ბიზნესომბუდსმენმა ჯერ პატივი უნდა სცეს ქართულ კანონმდებლობას და მერე უნდა ეცადოს მის დაცვას

access_time2017-11-04 20:00:47

საქართველოში შვედური ბრენდის H&M-ის მაღაზიაზე გაკეთებულ ქართულენოვან წარწერას — „ჰ და მ“  საზოგადოებაში განსაკუთრებული აჟიოტაჟი მოჰყვა. ფაქტს facebook-ის საკუთარ გვერდზე გამოეხმაურა საქართველოს ბიზნესომბუდსმენის მოვალეობის შემსრულებელი ზურაბ ძნელაშვილი. 


„ამიტომ ვამბობდი, რომ სასაქონლო ნიშნების სახის და ფორმის შეცვლა დაუშვებელია! არ დამიჯერეთ და აი შედეგიც. იარეთ ახლა ჰ და მ-ში. გაიგეთ, რომ სასაქონლო ნიშანი არ არის წარწერა, რომელიც უნდა წაიკითხო და გაიგო, სასაქონლო ნიშანი არის გამოსახულება, რომელიც უნდა აღიქვა, დაიმახსოვრო და რომელიც უნდა ასოცირდებოდეს გარკვეულ ხარისხთან/სტანდარტთან', -  წერს ძნელაშვილი facbook-ის პირად გვერდზე.


არადა, რეკლამის შესახებ საქართველოს კანონის თანახმად, კომერციულ ობიექტებზე სახელმწიფო ენაზე წარწერა სავალდებულოა.  კანონი 1998 წლიდან მოქმედებს. კანონის თანახმად,  აბრაზე წარწერა, სურვილის შემთხვევაში, შეიძლება უცხოურ ენაზეც შესრულდეს, თუმცა იმ პირობით, რომ უცხოურენოვანი წარწერა ზომით არ უნდა აღემატებოდეს ქართულ ენაზე შესრულებულ წარწერას. ამავე კანონით, ორენოვანი მანათობელი წარწერის გამოყენების შემთხვევაში აუცილებელია, რომ ობიექტზე გაკეთებული ყველა წარწერა (ქართულიც და უცხოურიც) იყოს ერთნაირად განათებული და კითხვადი.


სარეკლამო აბრის განთავსების წესების დარღვევა ადმინისტრაციულ სამართალდარღვევად ითვლება. H&M-ის შემთხვევაში კანონი ზუსტად შესრულდა. 


H&M-ის მაღაზიაზე ქართულენოვანი წარწერის ფაქტს გამოეხმაურა ცნობილი ფოტოგრაფი გოგა ჩანადირიც. როგორც ის სოციალურ ქსელში ბრენდს ქართულენოვანი წარწერისთვის მადლობას უხდის. „კომერსანტი“ გოგა ჩანადირის პოსტს უცვლელად გთავაზობთ.


„დავიწყებ მადლობით - ცნობილი კომპანია „ჰ და მ“ (ლათინურად H&M) 30 ნოემბერს თბილისში მაღაზიას ხსნის. მან გარეფასადზე აბრები უკვე დაკიდა, რომელთაგან ერთ-ერთი ქართულია. მადლობას სწორედ ამის გამო ვუხდი.



დიახ, ამ საერთაშორისო (შვედეთიდან) ბრენდმა პატივი სცა სახელმწიფო ენასა და კანონს რეკლამის შესახებ. უკვე მეორე დღეა, ამ ამბავმა ქილიკი და უკმაყოფილებაც კი გამოიწვია.


აი, როდიდან გახდა ქართული დამწერლობა ან კანონის დაცვა დასაცინი?

ძალიან უხერხულია.

ახლა განვმარტავ: კანონი დაწესებულებებს სახელის თარგმნას არ ავალდებულებს. მაგალითად, თუ არის Head and Shoulders, მას გარეაბრაზე შეუძლია დააწეროს ქართული ასოებით ისე, როგორც იკითხება - „ჰედ ენდ შოლდერსი“ და არა როგორც იწერება „ჰეად ანდ შოულდერს“(ი), მაგრამ არავითარ შემთხვევაში, მხოლოდ ლათინური ასოებით არ უნდა დაიწეროს.


ბრენდის საკუთარი სახელის თარგმნას კანონი არ ითხოვს.


ცუდად ჟღერსო, კრიტიკოსები ამბობენ.


თუ ცუდად ჟღერს, ჩვენი ბრალია? ეს ხომ ჩვენი მოგონილი სიტყვები არ არის? ისე ვწერთ, როგორც წარმოითქმის. რაც შეეხება ჰდამ-H&M-ს - ეს შვედური კომპანიაა. სრული სახელია Hennes & Mauritz, რაც ნიშნავს ქალის და კაცის. შემოკლებით H&M კიდევ ერთხელ ვიტყვი, კანონი ბრენდს არ სთხოვს ქ და კ-ს, ანუ, სახელის გადმოქართულებულად დაწერას. ამიტომ, არც ეს შემთხვევაა საქილიკო.


დედანში H&M იკითხება როგორც ჰაუნდემი, ხოლო ინგლისურად წარმოსთქვამენ „ეიჩენდემი“-ს.


თუ მაინცდამაინც ისე უნდა დავწეროთ, როგორც წარმოითქმის, მაშინ ჰაუნდემი იქნება, რადგან მწარმოებლის სახელია. ხოლო თუ ქართულით მივყვებით, მაშინ ლოგიკურად, ჰოედამანი იქნება. აბრევიატურა საკუთარ ენაზე მორგებას იტანს, ისევე, როგორც ინგლისურმა „ეიჩენდემი“ მოირგო. რატომაც არა? დავუძახოთ „ჰოედამანი“.


და კიდევ, მსოფლიო პრაქტიკა აჩვენებს, რომ სადაც „ჰოედამანი“ შედის, მცირე ხნის შემდეგ მას უფრო ცნობილი ბრენდები მიჰყვებიან.
კიდევ ერთხელ დიდი მადლობა ამ ბრენდს სახელმწიფო ენის პატივისცემისთვის. ახლაც მიკვირს იმ ადამიანების, ვინც ამის გამო იქილიკა, დასცინა, გესლი გადმოანთხია და თან, კანონიც დაიწუნა“,  წერს გოგა ჩანადირი facebook-ის საკუთარ გვერდზე.


ფოტო  გოგა ჩანადირი


„კომერსანტი“




ქვეყნისთვის გარკვეული დამსახურების მქონე ადამიანების სოციალური დაცვა ქვეყნის ღირსების საქმეა

person access_time2018-01-17 10:30:05
დონატა პანჩენკო რამდენიმე წელიწადია თემქის ხანდაზმულთა პანსიონატში ცხოვრობს. ერთ დროს, მისი ცხოვრება რადიკალურად განსხვავებული იყო. ის ქართული ანიმაციის ერთ-ერთი პიონერია. “წუნა და წრუწუნას” ანიმატორი ახლა მოხუცთა თავშესაფარში ცხოვრობს და ამბობს, რომ სრულიად მარტოა. ​”რაზე უნდა ვიოცნებო? – ახალგაზრდა რომ ხარ, მაშინ ფიქრობ, სიყვარულზე, გათხოვებაზე და შვილზე. მე არავინ და არაფერი არ მაქვს, ჩემი თავის გარდა”, – ჰყვება დონატა...

თბილისის მერიაში, მოძრაობის განტვირთვის მიზნით სადისტრიბუციო მანქანების გადაადგილების შეზღუდვის საკითხზე იმსჯელეს

person access_time2018-01-17 09:00:00
თბილისის ვიცე-მერი ირაკლი ხმალაძე და მერის მოადგილე მაია ბითაძე სადისტრიბუციო კომპანიების წარმომადგენლებს შეხვდნენ. დედაქალაქის მერიის ცნობით, თბილისის მერიაში გამართულ შეხვედრაზე დედაქალაქში მოძრაობის განტვირთვის მიზნით სადისტრიბუციო მანქანების გადაადგილების შეზღუდვის საკითხზე იმსჯელეს. მაია ბითაძემ იმ ღონისძიებებზე ისაუბრა, რომელიც თბილისის მერიამ ქალაქში ტრანსპორტის სისტემის მოწესრიგებისა და საცობების შემცირების მიზნით უნდა განახორციელოს. მისი თქმით, მერია მზადაა, აქტიურად იმუშაოს...

„კრიპტოვალუტა ციფრული აქტივების ერთიანობაა“ - ქართული კომპანია კრიპტოვალუტაზე, რისკებსა და სამუშაო მექანიზმზე

person access_time2018-01-16 19:30:34
კრიპტოვალუტა ერთ-ერთი ყველაზე ხშირად გამოყენებადი სიტყვაა ფულით დაინტერესებული ადამიანებისთვის, განსაკუთრებით ბოლო თვეების მანძილზე. თემის აქტუალობამ კრიპტოექსპერტებისა და კონსულტანტების აუცილებლობა განაპირობა, ხოლო მაინინგი აქტიურად მოექცა საზოგადოების ინტერესის არეალში. ამ ყველაფრის პარალელურად, კრიპტოვალუტის გარშემო არის უამრავი კითხვა, რომელთაგან ხშირად დასმულ კითხვებს Bitforx-ის მარკეტინგისა და გაყიდვების დირექტორი, ნიკა ცოტნიაშვილი პასუხობს. — რა მექანიზმით...

ავტოიმპორტიორები VS „სიტროენ ჯორჯია“ - კომპანიები სარჩელის დაუშვებლად ცნობას ითხოვენ

person access_time2018-01-16 18:30:22
6  ბრენდული ავტომწარმოებლის ოფიციალური წარმომადგენლები საქართველოში კონკურენციის სააგენტოს განცხადებით მიმართავენ და „სიტროენ ჯორჯიას“ სარჩელის დაუშვებლად ცნობას თხოვენ. განცხადებას ხელს „ჰიუნდაი ავტო საქართველო“, ჯითი მოტორსი, „სტრადა მოტორსი“, „იბერია ავტო“, „კია მოტორს ჯორჯია“ და „ფრანს ავტო“ აწერს. როგორც განცხადებაშია აღნიშნული, „სიტროენ ჯორჯიას“ მიერ კონკურენციის სააგენტოში შეტანილი სარჩელი იმის შესახებ, რომ ტენდერებს მხოლოდ ხელისუფლების...

„საბანკო სექტორს კლიენტებთან მკაცრი მიდგომა აქვს, მთავრობა კი მას ხელს უწყობს“ - რატომ იზრდება გადახდისუუნარო მოსახლეობის რაოდენობა

person access_time2018-01-17 09:00:39
საქართველოში გადახდისუუნარო მოსახლეობის რაოდენობა ბოლო ორი თვის განმავლობაში მნიშვნელოვნად გაიზარდა. აღსრულების ეროვნული ბიუროს მონაცემებით, თუ 2017 წლის 20 ნოემბრისთვის აღსრულების ეროვნული ბიუროს, მოვალეთა რეესტრში 230 223-ს ჩანაწერი იყო, დღეს ეს მაჩვენებელი 234 958-ს შეადგენს. საქართველოს მოსახლეობის 6,3% რომ გადახდისუუნაროა, თსუ-ს ანალიზისა და პროგნოზირების ცენტრის დირექტორის ვახტანგ ჭარაიას შეფასებით იმაზე მიუთითებს, რომ მოსახლეობის ფინანსური...


მსგავსი სიახლეები