„ტურისტებს ალტერნატიული ქვეყნის მოძიება გაუჭირდებათ“ - ქართული ტურისტული კომპანიები თურქეთში All Inclusive-ის შესაძლო გაუქმებაზე

access_time2017-11-07 10:20:02

თურქეთში All Inclusive სისტემის გაუქმების შემთხვევაში მეზობელ ქვეყანაში ქართველი ტურისტების რაოდენობა მნიშვნელოვნად შემცირდება. როგორც „კომერსანტთან“ საუბრისას ტურისტული კომპანიების წარმომადგენლები აცხადებენ, ასეთ შემთხვევაში ქართველი დამსვენებლები ევროპის რომელიმე ზღვისპირა ქვეყანას აირჩევენ. თუმცა მათივე თქმით, იმ ბიუჯეტით, რითაც ისინი თურქეთში ისვენებდნენ, ევროპაში ალტერნატიული ქვეყნის მოძიება გაუჭირდებათ. 


თურქეთში All Inclusive სისტემის გაუქმების ინიციატივა თურქეთის ვაჭრობისა და ხელოსნების კონფედერაციის ხელმძღვანელმა, ბენდევი პალანდოკენმა წამოაყენა. კონფედერაციის ექსპერტების გათვლებით, აღნიშნული ნაბიჯი ტურიზმისგან ქვეყნის შემოსავლების ზრდასა და ვაჭრობის ხელშეწყობას დაეხმარება. მათი თქმით, All Inclusive სისტემის ლიკვიდაციის შემთხვევაში, ტურისტები გამოვლენ სასტუმროებიდან და სხვა აქტივობებით დაკავდებიან: „ტურისტები, განსაკუთრებით კი რუსები და გერმანელები, თურქეთს მხოლოდ აეროპორტსა და სასტუმროს შორის არსებულ გზაზე ნახულობენ“.


„კომერსანტი“ დაინტერესდა, რამდენად მაღალია თურქეთში დამსვენებელი ქართველი ტურისტების მხრიდან All Inclusive სისტემაზე მოთხოვნა და გაუქმების შემთხვევაში, რომელ ალტერნატიულ ქვეყნებს შეარჩევენ.


როგორც ტურიზმის ეროვნული ადმინისტრაციის ყოფილი ხელმძღვანელი მაია სიდამონიძე აცხადებს, თურქეთში All Inclusive სისტემის გაუქმების შემთხვევაში, ქართველ ტურისტთა რაოდენობა შემცირდება.


 „თუკი მთლიანად აიკრძალება, რა თქმა უნდა, თურქეთში ქართველი ტურისტების რაოდენობა შემცირდება. ჩვენ მაინც დაბალმხარჯველ სეგმენტს წარმოვადგენთ, ეს სისტემა ასეთი ტიპის მომხმარებელზეა გათვლილი და ამიტომაც არის ქართველებში პოპულარული. თურქეთი ალბათ, იმიტომ აპირებს  All Inclusive სისტემის გაუქმებას, რომ მასიური ტურიზმი აღარ უნდათ და სტრატეგიას ცვლიან, რათა მომავალში უფრო ნიშური ტურიზმი განავითარონ. რაც შეეხება ჩანაცვლებას, სავიზო ლიბერალიზაციიდან გამომდინარე, ქართველ ტურისტებს ბევრი ალტერნატივა გაუჩნდებათ. თუ არა თურქეთი, ზამთარში ეს იქნება ეგვიპტე, რომელიც შედარებით იაფი ჯდება. ასევე, ზამთარში დუბაიში დასვენებაც შესაძლებელია. ზაფხულში კი საბერძნეთით  და სხვა ევროპული ქვეყნებით ჩანაცვლდება“, - აღნიშნავს სიდამონიძე.


ტურისტული კომპანია „ლაზიკა თრეველის“ წარმომადგენელის თქმით კი, ქართველ ტურისტს, რომელსაც დასვენება ბიუჯეტურად აქვს გათვლილი, ალტერნატიული ქვეყნის მოძებნა გაუჭირდება.



„თურქეთისა და ეგვიპტის მიმართულებით, ქართველი ტურისტების 99,9% All Inclusive სისტემას ირჩევს. განსაკუთრებით ზაფხულის სეზონზე. ის 1%, რომლებიც ამ სისტემის გარეშე მიდიან, არიან ადამიანები, რომლებიც საქმიანი ვიზიტით სტუმრობენ თურქეთს. გარდა ამისა, ანტალიის რეგიონი ისეთ ადგილას არის, თუ სასტუმროში არ იკვებე, დიდი შორი მანძილის გავლა გიწევს, რომ სასტუმროს გარეთ იკვებო. თურქეთი თუ აღნიშნულ სისტემას გააუქმებს, ჩანაცვლდება ეგვიპტით, მაგრამ არა ზაფხულში, რადგან ამ სეზონზე ეგვიპტეში ძალიან ცხელა. ზაფხულში ალბათ, უფრო ევროპის ქვეყნებს არჩევენ, საბერძნეთს, კვიპროსს. ზოგადად ბიუჯეტური ადამიანები, რომლებიც ტურებს ისე გეგმავენ, რომ გათვლილი აქვთ ყველა შესაძლო ხარჯი, მათ ცოტა გაუჭირდება ალტერნატიული ქვეყნის მოძებნა. თურქეთში ერთკვირიან საგზურს თუ აიღებდნენ, ამ შემთხვევაში ამ თანხით ევროპაში რამდენიმე დღე თუ დაისვენებენ“,  განუცხადეს „კომერსანტს“  „ლაზიკა თრეველში“.


ტურისტული კომპანია „ინტერკოს“ წარმომადგენელის განცხადებით, ბოლო წლებში თურქეთში დასვენების მსურველ ქართველ ტურისტთა რიცხვი ისედაც შემცირებულია.


„ქართველი დამსვენებლების 95% არჩევს All Inclusive სისტემით თურქეთში გამგზავრებას. ბოლო წლებში თურქეთის კურორტების მიმართ ქართველი ტურისტების მხრიდან მოთხოვნა შემცირებულია. ეს სისტემა თუ გაუქმდა, ამ შემთხვევაში მისი კონკურენტი ქვეყანა ეგვიპტე იქნება. თურქეთში დასვენებლის მსურველი ქართველი ტურისტების რაოდენობა 50%-ით ან უფრო მეტით შემცირდება. დღესდღეობით საქართველოდან ამ სისტემაზე მოთხოვნა დიდია. ისინი All Inclusive სისტემას არჩევენ იმიტომ, რომ წინასწარ აქვთ გათვლილი ხარჯები, რაც მოგზაურობაში დაეხარჯებათ. ამის გარეშე კი შეიძლება ბევრი გაუთვალისწინებელი ხარჯი ჰქონდეთ.“,  განაცხადეს „ინტერკოში“.


ქართველი საშუალოშემოსავლის მქონე დამსვენებლისთვის დღეისათვის თურქეთი All Inclusive სისტემის გამო მიმზიდველი რომ არის, ამას „ჯორჯიან თრეველშიც“ აცხადებენ. მათი თქმით, ქართველი ტურისტების 100% თურქეთში სწორედ ამ სისტემით ისვენებს: „თურქეთი  ბიუჯეტური დასვენების კუთხით  მოსახერხებელია. მათ შორის პასიური დასვენების მოყვარულთათვის, ვისაც სასტუმროდან გასვლა არ უნდათ. ეს არის ქვეყანა, რომელიც ყურადღებას იქცევს მაღალი კლასის სასტუმროებით და მაღალი დონის მომსახურებით. ეს სისტემა თუ აღარ ექნებათ, ქართველი ტურისტი ალბათ, უმეტეს შემთხვევაში სხვა ქვეყანას აარჩევს, იგივე ღირებულებით ევროპის ზღვის კურორტებზეც დაისვენებს.“


თურქეთში All Inclusive სისტემა გასული საუკუნის 90-იან წლებში გამოჩნდა და იგი განსაკუთრებით დიდი პოპულარობით რუს და გერმანელ ტურისტებს შორის სარგებლობს. ზოგადად კი All Inclusive სისტემა პირველად გასული საუკუნის 50-იან წლებში ფრანგული კომპანია Club Méditerranée-ეს სავაჭრო მარკის, Club Med-ის სერვისში გამოჩნდა. კომპანია ბელგიელმა ჟერარ ბლიცმა 1950 წელს დააარსა. Club Med დღეს 20,000-ზე მეტ თანამშრომელს აერთიანებს, კომპანიის შემოსავალი კი €1.4 მილიარდს შეადგენს.


მიჩნეულია, რომ All Inclusive სისტემა ყველაზე წარმატებულად კარიბის ზღვის აუზში მდებარე კუნძულებსა და კურორტებზე მოქმედებს. CNN-ის საუკეთესო სასტუმროების სიაში, რომლებიც All Inclusive სისტემას გვთავაზობენ, ძირითადად აღნიშნული რეგიონის ქვეყნები ფიგურირებენ, როგორებიცაა მექსიკა, ბარბადოსი, გრენადა, დომინიკელთა რესპუბლიკა, ბრიტანეთის ვირჯინის კუნძულები, იამაიკა, და სხვ. რაც შეეხება ფასებს, ორ ადამიანზე 3 ღამის გატარების საფასური საშუალოდ $2000-ზე მეტს შეადგენს.


ავტორი: თეონა კენჭიაშვილი

 

 

 

 

 




ქვეყნისთვის გარკვეული დამსახურების მქონე ადამიანების სოციალური დაცვა ქვეყნის ღირსების საქმეა

person access_time2018-01-17 10:30:05
დონატა პანჩენკო რამდენიმე წელიწადია თემქის ხანდაზმულთა პანსიონატში ცხოვრობს. ერთ დროს, მისი ცხოვრება რადიკალურად განსხვავებული იყო. ის ქართული ანიმაციის ერთ-ერთი პიონერია. “წუნა და წრუწუნას” ანიმატორი ახლა მოხუცთა თავშესაფარში ცხოვრობს და ამბობს, რომ სრულიად მარტოა. ​”რაზე უნდა ვიოცნებო? – ახალგაზრდა რომ ხარ, მაშინ ფიქრობ, სიყვარულზე, გათხოვებაზე და შვილზე. მე არავინ და არაფერი არ მაქვს, ჩემი თავის გარდა”, – ჰყვება დონატა...

თბილისის მერიაში, მოძრაობის განტვირთვის მიზნით სადისტრიბუციო მანქანების გადაადგილების შეზღუდვის საკითხზე იმსჯელეს

person access_time2018-01-17 09:00:00
თბილისის ვიცე-მერი ირაკლი ხმალაძე და მერის მოადგილე მაია ბითაძე სადისტრიბუციო კომპანიების წარმომადგენლებს შეხვდნენ. დედაქალაქის მერიის ცნობით, თბილისის მერიაში გამართულ შეხვედრაზე დედაქალაქში მოძრაობის განტვირთვის მიზნით სადისტრიბუციო მანქანების გადაადგილების შეზღუდვის საკითხზე იმსჯელეს. მაია ბითაძემ იმ ღონისძიებებზე ისაუბრა, რომელიც თბილისის მერიამ ქალაქში ტრანსპორტის სისტემის მოწესრიგებისა და საცობების შემცირების მიზნით უნდა განახორციელოს. მისი თქმით, მერია მზადაა, აქტიურად იმუშაოს...

„კრიპტოვალუტა ციფრული აქტივების ერთიანობაა“ - ქართული კომპანია კრიპტოვალუტაზე, რისკებსა და სამუშაო მექანიზმზე

person access_time2018-01-16 19:30:34
კრიპტოვალუტა ერთ-ერთი ყველაზე ხშირად გამოყენებადი სიტყვაა ფულით დაინტერესებული ადამიანებისთვის, განსაკუთრებით ბოლო თვეების მანძილზე. თემის აქტუალობამ კრიპტოექსპერტებისა და კონსულტანტების აუცილებლობა განაპირობა, ხოლო მაინინგი აქტიურად მოექცა საზოგადოების ინტერესის არეალში. ამ ყველაფრის პარალელურად, კრიპტოვალუტის გარშემო არის უამრავი კითხვა, რომელთაგან ხშირად დასმულ კითხვებს Bitforx-ის მარკეტინგისა და გაყიდვების დირექტორი, ნიკა ცოტნიაშვილი პასუხობს. — რა მექანიზმით...

ავტოიმპორტიორები VS „სიტროენ ჯორჯია“ - კომპანიები სარჩელის დაუშვებლად ცნობას ითხოვენ

person access_time2018-01-16 18:30:22
6  ბრენდული ავტომწარმოებლის ოფიციალური წარმომადგენლები საქართველოში კონკურენციის სააგენტოს განცხადებით მიმართავენ და „სიტროენ ჯორჯიას“ სარჩელის დაუშვებლად ცნობას თხოვენ. განცხადებას ხელს „ჰიუნდაი ავტო საქართველო“, ჯითი მოტორსი, „სტრადა მოტორსი“, „იბერია ავტო“, „კია მოტორს ჯორჯია“ და „ფრანს ავტო“ აწერს. როგორც განცხადებაშია აღნიშნული, „სიტროენ ჯორჯიას“ მიერ კონკურენციის სააგენტოში შეტანილი სარჩელი იმის შესახებ, რომ ტენდერებს მხოლოდ ხელისუფლების...

„საბანკო სექტორს კლიენტებთან მკაცრი მიდგომა აქვს, მთავრობა კი მას ხელს უწყობს“ - რატომ იზრდება გადახდისუუნარო მოსახლეობის რაოდენობა

person access_time2018-01-17 09:00:39
საქართველოში გადახდისუუნარო მოსახლეობის რაოდენობა ბოლო ორი თვის განმავლობაში მნიშვნელოვნად გაიზარდა. აღსრულების ეროვნული ბიუროს მონაცემებით, თუ 2017 წლის 20 ნოემბრისთვის აღსრულების ეროვნული ბიუროს, მოვალეთა რეესტრში 230 223-ს ჩანაწერი იყო, დღეს ეს მაჩვენებელი 234 958-ს შეადგენს. საქართველოს მოსახლეობის 6,3% რომ გადახდისუუნაროა, თსუ-ს ანალიზისა და პროგნოზირების ცენტრის დირექტორის ვახტანგ ჭარაიას შეფასებით იმაზე მიუთითებს, რომ მოსახლეობის ფინანსური...


მსგავსი სიახლეები