში კომპანია დღეში 2 ტონა ზეთის წარმოებას გეგმავს. ზეთი ქარვა ბაზარზე ნახევარ და ერთ ლიტრიანი შეფუთვით (მინის  ან პლასტმასის ბოთლებში) გაიყიდება.


ღირებულება დაახლოებით 1.5-2 მილიონ აშშ დოლარია.


ქარხანა სამეგრელოში, კონკრეტულად ხობში მდებარეობს. ამ ეტაპზე უცნობია, რა იქნება სიმინდის ზეთის სარეალიზაციო ფასი.


ავტორი: სოფო ქსოვრელი 




აფბა: გზების დეპარტამენტის თავმჯდომარემ რუსული კომპანიის დირექტორობა დეკლარაციაში დამალა

person access_time2018-02-21 19:41:41
აფბა აგრძელებს ინფრასტრუქტურისა და რეგიონული განვითარების სამინისტროს საქმიანობის კვლევას. როგორც „კომერსანტს“ „ახალგაზრდა ფინანსისტთა და ბიზნესმენთა ასოციაციიდან“ აცნობეს, ამ ეტაპზე აფბა-ს  შესწავლის საგანია საგზაო-ინფრასტრუქტურული პროექტების განხორციელებისა და საავტომობილო გზების დეპარტამენტის საქმიანობის სამართლებრივი და ეკონომიკური ასპექტები.   საზოგადოებას უკანასკნელი თვის განმავლობაში წარვუდგინეთ მსხვილ საგზაო პროექტებში არსებული...

WEF : საქართველოს 10 მთავარი რისკი

person access_time2018-02-21 17:11:27
მსოფლიო ეკონომიკურმა ფორუმმა 2018 წლის მსოფლიოს მთავარ რისკებზე კვლევა გამოაქვეყნა. მსოფლიოში მთავარ რისკებად ეკონომიკური მდგომარეობა, გარემოს დაცვითი საკითხები, კიბერუსაფრთხოება და გეოპოლიტიკური ვითარება სახელდება. მსოფლიოს სხვადასხვა ქვეყნებში არსებული რისკების შესაფასებლად WEF ექსპერტებთან და სახელმწიფო წარმომადგენლებთან ერთად მუშაობს.  კვლევისას რესპოდენტებს ის ძირითადი რისკები უნდა დაესახელებინათ, რომლებიც მომდევნო 10 წელში მათ ბიზნესგეგმებს ყველაზე...

ექვსი ახალი ინიციატივა ბიზნესისათვის - ფინანსთა მინისტრმა საგადასახადო ცვლილებები დაანონსა

person access_time2018-02-21 14:18:44
საგადასახადო კოდექსში ცვლილებების შესახებ კანონპროექტი მზადდება, რომელიც 6 ახალ ინიციატივას მოიცავს.   საქართველოს ფინანსთა მინისტრის მამუკა ბახტაძის განმარტებით, ახალი საგადასახადო ინიციატივის ფარგლებში, რომლის მიზანია მცირე ბიზნესის ხელშეწყობა, იცვლება დაბეგვრასთან დაკავშირებული რეგულაციები.   ეკონომიკური საქმიანობის განმახორციელებელი ორგანიზაციები, ფაქტობრივად, გათავისუფლდებიან მოგების გადასახადისგან.   უქმდება გრძელვადიანი...

პრივილეგირებული იმპორტი - ქათმის ხორცის მწარმოებლები საგადასახადო დისკრიმინაციაზე ჩივიან

person access_time2018-02-21 15:40:36
საქართველოში  ქათმის ხორცის წარმოება ბიზნესის ერთ-ერთი განვითარებული მიმართულებაა.  მიუხედავად ამისა, ჩვენს ქვეყანაში მსოფლიოს სხვადასხვა ქვეყნიდან, მაინც დიდი რაოდენობით შემოდის ქათმის ხორც-პროდუქტები, თუმცა ქართველი მომხმარებელი მაინც ადგილობრივ პროდუქტს ანიჭებს უპირატესობას. გარდა ამისა, ადგილობრივ მწარმოებლებს მაინც ექმნებათ პრობლემა ბიზნესის განვითარების და გაფართოების თვალსაზრისით. ამის ერთ-ერთ მიზეზად, წლების განმავლობაში სახელმწიფოს მიერ გატარებული რეფორმები...

„შესაცვლელია მთლიანად სასამართლო სისტემა და არა მოსამართლეები“ - ადვოკატის შეფასებები

person access_time2018-02-21 09:50:42
„კომერციული თვალსაზრისით და, არამხოლოდ, სასამართლო სისტემაში სამი ძირითადი პრობლემაა  მოსაგვარებელი. პირველი - ყველა ადმინისტრაციული დავა სასამართლოში არ უნდა მიდიოდეს. მეორე - სახელმწიფომ თავი უნდა დაანებოს კომერციულ დავებს  და წაახალისოს არბიტრაჟები თუ მედიაციები. მესამე - უნდა გაიზარდოს როგორც მოსამართლეთა რაოდენობა, ასევე მათი შრომითი ანაზღაურება. მსგავსი კომპლექსური მიდგომით შევძლეთ დღეს არსებული პრობლემების მოგვარებას“,-ასე შეაფასა სასამრთლო სისტემაში არსებული...


მსგავსი სიახლეები